ساعدوني بحل المسألة

[فادي عمري]

السلام عليكم

زي ما بتعرفو عندي بطتين ودجاجتين

عشان تفرقو بين الدجاجات الدجاجة السوداء والدجاجة البنية

وعند جيراننا ديك ودجاجة من نوع الدجاج البياض الي لونه ابيض

دجاجاتي من اسبوعين ما حطو ولا بيضة

وبطاتي قبل خمس ايام وضعو بيضة وفي اليوم التالي اكلوها :64: :64:

انا بقول انو الدجاجات ببيضو بس البطات بوكلو بيضات الدجاجات

بس اليوم شفت الدجاجة السوداء رايحة عند جيراننا الي عندهن الديك والدجاجة

انا لحقتها بس ضيعتها وبالاخير لقيتها قاعدة بين الاعشاب

ولقيتها قاعدة على 3 بيضات :wao: :wao:

انا تركتها ورحت افكر بالموضوع اذا كاين ديك جيراننا ملقحها وقاعدة على البيض بس استغربت انو البيض اكثر من حجم

بعد شوي ولا الدجاجة السوداء راجعة على البيت !!

مهي قاعدة على البيض كيف تركتهم؟؟

رجعت للمحل الي كانت قاعدة هناك ولاقيت 4 بيضات

سعيتها فهمت انو ما كانت راجنة بس كانت قاعدة على البيض عشان تبيض فوقهم

بس قلت اذا هاي دار جيراننا ممكن يكون في بيضة او بيضتين لجاجة جيراننا

انا لميت البيض والحمد لله انو عندي من اول بيضة للدجاجة السوداء البنية وطلعو بيضتين للدجاجة السوداء وبيضتان للجدادة البنية

بس ليش ما ببيضو الدجاجات عنا؟؟ في مشكلة ولا شو؟؟

وشكرا اتعبتكم معاي بالموضوع الطويل

[bird96]

هاي مشكلتك لأنه انت مسيبهم عالآخر والدجاج ما تفرق معه المهم لما يشوف تجمع بيض يعرف انه هون مكان آمن لوضع البيض فيبيض فوقه ..

الحل :

اغلاق كافة مخارج ومداخل حدود بيتك لكي لا يخرج لبيت جيرانك وساعتها رح تبيض عندك ورح تكون الك . :)

[فادي عمري]

شكرا كتير الك :) يعني اطلع الدجاجات ساعة بالنهار؟؟ انا بطلعهم من الساعة 11 للساعة 7 قبل شوي ضبيتهم ههههه

بس لما اجيت عشان اضبهم لاقيتهم بالقفص ومحضرات حالهم للنوم مش زي البطات كانو يتمشو هون وهون هههههههه :12: :12:

[bird96]

شوف انت لو تعمل شيك داخل بيتك يعني انهم يطلعو يلعبو ويتشمسو ولكن داخل بيتك لا يخرجو خارج اكيد فاهمني يعني .

وأفضل شخصيا فصل تربية البط عن الدجاج لتجنب العديد من المضار ..

[فادي عمري]

بخصوص الشبك اه فهمت وانا عم فكر اعمل هيك ;)

بس مضار :eek: ... مثل ماذا :confused:

[bird96]

المضار :

من تكسير البيض وأكل البيض من المناوشات والمضاربات من الأمراض المشتركه لأنهم دواجن .. :)

يعني الأفضل كل نوع لوحده لأن كل نوع له اسلوب حياة مختلف وسلوكيات تختلف وطريقة اكل وكمية اكل تختلف . :)

بالتوفيق عزيزي . :D

[رائد ملكاوي]

اخوي احبسهم كم يوم بقفص ساحته متر في متر في ارتفاع 80سم اطاره خشب وحط عليه شبك

واعمل عش في القفص حتى يتعودوا على المكان وبعده اتركهم يا قلبي

[فادي عمري]

شكرا الكو كتيير :88:

بس بهال ايام مش مستعد اعمل قفص بس ان شالله الايام جاي :freind:

عند دار خالتي في دجاج وبط ووز ودجاج رومي وفرعوني وديوك ومش صاير مشاكل ابدا :)

بس خلص عن قريب بعمل هيك :12:

[رامي سعد]

عند دار خالتي في دجاج وبط ووز ودجاج رومي وفرعوني وديوك ومش صاير مشاكل ابدا

بس خلص عن قريب بعمل هيك

بكونو متربيين مع بعض وهم صغار عشان هيك تعودوا علي بعض انا كان عندي بط وجاج وديكين 3وزات بس انا اشتريتهم بعمر شهر وتربوا مع بعض وماكانو يتعاركو بس كانت مساحة البيت كبيرة

[رائد ملكاوي]

الله يوفقك اخوي

لكن اذا بدك الانتاج وتفرح فيه

لازم تعمل قفص وتحبسهم فيهم شوي حتى يتعودوا انهم يبيضوا عندك

والحلو انه مش مكلف

[فادي عمري]

ان شاء الله :)

شكرا كتير