ابي اشتري ببغاء ايش تنصحوني ؟؟ ( غير الكاسكو)

[شيخة البنات]

السلام عليكم
ابي اشتري ببغاء هاليومين ان شاء الله
ومحتارة بنوع الببغاء حدي 2000-2500
كنت ابي اكلكتوس وبلوفرنتد ولكن انصدمت من الاسعار

الحين ابي منكم مساعده بنوعية الببغاء اللي يكون بهالسعر !!
وايش رايكم بالدرة النيبالي واليلو الامازوني ؟
اقترحو علي طيور اكيد فيه طيور انا مااعرفها مو شرط تتكلم كثير ..


فيه طير ملون شفت له مقطع كان يرقص واضن مو من النوع اللي يتكلم نسيت اسمه !! اللي يعرف اسمه يذكرني

[the_gostman]

اختي الكريمه..

اذا كنتي تبحثين عن ببغاءات متكلمه بشكل ممتاز وبهذا السعر فأنا عن نفسي أفضل احدى هذه الخيارات:-

-ببغاء كاسكو تفريخ مزارع يكون أليف وصغير في العمر (تكون حدقيه العين سوداء) مثل اللي بالصوره..وتبدأي بتلقينه الكلام وتدريبه..لكنه بحاجه الى عنايه وحذر شديد من التيارات الهوائيه وتقلبات الجو.
http://im15.gulfup.com/sJW510.jpg

-أو أمازون يلو كراون..فهو طائر رائع ومتكلم ممتاز خصوصا اذا اخذتيه فرخ صغير في العمر..
http://www7.0zz0.com/2012/01/23/14/896920798.jpg

*أغلب الطيور بإمكانك تعليمها الرقص..وهناك طرق ممكن أخبرك فيها في وقت آخر.


بالتوفيق
أخوكي رمزي

[حبني لك]

بخصوص حدك 2500

ممكن تحصل يلو كروان فرخ بهالسعر

او تاخذ فرخ كاسكو هولندي بعمر 5 شهور

و افضل لتدريب

اما الملون فهو قصدك يكون المكاو

[شيخة البنات]

يعطيكم العافيه ومن بعد اذنكم اللي يعرف بائع ليلو كروان بالرياض او القصيم يعطيني خبر

[حبني لك]

اكتبي طلبك في قسم الشراء و ان شاء الله تحصلين اللي بخاطرك

[the_gostman]

يعطيكم العافيه ومن بعد اذنكم اللي يعرف بائع ليلو كروان بالرياض او القصيم يعطيني خبر

أختي الكريمه..

انشالله الاخوه الكرام يفيدونك عبر الخاص باسماء محلات معينه.

وابحثي في قسم البيع وانشالله تحصلي طلبك.


بالتوفيق
أخوكي رمزي

[طاهر عبدالعال]

السلام عليكم وربى يوفقك فى طير ممتاز نصيحة أشترى يلوكراون أمازون عن تجربة طير رائع متكلم بارع وغير مزاجى بالمرة وخصوصا لو كان فرخ لو درب بشكل صحيح يصبح نفس اليلوناب وأفضل بمراحل من البلوفرونت لكن ماله شعبية فى الخليج نفس أوربا

[شيخة البنات]

يعطيكم العافية

[نايف البرقاوي]

اليلو كراون صعب تجدينه سبق بحثت عنه ومالقيت
لكن في ببغاء صغير وحلو ولطيف ومتكلم
اسمه كروان (كوكاتيل) وسعره ٢٠٠ ريال فرخ
http://youtu.be/in_bMkhQ5DI
http://youtu.be/6COY9PSm--4

فالخيارات عندك كثيره لكن ارشح لك الكروان
بالتوفيق

[شيخة البنات]

حياك اخ نايف
الكوكاتيل سبق وجربته مايتكلم
انا ابي ببغاء متكلم
اشكرك

[نايف البرقاوي]

حياك اخ نايف
الكوكاتيل سبق وجربته مايتكلم
انا ابي ببغاء متكلم
اشكرك

بالعكس الكوكاتيل متكلم ولكن ليس ببراعه
والدليل المقاطع الللي فوق .
لكن اذا بغيت متكلم ببراعه فاليلوكراون خيار ممتاز كما تفضلوا الاخوان
لكن مشكلته عدم توفره قليل جداً
واذا ماحصلتي يلوكراون وبغيتي كاسكو
نصيحتي لك لاتاخذي هولندي وبالذات ذا الوقت بسسب البرد
ومناعته الضعيفه.
بالتوفيق

[بلاك بيري]

ننصحك يا اختي بالصبر قليلا الين تنزل اسعار الطيور اولا

وننصحك دام حدك بهالحدود انك تاخذي ببغاء الرمادي الأفريقي ممكن بالقيمه الي طرحتيها تاخذي واحد اليف ويتكلم


تحياتي

[شيخة البنات]

ليه وش اللي يخلي الاسعار تنزل؟
ولمتى انتظر !!
بالنسبه للكاسكو لي تجربه سيئه معه و ماابي اكررها

[مارشميلو]

^
كلنا لنا تجارب سيئه مع الكاسكو

بس بسعرك دا تلقين دره متكلمه ^_^
عاد الدره ممتعه صوتها حلو وغير كدا ملقووفه
ههههههههههههههههههههههه

[يـوســـف 2020]

يلو شولدر او يلو كروان او درة نيبالية واذا تتحملين الازعاج عائلة الكينور

والكاسكو ملكهم كلهم بس التجارب السيئة تترك عقدة واذا بتشترين لازم تاخذين هولندي

تفادياً لمشاكل الخوف والجعير والعض والتنتيف

[monybat]

السلام عليكم ورحمة الله وبركاته

عند اختيار اي طير يجب ان نحدد القيمة المادية المراد الشراء بها

الان الطيور انواع واشكال منها المتكلم ومنها المغرد

طبعا وفقا القيمة المادية لديكم فلا خيار الا الكاسكو كونه ببغاء متحدث رسمي ولا مقارنه بكوكتيل ولادرة ولا يلوكراون

وراح تلاحظون فروقات الاسعار طفيفه بين الانواع المذكورة اعلاه

رغم ان الكاسكو افضلهم ولكن نجد رخص سعره بسبب ما يصيبه من مشاكل سواء نفسية او عضوية

والانتظار لن يجدي سوى فروقات طفيفه في الاسعار

فهناك حل الا وهو الانتظار قليلا لزياده المبلغ ( القيمة المادية ) ومن ثم الشراء

هذا من وجهة نظري وهذا افضل حل لكم في الوقت الحالي

بالتوفيق

[A.Alansari]

مثل ماتفضلوا الاخوان الكاسكو الافضل بهالسعر لكن بما انك ماتفضلينة

انا ارشح اليلو كراون وممكن الاورنج وينج بس اعتقد مب متكلم جيد

[عزوزالعبدالله]

بالسعر ذا اللي محدده
م تحصلي ببغاء يتكلم الا كاسكو والا يلو كروان

[بلاك بيري]

ليس كل الكاسكو مثل بعضها ربيت منها انواع يشيب لها شعر الرأس من ذكائها الحاد المسئله مسئله اهتمام بالطير والأصرار على جعله طائر مبدع ليس الطائر من يكوننا بل نحن من نعلمه ونكونه فأبداعه من ابداعك

[حبني لك]

انا اوافق راي اخوي بلاك بيري
بعض الكاسكو الافريقي يصعب تعليمه وترويضه وبعض بيومين يولف

وهالشي صار معي


ف نصيحة لك اختي انك تزيدين فلوسك 3000 او 3500 وتاخذين لك بلوفرونتد لانه بقمة الرووعه
من الشكل والكلام

[طاهر عبدالعال]

أخوانى الكرام نحن جميعا لانختلف على ذكاء وجمال وأبداع الكاسكو وكل مربين الطيور وخاصة الببغاء وأنا أولهم نحب الكاسكو وكانت بدايتنا معه لكن المشكلة الكبرى حساسيته المفرطه ومناعته التى شيبتنا جميعا فعندما يمرض الكاسكو بأى مرض تافه تجد الطير يضعف بشكل سريع جدا ويؤثر فيه المرض بشده ولاتجد له حل سوى الدعاء وعن تجربة جربت معالجة الكاسكو أكثر من مرة ولكن حالته تزيد سوء بعد سوء وكلها أعمار بيد الله ولكن يوجد طيور أخرى مناعتها قوية وتتحمل الامراض مثل الامازون والمكاو والكوكاتو وحتى اللوف بيرد مناعته أفضل من الكاسكو

[شيخة البنات]

انا مايهمني يكون متكلم ممتاز

اذا حصلت بلوفرنتد بسعر 3000 راح اشتريه لان خاطري فيه
واذا فيه يلو كروان علموني وين احصله بالرياض؟
واذا فيه بائعين ثقه بالمنتدى ياليت احد يتكرم علي ويرسل لي يوزه..
ومشكورين لتفاعلكم ..

[monybat]

افاده العضو عن طريق الخاص مع الشكر

[حبني لك]

اختي امس بالسوق انا ولقيت بلو فرونتد ب 3000

وروعه وفرخ وان شاء الله يارب يكون من نصيبك

و اذا بتروحين قولي اوصف لك المحل على الخاص

[شيخة البنات]

مع اني مو بالرياض
يبي لي وقت على مااروح للرياض
لكن ان شاءالله يكون من نصيبي
نتواصل بالخاص

[حائلي]

اختي العزيزة انصحكي بشراء اليلوكراون فهو طير رائع ومناسب بالسعر ومتكلم ممتاز شبية اليلوناب بالشكل والبلوفرنتد بالطبع ...

[شيخة البنات]

اختي العزيزة انصحكي بشراء اليلوكراون فهو طير رائع ومناسب بالسعر ومتكلم ممتاز شبية اليلوناب بالشكل والبلوفرنتد بالطبع ...

اذا تعرف محل او شخص يبيعه دلني عليه
انارماعندي مشكله يلو كروان او بلوفرنتد

[يعسوبة]

اختي اذا تبين شوري ابعدي عن الكاسكو مناعته ضعيفة ىبسرعة يمرض وبسرعة يموت
وانا اتحدث لك من واقع تجارب عشتها مع الكاسكو
لو لاحظتي اغلب مواضيع الامراض في هذا القسم عن الكاسكو
من ضمنها مرض العيون والورم اللي يطلع في حلقه والخراجات والزكام ونتف الريش وغيرها
مدام وصلتي 2500 اصبري شوي وكملي عليهم واشتري بلوفرنتد
صار له عندي فترة ولله 🌹الحمد طير ممتاز ومتحدث جيد لو دربتيه

ولو حصل ونويتي تشتري درة اصبري هالشهر لأنه الشهر الجاي بتنزل الفروخ بالأسواق
وخذي لك فرخ دره غر ربيه ع مزاجك لانه الدرة الكبير صعب توليفه إذا ماكان عندك وهو فرخ
لاتاخذي كبير لأنه راح يتعبك جربت الدرة قبل كذاااااا طير عنيد ومزاجي
ومهما ولفتيه يرجع يعض اذا ماكنتي انتي مربيته من صغره

ولا خذي فرخ كروان تراه طير ممتاز ويوسع الصدر عندي كروانين مالين الجو علي بالبيت
ربيتهم من وهم غرر والحين كبروا وتدربوا
اهم شي خذي فرخ ولا اليف ولختصري على نفسك الوقت في التوليف



موفقه

[شيخة البنات]

يعطيكم العافيه جميعا على تفاعلكم


انا جربت كاسكو اسبوعين ومات
بعد فتره درة اسبوع ومات من محل مو نظيف
واستقريت على كروان جلس عندي ثلاث سنوات ومات والحين ابي بلوفرنتد والله يسهل يارب