بعض الاستفسارات عن البلوفرونتد

[A.Alansari]

السلام عليكمورحمه الله وبركاته

اخواني انا اشتريت بلوفرونتد امس فرخ على كلام راعي المحل حول 8 الى 10 اشهر

انا حطيته على ستاند عندي في الغرفه وعندي كم استفسار الله لايهينكم

اول شي الطير يخاف مني هل في طريقة اقدر اخليه يتعود علي

انا اعطيه اكل بيدي ياكل عادي واذا ابي اخليه يركب علي يدي يحاول يشرد لين يصير مافي مفر يركب

لكن يقعد يرجف وهو على يدي وبحاول انه يطيري يحرك جناحه عشان يرجع مكانه لكن جاحه مقصوص فمايقدر

وهل في حل لمشكلة العض هو يعضني مرات طبعا عضته مو قويه لكن يحاول يعض

واخر استفسار هل ممكن اعرف عمر الطير او شلون الطريقة

ويعطيكم العافية

[أسيــــر]

وعليكم السلام ورحمة الله وبركاته
حياك الله اخوي ومبروك عليك الطير
مبدئين اترك الطير يرتاح كم يوم وياخذ على المكان وعليك
وتاكد من صحته وتغذيته وبعدها ابداء معه التدريب والترويض
هذا احدى المواضيع راح تفيدك
http://www.2zoo.com/vb/showthread.php?t=317285
بنسبه للعض ضع عسل على اصبعك ومجرد مايتذوقه تدريجيا راح يترك العض
معرفة عمر الطير اذا كان محجل راح تعرف من الرموز المسجله
وفيها سنة الانتاج لبعض مزارع الانتاج وتكون عين الببغاء دائمن غامغه في صغر سنه
بالاظافة الى شكل الطير الخارجي وملامح الوجه ارفق صور لطير وبأذن الله راح يبان

[A.Alansari]

شكرا اخوي على تجاوبك السريع

وانشالله بحاول معاه بالعسل

وارفقت لك الصور للطير

االولى بدون فلاش والباقي بالفلاش

http://up.q8bbm.com/bb/70098e5f5a8d954f1.jpg

http://up.q8bbm.com/bb/70090aa68c7413d42.jpg

http://up.q8bbm.com/bb/e07ed35109771b6b1.jpg

http://up.q8bbm.com/bb/e07ef2f6e8d3fe432.jpg

[أسيــــر]

ماشاء الله
مثل ماوضح لك البائع عمر الطير 8الى10 شهور
ان كان محجل رمز الحجل 13وهذا يدل على سنة الانتاج
وغيرها رموز تسلسليه
اهتم في تغذيته وعدم تعرضه لاي تيار هوائي
وسهل بأذن الله توالفه معك محتاج منك صبر
بتوفيق ان شاء الله

[شرارة]

ماشاءالله طيرجميل جداوصغير الخوف يروح بصبر ثم الصبر
وعندك شغلتين مهمه لكسب ثقة الطيروحبه لك الاوله الاطعام اليدوي

والثاني اللعب معاه وتسليته وجعل تصفيره معينه تكون رابط بينك وبيته وممكن كلمه يس الكلمه راح تكون صعبه عليه ينطقها في الوقت الحالي خل الكلام بعدين مصيره راح يتكلم اذا حبك ووثق فيك وراح منه الخوف منك

بتوفيق اخوي



تحياتي للجميع

[A.Alansari]

يعطيكم العافية اخواني ماقصرتو

الطير مشكلته خايف لحد الحين مني

اذا ابي اطلعه على يدي يحاول يشرد بأي طريقه وجربت معاه حركه العسل وماصار يعض استغربت سريع المفعول العسل

بس الحين ابي اشيل الخوف منه

اذا اي احد عنده افكار ياريت يفيدني

[أسيــــر]

ويعافيك اخوي
مثل ماوضحة لك لاتستعجل على الطير خوفه هذا في البداية
بعدها راح يكون من احسن مايكون واثناء محاولتك تدريبه
الطلوع على الايد اطفاء الاظائه ودرب الطير في نور هادئ
ثبته على ايدك ومسح عليه وكرر المحاولة
بتوفيق ان شاء الله

[the_gostman]

بسم الله ما شاء الله ببغاء جميل وعمره صغير أيضاً..

الببغاء جديد على المكان..وخصوصا البلوفرونتد أمازون يحتاج وقت حتى يتعود عليك ويوثق فيك..فالموضوع بإذن الله مسأله وقت لا أكثر..

اهتم فيه وقدم له ما طاب ولذ من الحبوب المشكله والفواكه والخضروات الطازجه وانشالله عن قريب رح يبتدي يحبك.


بالتوفيق
أخوك رمزي

[A.Alansari]

جزاكم الله خير على المعلومات القيمة والمفيدة

صحيح الطير جديد ولحد الحين يتردد لما بياخذ مني شي

امس جربت اشيله ورحت قعدت في ممر الغرفة عشان مايشوف الستاند وقعدت اسوي له حركه الدرج واقول له فوق عشان يركب من يد لين يد

لكن مشكلتي معاه الحين مو قادر امسح عليه مايخليني

امس احاول معاه يقعد يستهبل يحط رجله على يدي ههههه

وبعد فيه مشكله ثانيه انه يخاف ياكل او يستحي مادري بصراحه لانه مرات ينزل للأكل تحت ياخذ حبه ويرجع فوق لانه مكان الاكل في الاستاند من تحت

ومرات لما ياكل تحت ويشوفني مار قريب من الستاند يرجع فوق

ومسكين يظل جوعان واقعد اعطيه بيدي حبه حبه ولا اعطيه تفاح بيدي او كمثرى

[the_gostman]

جزاكم الله خير على المعلومات القيمة والمفيدة

صحيح الطير جديد ولحد الحين يتردد لما بياخذ مني شي

امس جربت اشيله ورحت قعدت في ممر الغرفة عشان مايشوف الستاند وقعدت اسوي له حركه الدرج واقول له فوق عشان يركب من يد لين يد

لكن مشكلتي معاه الحين مو قادر امسح عليه مايخليني

امس احاول معاه يقعد يستهبل يحط رجله على يدي ههههه

وبعد فيه مشكله ثانيه انه يخاف ياكل او يستحي مادري بصراحه لانه مرات ينزل للأكل تحت ياخذ حبه ويرجع فوق لانه مكان الاكل في الاستاند من تحت

ومرات لما ياكل تحت ويشوفني مار قريب من الستاند يرجع فوق

ومسكين يظل جوعان واقعد اعطيه بيدي حبه حبه ولا اعطيه تفاح بيدي او كمثرى

اخي الكريم كل ما تفضلت فيه لشئ طبيعي جداً بما ان الببغاء جديد على البيت وعلى صاحبه الجديد..

فهو بحاجه الى وقت حتى يأكل بدون خجل او يرتقي يدك ويزول منه الخوف انشالله.

حاول كسب ثقته واطعامه من يدك

بالتوفيق

[A.Alansari]

واحب اضيف انه الطير اشوفه يحك جسمه كثير بالمنقار ومرات يسحب ريشات صغيره هل هاذي طبيعيه او انه الطير يحتاج تنظيف

لاني خايف اسبح الطير ويمرض خصوصا الجو عندنا الحين شوي بارد مع هوى وهل في بخاخ او اي شي ارشه على جسمه عشان تخف الحكه في جسمه

[the_gostman]

جميع انواع الببغاوات تحك منقارها وتصفف ريشها وهذه غريزه طبيعيه في الطيور..

التسبيح بدري عليه اصبر حتى الببغاء يعتاد عليك وعلى المكان الجديد وحتى يعتدل الجو..لكن ممتاز ان قمت بتشميس الطائر من خلف زجاج الشباك.


بالتوفيق
أخوك رمزي

[A.Alansari]

بارك الله فيك وفادتك لي

انشالله ماراح اسبحه هالفترة

هو صحيح تقريبا كأنه يرتب ريشة

لكن مرات اشوفه ينفض نفسه بطريقة غريبه كأنه في شي يضايقة

بس بصبر هالكم يوم وبشوف انشالله يتعود على المكان

والصبح قبل ماروح الشغل اخليه جنب الشباك واعطيه تفاحه ياكل منها لانه اخاف انه ماينزل ياكل لانه مو متعود على المكان

[the_gostman]

العفو أخوي..

بالنسبه لنفض الببغاء لجسمه وريشه هذا شئ طبيعي وهو من غايات تنظيف وتصفيف الريش.

التفاح قدم له قطعة صغيره بدون البذور الداخليه..والتشميس لا يكون طول اليوم يعني لو ربع ساعه في اليوم جيد.


بالتوفيق
أخوك رمزي

[A.Alansari]

الله يعطيك العافية

انا اعطية قطعه صغيرة بدون البذور لاني قريت من المواضيع في المنتدى انها سامه للطير

والتشميس هو مش جنب الشباك على طول يعني في مسافة والشمس مو مغطيه الاستاند كامل فقط مكان صغير من الستاند الي عليه اشعة الشمس عشان ياخذ راحته مكان مايبي يوقف في الشمس او الظل

[the_gostman]

الله يعطيك العافية

انا اعطية قطعه صغيرة بدون البذور لاني قريت من المواضيع في المنتدى انها سامه للطير

والتشميس هو مش جنب الشباك على طول يعني في مسافة والشمس مو مغطيه الاستاند كامل فقط مكان صغير من الستاند الي عليه اشعة الشمس عشان ياخذ راحته مكان مايبي يوقف في الشمس او الظل

ممتاز جداً :).. اتمنى لك دوام التوفيق

أخوك رمزي

[A.Alansari]

يوفقنا معاك يالغالي ولايحرمنا من توجيهاتك ومساعداتك وفي ميزان حسنات ان شاء الله

[the_gostman]

يوفقنا معاك يالغالي ولايحرمنا من توجيهاتك ومساعداتك وفي ميزان حسنات ان شاء الله

تسلم أخوي.. نحن بالخدمه في أي وقت انشالله.

كل التحيات
أخوك رمزي