بقعه على قطوتي

[TSUBAKI]

السلام عليكم و رحمة الله

امس لقيت بقعه حمراء على ظهر قطوتي ما ادري هي فطريات و الا
مع العلم اني من زمان ما حممتها اخر مره قبل تطعيمتها بثلاث ايام يعني قبل ثلاث اسابيع شي كذا يمكن تكون بقع دهنيه
حممتها الصبح اليوم و شمستها ثلث ساعه

هذا الشامبو اللي استخدمه لها
http://img.rakuten.com/PIC/4149556/0/1/250/4149556.jpg

http://i39.tinypic.com/15qdmie.jpg
http://i44.tinypic.com/2ngemjd.jpg

كم يبي لها تتعالج =.=

[فاتـــو]

اهلين ياقمر

ايوة فطريات

وان شاء الله ماراح تطول فتره العلاج

هذا الموضوع فيه كل اللي تحتاجينه وطريقه العلاج

http://www.2zoo.com/vb/showthread.php?t=278882

واي سؤال لاتترددين

..

[TSUBAKI]

طيب انا ارسلت اخوي للصيدليه يجيب لي مطهر بيتادين و بخاخ لامزيل قد استخدمته يومها صغيره و بسرعه طابت

فاتو يحتاج اعزلها عن الصغار احتياط

[TSUBAKI]

والله اكتشفت اني مجرمة يا رب سامحني ما اعرضهم للشمس مساكين عشان كذا مرضت مشكله دخل الشتا مقدر اروشها الا كل اسبوعين

[فاتـــو]

والله انتي احسن من غيرك

في ناس تشوف الفطريات بالقطوه وترميها بالشارع

والحمد لله انك اكتشفتي المشكله بدري وبتتعالج بسرعة باذن الله

ايوة اعزليها عن باقي القطط لكن اذا عيالها لسه ما انفطموا حاولي مايقربون من المكان المصاب بس لازم يرضعون

ما تشوف شر :)

[فاتـــو]

وبالنسبه للأستحمام مو ضروري تروشينها

لو الاصاابه في منطقة محدده تقدرين تغسلينها بشويه مويه وتجففينها على طول

ماراح ياخذ منك خمس دقايق والقطوة ماراح تبرد ..

[TSUBAKI]

لا الحمدالله مفطومين و عزلتها الحين ان شاء الله ما تطول

طيب كم مره احط لها البخاخ و البتادين في اليوم

[فاتـــو]

مرتين باليوم المطهر والمرهم والبخاخ

البخاخ غير ضروري لكن يسرع في العلاج

اهم شي الشمس والحالة النفسية الجيدة

[TSUBAKI]

ايي اشمسها كل يوم ربع ساعه و اغسل المنطقه بفافو
بس نفسيتها مسكينه احسها زعلانه

[فاتـــو]

معليش كل القطط تزعل من العلاج وتتضايق حاولي بقدر الامكان تكونين سريعة في اعطائها العلاج علشان ماتتعذب وتتضايق

وخلي احد يساعدك

ماتشوف شر :)

[TSUBAKI]

انا احطه بسرعه لها بس احس وجهها مدري كيف احسها ضايق صدرها و ماتاكل كل صحنها

[فاتـــو]

معليش هذه مرحله وبتعدي طبيعي يقل اكلها ولعبها بسبب العلاج لكن صدقيني بعدين بترتااااحون

جمدي قلبك وعطيها بالمواعيد هذا لمصلحتها وبتطيب بأقرب وقت

موفقة ياقمر :)

[TSUBAKI]

صدق طبيعي ما تاكل الدراي فود اللي حاطته لها ما تحرك ابد و اسلق لها دجاج و خضار و اعطيها تونه تاكل شووي مره والا ما تاكل
و اليوم دخلتها عند صغارها رحمتها قلت يمكن فاقدتهم و قرب منها واحد منهم بخت في وجهه مسكين و انحاش تتوقعين عارفه انها مريضه و ماتبيهم يقربون منها والا كذا بس معصبه

و شي ثاني مالع علاقه ابي مرهم او كريم يزيل اثار المخشات يدي صارت خريطة XD

[فاتـــو]

ههههههههههه

الله يعينك عليها

تقدرين تطهرين يدينك بمطهر بيتادين اللي هي تستخدمه والحروج بتلتئم في اسرع وقت

ولا تبعدين عنها ابنائها اوقات طويله حتى ماتفتقدهم او تنساهم

[TSUBAKI]

اهااا اجل بخليها تلعب معهم بس وقت النوم تنوم في الغرفه الثانيه

اليوم الحمد لله احسها تحسنت كلت و ركضت شوي

[TSUBAKI]

البقعه توسعت مدري ليه
اليوم سادس يوم من العلاج و قطعه من جلدها مدري قشور متراكمه طاحت وانا اغسلها
http://i42.tinypic.com/t6ug5d.jpg
<a href="http://tinypic.com?ref=t6ug5d" target="_blank"><img src="http://i42.tinypic.com/t6ug5d.jpg" border="0" alt="Image and video hosting by TinyPic"></a>

كذا صار شكلها مسكينه

[فاتـــو]

ايوه القشور معناته بدايه العلاج

لاتقلقين هذا طبيعي لان المنطقة المصابة اثناء العلاج تمر بكذا مرحلة حتى الشفاء

استمري على العلاج والتعريض للشمس بشكل يومي

واهم شي النفسية الجيدة

وان شاء الله بتطيب قريبا

موفقه ...

[TSUBAKI]

الحمدالله يعني موب شي خطير طيب كبرت و توسعت
و الشعر اللي سقط مع قطعة جلد وشي والا القشور تقشرت
و الحمدالله نفسيتها تحسنت و صارت تاكل اكثر و تلعب شوي اتوقع تقبلت انها تعبانة
ان شااء الله تطيب بسرعه

[فاتـــو]

ان شــاء الله :)

[TSUBAKI]

قطتي سائت حالتها و الحين مزكومه مرره و انفها مسدود و تنفسها صعب مدري وش اسوي و المحلات مسكره عشان العيد

[فاتـــو]

طيب شوفي كيف حرارتها قيسيها من الاذن

وهل عندها اسهال ؟؟

في انتظارك ..

[TSUBAKI]

لا مافيها سهال بروح اشوف حرارتها

[TSUBAKI]

حرارتها عاديه

[فاتـــو]

اجل جيبي لها من اقرب صيدلية مضاد حيوي ايموكس

وعطيني عمرها علشان الجرعة

وقدمي لها اكلات دافيه لحوم وخضار مسلوق وابعديها عن التيارات الباردة

[TSUBAKI]

عمرها سنه و سبع شهور
سكرت المكيف مع اني حاطته بس على المروحه عشان التهويه بس
و نضفت انفها احسها تنفست شوي بس اسمع صوت زي الشخير

[فاتـــو]

ايوه هذا الصوت غالبا لوجود البلغم في الجهاز التنفسي

بعد ماتجيبين الدوا والسرنجه

بتعطينها من جانب فمها 1ونص مل مرتين في اليوم لمدة خمس ايام

واستمري على علاج الفطريات عاادي

ماتشوف شر ..

[TSUBAKI]

مرره شكرا فاتو احسها خفت شوي و صارت تتنفس زين و بستمر على العلاج
بالنسبه للفطريات كيف اعرف انها بدت تطيب .. امس حكت نفسها و انجرحت شوي و قصيت اضافيرها

[فاتـــو]

علامه لبدايه العلاج : ظهور قشور سوداء على مكان الاصابه وبدايه نمو شعر صغير يمكن لمسه

استمري على العلاج والفطريات بتختفي قريبا ..

[TSUBAKI]

اهاا للحين ماطلعت قشور ان شاء الله تشفى بسرعه

[حلاتي بهبالي]

انا حلقت قطتي قبل يومين و عطيتها ابره ل علاج الفطريات ..

وما اروشها عشان البرد بس اجيب كوب واحط فيه شوي شامبو نيزورال وفافو ومويه وامسح ع جسم قطتي بالقطن او المندييل كذا احس انظف لهم .

وبالتحليق م تنتشر الفطريات وانظف لنا عشان م يطيح الشعر بالنسبه ل القطط ذوي الشعور الطويله

[TSUBAKI]

انا حلقت قطتي قبل يومين و عطيتها ابره ل علاج الفطريات ..

وما اروشها عشان البرد بس اجيب كوب واحط فيه شوي شامبو نيزورال وفافو ومويه وامسح ع جسم قطتي بالقطن او المندييل كذا احس انظف لهم .

وبالتحليق م تنتشر الفطريات وانظف لنا عشان م يطيح الشعر بالنسبه ل القطط ذوي الشعور الطويله

انا ماودي احلقها البقعه صغيره و ان شاء الله ما تتنشر
طيب اذا مسحتي المكان بقطنه فيها شامبو تغسلينه مره ثانيه بمويه و تجففينها والا

[فاتـــو]

ايوه لازم شطف المنطقة جيدا بالماء من اثار الشامبو ثم التجفيف الجيد حتى نمنع الرطوبة ..

والحلاقة موب لازمة ابد مادامت الاصابه غير متوزعة على مناطق بالجسم

[TSUBAKI]

اهااا انا اغسلها كل يومين بشامبو فافو و اجففها بالاستشوار

[فاتـــو]

لا يفضل بالسشوار لان صوته عالي على القطط اعلى من اللي نسمعه ويغير مزاجها

وفي قطط تخاف منه وتكره التجفيف

الفوطة تكفي

[TSUBAKI]

يوكي يخاف من الاستشوار بس هي تنبسط على الدفاء

فاتو قطوتي تحك مكان الفطريات و جرحت نفسها انا قاصه اضافيرها بس ثاني مره تجرح نفسها

[فاتـــو]

هذا كله طبيعي المنطقة تضطرها انها تحك



انت حاولي تمنعنيها وطهري الجرح اذا طلع منه دم

[TSUBAKI]

انا اذا كنت عندها امسكها و ما اخليها تحك و الهيها باي شي
بس اذا ماكنت فيه تحك
طب ممكن انه يأخر الشفاء اذا تجرحت

[فاتـــو]

لا ماله علاقه الجرح شي والفطريات شي ثاني

الله عينك عليها ..

[TSUBAKI]

فاتو قطوتي تلعق المرهم اذا حطيته لها عشان كذا ما طابت
وش اسوي لها

[فاتـــو]

حطي لها المرهم اول ماتنام حتى نضمن ان الجلد يمتصه قبل لا تلعقة

[TSUBAKI]

ايي حطيت لها قبل شوي و هي نايمه ما انتبهت ^__^

[TSUBAKI]

مر ثلاثين يوم على علاج سورا
الحمد الله بدت تطلع شعيرات خفيفه في المنطقه
لاحضت اليوم بقع لونها غامق عليها حاولت اغسلها الشامبو ما تروح

http://i42.tinypic.com/2qbhbwi.jpg
http://i44.tinypic.com/11jxcvl.jpg

و هذي الصورة قبل ثمان ايام بالضبط
http://i43.tinypic.com/11vtyxt.jpg

ما ادري وش قاعد يصير لها مع اني ملتزمة بالعلاج اشمسها يومياً ربع الى ثلث ساعه
و احط لها المطهر و المرهم و بعد ربع ساعه احط البخاخ
و اغسلها بفافو مره في اليوم و اجففها

[TSUBAKI]

http://i43.tinypic.com/243rs0o.jpg

حتى صلحت هذا الشيء عشان ما تلعق المرهم

[فاتـــو]

ماعليه في قطط يتقبل جسمها للعلاج بسرعه وفي قطط لا

زعتر عالجتها من الفطريات في شهرين كل ما اعالج منطقه تطلع في منطقة ثانيه

اصبري عليها والبقع البنيه هذي معناته في تحسن

الله يعينك والشفاء عن قريب ان شاء الله ..

[فاتـــو]

شوفي هذا الشي زين للأصابات الشديده وجروح العمليات

بس انه مايصلح لحالات الاصابه لوقت طويل بيتعب القطوه ويضايقها طول الوقت

مافي مشكله لو تلعقه اهم شي يمتصه الجلد لربع ساعة الاولى بعد وضع المستحضر

..

[TSUBAKI]

اهااا الحمد الله انا تو حكيتها بضفري و طلعت زي القشور خفيفة و صغيرة

انا احطه لها ساعه ساعه و نص و اشيله و هي تصير نست ان عليها مرهم و ما تلعقه على طول

[TSUBAKI]

فاتو في مرهم اسمه بانديرم حق اطفال يستخدم للحساسية و الطفح الجلد امي مصره اني احطه لها و تقول مافي احسن منه
استخدمته اختي على قطها البلدي و راحت الفطريات في اربع ايام بس هو دايم يلعب مع اخواني في الشمس و البقعه كانت صغيييره مره قد الإضفر تقريباً
عاد قلت لامي بسأل اول مابي اتعبث فيها المسكينه

[فاتـــو]

بصراحة لم اسمع من قبل انه صالح للقطط

الافضل استخدام المسموح والمجرب من قبل الاطباء البيطريين

وعلى فكره انواع الجلد تختلف من قط لاخر يعني ممكن يسبب لها حساسيه او تهيج بالجلد

"""

[سعودي تايم]

الظاهر‏ ‏فطريات

[TSUBAKI]

اهاا ما حطيته بس الحمدالله تحسنت طلع شعر و باقي منطقه وحده للحين ما طلع شعر

عندي مشكله ثانيه شعرها صاير يتساقط بكثره اذا شلتها يدي و ملابسي تتملى منها و صايره نحيفه مره
مع اني اشوف شهيتها كويسه و تاكل زين و اعطيها فايتامين

[فاتـــو]

حطي لها مع الاكل نقط زيت زيتون او زيت كبد الحوت

وامنعي عنها الاسماك حاليا ..

هل فيها اسهال او انتفاخ بالبطن وكيف رائحة فمها ؟؟

[TSUBAKI]

لا مافيها اسهال و رائحة فمها عاديه يعني مافي ريحه كريهه
حطيت لها زيت زيتون مع الدجاج المسلوق

[شاهستا]

اديلإا جرعه ديدان
بنداكس او فلوفرمال من الصيدليه البشسريه
وهاتى لها دراى فود رويال كانن هير & سكين
ومشطى شعرها مرتين ف اليوم
اى استفسار تانى اتمنى وضعه بموضوع مستقل
يغلق