هل يتحمل الكروان الحر ؟؟

[ببغاء سعودي]

السلام عليكم

ودي احط كم زوج كروان في استراحة في الرياض
وعاد انتو عارفين كم الحرارة توصل الـ50 فعز الظهر

وش رايكم؟ هل بتتحمل الحرارة؟ وممكن تنتج ؟

المشكلة ما فيه مكان ثاني

[diiie_hard]

لا طبعا ما يتحمل الحرارة دي

[ببغاء سعودي]

يعني أبداً
حيموت ؟

[xKira]

لا لا راح تموت في اول ساعه تحطها في اجواء الرياض وخاصتن الظهر راح تنشوي وتتغدا فيها
انا حاطها داخل غرفه ومكيفة واذا طفيت المكيف الطيور شوي وتموت من شدة الحرارة مانصحك ابدا

[ببغاء سعودي]

المشكلة حتى لو ماتت ما تقدر تاكلها هههه

طيب درجة حرارة ثابتة 33-35 مناسبة ؟؟

[The male nurse]

هي درجة الحرارة المناسبة للكروان من ٢٧ الى ٣٠ درجة مؤوية

ما اعتقد راح تفرق لو زادت شوي ل ٣٣ او ٣٥

--
تحياتي

[abo_hazm]

انسى انه يعيش اذا حطيته بوسط الشمس

فالكروان بيئته لاتسمح له بذلك

من بداية عشر دقائق في اجواء الرياض ثم تموت لا محالة

انتبه اخي عليك الإنتباه جيداَ

واذا لم يكن عندك مكان مناسب فأتمنى ان تترك هذي الأرواح تحلق لوحدها بعيدا عن الأذى

لأن الكروان يجب اعطاء له بيئة مناسبة وخاصة وبعيدة عن الأذى وليس مثل طيور الحمام واليمام

فطيور الكروان وطيور الحب والبادجي والطيور من صنف الببغاوات لاتتحمل الشموس مطلقا

حتى لو كان الشمس خفيفاَ

افادك اخونا وحبيبنا the male nurse في درجة الحرارة المناسبة

بالتوفيق



بارك الله فيك

[ببغاء سعودي]

^
اكيد اخوي بس كان عندي فكرة اني احطهم باستراحة لكن دامها كذا بخليهم في البيت :)

[تووتـي0510]

انا عندي طير من انتاجي ماشاء الله تبارك الرحمن في هالوقت يتحمل لانه خفت الحراره شوي عن قبل ويطير ويروح على كيفه ويرجع وبالليل اخليه بالسلاكه لاكن لازم ارش لارض بماء عشان يبرد المكان ..


لاكن عندي موقف مع طير لوتينو بس طلعته العصر 10 دقايق او اقل تعب وبسرعه رجعته داخل
والصبح لقيته متشنج ساعه او ساعتين وبعدها مات

الحراره كثير تأذي الطيور وانا الطير الي من انتاجي الظهر ادخله داخل عندي

[نايف البرقاوي]

اخوي على حسب حرارة الغرفه ، وابعد الكروانات عن الشمس المباشره فهي لهم سلاح ذو حدين
يعني حطهم بغرفه الاستراحه وبعيد عن الشباك
واعتقد ان درجه حرارة الغرفه ماتتعدا 36