استفسار

[رامي سعد]

مسا الخير .الله يعطيكو العافية ;) انا اليوم قررت اشتري حبش وبدي منكم تساعدوني في عدة اسألة :
1_ هل بينفع احط الحبش مع الدجاج او مع البط لانو عندي دجاج وعندي بط وكل اشي في بيت
2_ كيف بدي اعرف انو الحبش بالغ لاني بدي اشتري انثي وذكر بالغين من الحبش الاسود وبني
3_كيف اميز جنسهم وكيف اعرف عمرهم عشان التجار عنا ماشاالله عليهم ازا الواحد ماكان بيعرف يشتري بيضحكو عليه انا ما بدي يضحكو علي
4_شو بياكل الحبش وكم بيضة ببيض وقديش فترة حضانة البيض
وهيك خلصت الاسئلة .................
عارف غلبتكو باسإلتي الكتير يارب تفيدوني عشان انا انشالله بكرة العصر بدي اروح علي محل بيع الطيور واشتري يعني يوم السبت العصر ولكم مني جزيل الشكر :)

[رامي سعد]

معقولة ماحد بيفهم بالحبش .......وين الردود؟؟؟

[رائد ملكاوي]

احسن شي انه تحط كل نوع حيوانات لحالهم، حتى يكونوا من نفس العمر

التمييز ببين الذكر والانثى يكون سهل، الذكر يكون حجمه اكبر وتلاقي مثل خصلة الشعر بصدره وذيله اكبر، وتلاقي زائدة طويلة فوق المنقار

فترة الحضانة حتى يفقس البيض من 23-28 يوم

البلوغ بعد عمر 6 شهور

والحبش بيوكل الحبوب والعلف والأعشاب والرز والخبز واي شي

[رامي سعد]

مشكور اخ رائد الله يزيك كل خير انا اليوم عملت بيت مساحتو 3متر وعرضو 2متر والارتفاع عالي يمكن 4متر منيح للحبش انتايتين وذكر انا الصبح اشتريت انثي وانشالله بنزل صورها عالقريب صاحب المحل حكالي انها بالغة وباضت عندو كيف اعرف انها بالغة ؟

[رائد ملكاوي]

تلاقي العظمتين اللي عند فتحة المجمع بعيدات عن بعض اكثر من الذكر بكثييييييييير

والمساحة ما شاء الله منيحة

الله يباركلك فيهم وتشوف انتاجاتهم

[رامي سعد]

تسلم اخ رائد الله يرضي عليك ويوفقك والله افدتني كتير انا فحصتها الانتاية طلعت بالغة متل ما حكا صاحبها وانشالله العصر او بكرة بدي اجيب كمان انتاية ودكر

[رائد ملكاوي]

الله يوفقك اخوي

وانسيت احكيلك انه عدد البيض بالسنة يتراوح بين 100-130 بيضة

يعني عدد كويس كثير

بس والله اذا بدك اياه للأكل يعني توكله بالبيت انا جربته مرتين مش طيب مثل الجاج

يعني الجاج ازكى بكثييييييييييييييييييييير

[رامي سعد]

لا اخ رائد انا بدي اياه اربيه عشان يفرخ عندي مش عشان اكلو تربايتو قريبة من ترباية البط تقريبا ماش ببيض 10 بيضات والانثي بتحضن البيض ولا انا غلطان

[رائد ملكاوي]

بالعادة اذا بدك اياه يبيض كثير لازم تسحب البيض من نحنه وما تخليه يحضن البيض وحطه بفقاسة

[رامي سعد]

طيب بالطريقة هادي يا اخ رائد بنسبب اجهاد وتعب للانتاية لما ارفع البيض من تحتها ولا عادي

[رائد ملكاوي]

عادي يا غالي ما في مشكلة

الفكرة الموجودة انه اجمع بيض باكبر كمية ممكنة يا غالي

اما اذا انت مش فارقة عندك

بتقدر تتركها على راحتها لكن ما راح تحصل على كمية بيض كبيرة

والله يوفقك يا غالي

[رائد ملكاوي]

عادي يا غالي ما في مشكلة

الفكرة الموجودة انه اجمع بيض باكبر كمية ممكنة يا غالي

اما اذا انت مش فارقة عندك

بتقدر تتركها على راحتها لكن ما راح تحصل على كمية بيض كبيرة

والله يوفقك يا غالي

[رامي سعد]

مش مشكلة بدي اخليها تبيض وترقد عبيضها لانو ماعندي فقاسة عشان اضع بيضها فيه لما اعمل فقاسة انشالله بسير ارفعو
مشكوور علي افادتك
الله يعطيك العافية