ارجو المساعده

[qasuk]

السلام عليكم
اخواني عندي ببغاء كاسكو فرخ هولندي ياكل من يدي والمسه عادي

لكن عجزت اخليه يطلع على يدي جرب الطرق وما نفع واذا جيت احط يدي عند رجله يروح لزاويه القفص

واذا طلعته من القفص ٢٤ ساعه يحاول يطير هو صغير ممكن عمره ٦ الى٧ شهور

تعبت معاه وانا احاول ادربه

[أسيــــر]

وعليكم السلام ورحمة الله وبركاته
حياك الله اخوي
جربت الاستاند ولا طلع معك
الطريقه الاخرى انك تبعد القفص عن الطير
ووضع الطير في زاويه اي لايستطيع الذهاب يمين ويسار
وحاول تطليعه على ايدك ومسك اصبع الارجل ان حاول النزول
وكرر الطريقه هذي معه وباذن الله يظبط معه
وتابع مواضيع الترويض في المنتىدى للاستفادة اكثر
موفق باذن الله

[qasuk]

يعطيك العافيه اخوي بس المشكله اذا طلعته يطير ويتغير يسير يبعد عني مو زي وهو بالقفص اليف

[أسيــــر]

ويعافيك يارب
لبد انك تقص جناحه لدى شخص محترف
ومعه تبديل الريش راح ينمو ثاني مرا ويكون الطير تدرب
طالما الطير جناحه كامل لن تتمكن من تدريبه
ومحتاج منك شوية صبر عليه شوي شوي ويتغير
موفق باذن الله

[qasuk]

اها طيب هو لسى عمره ٦ شهور ما ياثر عليه

وسوال ثاني فيه حركه غريبه يدخل راسه جوا الصحن ويطير الاكل برجله

واسف على الازعاج

[أسيــــر]

ميأثر عليه باذن الله
اهم شي توديه عند شخص محترف وخبير في القص
بنسبه للحركه هاذي طبيعه في الطير خفظ نسبة الاكل في المعلف
واخذ راحتك ياغالي في الاسئله جميعنا نستفيد من بعض

[شرارة]

قص جناحه احسن لك

انا عندي واحد صفق في الجدار وانكسر منقاره

بذات الفروخ الهولنديه مرجوجه في الطيران

جلس معاه فتره طويله اللين تعود ولحد الان اوقات يصدم في باب ولا يشطف الجدار

قصه وريح والطلوع على اليد سهل جدا بس انت قو قلبك شكلك تتردد وتخاف يعضك

الهولندي سهل جدا بس اهم شي يطلع اول مره ومع التكرار يتعود

تحياتي للجميع

[شرارة]

اذا دخل راسه في الصحن معناتها يبي يطلع من القفص

يحفر برجوله

الهولندي دلوع يبي يلعب دايم برا القفص

انت طلعه وخله يتعود بعد فتره تخف حركة الحفر

[qasuk]

يعطيكم العافيه ما قصرتوا

بس الكاسكو صغير عمره ٦ شهور ما يتاثر اذا قصيتهم؟

[the_gostman]

يعطيكم العافيه ما قصرتوا

بس الكاسكو صغير عمره 6 شهور ما يتاثر اذا قصيتهم؟


العمر مناسب للقص أخوي.. وانا عن نفسي قصيت جناح ببغائي الكاسكو وكان عمره 6 شهور خوفاً عليه من اي يحدث له مكروه..

اهم شي خذه لشخص خبير او طبيب بيطري عشان يقصه قصه احترافيه.

بالتوفيق
أخوك رمزي

[بلاك بيري]

لابد ان تقص الطير وتخليه على استاند وتدربه من هناك بيكون اسهل عليك ولا تخلي الطير من نفسه يجيلك لا روحله انت بنفسك وشيله من اصابعه مرة واثنين وثلاثه الين يصبح ميه بالميه اليف وان عضك عليك بالعسل


موفق

[qasuk]

وديته للبيطري وقال لي صغير تعال لي بعد شهر اقصه لك وش رايكم؟

[أسيــــر]

طالما الطبيب شاف الطير وعطاك نصيحته
اتبعها يمكن لاحظ شي على الطير او عمره اصغر مما ذكرة
يريت ترفق صور واضحه لطير