أشتريت بلوفرنتد .. وأملك كاسكو ؛ نصايحكم؟

[El merengue]

السلام عليكم ..

قبل قليل
أعرست على الكاسكو وجبت أمازون بلوفرنتد وأشوف الكاسكو يطالعني بنظره خبيثه ههههههه
البلوفرنتد مسكين وبالعكس فرحان بوجود الكاسكو ، لكن الكاسكو طبعاً أشتعلت عنده نار الغيره


نصايحكم ؛ بكيفية التعامل في مثل هذه الحالات؟

وبصراحه .. إرضاء الكاسكو غاية لا تُدرك :))
طول الوقت يبيني أكون عنده وهذا مستحيل

[آنآستــآزيآ]

.. أنصحــك بوضــع كــل طائــر بغرفــة منفــردة لأنــو الطيــور فعــلاً غيــورة لــدرجة كبيــرة أو التخلــص مــن أحدهــم ولكــن هــذا الخيــار أتــوقع أنــهـ صعــب بالنسبــة لكـ ! لذلــكـ ليــس أمــامكـ ســوى وضــع كــل طائــر بغرفــة منفــردة بحيــث لا يسمعــوا ولايــروا بعــض ..

.. آنآستــآزيآ ..

[El merengue]

صعب جداً أبيع الكاسكو ؛ الكاسكو حبيب الشعب
وهو مو عدائي تجاه الطير لأني مخلي بينهم مسافة ٣ متر

لكن تجاهي لأنه يشوفني أكلم وأوكل الطير الجديد من إيدي
فيبدأ بالإزعاج وضرب المشربيه والصياح لين أجي

الي أبيه تصفى النفوس وتنطفي نار الفتنه ويتوالفون ؛)

[the_gostman]

الافضل وضع كل منهم بغرفه...

خصوصا الامازون فهو يغار لدرجه كبيره...

يا ريتو مبرووووك واتمنى لك كل التوفيق

[نايف البرقاوي]

خلهم يتهاوشون لين يطيح اللي في روسهم ههههههه
امزح معاك :)

الله يبارك لك فيهم اخوي

[bader911]

انـــت جـــــرب تحطهـم بجنب بعـــــض ( القفص بجنب القفص )

وشف ردت فعلهـــــــم ؟

وعلــى حسب ردت فعلهــم تقدر تحكم :)

[El merengue]

الله يبارك فيكم يا غالين

ههههههه نايف البلوفرنتد فرخ صغير حيل ما يقدر على الكاسكو سوبر جامبو ..
والامازون ما يمديه يغار صغير بريء يدور الرعايه واللعب .

ما ودي والله أعزلهم ... ان شاء الله يحبه الكاسكو
عساس وقت التسبيح والتشميس كلهم مره وحده

[El merengue]

حجل الطير بنفسجي ..
تعودت ان الحجل يا فضي يا ذهبي ،
هل تجي حجول أصليه بهذا اللون؟

[bader911]

تجـي حجـــول اصليـه بهــذا اللون وغيــــره

وتقــــريباً طيــرك مـن انتــاج الارجنتيــــن

لانــه غالبـــاً هذا اللــون يجي بأنتـــاج الارجنتيــن ومــوب شرط يكــون عليه تـاريـــــــــخ

[El merengue]

بيض الله وجهك

[عزوزالعبدالله]

مبروك

والحل انك تجيب عليهم يلو ناب علشان يتأدبون كلهم ههههههه

اخوي عادي بيتعودون على بعض بس اهم شي العدل
بس اذا واحد منهم فيه عاده سيئه مثل الصراخ لا تخليهم جميع لان الثاني بياخذها بسرعه

واذا الكاسكو يتكلم احلا حاجه بيلقط منه الامزون بسرعه


انا مجربها سنه كامله سوا اخر شي بقفص واحد كلهم لين قدر الله على الكاسكو واهديته امي الغاليه الله يطول بعمرها

[ابو على2]

وعليكم السلام ورحمة الله وبركاته
اخوي الطير يحبك ومايبي طير غيره يحبك والافضل انك تحط كل واحد في غرفه او في نفس الغرفه بس مايشوفو بعض علشان يمكن كلهم يكرهوك
بالتوفيق

[El merengue]

الله يبارك فيكم ومقدر لكل شخص فادني بمعلومه
جزاكم الله خير الجزاء


صورة للطير وودي أسمع آرائكم بعمر الطير ،
أعتقد أنه ما تجاوز السنه

http://img842.imageshack.us/img842/613/xzws.jpg

[El merengue]

هذي صوره للعين في النهار وقريب من الدريشه يتشمس ..

http://img542.imageshack.us/img542/130/by19.jpg

[عزوزالعبدالله]

عمره اكثر من سنه بكم شهر

بس الاكيد ما تعدرى السنه والنصف
تقدر تتاكد من التاريخ على الحجل