خبراتكم يا شباب

[كوكتيل120]

السﻻم عليكم ورحة الله وبركاته

انا عندي زوج كوكتيل سبق ان نزلت صور لهم في مواضيع ثانيه المهم رحت لمحلات الحيوانات ادور عش او الي يسمونه ميدان او سحاره المهم حصلت بس كان مش مرتب ومصنوع من خشب كبير و ضيق مساحته تقريبا الارتفاع 20 سم و طول 20 سم وعرض 15 سم ضيق المهم قررت اروح النجار و افصل واحد في يوم ثاني و قمت اليوم الصبح شفت انه جمعه طبعا قمت الساعه 7 قلت ليش ما اسوي واحد انا شغل يدوي و استمتع انا بشغل النجاره الحمدلله سويت واحد قبل الصﻻه ورحت صليت .

هذي الصور :

http://im32.gulfup.com/LstbQ.jpg (http://www.gulfup.com/?wePcUJ)
http://im32.gulfup.com/CJp4g.jpg (http://www.gulfup.com/?RtM9qW)
http://im32.gulfup.com/AUD1l.jpg (http://www.gulfup.com/?twOAQt)

المهم اريد اسال كم سوال

1/ هل هو كبير العش وﻻ مناسب ؟
2/ النشاره سويت نشاره شوي لاكن عادي احط سعف نخل يابس (مجفف) ومقطع قطع صغيره ؟
3/شو الالعاب الي احطها للطيور لان في موضوع من المواضيع واحد نصحني قالي حط لهم العاب ؟



ياريت تفيدونا من خبراتكم

[mood17]

سلام عليكم

مجهود ممتاز و عمل رائع ..

بخصوص مقاس العش المناسب هو 30*30 والارتفاع 25 جدا ممتاز للكروان ((راجع موضوعي ))

الصور لا توضح مقاس العش .. ولكن اتوقع ان المقاس جدا مناسب.

النشارة مهمة جدا للفروخ الصغيره وقت الفقص حتي لا تتباعد الاقدام ((يصاب بالكساح))..

بامكانك ان تحصل علي نشاره مجانا من عند النجار ..

اما بخصوص الالعاب فانها توضوع للكروان الوحيد اما الازواج فلا انصح بتعليق لعبه لهم حتي لا تشغلهم عن بعض و

عن الفروخ ..

لا تنسي وضح السيبيا ((عظم الحبار ))


تحياتي

[كوكتيل120]

مشكوووور يالغالي انا شليت المقاسات من موضوعك وسويتها بالضبط

[mood17]

مشكوووور يالغالي انا شليت المقاسات من موضوعك وسويتها بالضبط

العفو يا طيب

و ان شاء الله نشوف الانتاج في العش الجديد

تحياتي

[كوكتيل120]

اخواني انا شفت في كم صوره اعشاش فيها ثﻻث فتح للتهويه وقمت فتحت ثﻻث فتح هل فيها مشكله وﻻ ﻻ ؟
و الذكر قام يدخل العش بس اذا دخل العش ما يبا الانثى تدخل معه شو السبب ؟
و برع العش ياكلون عادي مع بعض ويوقفون مع بعض وكذا

[كوكتيل120]

ﻻحظة ان الذكر يدخل و يكسر الشاره صغبر صغير بس يوم تجي الانثى تقرب من مدخل العش يقوم يضربها ما يخليها تدخل ﻻكن برع العش ياكل معها مع بعض عادي
شو السبب يا شباب ؟

[كوكتيل120]

على فكره انا عادني ماحطيت نشاره كافيه حطيت شوي بكره بروح بشتري نشاره جاهزه نفس حق الهامستر وبحطها ؟ يمكن هذا السبب لانهم يتضاربون على النشاره الموجوده في العش وهي شوي

[حبيب الكوكتيل]

اخوي لاتحاتي الموضوع عادي
الذكر ما يخلي الانثى تدخل الا لما يرتب البيت
يعني يحط اثاث ويرتب البيت
لما بخلص ترتيب بتدخل هي
وهذي علامات الانتاج
الله يبارك في حلالك

[كوكتيل120]

مشكوووووور والله كنت اقول شكله مب زوج قص علي المحل
بس فرحتني والله الله يوفقك دنيا واخره

انا اشوفهم برع العش ياكلون مع بعض يوقفون جنب بعض وكذا فستغرب من هذا التصرف عند العش

وشكرن على التوضيح يالغالي