قطتي تعرج

[Memo 12]

السلام عليكم ورحمة الله وبركاته ..

قطتي مضيقه صدري من امس تعرج خفيف واليوم زادت .. واضح ان يدها اليمين توجعها..

عادي تلعب وتنطط وتركض بي فيه عرجه شوي واذا وقفت ترفع يدها

حرارتها طبيعيه وتاكل وتوصخ أكرمكم الله وشفت يدها مهي منتفخه ولا فيه التهاب ولا شي

سؤالي هو ايش الاحتمالات اللي ممكن يكون عندها ؟؟

انا ادري انه لازم أشعه وفحص مباشر عشان نعرف وش المشكله بس ابغى اعرف الاحتمالات

وهل اوديها للطبيب بأسرع ما يمكن ولا اصبر عليها شوي ؟

[فاتـــو]

اهلين ياقمر

الاحتمالات الوارده

☁
وجود جرح في باطن اليد مابين الاصابع

☁
وجود رضة بسيطة اثر النزول بطريقة خاطئة او من مكان مرتفع


☁
التواء في اليد بسبب النهوض بطريقة خاطئة

افحصي يدها وانتظري لين بكرة لو رضة بتطيب لحالها

[Memo 12]

اوكك مشكوره حبيبتي فاتو راح انتظر لي بكرا وارد عليك واسفه ع الازعاج :rolleyes:

[فاتـــو]

ولا يهمك ياقمر ولا تنسين تطمنيني ..

[Memo 12]

هلا فاتوو

قطوتي للحين تعرج مثل ماهي امس :(

وهل صحيح ان اذا عرجت قاربت على الموت قريت في منتدى كذا وصراحه حزنت حييل واحس اني ببكي والله :(

اتمنى مايكون كذا :(

[فاتـــو]

بعيد الشر عنها

لاتصدقين هالكلام

هذا شي بسيط اكبر شي ممكن يكون كسر او شرخ مو اخطر من كذا

وديها الطبيب اليوم وخليه يسوي لها اشعة ويشوف المشكله بالعضل ولا العظم

وهل فحصتي مابين الاصابع لاتكون مجروحه او داخل بيدها شوكه ؟

[Memo 12]

حمدلله طمنتيني اهم شي مايكون خطير

وانا لاحظت ان ظفرها الاخير متعور مو مثل ماكان هل اهو السبب في انها تعرج ؟ و هل اوديها حق الطبيب ولا وش الحل ؟؟

[فاتـــو]

ايوة ممكن يكون هو السبب انتي طهري الجرح ووديه الطبيب للأطمئنان ..

[Memo 12]

مشكوره حبيبتي ماقصرتي معاي ووديتها حق الطبيب الحمدلله اليوم يوم جلست من النوم جات لي وهي تمشي
على يدها الثانيه طبيعي ماتعرج انشالله تشافت مشكوره :D

[فاتـــو]

الحمد لله

الله يحفظها لك :)

[Memo 12]

يسلمو حبيبتي ويحفظ لك قططك اذا عندك

واليوم صارت لي سالفه مع قطوتي ^^ طلعت الشارع من ٩ الصبح ومارجعت لي الا في المغرب

حزنت عليها كثيرر بس حمدلله ان الله رجعها سالمه

[فاتـــو]

الحمد لله زين رجعت بالسلامة

هي كم عمرها ؟

[Memo 12]

عمرها 8 شهور قريب وتدخل 9 شهور

[فاتـــو]

الحمد لله

خلي بالك منها ولاتتركينها تطلع برا

[Memo 12]

اوك ثينكس :*