قططي الذكر والانثى والحل

[Memo 12]

السلام عليكم

انا عندي قطه انثى قبل شهر تقريبا طلبت تزواج تمت كم يوم ووقفت
ابوي جاب لها ذكر من صديقه له الحين عندنا سبوع وكم يوم اول ماجبناه تخاف منه بس الحين لا صارت تضربه
وهو يضربها بس اهي اقوى منه تعبت والله
الذكر مو حقنا اخاف يستوي فيه شي كيف اخليهم يتصالحون ويتزاوجون ؟؟
الغرفه صارت كلا شعر بسببهم وش الحل :mad:

[Memo 12]

واسفه اذا ازعجبتكم بمواضيعي ادري كثيره بس لان ماعندي خبره في القطط اي شي ابغي استفسر عنه ادخل هني ؛$

[Memo 12]

ليش مافي ردد وينكم ؟؟ ؛((

[فاتـــو]

اهلين ياقمر

هلا فيك باي وقت واحنا بالخدمه دايما

حاولي تعودينهم على بعض تدريجيا مو من اول مره تحطينهم مع بعض في غرفه وحده !! طبيعي يتهاوشون

افصلي كل شي عن الثاني في غرفه لحاله وخليهم يشوفون بعض من بعيد لبعيد بس

ومع الوقت ابدأ قربي اغراضهم من بعض وحتى صحن الاكل خليه في غرفه وحده بس لازم ياخذون انطباع عن بعضهم بالاول من بعيد

وامسكي فوطه مبلله وامسحي بها على جسمهم هم الاثنين علشان تختلط الروائح ويألفون لبعض

واذا صارت مشاحنات رشي عليهم مويه بس مو تغرقينهم :D

اهم شي الصبر والتأني يبيلهم وقت لين يتعودون على بعض قبل لايتزاوجون

...

[Memo 12]

هههههه اوك ماراح اسبحهم

وهم الحين تعودو على بعض بس كلا يتعاركون
واحيانا قطوتي تجي تلعق جسمه تبغا تلعب معاه هو يلوحها مايرضا تعصب ويتعاركون !

بس بجرب الي قلتي لي عنه إن شاء الله ينفع

[Memo 12]

والذكر بعد مرره باررد مايلعب كلش بس ياكل وينام اذا عطيته لعبه يخاف منها ويركض مكان ثاني " ابغيه اخليه يلعب شلون ؟

>> و كلا يلحقنا في البيت احيانا اشك ان قطوتي الذكر وهو الانثى ^^

[فاتـــو]

على فكره الذكر ممكن غير طالب للتزاوج

الكسل والخمول هذا مو من طبيعة القط في حاله طلب تزاوج

[Memo 12]

ءءء ؛(

مايصير والله مره كيوت لو يتزوج قطوتي بيجيبون اطفال يهبلون ؛( >>

طيب يعني مافي محاوله انهم يتزاوجون ؟؟ يعني ما اقدر اسوي لهم شي عشان يزاوجون

وشسمه هذا تراء قطوتي بس مره طلبت تزاوج والحين رجعت على لعبها وفوضويتها
يصير انها تتزوج عادي ؟

[فاتـــو]

لو عندك صبر ممكن تستنين فتره لين يرجع يطلب تزاوج مره اخرى


لازم تطهر عليه علامات الطلب : يماوي ويلاحقها بكل مكان ويسوي دوشه بالبيت

موب ينام >> لا يكون يحسب نفسه في فندق خمس نجوم :D

[بببي]

انا القط اللي جبته لننوش قبل كان كسووووول ويرقد وااايد حتى بوجود ننوش بس ماطول يومين

وصار يدورها بس كسوووول طبعه او عمره .. ممكن يكون كبير في السن .. بس لا تحاتين لان الذكور

تطلب تزاوج بعد فتره قصيره جدا .. اصبري عليه وان شاااءلله هو راح يجذب الانثى

بس يباله صبر

[Memo 12]

فاتو ؛ هههههههههههههه شكله يحسب نفسه جالس في فندق وانا مدري ع هالدلع ^^

بببي ؛لا مو كبير مرره عمره 10 شهور و انشالله راح يجذبها دعواتكم X"D

واخت فاتو هو راعيه مخليه عندنا بس 10 ايام تتوقعين يمدي ع التزاوج ؟

[بببي]

10 شهور صغير ودوم هالعمر لا ينصح تزاوجه عشانه وعشان صحته .. وعشان قطوتج انتي بعد ..وخاصة ان يكون ماعنده خبره .

ياريت ترجعينه لازم الذكر يتجاوز السنه ... دوري على غيره وصدقيني بتلاقين احلى واحلى

[Memo 12]

لاااااه حسافه >< !

اجل شكله بيرجع وهو ماسوا شي T.T
بس خذناه ع الفاضي ؛((

وشسمه قطوتي عمرها الحين 8 شهور اخره بتدخل ال 9 حتى هي صغيره على التزاوج ؟ *.*

[فاتـــو]

ياحليلك :D

8 شهور هذي لسه تعتبر كيتين

في معلومه مايعرفها الاغلبيه :

القط مادام تحت السنه هو مازال كيتين وحتى الاطعمه والعلاج نفس اللي تعطى للكيتين

هم الاثنين صغار ومستحيل يتزاوجون بها العمر

خليهم شوي يتسمتعون بشبابهم وبعدين يوم يكملون سنه زوجيهم

وان شاء الله تفرحين بأحلى كيتين صغار ..

[Memo 12]

صصصج بعدها طفله ؟؟ O.O

عمررررررري حسبتها كبيره !

وانا اقول ليه تلعب واجد ودايما تعضني وتكمخني وتركض ف البيت ^^
واحينا تلحقني وفجاه تنقز وتعض ساقي شيطانه بالمرره ><

وو مشكوووووررين حبيباتي ع المساعده ادري هذرتي كثيره بس تحملوني شوي مالي الا انتو ^^'

[بببي]

احلللللللللللللللللى هذره اصلا سوالف القطاو ماينشبع منها حتى لو كتبتي فيهم كتاب كامل

يب يب وااايد صغار ع التزاوج .. اتريي كمن شهر ويصيرون احلى عروس وعروسه

[بسبس مياو]

امممم شوفي تبين نصيحتي...انا مثلك استانست بقطوتي ولما طلبت تزاوج اذتنا (زوجتها وعمرها سنه وشهرين)
مع انها طلبت وعمرها 11 شهر....
بس اقسم بالله ندمت والى الحين ندمانة اني زوجتها وماسمعت كلام اللي قالولي عقميها
الحين عندي سته قطاوة في البيت هي وعيالها ولا قادرة اتخلى عنهم ولا قادرة اربيهم واههتم فيهم ميه بالميه
انا ما ادري انتي وش خطتك للكتنز اذا جوا؟ في ناس تبيع وناس تعرض تبني وناس قلبها قلب طير تتعلق وماتقدر تتخلى عنهم (مثلي) :(
راح تضل تطلب تزاوج كل فتره,,انا قطوتي كانت تطلب كل اسبوعين تخيلي
ومو معقول كل اسبوعين اجيبلها ذكر....المهم صار اللي صار وتوهقت فيهم ومصاريفهم وعلاجاتهم وتطعيماتهم وترابهم واكلهم واهلي اللي موب عاجبهم الوضع بس متحملة :(
نصيحتي لك انك تعقميها راح ترتاحي وتريحيها لأن التعقيم مرره مفيد لهم
انا عقمتها هي وعيالها والحمدلله على كل حال عالاقل ارتحت من طلب التزاوج بس والله المسؤلية صعبة :(
اقرأي عن التعقيم وشوفي فوايده وانتي اختاري :o

[بببي]

لاااااااااا لوهي حابه يكون عندها كيتن خليهاااا حلاتهم القطط الصغيره صحح مسؤوليه بس هي اول مره

يعني لا تفكر في التعقيم الحين .. انا عقمت قطوتي بعد ماولدت ثلاث مرات بس كان تعقيمي لها لان في الولاده الاخيره صار عندها عسر ولاده وتعبت وااااااااااااااااااااايد وخفت تموت علي وبعد ماولدت يابت قط ميت وقطعت قلبي عليه لانها طول الوقت تصيح عليه بس بعد مرور 20 يوم عقمتها عشان هي سريعه طلب تزاوج نفس قطوتج بسبس

[فاتـــو]

بالنسبه للي يخططون للتعقيم

الافضل نترك فرصه للقطه تاخذ فرصه بالشعور بالامومه مره او مرتين قبل اجراء عمليه التعقيم

واللي يربون الصغار مع امهم حتى يوم يكبرون هذي ماتتسمى طيبة قلب بس هذا حسن تصرف واللي مفروض يسويه كل المربيين

لان الاغلبيه يعتربون بيع الكيتين اول ماينفطمون هذي شطاره وحسن تدبير قبل تحمل المسؤوليه

لكن للأسف القطه الام تفتقد عيالها والكيتين الله العالم من اللي ياخذهم وهل هو قد التربيه او لا

وتحصل قصص مالها اخر للي يشترون كيتين صغار لحالهم بدون الام واغلبهم يموت قبل لا يتم ال3 شهور بسبب الابتعاد عن الام ..

::::

[بسبس مياو]

صحيح كلامكم بس انا احكي قصتي للعبرة ....بكرة لما تتعلق فيهم ويرفضون اهلها وش تسوي؟
ترميهم بالشارع او تعرضهم تبني او تبيعهم.....في كل الاحوال هي اللي تسببت في وجودهم في الدنيا وفي الاخير تخلت عنهم والله اعلم لمين يروحون شخص يحبهم او شخص يعذبهم ويهملهم الين مايمرضوا ويموتوا او يكون نهايتهم الهروب بحثا عن الاكل.....(اظن حالة القطط في المنتدى اكبر دليل..اللي ماعنده استعداد يوديهم البيطري, واللي قرفان من شعرهم اللي مالي البيت...واللي خربوا اثاثهم...واللي يترك القطوة تعبانه اسبوع وتالي يدخل يقول قطتي ماتتحرك لها اسبوع وش اسوي!!!!!!!!!!!) اغلب الناس يحبون القطط لمنظرهم وبس ومتعندهم اي استعداد يتعبون معاهم,
والاحتفاظ بست قطاوة في البيت والصرف عليهم مع اني مش موظفة صدقيني طيبة قلب واحساس بالمسؤلية
انا تعبانة منهم اكثر مما تتصورين وحاليا عندي حساسية ربو من بعد ما كثروا عندي ومع هذا ماني متخيلة اني اتركهم احبهم زي اطفالي عندي شعور بالأمومة ناحيتهم محد راح يحس فيه غيري....
مانقدر نقول عن الأم اللي تحب اطفالها وماتتخلى عنهم انه حسن تصرف ....هذا شي يحسه اللي يعاني بس
والتعقيم قبل لاتولد يجنبها امراض كثيرة...القطة لما يتعود رحمها عالحمل يصير نسبة اصابتها بسرطان الرحم والمبايض كبيرة....هذا غير الهرمونات اللي تلعب بصحتها طول السنه....
انا فعلا ندمانة اني ماعقمتها قبل لا تحمل
وعلى فكرة مافي شي اسمه احساس الأمومة عند القطط لأنها ماتعرفه الا اذا ولدت وينتهي خلال شهرين وهي من نفسها تهجرهم....يعني لو ماحملت ماتعرف اساسا ان في شعور....هذول حيوانات تتحكم فيهم هرموناتهم وبس ...القطة لما تجيها حالة التزاوج ماتدري حتى عن انها لازم تجيبولها ذكر :)
بأمارة انها ترفضه....بس الهرمونات هي اللي تلخبط حالتها فلبيش ما اريحها من كل هذا ...ترى تكاثرهم مامنه فايدة لأنهم مو بشر