مشكلة مع قطي الرضيع!

[lorelored]

السلام عليكم ورحمة الله وبركاته
أنا عندي قطتين رضيعه تقريبا عمرهم إسبوع وضعاف جداً حصلناهم في الشارع أيتام!
واحد منهم يمصمص صباعي يعني أحسن من أخوه لأن أخوه معاه زكام وأنفه مسدود موقادر يتنفس ومايفكر يرضع أبداً غير بالقوة يعني معاه فقد شهيه وكمان عيونه موزي أخوه بعيونه لأنها بتنزل إفرازات وصايره مقفولة!
مسحتله عينه وفتحت شوي لكن طلعت لونها أحمر واليوم رجعت قفلت ثاني من كثر الإفرازات اللي تنزلها !!.
فما الحل في هذه الحالة؟؟ أرجوا مساعدتي وشكرا.

[فاتـــو]

اهلين ياقمر
جزاكي الله الف خير .
هم الحين لازم لهم رضاعه خاصه بالكيتين تلاقينها بمحلات الحيوان
او ممكن هالفكره تنفع معك مجربتها مع الارانب والقطط ونافعة معهم لين اخر يوم بالرضاعة
http://2zoo.com/vb/showthread.php?t=317859
وبتحطين بالرضاعه حليب دافي وخالي من اللاكتوز تلاقينه بالصيدليات
الحين بتظبطين لهم كرتونه وفيها منشفه وتحت المنشفه بتحطين قاروره مويه دافيه
هذي بديل عن جسم الام الدافي حتى مايفقدون درجة حرارتهم
اللي انفه مسدود نظفيه له ونظفي عيونهم وبعدين بتحطين بعيونهم الثنتين قطره بروزلين من اقرب صيدليه
واللي عينه حمرا بتحطين له بعد القطره مرهم سيبروسين او تراميسين
كلهم من الصيدليه البشريه
اهم شي التدفئه والارضاع كل 4 ساعات ومسح المؤخره بقطنه مبلله لتحفيز التبول بعد كل مره يرضعون فيها ..

[lorelored]

مشكورة أختي فاتو على الرد والمعلومات لكن عندي سؤال اللي هو كيف أعالج المزكم من الزكام خصوصاً إنه رضيع؟ وأنفه أنا بس مسحته خارجياً لكن داخلياً كيف أنظفه له؟ مرره ينزل سوائل ومسدود موقادر يتنفس غير بصعوبة أنا قلت يمكن مايشرب بسبب كذا بسبب إنه لما يشرب مايقدر يتنفس لا من أنفه لأنه مسدود ولا من فمه لأنه جالس يشرب منه فعشان كذا مايشرب صح؟ أرجوا الإجابة على أسئلتي ولكي فائق التقدير والدعاء من القلب إن شاء الله.

[فاتـــو]

تسلمين لي ياقمر

شوفي هو محتاج لمضاد حيوي بس صغير عليه حاليا

قطره بروزلين تنفع تنقطين منها في انفه وبتنفتح ان شاء الله

واضيفي القليل من العسل الطبيعي في الحليب بيساعدة على الشفاء

[lorelored]

إلحقوني عندي حالة طوارئ قطي على وشك الموت! أرجوكم ساعدوني ماأبغى أكسب إثم بسببه لأني أعترف إني كنت مقصره معاه بسبب الرضاعه لأنه مايرضع وخفت أرضعه بالقوة ويشرق ويموت! أرجوكم ساعدوني (لوأنقذتوا نفساً من دخول النار سينقذكم الخالق الرحيم من دخولها إن شاء الله وكما تدين تدان!!)

[BraveModz]

إلحقوني عندي حالة طوارئ قطي على وشك الموت! أرجوكم ساعدوني ماأبغى أكسب إثم بسببه لأني أعترف إني كنت مقصره معاه بسبب الرضاعه لأنه مايرضع وخفت أرضعه بالقوة ويشرق ويموت! أرجوكم ساعدوني (لوأنقذتوا نفساً من دخول النار سينقذكم الخالق الرحيم من دخولها إن شاء الله وكما تدين تدان!!)


والله ان حالتي مثلك

شاري قطه لي اسبوع واليوم مرضت والبيطري قال كلام مو زين عنها

وخايف اخذ اثمها

كملي جميلك ووديهم بيطري , لاني عارف الحاله اللي تمرين فيها ( سوء تصرف ) :(

[فاتـــو]

وش صار عليها طمنيني ياختي

انا متابعة معك طمنيني ..

[lorelored]

لها قد إيش وهي بس نايمة ماترضع أبداً وإلى الآن زي كذا كانت على الأقل تمشي أول ذحين ماتقوم من فراشها وأحس الجفاف فيها تعدا حدوده ورضعتها بالقوه وبعد 5 دقايق تقريباً رجعت الله يكرمكم كل الحليب اللي رضعتها ونزلت فضلات بس قليل مرره وسائله وصارت لمني أشربها ماتحس إني جالسه أشربها يعني ماتبلع نهائي! الله يستر والله إني خايفة على نفسي الله يخليكم ساعدوني!

[فاتـــو]

حاولي ترضعينها بالطريقه الصحيحه تكون معدوله وترفعين راسها على فوق

وجيبي لها محلول جفاف بيبي لايت من اقرب صيدليه وعطيها منه في الرضاعة او بالسرنجه

حتى ماتجف وتموت لاسمح الله

ودفيها كويس وشوفي كيف حرارتها ..

[بببي]

المشكله في هالعمر ماتقدرين تتحكمين وهو صغير كثيررررر

ماعليج الا تدفينه ولا ماعرف شقولج الله يعينج ويشفيه يارب

حطي قاروره دافيه بجنبه زي ماقالتلج فاتو

[lorelored]

مشكورين على الرد والله يجزاكم خير على كل حرف رديتولي فيه وساعدتوني فيه إن شاء الله راح أسوي كل اللي قلتولي عليه بس إحتمال أروح البيطري إذا مارحت ولا مالقيت علاج عنده لهذي الحالة لاقدر الله بسوي اللي علمتوني عليه والله يفتح عليكم مثل مافتحتوا قلبي!

[فاتـــو]

ماشي انا اعتقدت انك ماعندك القدره للذهاب للطبيب لذلك حاولت اعطيكي كل الحلول المؤقته

لكن فعلا محتاج لطبيب دوري على واحد متمرس ويخاف الله

موفقه ومايشوف شر

[بببي]

طلبي منه ان يعطيه جلكوز يعوضه عن الجفاف