عند استفسار أرجو من الإخوان المساعده

[تواضع انسان]

عندي كاسكو أفريقي فيه بورويس يعني إذا جاء يطير يقلب ولا يطير عدل هل له علاج أو لا وشو تنصحوني اسويله أرجو الرد

[the_gostman]

اخي الفاضل ..

ارجو منك توضيح المشكله بالضبط.. وأتمنى ارفاق فيديو لتوضيح الحاله..

تقبل مروري
اخوك رمزي

[تواضع انسان]

أخوي قبل كذا عارض الفديو فاقالولي انه يلعب بس وديته محل طيور وشاف حالته قال فيه بورويس او بوعكايف إذا جاء يطير مايعرف يطير لان رقبته تلتف عليه قلت حق راعي المحل هل له علاج قالي ماله علاج بس قلت أسألكم أحسن أنتو اخبر شوف كيف يحرك رقبته ويضربه في القفص

http://youtu.be/fWAJ5hRe22g

[monybat]

اخي هل تقصد بوريوس اللي هو مرض بورقيبه ولا شنو قصدك
لان انا شايف الطير عادي
صورلي الطير بره القفص ياريت وان شاء الله خير
بالتوفيق

[عزوزالعبدالله]

ابوو صده او ابو رقبه هذا يصيب الطيور تلاحظ الطير يلف رقبته للخلف اكثر الاحيان او يجي اوقات تشوفه كانها تاخذ لفه كامله الرقبه
اذا كان هو اللي بطيرك فعلاً ماله علاج ولا تحطة عن طيور ثانية مرض معدي

[the_gostman]

والله يا غالي انا شايف ان الوضع طبيعي.. وواضح ما شالله طائرك متفاعل ويحب اللعب

وانشالله الخبراء اكثر مني يفيدوك
بالتوفيق

[the_gostman]

والله يا غالي انا شايف ان الوضع طبيعي.. وواضح ما شالله طائرك متفاعل ويحب اللعب

وانشالله الخبراء اكثر مني يفيدوك
بالتوفيق

[monybat]

لا لا لا هذا ليس مرض بو رقيبه
مرض بو رقيبه الطيور لا تستطيع التحكم في الرأس يعني الراس طايحه على طول ما تكون صلبه واغلب الطيور تموت خصوصا عند شرب الماء لماذا
لان يحط راسه داخل الصحن ومو عارف يرفعها بعدها ويختنق بالماي
ولكن طيرك في حركة فقط زياده ممكن عند تفاعله مع الاشخاص ولكن الطير سليييييييييم ولا تتعبث به
اذا طيرك في بورقيبه او النيوكسل ما يقف العصا تلقاه طايح تحت لعدم اتزانه
بالتوفيق

[haytham-]

اخي العزيز
هل يقوم طائرك بتحريك رقبته للخلف كثيرا ام فقط في بعض الاحيان ؟ وهل يحركها بشكل عنيف؟
هل يصاحب تحريك الرقبة رفرفة جناح قوية ؟
هل يصاحب هذه الاعراض تخبط للطائر ؟
هل يفقد طائرك توازنه وهو على المجثم في بعض الاحيان ؟
اذا اجتمعت كل هذه الاعراض فان الطائر يعاني من مشاكل في الفايتامينات او تسمم معادن
-تاكد من نظافة القفص بشكل يومي
-استبدل المشارب و الماكل المعدنية ((اذا وجدت )) باخرى من البلاستيك
-اضف الكالسيوم وفايتامينات للطائر في الماء وهذا امر ضروري جدا
-قم بتشميس الطائر بشكل مستمر
-اعطي الطائر الخضار وخصوصا البروكلي
-اذا كان القفص به صداء في اماكن معينة فالافضل تغيير القفص

مع العلم ان طائرك يبدو بصحة جيدة في الفيديو و الحمد لله
وشكرا

[ابو على2]

اخوي لو تقدر تحط فيديو للببغاء وهو يطير علشان اقدر افيدك
بالتوقيق

[نايف البرقاوي]

عندي مشاركه بس اتوقع مالها دخل بالموضوع :)

اذكر عيال خالي زمان كان عندهم حمام ، واذا جاه ام رقيب
يحمون مسمار بالنار ويكووونه مع راسه .
ويطيب الحمام ومكان الكي في منتصف الجمجمه من اعلى
يمكن يمكن تفيدك هالمعلومه ، ولاتسويها الا اذا انقطعت السبل
واذكر حديث الرسول صلى الله عليه وسلم في معناه ( اخر العلاج الكي)

[تواضع انسان]

اول شى السلام عليكم و كل عام أنتو بخير و ماقصرتو طال عمر كم هذا من طيبكم افدتوني و الطير الحمد الله يثبت نفسه بس في الطيران مايطير كويس أما كل شى سليم أكله شربه نومه

[monybat]

هذا اهم شي
لو تقدر تصوره لنا وهو يطير
لان ممكن يكون في اختلال بالتوازن اثناء الطيران بسبب الريش
اذا كان تالف او مقصوص خطأ
بالتوفيق

[شرارة]

موني بات اوافقك في كل كلامك واشوف رئيك هو الصحيح فيديو الطير في القفص جدا طبيعي ممكن يكون زي ماقال اخوي انه ريشه مكسر او مقصوص غلط او فيه كسر في احدا الجناحين وجبر غلط وشبب له عدم اتزان في الطيران وبخصو كسر الجناح انا كان عندي دره وانكسر جناحة وخليته بدون علاج وطاب من نفسه ولاكن بعد ماطال ريشه طلعته ولاحضة عنده حذفه على اليسار اضاهر يبيله وزن اذرعه هههه وكان طيرانه واتزانه غير طبيعي

[ابو على2]

اخوي لو الببغاء حقك فيه نفس هذا الحمامه يجب عليك ان تحمي مسمار من المكان الذي يطرق منه المسمار وتنتف كذا ريشه من تحت راس الببغاء من الخلف تحت الراس بقليل وتاتي بلمسمار وهو حامي تكويه بلمسمار وراء الراس وانشاء الله يطيب انا مجربها على كذا حمامه وببغاء دره وتم معالجتهم http://www.youtube.com/watch?v=L48UA0BOXuE وانشاء الله الاخوان يفيدونك اكثر
بالتوفيق