المساعد الشخصي الرقمي

مشاهدة النسخة كاملة : بخصوص تبديل ريش الكاسكو

El merengue
30-09-2013, 06:23 PM
مرحبا شباب

أول مره يمر علي تبديل ريش وحاب أتأكد هل هو بالفعل تبديل ريش أم لا
الكاسكو عندي من ثلاث شهور وعمره سنه وشهرين
واخر 4 أيام لاحظت بفمه ريشه ولكنها كامله وليست منتوفه
الببغاء نفسيته عال العال وإهتمامي به كبير جداً يعني مو نفسيه ونتف

ايضاً امس حصلت ريشتين حجمهم وسط وأربع ريشات صغار بأسفل القفص
طبعا الريش الرمادي وليس القطني الذي يسقط بإستمرار

والريشات بكامل حجمهم وكأنها سقطت من نفسها
هل هذا وقت تبديل ريش؟ ومتى وقته بالعاده

بادرت لثالث يوم بالفيتامينات لاني احس تبديل ريش
أسيــــر
30-09-2013, 08:44 PM
حياك الله اخوي
باذن الله تبديل ريش طبيعي
اذا امكن ترفق صور لطير
El merengue
30-09-2013, 09:28 PM
إن شاء الله بأقرب فرصه بنزل صوره للطير وصوره للريش اذا سقط
ولكن لحين وضع الصور

هذي أسألتي
هل في فتره معينه للتبديل؟
هل التبديل معناه أن الطير يسقط كل ريشه حتى يصبح بلا ريش ثم يظهر؟
ام ان التبديل لا يلاحظ ؟ ويكون الطير مُكتسي بالريش ؟

يا ليت شرح ووصف لشكل الطير اثناء التبديل
أسيــــر
30-09-2013, 09:34 PM
هل في فتره معينه للتبديل؟
التبديل يكون معه دخول الشتاء والعكس
والان موسم لتبديل الريش
يعتبرموسمي كل 6 اشهر
هل التبديل معناه أن الطير يسقط كل ريشه حتى يصبح بلا ريش ثم يظهر؟
ام ان التبديل لا يلاحظ ؟ ويكون الطير مُكتسي بالريش ؟
لا يغالي لايسقط كل ريشه
بعض الطيور تبديله يكون خفيف ولا يبان عليه التبديل فقط سقوط ريش عند نموه غيرها
وبعضها تبديله يكون قوي وتلاحظ تساقط ريش بكثافة لكن لاتصل الى مرحلة انه يبان جسمه بلاريش
شكله عادي وتتغير ملامح الطير بعد التبديل الى الاجمل
El merengue
30-09-2013, 09:36 PM
الله يجزاك عنا خير الجزاء
ورحم الله والديك
El merengue
16-10-2013, 10:58 PM
للرفع

_


طبعاً لا زال الريش يسقط لكن من نفسه والريشه تنزل كامله
ايضاً الزغب صاير اكثر من قبل .. يعني كثافه رهيبه
وبدا يبين في صدر الطير الريش الابيض


صورة

http://img163.imageshack.us/img163/7362/oc3g.jpg


رأيكم
شرارة
17-10-2013, 01:34 AM
اخوي اهتم كثير كثير في نفسية الطير ولاعبه واطعمه من يدك وشيله وتنقل فيه في البيت

ولو قدرت تاخذه نزهه برا البيت حديقة او استراحه معاك يكون افضل

اللي عند طيرك تبديل ريش بس نوعية طريك مزاجيه صعبه واحياننا تقلب معاه نفسيه ونتف ريش وقت التبدبل

اهتم في تنويع الطعام والفتامينات واللعب وتغير الجو المستمر لطير

وان شاءالله يعدي هل مرحله بسلام شهرين وان شاءالله يتحسن



بتوفيق اخوي




تحياتي للجميع
El merengue
17-10-2013, 01:48 AM
يا تبديل يا نفسيه ؟! شلون جمعت الاثنين ؟

انا حاب اتأكد من التبديل ..
وبالعكس النفسيه مافيها شي
شرارة
17-10-2013, 03:49 AM
نعم في كثير حالات التبديل تتحول الا نفسيه لان الطير في هل مرحله يمر بتغير هرمواني ونفسي وهي مرحله نشابه مرحلة البلوغ عند البشر

انت عمرك شفت فرخ يبدل !؟ تبدل بعد اتمام السنه ويستمر طول عمره ومو شرط يبدل كل سنه

على كل حال انا مجرد ناصح لك فكلا الحالتين سوء تبديل او حاله نفسيه تحتاج العنايه والاهتمام الكثف في الطير من ناحية التسليه واللعب والعذاء وتغير نفسيته ب اللعب وتغير المكان وزي كذا


اذا اقنعتك اجابتي خذ بها او اتركها

اساس اجاباتي وردودي ع مواضيع الاخوان هو النصح لعامة المسلمين واريد الاجر من الله


واجوبتي كلها من خلال تجربه شخصيه او تجربه صديق او من خلال قرائتي

وبنوفيق للجميع


تحياتي
El merengue
17-10-2013, 02:49 PM
طويل العمر

التبديل مثل ماهو معروف متعب للطير يعني لابد تتغير نفسيته لكن مو بالشكل الي متخيله
وانا حديت من هالشي بنسبه كبيره حيل

اما النفسيه المصطلح الدارج الي تقصد فيه النتف مو موجوده بالطير هذا
عشان كذا قلت لك يا تبديل يا نتف ما تجي كلها مع بعض

وحاب اتطمن بس على عملية التبديل هل هي تمشي سليم
النتف غير موجود والطير عندي طول الوقت تحت الملاحظه


يعطيك العافيه ما قصرت على نصايحك
بس انا سألتك لان هذا الموضوع دقيق جدا والنتف حاجه مو سهله

التشميس والتسبيح والالعاب وتغيير المكان والجو والاغذيه الصحيه جميعها يحظى بها الطير
وتسلم على ردودك
El merengue
17-10-2013, 02:54 PM
قبل شوي لاحظت ذيل الطير .
في ريش أحمر جديد طالع لونه أحمر غاااامج عكس القديم الفاتح جداً
والاحظ عند اللعب مع الطير وحك الراس صار ملمس الراس مدبب ما عاد هو ناعم وأعتقد والله اعلم ايضاً ريش جديد