مشلكتي غر فرخ الكاسكو

[sa_1899]

السلام عليكم ورحمه الله وبركاته

اخواني كل عام وانتم بخير ومن العايدين ان شاء الله

امس اشتريت كاسكو فرخ بعمر 3 اشهر ينغر وياكل على كلام راعيه

والرجال ماقصر غره قدامي وكان متجاوب ومستسلم ومبسوط

لكن لما جيت البيت وبعد 8 ساعات حاولت اغره انا كان يرفض السيريلاك ولا يبغاه

وحاولت مره ومرتين وثلاثه بدون فايده

حطيت له تفاح قطع صغيره قلت لعل وعسى ولكن ما اكل مع الاسف وانا خايف على الفرخ

ياليت تنصحوني او تشورون عليه لا هنتو

تحياتي وتقديري

[أسيــــر]

وعليكم السلام ورحمة الله وبركاتة
وكل عام ونت بخير
اخوي ان شاء الله سيتقبله بس عندي سؤال هل تم تغغير نوع السريلاك لطير او نفس النوع الي كان يعطيه صاحبه
اذا تختلف شي طبيعي تغيير الطعم على الطير
وان كان نفس النوع فراح يتقبله وحاول انك ماتخلي الاكل ثقيل سائل يكون متماسك طبعن
وستدخم له الخلطة الخاصه للفروخ افضل من السريلاك
بتوفيق ان شاء الله

[sa_1899]

حياك الله اخوي
السيريلاك نفس اللي يستخدمه الرجال واخذته منه

وياليت تعطيني الخلطه حقت الفروخ عشان ابدلها بالسيريلاك

بالمناسبه اتوقع طريقه تخفيفي للبودره تختلف عن الرجال عشان كذا ماتقبلها لكن هل ممكن يتقبلها ؟

[أسيــــر]

راح يتقبلها بما ان الطير مزال عس(غر)بس انتبه تكون ثقيله
وبنسبه للانواع كثيره ولكن افضل
A19فيرسل لاقا
وتباع في محلات مستلزمات الطيور
بتوفيق ان شاء الله

[تشآرلي]

الطير خايف منك

بس يحتاج وقت وبياكل من يدك

انت لا تدخل عليه مفاجاه وتبي تاكله

يبي لك نص ساعه تجلس جنبه الين يهدا شوي

وبعدها تقرب منه ابرة الغر ... وان شاء الله بياكل

[the_gostman]

اتوقع لانه جديد واختلف عليه المكان.. تقرب منه وانشالله رح ياكل منك

بالتوفيق

[haytham-]

اخي العزيز
يوجد سيريلاك خصوصي للببغاوات واذا كنت تستخدم هذا السيريلاك فبالاغلب رفض الفرخ للاكل يكون بسبب تغيير انت قمت به ولم تنتبه .
في اغلب الاحيان يرفض الببغاء الاكل اذا كان بارد , يجب ان تقوم بتسخين ماء حتى يصل مرحلة الغليان ثم ضع السيريلاك في طبق واضف الماء بالتدريج حتى تشعر ان الخلطة اصبحت مناسبة ثم انتظر قليلا حتى تبرد لكن لا تبرد بحيث تصبح باردة (( درجة 115 فهرنهايت )) ولا يجب ان تكون حارة جدا لانها ستحرق حوصلة الفرخ , اذا لم يكن لديك ميزان حرارة ممكن ان تغسل يدك جيدا بالصابون ثم تضع اصبعك في الخلطة ويجب ان تكون حرارة الخلطة حارة قليلا على يدك لكن لا تحرقها , ثم اطعم الفرخ
لا تجبر الطائر على الاكل لانك لو اجبرته فان الامر سيسبب مشاكل خصوصا اذا كانت حرارة الخلطة منخفضة فحوصلة الفرخ لا تصرف الطعام البارد وقد يتعفن الطعام في الحوصلة
اسف على الاطالة
وشكرا

[the_gostman]

اخي الكريم..

بشكل عام يجب ان يكون الماء دافئ وليس حار.. دافئ

بالتوفيق
اخوك رمزي

[ابو على2]

وعليكم السلام ورحمة الله وبركاته
اخوي الببغاء خايف منك يجب عليك ان تقعد معه شوي علشان يبطل يخاف منك وانشاء الله يقبل الغر
بالتوفيق

[مجنون فلته]

حبيبي اجلس مع الطير بين كل 4ساعات اجلس معاه 10 دفايق وحط له صبعك
جنب منقاره عشان يحس انك مابتأذيه لاتطول بالقعده مع الطير وخله يرتاح لأنه فرخ والراحه مهمه جدا له

وبخصوص الأكل اذا اجى وقت الأكل اعطه اقل من الكميه المطلوبه 2مل

عشان وقت ماتجي تغره مره ثانيه تكون معدته خاويه وان شاء الله مع المحاوله راح ياكل بس اهم شي راحة الطير