اسهال البلوفرونتد

[A.Alansari]

السلام عليكم ورحمه الله وبركاته

ياجماعه الخير طيري اعتقد انه صاده اسهال

لكن ما ادري شنو السبب يمكن من الفواكه

انا كل يوم اعطيه قطعه تفاحه ربع التفاحه لانه ماكان ياكل عدل لانه جديد

فهل اوقف عنه الفواكه ويرجع عادي ولا لازم اشتري له دوا او اي شي ثاني عشان يوقف

علما اني ماحطيت له شي اليوم الصبح خليته على الحب

[the_gostman]

وعليكم السلام..

أخي الكريم تقديم الفواكه لا يكون بشكل يومي وانما كل 3-3 ايام تقريباً..لان من الطبيعي كثرة الفواكه تسبب الاسهال..ويجب الاهتمام بالتنويع الغذائي بشكل عام كالخضار المسلوقه مثلاً كنوع من التنويع خلال الاسبوع.

على العموم الان قدم له خلطة الحبوب المشكله + قطعه صغيره من البطاطا المسلوقه.

وبإمكانك وضع ماء الرز المصري المسلوق بدون اي اضافات بدلاً عن الماء العادي
لان ماء الرز يحتوي على النشا والذي بدوره يوقف الاسهال ان شاء الله.


بالتوفيق
أخوك رمزي

[A.Alansari]

يعطيك العافية استاذي وهو عنده خلطه حبوب عودته عليها من اول ماجبته ماخليته على الحب الشمسي ياكل منها كلها

وانشالله بعطيه اليوم قطعه بطاطا مسلوقه لما ارجع البيت

جزاك الله خير

[the_gostman]

يعطيك العافية استاذي وهو عنده خلطه حبوب عودته عليها من اول ماجبته ماخليته على الحب الشمسي ياكل منها كلها

وانشالله بعطيه اليوم قطعه بطاطا مسلوقه لما ارجع البيت

جزاك الله خير

العفو أخوي حياك الله..المهم انك تقوم بتدفئة الطائر.


بالتوفيق
أخوك رمزي

[عزوزالعبدالله]

اذا صحة الطير تمام لا تخاف


الاسهال طبيعي جداًً اذا كان يومياً ياكل تفاح
وقف الفواكه خلها يوم او يومين بالاسبوع

[A.Alansari]

اذا صحة الطير تمام لا تخاف


الاسهال طبيعي جداًً اذا كان يومياً ياكل تفاح
وقف الفواكه خلها يوم او يومين بالاسبوع

صحته تمام الحمدالله وامس شوي بدا يلعب على الستاند وياخذ راحته وشفته خلص الحب كله

وعندي استفسار ثاني هل لازم يكون الطير في قفص للتلقين ولا على الستاند عادي

الطير الحين يقول متو من اول ماشريته بس مايقولها بأي وقت على مزاجه ويطلع اصوات خفيفه

وفي صوت يطلع لما اناديه احس كأنه يقول هلا ههههه

وصارلي من بدايه ماجبته لين الحين وانا اقول له كوكو لكن مافي فايدة بس مرة كان يحاول يقولها كان يجيب النغمه مالتها بس ماقالها عدل وبس ماقالها لحد الحين

فمادري هل المشكلة الستاند ولا ماتفرق

[the_gostman]

صحته تمام الحمدالله وامس شوي بدا يلعب على الستاند وياخذ راحته وشفته خلص الحب كله

وعندي استفسار ثاني هل لازم يكون الطير في قفص للتلقين ولا على الستاند عادي

الطير الحين يقول متو من اول ماشريته بس مايقولها بأي وقت على مزاجه ويطلع اصوات خفيفه

وفي صوت يطلع لما اناديه احس كأنه يقول هلا ههههه

وصارلي من بدايه ماجبته لين الحين وانا اقول له كوكو لكن مافي فايدة بس مرة كان يحاول يقولها كان يجيب النغمه مالتها بس ماقالها عدل وبس ماقالها لحد الحين

فمادري هل المشكلة الستاند ولا ماتفرق

عند التلقين يفضل ان يكون في الببغاء في القفص عشان يركز معك أكثر..

ردد له كلمة كوكو بصوت واضح وعالي بشرط ان يكون المكان هادئ والببغاء في القفص.


بالتوفيق
أخوك رمزي

[monybat]

اخي الفاضل
يفضل ارفاق صور وذلك ولوجود عدة عوامل ممكن ان تسبب اسهال
ممكن من التفاح و الفواكه او برد او بعض الطفيليات داخل بطن الطير
وشكرا

[A.Alansari]

http://up.q8bbm.com/bb/d5b7a3bc12b9d2bb2.jpg

هاذي الصورة اليوم

[the_gostman]

اخي الكريم البراز طبيعي ..وما في عليه خوف
فقط قلل من كمية الفواكه وخليها كل 3 ايام مره وقدم له خلطة الحبوب المشكله.

بالتوفيق
أخوك رمزي

[A.Alansari]

اخي الكريم البراز طبيعي ..وما في عليه خوف
فقط قلل من كمية الفواكه وخليها كل 3 ايام مره وقدم له خلطة الحبوب المشكله.

بالتوفيق
أخوك رمزي

الله يجزاك خير

انا وقفت عنه الفواكه من امس وعطيته قطعه بطاطا مسلوقه مثل ماتفضلت وقلت لي وكل منها شوي حسيت ماعجبته

اليوم بعد بعطيه قطعه بطاطا صغيره بعد وبعدها بوقف يومين اخليه على الحبوب وبرجع اعطيه فواكه

[yahya_almasri]

انتبه من البرد في هذه الايام خاصه فهو عامل اساسي في الاسهال