كيف احصل على جوز كاسكو ..للخبراء

[عايش بذكراك]

السلام عليكم ورحمه الله ..

انا نفسي اجرب انتاج الكاسكو ..بس ماني عارف كيف اوصل للجوز:shy:
اذا لقيت منتج يكون غالي ,,:64:
واذا لقيت متوالفين يكونو كباااار مرررة فوق العشر سنوات وما انتجو قبل ..:mad:
اذا عندكم خلفية تكفوون فيدوني كيف اشتري جوز وكيف اوصلو
ايش تنصحوني بطريقة التجربة

منتضركم.....

[صـ الشوق ـادق]

أنا لو مكانك اروح سوق الطيور واتجه للمحلات واشتري اي اثنين متوحشات وكبار على 600 والا 700 واشرط عليه اني افحصهم dna قبل ..وتولفهم ..غير كذا الدعوه بتصير مكلفه وغاليه ونادر ما تلقى أحد بيبيع جوز منتج ... ولو مانجحت في توليفهم الخساره ماتكون جامده ...

[أسيــــر]

وعليكم السلام ورحمة الله وبركاته
الانتاج توفيق من الله سبحانه وتعالى
ممكن تشتري جوز منتج وبسبب تغير المكان
او عدم التعامل معهم بطريقه الصحيحه لاينتج لديك
وبعدين الجوز الي حصلته اعمارهم 10سنوات بالعكس مناسب ليس سئ
مزال شباب ومعه توفير الهدوء والغذا المناسب وكل مايتطلب
لامور الانتاج راح ينتج عندك بأذن الله
التركيب ممتاز وراح يوفر عليك كثيرمشكلته
نسبه كبيره من المتواجد في السوق ذكور نسبه ظئيله تحصل على انثى
لبد من التضحيات في البدايه حتى تحصل على ذكر وانثى
وخليك في الخيار الوسط ابحث عن جوز سبق وتم تحليله ومعه شهادات
بتوفيق ان شاء الله

[the_gostman]

الموضوع الصعب هو ان تحصل وتتأكد من انك حصلت على ذكر وانثى بالغين جاهزين للانتاج.
وبعد التأكد من ذلك يتوجب عليك تجهيز المكان المناسب وتوفير الهدوء والتغيه المناسب ووضعهم بقفص كبير مع عش مناسب.

اتوقع عمر 10 سنوات مناسب للانتاج
اتمنى لك التوفيق
اخوك رمزي

[شرارة]

افضل حل ما تفضل فيه اخوي صادق الشوق غيركذا راح يكون مكلف واحتمال الانتاج مو اكيد

افضل شي ماتخسر واجد وتجرب حضك

انا انعرض على اربع اجواز معهم شهادات وبسعر يتعبر رخيض

والله ما اختهم لانهم اكيد اللي ولفهم وطلع لهم الشهادات كان يبيهم للانتاج ولا انتجو عنده هذا شي اكيد

الجوز المتوالف والمتتج مثل الذهب راعيه مايفرط فيه ولا يبيعه ولو باعه راح يبيعه على احد يعرفه وبسعر مرتفع

انصحك ما تاخذ متوالف ولا معاه شهاده ولف انت بنفسك

واذا تعرف تميز الذكر من الانث او تعرف احد خبره ممكن تستعين فيه ومايحتاج تحليل

الموضوع كله توفيق من الله وفعل السبب والصبر

واذا تبي متوالف بشهادات تواصل معاي وادلك لاكن ما انصحك فيها وبشده

لان فيه مثل يقول لوفيه خيرماعافه الطير

لوها منتجه ما انباعة

والمشكله الكبيره فيه ناس انضحك عليهم وشرو باسعار غاليه جدا وهي غيرمنتجه

انتبه وانا اخوك اعتمد على نفسك وولف انت بنفسك اذا وفقك الله الحمدلله واذا لا الحمدلله محد استغلك وضحك عليك


بتوفيق

تحياتي للجميع

[نايف البرقاوي]

من رأيي تشرط على البائع الفحص dna
وبعدين اخوي ترا الكاسكو عمره الافتراضي ٧٠ سنه
يعني عشر سنوات يعتبر شباب .
واذا توفقت وانتجت انا من الناس اللي بشتري منك :)
<يشجع الانتاج الوطني
وبالنهايه
كل عام وانت بخير ، والله يوفقك

[عايش بذكراك]

وانتم بالف صحه وسلامه يارب ...والله كثير نصحوني اني انا ادور وافحص واوالف بنفسي

انا بشد العزم من الان واذا ربي وفقني ما راح اوقف الا اذا وصلت عندي عشر اجواز
بالنسبة للمكان الهادي ,,والله عندي مكان راح يونسهم بس خلهم يجوون

[the_gostman]

بالتوفيق انشالله..وانا دائما اشجع المربين على الانتاج المحلي
فلا يوجد هناك شئ مستحيل.

بالتوفيق
اخوك رمزي

[شرارة]

الله يوفقك اخوي الانتاج سهل اذا صبرت واخت با الاسباب هي مثل اي طيور داجنه

تنتج وتتكاثر اذا توفر لها الجو المناسب المستقر ركز ع الاستقارار يعني ما تغير المكان كل شوي ولا تدخل عليهم كثير خلهم يستقرون وراح ينتجو ما دامو ذكر وانث مهما طال الوقت


الله ييسر امرك اخوي وان شاءالله تبشرنا بأول انتاج عن قريب



تحياتي للجميع

[عايش بذكراك]

اللهم آمييين يارب شكرا لكم جميعااا ..