محاولة لسرقة حمامي

[سعود السيف]

بسم الله الرحمن الحيم
السلام عليكم ورحمة الله وبركاته

عودنا واعود احمد لمنتدانا الاكثر من مرة وهذه المرة مع منتدى الحمام

انا لدي حمام من فترة طويلة جدا واحبهم لدرجة كبيرة

امس لقيت القفص حقهم في فتحة لا باس بها من جهة الشبك واحد الحمام مسروق وشكله ناوي يسرقهم كلهم وضامن ان ماحد يقدر يمسكه لان الحمام حاطهم في البر عند حلال اخوي كنت حاطهم في البيت وما رضوا اهلي فنقلتهم الى البر

ومافي احد عندهم واروح مرتين في اليوم عندهم الحين ابي حل عشان ماينسرقون كلهم
فكرت في اني اوصل القفص في الكهرباء بس ماعندي كهرباء هل البطارية حقت السيارة تنفع او لا

عالعموم عطوني حل لهالمشكلة قبل ما تروح علي كل حمامي

اقل شي ابيه يتعب عشان يقدر ياخذهم
انتظر ارائكم لكم كل الشكر ،،،

[ahmad sad]

وعليكم السلام ورحمة الله وبركاته

نورت المنتدى بعودتك

ندخل الموضوع

الكهرباء اكبر غلط لئنو لو حطيت

كهرباء في الشبك ممكن الحمام يطير

ويتمسك في الشبك ويموت من الكهرباء

وراح يروح كل حمامك في يوم واحد

افضل حل

غطي فتحت الشبك

والا جيب كلاب للحراسه وهذا افضل شي

تحياتي لك اخوي الغالي

[سعود السيف]

منور بوجودك يالغلا

بالنسبة للكلاب طبعا موجود كلب لكن صغير يعني جرو يعني مارح يسوي شي برضه يحتاج تدريب كل يوم وانا مالي اي خبرة في الكلاب

اما بالنسبة للكهرباء كيف بتموتهم وانا سمعت ان الحمام ما يتأثر بها وإلا كان ضرتهم وهم واقفين على اعمدة واسلاك الكهرباء
اشكر لك ردك اريد حلول اخرى ،،،

[ahmad sad]

اعمدة واسلاك الكهرباء

هذاء امر عادي ومافيه شي لئنو اجسامهم ماتوصل للارض

لكن قفص الحمام حديد والحديد يوصل كهرباء

وانت حر بس انا انصحك لاتحط كهرباء

ودرب الكلب للحراسه

[سعود السيف]

معلومات ما كنت اعرفها والله

وشكرا جزيلا اما بالنسبة للكلب بنسرقون حمامي على مايدرب ويكبر ويصير كلب حراسة ويقدر
يدافع عن المكان طيب يالغلا مافي حلول غير كذا اما بالنسبة للفتحه قفلتها خلاص
اتمنى تفيدني ،،،،

[ahmad sad]

العفو اخوي وهذا واجبنا

معلومات ثانيه

اشتري كلب جديد للحراسه واربطه في قفص الحمام

ولا تخليه يشوف احد غيرك وغير اخوك

عشان او شاف احد غريب يهجم عليه

ولك اجمل تحياتي

[سعود السيف]

بالنسبة لشراء الكلب مافي احد عندنا يبيع كلاب حراسة
ابدا هذا الحل ايضا مستحيل ،،،،

ادي اني تعبتك معي بس والله مدري وش اسوي لهالمشكلة

اسأل الل ان يكتب اجرك بما افدتني وقدمت لي معلومات ،،،،

[ahmad sad]

افا عليك اخووي وش تعبتني فيه

تعبك راحة مهمتنا خدمة وارضاء الجميع

طيب العامل حق اخوك عطه 50 ريال

وخليه يهتم في الحمام هذا افضل حل

امين وياك ي الغالي

وتحياتي لك

[رائد ملكاوي]

والله يا غالي بما انهم مش قريبين عليك صعب انك تحرسهم من الناس

يمكن تقدر تحميهم من الحيوانات لكن الناس لأ

[سعود السيف]

اصلا مافي عامل اخوي هو اللي يقوم بكل شي
وانا اهتم بس بالحمام ،،،،

[سعود السيف]

مافي حل تساعدوني فيه،،،

[رائد ملكاوي]

والله يا سعود السيف

الحرامي ما يخاف الا من وجود الناس وغير هيك البنوك بتنسرق يا غالي