استفسار و ابغى ازوج قطتي

[ahmadsz]

انا قطتي سوزي عمرها سنتين و ما تزوجت قبل كدا مره

نوعها هملايا بيكي فيس تشوكليت

انا ما اعرف شي عن اعراض فترة التزاوج لاني ما كنت مهتم بالشي دا

و كمان انا لما قريت بيقولو ان القطه تسير تجي كثير عند مربيها

وانا كل يوم قطتي كدا اول ما ادخل الغرفه تجي العبها شويه و تروح تنام و ترجع العبها شويه

لاني معودها ااكلها بيدي يعنني ما تاكل من الصحن و ما تعرف تاكل الدراي فود من الصحن

على شان كدا دايما تجي عندي العبها و ااكلها

واذا على انها تصير تطلع صوت مواء انا قطتي ماقد سمعتها تطلع اصوات على الصامت من يوم كانت في بطن امها

وانا دحين ابغى ازوجها بس ابغى ذكر همالايا بيكي تشوكليت او اورنج

بس ابغى واحد يجيب الذكر حقو اسبوعين عندي اعامله احسن من قطتي بس عشان اعرف فترة تزاوجها لانو ما يبان عليها

في جده

[فاتـــو]

اهلين اخي

طبعا طبيعي انها ماتطلبت تزاوج قبل كذا

الانواع الفارسي والهمالايات متأخره في البلوغ والطلب وبعض الانواع النقيه

لكن انها صايره ودوده هذي علامه لاتكفي حتى نقول طالبه تزاوج

طيب هل تلاحظها تتمرغ في الارض او تحاول الخروج من المنزل ؟؟

[ahmadsz]

اهلين اخي

طبعا طبيعي انها ماتطلبت تزاوج قبل كذا

الانواع الفارسي والهمالايات متأخره في البلوغ والطلب وبعض الانواع النقيه

توصل سنتين و ما تبلغ مو معقول .... كيف اعرف اذا نقية

لكن انها صايره ودوده هذي علامه لاتكفي حتى نقول طالبه تزاوج

طيب انا اقول ان قطتي دايما ودوده اساسا يعني ما راح يكون سبب يخليني اعرف انها في فترة تزاوج لانها ودوده كل يوم

وكمان الصوت ما تطلع صوت نهائيا فقط لما اشيلها فوق تمواي عشان انزلها

وذيلها دايم مرفوع فوق و يتحرك


طيب هل تلاحظها تتمرغ في الارض او تحاول الخروج من المنزل ؟؟

لا تخاف من الخروج

التمرغ ما لاحظت عليها تتمرغ احس ما يبان عليها دي تستحي تبين

[فاتـــو]

مممممممم

بالنسبه للبلوغ هي طبعا بتكون بلغت لك الهرمونات مو متزايده لدرجه تخليها تطلب تزاوج

يعني غير مهتمه او بمعنى اخر قد تكون طالبه لكن لاتُظهر اعراض الطلب

جرب تملس على مؤخرة الظهر اذا انقلبت ونامت هذا معناه انها طالبه

اذا انت تنتظر منها كيتين

جيب لها ذكر حبوب وهادئ وجلسه معها كم يوم

اذا لاحظت بينهم تفاهم احتمال يتم تزاوج لكن الاهم ان لاتجبر الانثى على التزاوج

[ahmadsz]

انا مهتم انها تتزوج

لكن مو فترة التزاوج محدده كيف اقدر احدد فترة التزاوج عشان اجيب الذكر في فترة التزاوج ولا كدا الذكر ما منو فايده لو جبتو وهيا مو في فترة الشبق او التزاوج

[ahmadsz]

ايش مافي قطط همالايا ذكور مافي فجول في جده

[ahmadsz]

ترا الموضوع مو مجانا راح ادفع للذكر ايش المشكله ليش مافي احد

مو معقوله جده مافيها ذكر همالايا بيكي فيس

[فاتـــو]

اخي اعرض طلبك في قسم التبني والتزاوج ماحد بيشوف طلبك هنا !


موفق ..

[ahmadsz]

فين قسم التبني و التزاوج

يعني انا ما لقيت غير هذا القسم و القسم الرئيسي

[فاتـــو]

تفضل

http://2zoo.com/vb/forumdisplay.php?f=68

اتمنى تلاقي طلبك

يغلق لانتهاءه ..