اتمنى احد يساعدني بمعرفه مرض الببغاء

[Kh7kh6]

البارح جاني ببغاء هديه ومشكله الببغاء عيونه الاثنين تحت جفونه نفخ بسيط احمر لدرجه مايقدر يفتح عيونه كلها
ويعطس مثل العطسه المكتومه بدون صوت
اذا احد عنده خبره يفيدني بالي اسويه

[the_gostman]

الافضل زيارة طبيب بيطري لفحص الببغاء واعظاء العلاج المناسب..
واتوقع ان الطائر مريض بإلتهاب في الجهاز التنفسي وهو بحاجه للعلاج بدواء التايلان.


بالتوفيق
أخوك رمزي

[Kh7kh6]

رحت للبيطري ووصفله العلاج هذا tylogen
علبته لونها اخضر
عباره عن نقاط تنحط بالمويه

[the_gostman]

نعم أخي كما قلت لك التايلوجين او التايلوزين هم نفس التايلان..وهذه صورة العلاج
http://t3.gstatic.com/images?q=tbn:ANd9GcTDq1OLyo5IspSiD45ryos7LaAP8dnRDg9YIVXJUwqhIbY8FxtLdQ

استمر على العلاج مدة 5 ايام مع تغير الماء كل 24 ساعه.


بالتوفيق
أخوك رمزي

[Kh7kh6]

مشكور ماقصرت يارمزي
انا للحين لي يومين مع العلاج وتقريبا تحسن شي بسيط بس التحسن واضح على عيونه صار يقدر يفتحها الحين
هل فيه مشكله لوحطيت له خلطه الثوم والليمون بعد ما اخلص من العلاج هذا ؟

[monybat]

الافضل معرفه عمر الطير
قبل استخدام الثوم والليمون لو مازال فرخ لا تستخدمها
لانها ثقيله على معدته
استمر عالعلاج مع توفير الدفا وابعاده عن تيارات الهوا
بالتوفيق

[شرارة]

العلاج هذا افضل من التايلان لانه فيه مضاد عام بجانب تخصصه في الجهاز التنفسي

استمر عليه خمس ايام واذا دعت الضروره ممكن تستمر عليه سبع ايام

خمس قطرات على نصف المشرب ماء

وبنسبه لثثوم والليمون مايصلح نهائيا والطير مريض يتعبه اكثر وممكن يسبب الموت

وعادي تقدر تعطي الفرخ بس تخففها له لانه مايستحمل قوة الثوم والليمون كلها حارقه وقويه لازم تخففها له شوي بس بشرط يكون الطير سليم ماهومريض



وبتوفيق اخوي




تحياتي للجميع

[Kh7kh6]

عمره اقل من سنه تقريبا صغير بصوره وبرسلكم صورته

[Kh7kh6]

مشكورين يا اخوان ماقصرتو

[Kh7kh6]

http://www.2zoo.org/uploads/13836767621.jpg

هذا الببغاء
مدري اذا الصوره طلعت او لا لاني شغال ع الايباد

[the_gostman]

كما افادوك الاخوه استمر على العلاج لفترة من5-7 ايام.. وبعد الشفاء بإمكانك استعمال فيتامينات من نوع امينوفيت.

*لا داعي لخلطة الثوم بالليمون الآن

بالتوفيق
أخوك رمزي

[نايف البرقاوي]

ترا خلطة الليمون والثوم فيها مخاطره
لو زاد وقت وضعها صارت سم له فانصحك بالابتعاد عنها
وخلك ع التايلوجين