ببغائي الكاسكو يعض

[العميل11]

السلام عليكم اخوان اليوم جبت ببغاء عمره سنتين كل ما قربت لعنده يسوي صوت ويعض ايدي وارجو منكم هل يمكن يصير اليف ويصعد وياكل من الايد اتمنى الاجابه الكامله

[شرارة]

يصير بس صعب شوي ويبيله صبر لانه يعتبر كبير سنتين

على كل حال خذها قاعدة الببغاء اي حركة يسويها وتتكررعليه يصير يسويها على طول

يعني قو قلبك واللبس قفاز ودف يدك تحت صدره واجبره على الطلوع على اليد وكز الحركه كل يوم عشرين ثلاثين مره اللي يصير يطلع على طول بدون عض وبعدها شيل القفاز وخله يطلع راح يطلع بس ممكن يعض عضه خفيفه عشان يتفقد يدك ويتعرف عليها

وراح يطلع وكرر الحركه يصير عادي عنده وشي طبيعي


بتوفيق اخوي



تحياتي للجميع

[the_gostman]

أخي الكريم..

ببغائك جديد وهو بحاجه الى وقت حتى يتعود على المكان الجديد..لذا هذه الفتره عامله كضيف ولا تحاول تزعجه او تلمسه.

الصراخ والتجعير هو دليل على خوف الببغاء وعدم ألفته مع البشر..والعض هو وسيله للدفاع عن النفس او عن خصوصيته..

ببغاء بعمر السنتين ترويضه ممكن لكنه صعب لانه يحتاج إلى وقت وجهد وصبر عالي..
فالافضل دائما اقتناء ببغاء صفير في العمر حول 6-8 شهور ليسهل ترويضه.. أو شراء ببغاء هولندي (تفقيس مزارع) حيث انه في هذه الحاله يكون معتاد على البشر.

على العموم في بداية الامر حاول كسب ثقة الببغاء..قدم له الاكل والماء ونظف القفص بنفسك..حتى يعرف انك ما رح تأذيه ويبدأ يوثق فيك..وهذا بحاجه الى وقت.

وبعدها ممكن تحاول تطعميه من يدك وتشوف ايش أكثر شي يحبه كالفول السوداني وتستعمل هذا الاكل كمكافئه اثناء التدريب والاستجابه..
*بإمكانك استعمال طريقة العسل على الاصبع لوقف العض لكن ليس الآن خليها لقدام شوي.

أتمنى لك كل التوفيق
أخوك رمزي

[monybat]

اخي الفاضل
كل شي يصير ولكن مع الصبر
خليه ياخد عالوضع واتركه لحاله لا تدخل ايدك له واطعمه كل ما يحبه من اكل
اجلس معاه اكثر وقت كي يتعرف عليك وراح يعتاد عليك بإذن الله
هناك طرق كثيره للترويض منها طريقة المنشفه او تدهن اصبعك بمربى التوت
ولكن لا تستعجل معه خله على راحته الان
بالتوفيق

[العميل11]

اشكركم اخ شرارة_وthe_gostman__وmonybatوالله لا يحرمنا من خبرتكم واعذروني على الازعاج تحياتي لكم

[جداااوي]

افادوك الشباب يعطيهم العافيه
ما ازيد على اقوالهم شيء

بالتوفيق يالغلا

[the_gostman]

اشكركم اخ شرارة_وthe_gostman__وmonybatوالله لا يحرمنا من خبرتكم واعذروني على الازعاج تحياتي لكم

العفو أخوي.. حياك الله جاهزين دائما وفي أي وقت.

أخوك رمزي

[نايف البرقاوي]

انا انصحك بارجاعه او بيعه .
الببغاء الكبير يبي له شغل كثير وفترة ترويضه عكس عن الفرخ راح تكون اطول .
ممكن خلال اسبوعين الى ثلاثة اسابيع يوقف عض لكن التجعير راح ياخذ اكثر وقت .

لوقف العض بعد انتهاء فترة الضيافه حقته

خذ لك قفازات قويه وامسح عليه وخل يعضضهم ولاتبعد يدك نهائياً .
اذا شفته اصابه الملل من عض القفاز .
انزع القفاز وادهن اصبعك بعسل وقدمه له بهدوء واستمر ع العسل ثلاثة ايام .
وراح تشوفه بيوقف عض .

لكن اخوي بين فترة وفترة خلال الترويض بيحاول يعضك
وقد يصيبك عضه او عضتين ، اذا شفته عاود محاولة العض حط العسل .

ولاتكثر من العسل فاي شي يزيد عن حده ينقلب ضده


وابتعد عن الاكلات المملحه والسكريه .

وقدم له نظام غذائي متوازن خضروات وفاكهه وكالسيوم وعباد شمس
وبالتوفيق