أسئلة بخصوص القطيطات الصغيرة

[sdim]

السلام عليكم
حبايبي ، متى تبدأ القطيطات الصغيرة تستعمل الليتر بوكس؟

متى يبدؤا ياكلوا ،وايش اعطيهم اكل ؟

[فاتـــو]

هلا بك سديم كيف حالك

تبدأ باستعمال اللتر بوكس يوم تبدأ تاكل في بداية الشهر الثاني

ابدأي قدمي لهم اكلات بسيطة مقطعة قطع صغيره

دجاج او لحم وخضار مسلوق - بيض مسلوق - جبن او خبز يعني نوعي لهم

بجانب رضاعة الام ..

[sdim]

بعضهم اكلوا شوي جبنة ,والباقين مو قابلين ياكلوا شي
والسريلاك مرررره ما حبوه

المشكلة انهم بياكلوا التراب اللي في اللتر بوكس .وما بيتبولوا فيه .يستنوا امهم لما تنظفهم

كيف اعلمهم يستعملوا الليتر بوكس وما ياكلوا التراب اللي فيه؟

[فاتـــو]

حاولي تمنعينهم من اكل الرمل ولاتحطينهم في اللتر بوكس الا بعد وجبه او بعد الاستيقاظ من النوم

جربي غيري نوع الرمل احيانا تكون المشكله فيه علشان كذا ياكلونه

وهم مع الوقت بيتعلمون وماراح يصيرون يعتمدون على امهم .. اصبري عليهم بعض الوقت ..

[sdim]

شكرا فاتو ...
ما زالوا يحاولوا ياكلوا التراب :mad:
حطيت لهم كرستال قلت عشان صلب وما يقدروا ياكلوه :88:
لقيت كل واحد بفمه قطعة من الكرستال وقاعد يلعب لها :64:

ومو عارفة كيف اعلمهم يستعملوا اللتر بوكس بدل ما ياكلوا اللي فيه

ولا قابلين ياكلوا اي اكل ، ولا حليب :confused:

[فاتـــو]

يعني مضربين عن الطعام ؟ اقصد ماياكلون شي ولا يرضعون ؟؟

في فرق بين اللعب فقط بالكريستال ,, او مضغه وبلعه

حطي لهم العاب حتى يتلهون فيها ومايقضون وقت طويل عند البوكس

هم كم عمرهم ؟

[بسبس مياو]

كل الكتنز يحاولوا ياكلون التراب لا تخافي ...بس انتي شيلي اللتر بوكس بعيد عنهم ولاتحطينه الا بعد مايرضعون او ياكلون بربع ساعة....ولو وسخوا عالارض شيلي الوسخ وحطيه في البوكس وخليهم يشمونه وحركي يدهم علشان يحفروا ......صدقيني من مره وحده او مرتين راح يفهموا على طول اساسا يكفي انك تعلمي واحد وبتعلموا الباقي
لأنهم راح يشموا مكان الفضلات ويعرفونه
والأكل الأفضل يبدأوا وعمرهم شهرين...
لو كانوا مازالوا يرضعوا من امهم مافي خوف عليهم لأن حليبها يكفيهم
بس لما يصيروا شهرين ابدأي ذوقيهم بأصابعك الجبن والدجاج اهرسيه مع الخضار علشان يسهل مضغه
مولازم سيريلاك بعض القطط يسبب لهم اسهال خصوصا القمح
والحليب اوعي تعطيهم حليب البقر حتى لو قليل الدسم ولو اضطريتي خففيه بمويه