السلام عليكم اعضاء المنتدى الكرام

[محمد بدير]

انا محمد من مصر واتشرفت انى اكون معاكم فى المنتدى المحترم وانا لسه غاوى جديد يعنى جبت كام جوز محترمين انا عندى 3 استفسارات
1- عندى نتاية ريحانية بتاكل كويس ومفيس اسهال الحمد لله بس فيها مشكلة واحدة مبطرش اكتر من ارتفاع متر وانا اديتها اجراء وقائي من نصائح الاستاذ رائد ملكاوى المحترم (اموكسيل500 كبسولة على لتر ماء + خل تفاح وسنين ثوم) هل اعمل الموضوع ده لمدة كام يوم وهل لازم تغيير المياه المحتويه على الدواء كل يوم
2- عندى نتاية كشكية سوداء باضت امبارح باليل متى ستضع البيضة التانية
3-بخصوص الحجر الملحى عشان التحديق هل احط منه مع العلف ولا لوحده وهل يجب ان استمر عليه واسف على الاطالة

[محمد بدير]

واستفسار اخير ممكن مكان القش رمل ولا لازم قش تنام عليه النتايه وتحتها البيض

[الامبراطور...]

2- عندى نتاية كشكية سوداء باضت امبارح باليل متى ستضع البيضة التانية


يبيض الحمام البيضة الثانية بعد تقريبا 44 -48 ساعة من البيضة الاولي .

[الامبراطور...]

واستفسار اخير ممكن مكان القش رمل ولا لازم قش تنام عليه النتايه وتحتها البيض

يمكن استخدام الرمل وممكن استخدام القش ,, لكن انا افضل القش :D:D

[محمد بدير]

فين ياجماعة الردود انتا فين يا استاذ رائد متبخلش علينا بمعلوماتك القيمة

[رائد ملكاوي]

يا هلا ومرحبا با اخونا محمد القسم منور فيك

وانا بعتذر على التأخير لأني في العادة بعد الساعة تلات لعد الظهر ما بفتح المنتدى على الأغلب للظروف الاجتماعية طبعا لأنه عندي بيت والتزامات يا قلبي

المهم اذ ما فيش اعراض على الريحانية يعني اسهال او انتفاش في الريش او صوت للنفس ما فيداعي اصلا للعلاج

وتقدر تحط الكبسولة مباشرة في الفم من غير ميه يعني افتح بقها وحط الكبسولة وتأكد انه نزلت وخلاص

بالنسبة لبديل القش تقدر فعلا تستخدم التراب او الرمل او النشارة في صحن فخار وبيكون الوضع ممتاز

والحمام فعلا يبيض بعد 44-48 ساعة من البيضة الأولى

والحجر الملحي انا ما بشوف له داعي وكله كلام نظري بمعنى اذا انت اديت الحمام اكل متنوع وكل اسبوعين حطيت ليهم خل تفاح طبيعي وتوم في المية وفيتامينات في الشهر مرة واحدة دا يكون غذاء كامل ليهم

والله الموفق

مرة تانية اهلا وسهلا بيك ونورتنا يا غالي

[محمد بدير]

شكرا ياستاذ رائد والله رد وافى من راجل محترم زى حضرتك طيب بخصوص تغيير المياه الى فيها العلاج لازم اغيرها ولا اسيبها بالدواء عادى

[رائد ملكاوي]

الله يسلمك يا غالي

بص دلوقتي عليه، ازاي لهجتي المصرية....... ان شاء الله تفهمها مني لأني هجاوبك بالمصري

دايما العلاجات اللي تتذوب في المية يجرالها حاجة نسميها في علم الأدوية فقدان ثباتية الدواء

بمعنى انه يصبح غير فعال وأحيانا مؤثر بشكل سلبي

وفي العادة الأدوية تبتدي تتحلل وتفقد ثباتيتها بعد مرور 24 ساعة

علشان كدة احنا لازم نشزف قد ايه الكمية اللي نحتاجها خلال الـ 24 ساعة ونحطلهم على قد حاجتهم وبس احسن ما نخسر ادوية بدون داعي

وبكدة تلاقي نفسك انك لازم تغير المية يا قلبي

واي حاجة انا في الخدمة

[محمد بدير]

انتا متاكد انك مش مصرى انا حاسس انك مصراوى اصيل وقليل جدا لما نقابل حد محترم زى حضرتك وشكرا على الاجابة الوافية بس هو موضوع انها مبطرش اكتر من ارتفاع متر ده اسمه ايه واقسم بالله انا ما اشتركت فى المنتدى ده الى عشان حضرتك ياستاذ رائد وردودك المحترمة

[رائد ملكاوي]

الله يسعدك ويسلمك يا غالي

والله هيك احرجتني كثير

وما شاء الله المنتدى مليان ناس محترمين وبيحبوا المساعدة

فانت هون راح تحس انك بتتعامل مع اخوانك واسرتك

المهم: بالنسبة للحمامة اللي ما بطرش

انت حاط الحمام بتاعك في اوضه والا في قفص ضيق والا بطيروا لبرا

لانهم احتمال انها مش متعودة على الطيران

وكمان شوف الاجنحة بتاعتها شوفهم الاتنين زي بعض والا واحد نازل اكتر من التاني

وهي كبيرة في العمر والا صغيرة منتجة والا لسه ما انتجت

والحاجة التالتة انه الحمام الريحاني الاصيل حجمه كبير ووزنه تقيل فبعضه يكون طيرانه صعب شوية

وتحياتي الخالصة لك ولأهل مصر

[محمد بدير]

مشكور اخ رائد والله انا الى تقلت عليك ومشكور على الايضاح

[WORLD OF ANIMAL]

السلام عليكم ورحمة الله وبركاته

اخى محمد بدير بخصوص موضوع الطيران
انا اطلب منك صورة لاجنحه الحمام وهى مفروده اريد اشوف شكل الريش لانه حصلت عندى من قبل مشكله مثل هيك

تقبل مرورى

[WORLD OF ANIMAL]

السلام عليكم ورحمة الله وبركاته

اخى محمد بدير بخصوص موضوع الطيران
انا اطلب منك صورة لاجنحه الحمام وهى مفروده اريد اشوف شكل الريش لانه حصلت عندى من قبل مشكله مثل هيك

تقبل مرورى

[محمد بدير]

هبا بطير بس لارتفاع متر وريشها كويس ومنتظم وكمان قوية بس كانت مجبوسة كتير ومبطرش

[رائد ملكاوي]

ان شاء الله ما في شي ابدا

ربي يوفقك يا غالي

وتسلملي مصر واهلها