ببغاء جديد :) اتمنى المشاركة :)

[Fahad.M]

السلام عليكم اخواني
كيف الحال ان شاء الله مبسوطين

ادري تعبتكم معاي بس ان شاء الله يجي اليوم واخدمكم فيه بأفضل مالدي
قبل امس اخوي جاب لي هديه ببغاء ونزلت له صور وعمره ماتجاوز السنه على كلامه وكلام بعض الاعضاء، كاسكو افريقي غير مدرب وبصراحه مليت منه ادري ماانفع له بس يبيله ترويض المهم كل ماقربت له قعد يصيح حتى وهو في القفص واذا رحت سكت ويناظر
المهم كلمت اخوي وقلت له اعطني اللي عندك (( ماصارت هديه )) ههههههههههه
وهذا يبيله تدريب ومن هالكلام ومايتكلم :)
المهم اخذت اللي عنده يصفر ويقول كلمتين بس عمره 3 سنين اذا مانسيت او 2 وشوي
اليف ماشاء الله جبته البيت وحطيته على الستاند
بصراحه حلو ماشاء الله ولون ثلجي رصاصي فاتح
وابي ارائكم ونصائحكم واذا في تعليقات على الصور
مع اخوي مايعض ولا شي ولما جبته قدرت امسح على راسه بس احس انه متخوف شوي ووده يعض !! وهل عضته قويه ؟؟

بصراحه شي واحد احس انه نحيف وكان ودي اتصل على اخوي بس استحيت اهداني بالبدايه ورجعت كلمته وقلت ماابيه واعطني اللي حقك وماودي اقوله نحيف واخاف يقول جيبه و الشرهه على اللي اهداك :))

اشكركم اخواني وعارف ماراح تقصرون والله يجزاكم الجنه يارب

http://im40.gulfup.com/jhJjl.jpg (http://www.gulfup.com/?Flo0HD)


http://im40.gulfup.com/gdyFk.jpg (http://www.gulfup.com/?6kvhim)

[أسيــــر]

وعليكم السلام ورحمة الله وبركاته
طبيعي اخوي الطير متعود على صاحبه 3سنوات وتغيير المكان تدريجيا راح يالف معك
ان كان فيه ظعف اعطيه كبسولات لدود لمدة يومين تظاف في الماء
معني اشوف الطير طبيعي بس للوقايه حطها
بتوفيق ان شاء الله

[Fahad.M]

وعليكم السلام ورحمة الله وبركاته
طبيعي اخوي الطير متعود على صاحبه 3سنوات وتغيير المكان تدريجيا راح يالف معك
ان كان فيه ظعف اعطيه كبسولات لدود لمدة يومين تظاف في الماء
معني اشوف الطير طبيعي بس للوقايه حطها
بتوفيق ان شاء الله

جزاك الله خير اخوي اشكرك على الرد،، صحيح كلامك متعود عليه وتوه جديد علي ..
اجنحته عند اخوي ماهي مثل اللي بالصوره هنا تحس انه رافعها !!

هل للكبسولات اسم معين تقدر تفيدني !!
الف شكر لك على التجاوب

[أسيــــر]

يوجد عدة انواع منها اقرب صيدليه بيطريه وودي الطير معك يشيك عليه الطبيب
في منها بودرة وفي قطره وفي الكبسولات

http://alfaris.net/up/88/alfaris_net_1376613156.jpg

[ابو على2]

وعليكم السلام ورحمة الله وبركاته
اخوي اهل البيت غريبين على الببغاء راح يتعود عليهم واحده واحده
اخوي اعطي للببغاء دواء الديدان
بالتوفيق

[Fahad.M]

وعليكم السلام ورحمة الله وبركاته
اخوي اهل البيت غريبين على الببغاء راح يتعود عليهم واحده واحده
اخوي اعطي للببغاء دواء الديدان
بالتوفيق

شكرا لك اخوي
عندي سؤال الببغاء مو راضي يطلع على اليد اولا مع انه علي الستاند
ثانيا مايسمح لي آلا بمسح راسه ؟؟؟ واذا جيت امسح راسه يثبت فمه على احد الصحون اللي على الستاد وانا اظل امسح ؟
ومن شوي طلعت له عشان يتشمس ماخليته يطول ورجعته بس ماقدرت ارجعه على الاستاد كل مااحط العصا يبعدها عندي واذا اعطيته اكل بيدي ياخذه
بصراحه حيرني

[Fahad.M]

حاولت اقرب يدي له بس يبي يعضها واحاول ابعدها عنه وارجعها على طول ولاحظت انه مايعظ بس يعلق علي يدي ويتحسس بلسانه بس اخاف العضه القوية تجي فجأة !!

[El merengue]

اخوي الطير لازم ياخذ وقت
خله كم يوم وبتلاحظ فرق بس طول بالك

[Fahad.M]

اخوي الطير لازم ياخذ وقت
خله كم يوم وبتلاحظ فرق بس طول بالك

مشكور اخوي على الرد

بالنسبة للمسح سهل والحمدلله عديت ولو اوقات تمسك معاه مايبي
وبالنسبة انه يطلع على اليد كل ماحطيت له يدي يفتح فمه ولايعض يتحسس الطعم وان مديت يدي مره وحده يصيح وينزل راسه ؟

عموما وانا جالس معاه اتكلم كثير والا اردد الكلمات اللي ابيه يقوله ؟؟
ياليت تعطوني امثله

[El merengue]

تكلم معاه شوي شوي
يعني بالبدايه خله ياخذ راحته لا تضايقه
لان هو بحالة تركيز واستكشاف وانت تجي تطلب منه اشياء مو فاضي لها فيبعدك بالعض
بالنسبه للكلام هالكم يوم ناده بإسمه ودلعه فقط
عامله كضيف لا تجبره على شي

بعد كم يوم ابدا معاه بالاوامر
وكل حركه قول معاها كلمه
الطلعه على اليد قول اطلع وكذا


انا شريت هولندي أليف
وأول ما جبته دمم لي إيدي مع أنه أليف لانه ما خذا على المكان
ولما تركته فتره صار يطيعني وتغير

[Fahad.M]

تكلم معاه شوي شوي
يعني بالبدايه خله ياخذ راحته لا تضايقه
لان هو بحالة تركيز واستكشاف وانت تجي تطلب منه اشياء مو فاضي لها فيبعدك بالعض
بالنسبه للكلام هالكم يوم ناده بإسمه ودلعه فقط
عامله كضيف لا تجبره على شي

بعد كم يوم ابدا معاه بالاوامر
وكل حركه قول معاها كلمه
الطلعه على اليد قول اطلع وكذا


انا شريت هولندي أليف
وأول ما جبته دمم لي إيدي مع أنه أليف لانه ما خذا على المكان
ولما تركته فتره صار يطيعني وتغير

الله يعطيك العافيه ع الرد
راح اخليه هالايام بس على الاكل والشرب وانوع بأكله .. بس يمدحون الفول السوداني وبصراحه مااعرفه ؟ اتذكر في البقالات المملح ؟ هو والا لا ؟ مع اني قريت بالموقع لاتعطيه شي فيه املاح ؟

وهل الاكل يعني وقت الفطور احط له المويه والاكل شوي وبعدها اشيله ونفس الطريقة الغدا والعشا طبعا وهو على الاستاند ؟ وبالنسبة للقفص متى احطه فيه والا مايحتاج ؟
وبالنسبة للنوم انا تقريبا نومي معكوس وباحاول هالايام اعدله .الببغاء يحتاج من 8 الى 12 ساعه للنوم بس اي صوت بيصحى ؟؟

ادري كثيرة الاسئله بس تحملوني :) والله يعطيكم العافيه

[نايف البرقاوي]

اخوي انتبه لاتعطيه اصبعك بالطول راح تحس بقوة العضة حتى لو بقفاز
لكن عطه بالعرض تصير اخف اسئل مجرب :)
وبعدين ترا حلاتها اذا عضك ههههههه << مريض عض

[عزوزالعبدالله]

الله يعين اخوك وهق نفسه هههههههههه
امزح فديتك
مبروك عليك الطير وحجمه عادي يالغالي
والطير جديد على المكان يبي وقت على ما ياخذ عليك وعلى المكان

ولا تبلشه كثير علشان ما ياخذ عنك فكره

اذا هو الليف لا تخاف ما راح يعض بس اذا بديت تقرب يدك وتبعدها بسرعه ترا الطير يعتقد انك تهاجمه بالطريقه ذي وبيخرب عليك

خلك قريب منه اكثر وقت ممكن وامسح على راسه وهو على صحن الاكل عادي بيتعود عليك

بس لا تبشله تنزله وتطلعه كثير لين ما ياخذ عليك الطير

وبالتوفيق

[Fahad.M]

الله يعين اخوك وهق نفسه هههههههههه
امزح فديتك

هههههه اليوم مر علينا اول ماشفته اقوله ياخي ماتكلم المهم انه ماعاد رد علي
مبروك عليك الطير وحجمه عادي يالغالي

الله يبارك فيك :)

والطير جديد على المكان يبي وقت على ما ياخذ عليك وعلى المكان

ولا تبلشه كثير علشان ما ياخذ عنك فكره

اذا هو الليف لا تخاف ما راح يعض بس اذا بديت تقرب يدك وتبعدها بسرعه ترا الطير يعتقد انك تهاجمه بالطريقه ذي وبيخرب عليك

هنا المشكله امسح علي راسه يوافق وفجأة يبي يعض والا يحرك راسه بسرعه هنا عاد اسحب يدي بسرعه وش الحل ؟؟؟ مع ان اخوي يطلع على يده وانا لا ؟؟

خلك قريب منه اكثر وقت ممكن وامسح على راسه وهو على صحن الاكل عادي بيتعود عليك

بس لا تبشله تنزله وتطلعه كثير لين ما ياخذ عليك الطير

لا حطيته على ستاند ومكان ثابت بصاله واسعه ووقت الاكل اخليه مااقعد عنده بس اكون حوله جالس على النت

وبالتوفيق

اشكرك اخوي على التجاوب والله يعطيك العافيه ويوفقك

[Fahad.M]

اخوي انتبه لاتعطيه اصبعك بالطول راح تحس بقوة العضة حتى لو بقفاز
لكن عطه بالعرض تصير اخف اسئل مجرب :)

ههههههه حلوه عطه بالعرض اللحين امسح على راسه وفجاة يحرك راسه بسرعه كانه ينفض نفسه هنا يدي ترتفع قبل مايسويها الظاهر يديني فيها حساسات :)
وبعدين ترا حلاتها اذا عضك ههههههه << مريض عض


اشكرك علي التفاعل معي ويعطيك العافيه :)

[Fahad.M]

اكثر شي يزعجني لما اجي عنده وابي امسح علي راسه اقوله راسك راسك اول ينزل راسه اللحين لا
واول مااجيه ينزل راسه بدون مااقول شي ويخليني امسح عليه وشوي يفرفش راسه وينفش ريشه ويبي يعض وقتها اسحب يدي ولو اني احاول مااسحبها ؟؟
واذا مسحت على راسه اقوله قود بوي واعطيه اكل واسويها مره ثانيه وماتمشي يعني علي كيفه ؟؟
واذا تركته وقعدت على النت مثل اليون بالصالة قعد يصفر ويقول اصوات ويرفع اجنحته كانه يبي يطير !!! رحت له وجيت ابي امسح راسه مارضى ؟؟؟
اي نصائح ؟؟ الله يعطيكم العافيه

[عزوزالعبدالله]

العفو اخوي

وانا قلت لك وبعيدها عليك لا تخاااااف اليف ما راح ياذيك

عطه اصبعك ماراح يعضك تحصله يتحسس بلسانه بس مرتين ثلاث بس وبيتعود عليك

[Fahad.M]

العفو اخوي

وانا قلت لك وبعيدها عليك لا تخاااااف اليف ما راح ياذيك

عطه اصبعك ماراح يعضك تحصله يتحسس بلسانه بس مرتين ثلاث بس وبيتعود عليك

اخوي عزوز شكرا على الرد وان شاء الله اي تطور راح افيدكم
الله يوفقك :)

[عزوزالعبدالله]

العفوا
الله يوفق الجميع يارب

[the_gostman]

ما شاء الله ببغاء جميل ربنا يبارك لك فيه..
الطائر انتقل الى مكان جديد وهذا سبب له خوف.. وانشالله مع الوقت رح يزول
اهتم بالتنويع الغذائي من بذور مشكله وفواكه وخضروات

بالتوفيق
اخوك رمزي

[Fahad.M]

ما شاء الله ببغاء جميل ربنا يبارك لك فيه..
الطائر انتقل الى مكان جديد وهذا سبب له خوف.. وانشالله مع الوقت رح يزول
اهتم بالتنويع الغذائي من بذور مشكله وفواكه وخضروات

بالتوفيق
اخوك رمزي

الله يبارك فيك اخوي ويخليك
ان شاء الله ويعطيك العافيه على النصيحه
وان شاء الله نفيدك بالمستقبل لما نصير خبره :)

[Fahad.M]

اشكركم اخواني على التفاعل
وجديد الببغاء
يرفرف باجنحته واوقات يصفر بصوت عالي
عاد ماادري متى ابد اعلمه على الكلام بس الاهم انه يطلع على اليد
وش رايكم ابدا فيه والا اخليها بعد اسبوع لين يولف اكثر ويتعود على البيت للعلم هذا يومه الثالث :)
وهنا صور جديده له :)
http://im36.gulfup.com/VQ3Un.jpg (http://www.gulfup.com/?H54cve)

http://im36.gulfup.com/c7pov.jpg (http://www.gulfup.com/?Lb6J6K)

[the_gostman]

اخي الكريم..

خليه اسبوع على الاقل حتى يتعود على المكان الجديد.. الان فقط اهتم فيه وقدم له البذور والماء بنفسك..
وعند تكون الثقه بينكم ابدأ بالترويض والتدريب..


بالتوفيق
اخوك رمزي

[Fahad.M]

اخي الكريم..

خليه اسبوع على الاقل حتى يتعود على المكان الجديد.. الان فقط اهتم فيه وقدم له البذور والماء بنفسك..
وعند تكون الثقه بينكم ابدأ بالترويض والتدريب..


بالتوفيق
اخوك رمزي

مشكور اخوي على الرد والله يعطيك العافيه يارب
حاليا هو ياكل من يدي ولما اقرب منه واقول راسك ينزل راسه ويخليني امسح عليه وبعدها اعطيه حب واوقات قول سوداني
ملاحظتي اليوم وانا عنده وبعد مامسحت علي راسه بدا يرفرف باجنحته ويتلفت وصفر اكثر من مره نفس النغمه وبعدها 3 تصفيرات مختلفه وفي كلام غير مفهوم ؟؟ حاولت بس ماقدرت افهم
لاني قاعد اسولف معاه ويرفرف اجنحته وقتها ويصفر اكثر من صوت وفي اصوات ماقدرت افهمها ؟؟
اذا عندك خبر تفيدني اكون شاكر لك والاخوان ان شاء الله مايقصرون
بس مشكلتي ابيه يطلع على يدي وكل مااحاول احط يدي عند رجوله تحس انه يمنعني !!
ملاحظه : اوقات وانا امسح على راسه عادي بنفس مكانه واوقات يمسك بمنقاره مكان الاكل او المويه اللي على الستاند !!
ياليت تفيدني !!
والف شكر لك