استفسار من اجل تربية ببغاء كاسكو

[mohammad128]

مرحبا
اليوم جبت ببغاء كاسكو عين سوداء
شو لازم اعمل بالتفصيل الممل
مو مو مروض
و لا اليف ابدا
بدي ضل معكون يوم بيوم
انا بدي ياه بس ناديلو يجي لعندي
ممكن تساعدوني ؟
بضل معكون يوم بيوم .. بس علموني شو اعمل بالتفصيل الممل :)

[the_gostman]

اخي الكريم..

في بداية الامر علق الببغاء في غرفة المعيشه بين الاهل على ارتفاع متر ونصف..

وخلال فترة اسبوعين فقط قدم له الاكل والماء وتنظيف القفص بنفسك حتى يعتاد عليك وعلى المكان الجديد..بعد مضي أسبوعين بإمكانك ان تبدأ بالترويض..

حاول كسب ثقة الببغاء ومحاوله اطعامه من يدك..ومن ثم اخراجه من القفص ومحاوله المسح عليه بشكل تدريجي..وهناك موضوع لأخونا سكر يشرح فيه عن طريقة الترويض بالتخييم:-
http://www.2zoo.com/vb/showthread.php?t=321700

على كلامك ببغائك صغير في العمر وسهل ترويضه بإذن الله.

بالتوفيق
اخوك رمزي

[mohammad128]

الببغاء ونس جداً
و هلئ عم لاعبو ... و أمسح عليه
و كمان بياكل من ايدي .. و بينط على كتفي من مسافة قريبة
بس شو فيكون تنصحوني ؟
كلو عم يئلي انو الدنية برد و بكرا بيموت .. بدي نصائح فديتكم :(
و بيتي بارد انا :(

[نايف البرقاوي]

الببغاء ونس جداً
و هلئ عم لاعبو ... و أمسح عليه
و كمان بياكل من ايدي .. و بينط على كتفي من مسافة قريبة
بس شو فيكون تنصحوني ؟
كلو عم يئلي انو الدنية برد و بكرا بيموت .. بدي نصائح فديتكم :(
و بيتي بارد انا :(

غط القفص بببطانية الا الواجهه الامامية , ونوع في الاكل من فواكه وخضار وذره وهكذا .
بس الفواكه مره واحده لانها تسبب له اسهال . (وجبة وحدة بالاسبوع)
وعلق عظم حبار في القفص .
التنويع في الاكل يمدة بالفيتامينات الطبيعه ويغنيك عن الصناعيه .

وان شاء الله ماعليه الا العافيه

[mohammad128]

ممكن اعرف ليش غطي القفص ؟
و انا طعميتو تفاح اليوم .. ما عاد طعميه ؟
جايبلو ستاند انا .. شيلو من عنو ؟

[the_gostman]

تغطيه القفص عشان ما يجيه مرض او برد لا قدر الله..لأن الكاسكو بشكل عام مناعته ضعيفه..
غطي جميع نواحي القفص عدا الواجهه الاماميه.

بإمكانك اعطائه قطعة تفاح او اي نوع من الفواكه (عدا الأفوكادو لانها سامه بالنسبه له) كل 3 ايام..لان كثرة الفواكه تسبب إسهال.

الستاند جيد ما في مشاكل خليه عليه..ووقت النوم دخله على القفص.


بالتوفيق
أخوك رمزي

[mohammad128]

مافي خوف من اي شي تاني لا سمح الله ؟
في اي امر تاني لازم اعملو ؟
تئلت عليكون بعرف :(

[the_gostman]

لا اخوي نحن بالخدمه دائما.. هذا ما يجب عليك فعله فقط.


بالتوفيق
أخوك رمزي

[mohammad128]

لا اخوي نحن بالخدمه دائما.. هذا ما يجب عليك فعله فقط.


بالتوفيق
أخوك رمزي
الف شكر اخي رمزي
كسؤال تاني
كيف ممكن خليه مايطير من الستاند وما يطير؟
لأن كل شوي بيطير لمطرح و بيعملها الكبيرة وامي بتضربني هههه
بدي خليه يضل فوق الستاند ومايطير

[the_gostman]

الف شكر اخي رمزي
كسؤال تاني
كيف ممكن خليه مايطير من الستاند وما يطير؟
لأن كل شوي بيطير لمطرح و بيعملها الكبيرة وامي بتضربني هههه
بدي خليه يضل فوق الستاند ومايطير

طريقة التعويد على الستاند تأتي بالتدريج ويحتاج وقت حتى يعتاد عليه الببغاء..
على العموم حاول تأكل الببغاء من يدك وهو على الستاند..وهي مسألة وقت انشالله مو أكثر

بالتوفيق
أخوك رمزي

[mohammad128]

عم اكلو تمام
و هو تعود عليي كتير .. يعني لدرجة انو بس عم يطير من الستاند .. عم يطير على اي شي قريب .. لينطرني لفوت عالغرفة مشان يطير على كتفي
بس طار على امي مرتين و امي ارتعبت هههههههههههههه
اربطو بجنزير ؟ لما هالشي غلط ؟

[mohammad128]

و مشان خلطةالتوم و اليمون .. اعطيه منها للببغاء الفرخ هاد ؟ لما مافي داعي ؟
هو سليم و الحمد لله

[the_gostman]

عم اكلو تمام
و هو تعود عليي كتير .. يعني لدرجة انو بس عم يطير من الستاند .. عم يطير على اي شي قريب .. لينطرني لفوت عالغرفة مشان يطير على كتفي
بس طار على امي مرتين و امي ارتعبت هههههههههههههه
اربطو بجنزير ؟ لما هالشي غلط ؟

لا اخوي لا تربطه بجنزير لانه ممكن يؤذي نفسه

[mohammad128]

اي هلئ اتصلت على امي لأتطمن عليه .. قالتلي حطتو بالحمام هو و الستاند تبعو :(

[mohammad128]

و مشان خلطة الليمون و الثوم مافي داعي حطلو ياها مو هيك ؟

[the_gostman]

بإمكانك استعمال خلطة الثوم بالليمون للوقايه:

http://im16.gulfup.com/g74W1.jpg

بالتوفيق
أخوك رمزي

[mohammad128]

الف الف الف الف مليار شكر
ئد ما بدك اشتمني .. عذبتك معي ههههههههههه

[the_gostman]

العفو أخوي...ونحنا هنا لخدمة الاخوه الاعضاء.


بالتوفيق
أخوك رمزي

[mohammad128]

مرحبا
ممكن تعلموني حركات وأمور علمو ياها؟
للعلم
انا مابعرف علمو الحكي
وهو هالكني بيقعد عالستاند ربع ساعة وبيطير من عليه
في طريقة خليه يتبرز حصرا عالستاند ؟
ولكم الشكر

[mohammad128]

لرفع السؤال السابق
غير هيك عندي احساس انو ببغائي مابيسمع :(
رددت قدامو كلمة بسيطة جدا (كوكو) اكتر من مليار مرة وما عادها
ومابيصفر ابدا بس متل الصوص صوته
عمره اظن 4 شهور أو 5
هاد الشي طبيعي؟

[the_gostman]

لرفع السؤال السابق
غير هيك عندي احساس انو ببغائي مابيسمع :(
رددت قدامو كلمة بسيطة جدا (كوكو) اكتر من مليار مرة وما عادها
ومابيصفر ابدا بس متل الصوص صوته
عمره اظن 4 شهور أو 5
هاد الشي طبيعي؟

أرجو منك ارفاق صوره للببغاء ولعينه تحديداً عشان نفيدك بمسألة العمر.

بالنسبه للتلقين ممكن ببغائك صغير لسه في العمر فهناك ببغاءات تبدأ بالكلام من عمر 6 شهور تقريباً..لكن استمر في تلقين كلمة كوكو بصوت عالي وواضح..

ارفق لي صوره واضحه سمحت لعين الببغاء.