سؤال عن التهاب الاذن

[بببي]

السلام عليكم ورحمة الله وبركاته

ادري ان اسئلتي ماتخلص وانتوا كريمين وانا استاهل :D

ننوش عندها التهاب في الاذن وحطلها الدكتور قطرات للاذن

وعطاني القطره وقالي كل يوم مره وحده تحطينلها

السؤال

اسم الدوا هو Tri-Otic ointment

نفس اللي في الصوره

http://upimage.us/server/php/files/mp-08_2.jpg (http://upimage.us)

المشكله انا ما انتبهت غير الحين مكتوب للكلاب :/

هل هي مشكله ؟؟؟؟

السؤال الثاني

انا نسيت القطره في السياره ومالقيتها واليوم لقيتها يعني تقريبا صارلها يوم ونص

وخفت تكون خربت من الحراره معنو السياره ماتكون معرضه للشمس واغلب النهار مكيفه بس وقت الظهر
وهي كانت بداخل جيب الكرسي

بتكون اختربت ولا؟؟؟؟ :(

[فاتـــو]

الا تستاهلين وبعدين حنا مانقدر نتأخر على ننوش ؟ هذي ست الكل :D

لا القطره مايمديها تخترب بس الافضل تجيبين وحده خاصه للقطط .. لان هذا النوع اصلا مامنه غير للكلاب ..

[بببي]

تسلمين خيتووو وربي كلج ذوووووووووووووق

يعني الحين ماتنفع :/ والدكتور باعلي ياها ب70 درهم على شي مامنه فايده

زين لو تعرفين افضل دوا للالتهابات خبريني اسمه واروح ايبلها من الصيدليه

[فاتـــو]

لا اكيد من حقك تبدلينها خليه يعطيك وحده خاصه بالقطط

وبخصوص الالتهاب حطي صوره لاذنه حتى اعرف نوع المشكله

بالتحديد وان شاء الله نلاقي علاج من الصيدليه البشرية ..

[بببي]

يارب تكون الصور واضحه :confused:

http://im33.gulfup.com/hTE9w.jpg

http://im33.gulfup.com/iCXru.jpg

[بببي]

يووووووووووووووووووووووووووه طلعت الصوره كبيررررررره وااايد السموحه منكم

[فاتـــو]

معليش حبيبتي النت فصل علي امس وماقدرت ارد عليك

هي عندها جرب الاذن ومحتاجه للتنظيف

اقري هذا الموضوع واي استفسار انا حاضره

http://www.2zoo.com/vb/showthread.php?t=95609%3Cbr%20/%3E

[بببي]

معليش حبيبتي النت فصل علي امس وماقدرت ارد عليك

هي عندها جرب الاذن ومحتاجه للتنظيف

اقري هذا الموضوع واي استفسار انا حاضره

http://www.2zoo.com/vb/showthread.php?t=95609%3Cbr%20/%3E



نظفها الدكتور وطلع منها كيلووو من الاوسااخ :64:

وعقب عطاني هالدوا .. راح اقرء الموضوع

مشكوره خيتوو الله لايحرمنا منج ومن خبرتج <3

[فاتـــو]

هههههههههههه

الكيلو من الاوساخ هذا بسبب عدم التعرض للشمس والتهويه الجيده للأذن من الداخل

:)

[بببي]

كلها في ننوشتي ويقولي الدكتور التهاب :(

انا قريت الموضوع .. انا اخاف لما انظف اذنها كم مره يبالي انظفها؟

وهل يكفي علاجها بقطرة الاذن حق الاطفال ؟؟ او زيت الزيتون ؟

[بببي]

هههههههههههه

الكيلو من الاوساخ هذا بسبب عدم التعرض للشمس والتهويه الجيده للأذن من الداخل

:)


امممممممممممم اذا ع الشمس ننوش تحب الشارع وهي تتعرض للشمس كلللللللللللل يومممم

وتقعد في الحوي وفي المزرعه وتحب تقعد والشمس عليها :confused::confused::confused:

[بببي]

انا غلطتي اول ماجبتها مارحت اسويلها فحص كامل اكتفيت بالتطعيمات والفحص العام

الله يسامحني << لانها يتني مبهدله وتعبانه

[فاتـــو]

ايه صح هي تتشمس وتطلع

اجل ممكن عدوى من قط اخر

وعلى فكره التنظيف من مره وحده يعطي 20% من العلاج بس ..

لازم التنظيف باستمرار وعلى مدار اسبوع حتى نطلع بنتيجه مُرضيه

مره وحده نظفي الاذن بزيت الزيتون وبعدين حطي القطره وفي اخر اليوم امسحي الاذن حتى تشيلين

الزوايد من القطره وزيت الزيتون والاوساخ المتبقية >> هذي طريقتي في التنظيف ;)



سلامه عمرها ننوش الحــلوة :)

[بببي]

الله يسلمج فاتوووو ويجيزج كل خير

ان شاااءالله بسوي اللي تقولينه بالحررررررررف

لازم بعد فتره اوديها الدكتور وهو يقولي عن حالها ؟؟؟ اذا تحسنت ولالا ... ولا بامكاني اني اعرف انا

[فاتـــو]

اكيد بأمكانك تعرفين نوري في اذنها بالكشاف

وشوفي الاماكن المتبقي فيها ونظفيها لين تصير بيضاء نظيفة من جوه

وبتلاحظين تحسن كبير في نفسيتها ولو لمستيها من اذنها ما تميل راسها وتحكها وتعورها

تصير طبيعيه وتلعب وتروح وتجري زي البقرة بدون مشاكل :D

[بببي]

هههههههههههههههههههههههه يسلللمووووووو فاتوووووو ان شاااءالله يارب تتحسن


ونشوف لاي حد تستوي بقررره ههههههه <3 جزااج الله خيررر

[فاتـــو]

:shy:

الله يسلمك :12:

لاتنسين تطمنيني

[بببي]

ان شااءالله وفعلا بديت حملة التنظيف اليومي هههههههههه

وبدت شوي تتقبل اني انظفلها بس لين الحين ماشريت الدوا