كاسكو عنيد جدا شنو الحل

[ali_aram]

السلام عليكم
عندي كاسكو بعمر عشرة اشهر وصارلو عندي شهرين يعني يعتبر زين اليف ويصفر
بس المشكلة انا صارلي اسبوع احاول ان امسح على راس وهو على يدي ما يسمح نهائيا ويعضني عضات قوية جدا مع العلم عادي امسح على راسو وهو على القفص او على الستاند او حتى على صدري هم عادي مع العلم كمان ياكل من يدي
ماذا افعل لحل هذا المشكلة بعض الاخوان قالو نزل راس بقوة بس ما نجح معي ياريت تدلوني على الصح بالظبط
وشكرا

[ابو شيخه 11]

في البدايه شف لك عصـا صغيره وامسح على راسه فيها وهو على يدك راح يتقبل الوضع شوي شوي واهم شي الصبر

الشي الثاني ادهن الحب الشمسي بمربى او عسل وقدمها له من يدك حسسه بالاماان وحركة يدك خليها هاديه جداً وببطى وحسس الطير انك ما راح تضره وكل مره تقدر تحك راسه حاول انك تنزل الى تحت عينه وتحك هذي المنطقه الكاسكو يقدر هذي الحركه كثيررر وان شاء الله يكون اليف معك وبتوفق لك وتمسح على كل جسمه

[ali_aram]

شكرا يا اخي
بس هو يتقبل الاكل من يدي عادي
بس الفكرة ان مو كافي شهرين حتى يثق فيه الطير
مع العلم لما اشتريت ما كان يجعر وكان اليف شوية
يعني ممكن تقول شهرين انا بس امسح على راسه وليس ما اقدر امسح على راسه وهو على يدي

[ali_aram]

وبعض الاخوة قالو انزل راسه بقوة هذا صح لو غلط؟؟
يعني وقالو السبب انك تفرض سيطرتك على الطير

[ali_aram]

وين الردود يا اخوان

[.. محمد ..]

والله يا خوي نفس المشكلة معاي و متابع موضوعك

[.. محمد ..]

اخوي العزيز

بعد ما تجولت في مواقف تربية الطيور و حاولت اكتشف طريقة لكسر عناد الكاسكو اخيرا توصلت لطريقة هي الافضل و جربتها امس مع الامازون وضبطت معاي بس هي تحتاج وقت و راح اشرحها لك بالتفصيل لكن قبل احب اوضح لك نقطة مهمة جدا .

لازم تحاول تكسب محبة الطير وذلك عن طريق التودد له و محاولة انك تطعمة من يدك وتكثر من التكلم معاه واكيد تبتعد عن العنف معاه , والحين راح ابدا معاك بطريقة وهي كما تعرف عند الكثير من مروضي الطيور بمسمى المروض الشرس .

وهي كالتالي انك تحاول تلف الطائر بفوطة و تحاول تحط راسه و تستمر عليها لمدة ساعة يوميا و مع الوقت راح تلقى استجابة ان شاء الله , عزيزي حاول ما تنسى تحك منطقة اسفل العين في الكاسكو لانها المنطقة المحببة و راح ينبسط عليها كثير .

بتوفيق اخوي

[أسيــــر]

وعليكم السلام ورحمة الله وبركاته
التدريب يحتاج منك الصبر
جربة تمسح عليه في اظائه خافته وهو على ايدك
اطلع على المواضيع المميزة وكل مايخص الرمادي
http://www.2zoo.com/vb/showthread.php?t=279457

[ali_aram]

يا اخوان افهمو قصدي الطير عندي بياكل من يدي واحك راسه وهو على القفص او على الستاند وما يعض اطلاقا بس المشكلة وين ان ما يتقبل نهائيا احك راسه وهو هلى يدي ويعضني قوي فماذا افعل بس ؟؟؟؟ وشكرا

[.. محمد ..]

اخوي علي ,,

شرحت لك قبل قليل اني اعاني نفس المشكلة الي كنت تعاني منها لكن بعد ما اتبعت طريقة المروض الشرس ارتحت كثير و احب اضيف لك بعد يومين تجربة صار اذا شافني رايح يصفر لي عشان ارجع له .

اخوي العزيز خذ لك منشفة و لف فيها الطير بطريقة كويسه و اقعد امسح على راسه ( فالبداية ممكن يعاند ) ومع كثرة المحاولة راح يرضخ لك و حاول تحك راسه بخفيف ولا تنسى منطقة اسفل العين ( البغبغاء يرتاح اذا حكيت هالمنطقة ) .

للعلم اخوي هذي الطريقة يستخدمها اكثر المروضين وما شاء الله نتاجيها جدا ممتازة و لعلمك ممكن الطير يستجيب معاك من اول كم يوم و فيه طيور تاخذ شهر الين تستجيب و يتودد لك .

اخوي تحتاج صبر بس صدقني ابدا بهالطريقة و راجع لي خبرني بالجديد

بتوفيق

[ali_aram]

ولله يا. اخ محمد بدايت اليوم بالطريقة المنشفة ولله يستر
هههههههه
عموما شكرا لك