قطوتي من تاريخ 8 اكتوبر ماكلت شي !!! ساعدوني ضروري

[MR.coOol]

عندي قطوه عمرها 4 شهور

وديتها العيادة بتاريخ 8 اكتوبر حق تطعيم وفحص

الحمدلله طلعت حرارتها طبيعيه واذنها نظيفة وتنفسها طبيعي ،،

ولكن بعد التطعيم رحت احط لها وجبه الغداء وماكلت قلت يمكن طبيعي ،،

وبعدين عند وجبه العشاء حطيت لها دجاج وماكلت وبعدين رحت نمت


وبعدين بتاريخ 9 اكتوبر

حطيت لها وجبه الغداء الحمدلله كلت وجلست تلعب قلت الحمدلله يمكن تحسنت وصارت تلعب شوي بس نشاطها كان اقل شوي،،،

وبعدين بالليل من رجعت البيت اهي كالعاده تستقبلني وتلحقني على شان احط لها الاكل ونفس الحاله ماكلت شي !!

وبتاريخ 10 اكتوبر حطيت لها الغداء وماكلت شي !! مع ان تلحقني تبي تاكل اول ماحط لها لاكل تسكت واطالع وبعدين تروح ،،

وبعدين بالليل حطيت لها دجاج مسلوق كلت شوي ينكن لقمه او لقمتين وبعد ساعه استفرغت الطعام ،،،


وبتاريخ 11 اكتوبر

حطيت لها وجبه الغذاء وماكلت شي

وبعدين استفرغت سائل لون ابيض على شفاف كمييه قليله

وبعدين بالليل كالعاده القطه تنطرني وتلحقني على شان تاكل

واول ماحط لها الطعام تشم الاكل وماتاكل !!!

مع انها احسها جعانه بس ماتقدر تاكل

وبعدين لعبتها وجلست تلعب قلت يمكن مع العب تجوع جلست يمكن ساعه العبها ومن جبت لها شوي دراي فود سكتت كانها مصدوومه !!

على فكره حطيت لها كل شي ومافي فايده

وحطيت الاكل الي تحبه بعد ماكلت

وحطيت لها شي الي يدمنون عليه القطط بعد مافي فايده

بس اهي الحين تلعب شوي بس نشاطها مو مثل قبل !!




المنشكله العيادات مسكره عندنا يوم الجمعه والسبت

ياريت تساعدوني بشكل مؤقت !!!



،،،

[سعودي تايم]

ممــكن عندها مشكله بالهضم او عسر بالهضم.
+
حاولي تودينها برا البيت بالحوش مثلا علشان يتغير عليها الجو. وتتحسن شوي.
وان شاء الله تتحمل وتستفيدين من نصيحتي

[Octopus]

وجود السائل الابيض الخارج منها دليل على حدوث تسمم

[فاتـــو]

اهلين اخي

الخمول وهذه الاعراض طبيعيه بعد التطعيمات واذا زادت عن المعتاد معناته الجرعة كانت زائدة عليها

شيك على حرارتها الحين وتنفسها وكيف رائحة فمها

وشوف كيف البراز اذا في اسهال او ماشابه

في انتظارك ..

[MR.coOol]

براز لونه اسود

فيها خمول

ولعبها ونشاطها اقل

[فاتـــو]

وديه للطبيب بكرا وخليه يكشف على الجهاز التنفسي واذا كان فيه مشكله بالمعده او الامعاء

البراز الاسود يعني في نزيف او اضطراب في الوظائف

وديه وان شاء الله خير

[MR.coOol]

وديتها اليوم للبيطري

عطاها دواء للمعده

وعطاها ابره مضاد

ولكن من رجعت البيت
استفرغت دواء المعده !!

اهو قالي يمكن ترجع ،،

وقالي اذا ماكلت لمده 24 ساعه ارجع اوديها بيركب عليها سيلان

[فاتـــو]

اجل عطها من اقرب صيدليه برمبران نقطتين قبل العلاج بربع ساعة يمنع الاستفراغ

[MR.coOol]

اجل عطها من اقرب صيدليه برمبران نقطتين قبل العلاج بربع ساعة يمنع الاستفراغ


وين احصله في صيدليه بشرية ؟

وممكن تعطيني الاسم بالانجليزي

وشكرا

[الاليفه]

ايوه اخي من الصيدلية البشريه

[فاتـــو]

هذا اسمه بالانجليزي

primperan

وهذي صورته

http://www.dohaup.com/up/2013-10-12/admin1513650571.jpg (http://www.dohaup.com/)

في منه ابر وشراب واقراص جيب الشراب ونقط بفمه نقطتين

من اي صيدليه بشريه بتحصله بأذن الله

مايشوف شر ..

[فاتـــو]

وش اسم الدواء اللي اعطاه للمعده ؟؟

[MR.coOol]

وش اسم الدواء اللي اعطاه للمعده ؟؟



مشكوره اختي فاتو

[فاتـــو]

بس ما قلت لي اخي وش اسم علاج اللي اعطاك اياه للمعدة ؟؟

[MR.coOol]

بس ما قلت لي اخي وش اسم علاج اللي اعطاك اياه للمعدة ؟؟

والله نسيت كان سائل

لو تذكرين لي الاسامي يمكن اتذكر ههه ،،

اليوم حطيت لها تونه لان سمعت التونه يفتح شهيه القطط

وحطيت لها نصف علبه على شان مايثقل عليها

واكلت الحمدلله وكان جوعااانه من تاكل ،،

واول ماخلصت القطه احسها اتعبت ومادري شفيها وتخدرت وفي نفس الوقت تبي تنام

اي على فكره صايره تشرب مووويه كثييير

،،،،،

مادري ليه احس راح تسترجع مره ثانيه لان بعد الاكل احسها تعبااانه

[فاتـــو]

هذا كله طبيعي من بعد التطعيمات

اهم شي تراقب البراز على طول ودرجة الحراره

ماتشوف شر

[MR.coOol]

هذا كله طبيعي من بعد التطعيمات

اهم شي تراقب البراز على طول ودرجة الحراره

ماتشوف شر

مشكوره اختي

اليوم تحسنت صارت تلعب وانشط وتاكل

وكل شوي تجوع !!! وتحن تبي اكل

ومن احط لها تاكل ربع العلبه وتشبع وعقب ساعتين او ساعة ترجع اجوع !!