قطوووتيي ترجعع لحقونيي !!

[Memo 12]

السلام عليكم

من العنوان قطوتي ترجع مادري شفيها !!
وكلا نايمه مو عادتها ! :(
ومالها خلق تلعب وماتاكل !
هل من الممكن اكلها الجديد ! لان انا اعطيها royal china بس خلص ورحت السوبر ماركت اشتري لها وماصار في النوعيه الي ابغاها شريت لها tommy cat
ملون على سمك وووترجيعها ماي لونه اصفر ،،
ولا يمكن لان ابوي سبحها بشامبو عادي مايدري ان مو زين وطلعها في الحوش
بس لمست اذانها مو حارين وديتها اليوم البيطري وقال دكتور القطط عنده اجازه اليوم تعالو بكرا
بس انا مو قادره اصبر لانها ترجع ويخوف ترجيعها مثل الي تكح وتطلع الترجيع !! :(
شفيهاااااا شو محتمل يكون فيها خايفه تموت :(:( !!!!!
ساعدوووني بلييييززز والله خايفه عليها مربيتها من اهي صغيره عندي مابي افقدها :(

[Octopus]

حاليا كم عمرها

[Memo 12]

9 شهور

[فاتـــو]

اهلين اختي

لاتقلقين ان شاء الله خير

وقفي الدراي فود حاليا قد يكون سبب الاستفراغ

شوفي اذا عندها اسهال او لا

قدمي لها زبادي دافي بالعسل وبعده خضار ودجاج مسلوقين

اذا استمر الاستفراغ بكتب لك على علاج ..

[Memo 12]

انا وقفت الدراي فود
وهي الله يكرمكم تستفرغ بالزراعه ف الحوش شلون بعرف اذا معاها اسهال ولا ؟
وبنسبه للاكل سويت لها زبادي بالعسل مو راضيه تاكل وسويت لها حليب دافي مو راضيه تشرب ابدا
من اليوم الظهر وهي بس ترجع مو راضيه تاكل شي :(

[Memo 12]

امي تقول محتمل ماخذه برد هل صحيح كلام امي ؟
واذا صارت ماخذه برد شسوي لها علشان تتشافى ؟؟ ؛((

[فاتـــو]

احتمال فعلا يكون برد في معدتها

وممكن يكون من تغير نوع الدراي فود سبب حساسيه في المعده

هذا كله طبيعي

حاولي تراقبينه في اوقات قضاء الحاجة يوم يطلع للحوش وشوفيه عنده اسهال ولا لا

بالنسبة للأستفراغ

جيبي له شراب موتيليوم من اقرب صيدليه

وصوميه 10 ساعات قبل ماتعطينه 1ونص مل مرة باليوم

وبعد نص ساعة من العلاج قدمي له زبادي وخضار مسلوق ودجاج يعني نوعي له

وضروري تتأكدين من وجود الاسهال او لا ..

وشيكي على حرارته واذا مزكم او انفه مسدود ..

[بسبس مياو]

روشه وطلعه الحوش!!!!!
الجو بارد ....يعني مانشفة طلعه مبلول؟ ويمكن ماغسل الشامبو عنه كويس ولحس نفسه
اكيد حرارته مرتفعة ,ماينفع تحطه بالحوش دخله البيت لازم يدفى ولا راح يقلب التهاب رؤي
الحليب ممنوع لانه يجيب اسهال والجبن بعد
عطيه دجاج مسلوق بس وزبادي ولاااازم يدفى
محد يروش القط في الشتاء
جيب بيتاموكس من البيطرية وعطيها قطارة كاملة مرتين باليوم
واذا مافي بيتاموكس جيبي من الصيدلية البشرية ايموكس 2مل مره في اليوم
ضروري تقيسي الحرارة لأنه احتمال يكون حرارتها مرتفعة او منخفضة
لو الموضوع استفراغ وبس كنت قلتلك صوميها وعطيها موتيليوم
بس هي خاملة ومش على طبيعتها يعني احتمال كبير تكون مسخنة

[Memo 12]

ايي وديتها عند البيطري اليوم قال ان حرارتها مرتفعه ٣٥
وعطاها ثلاث ابر
وكتب لها دوا kaptin لان قال معاها سهال
وكتب لها شي مثل الماء اسمه baby lyte
وقال لي اخليها في مكان دافي وانشالله تتشافى
والحين هي مثل الي بتموت ارفع راسها ماتسوي شي العاده تشمخني وماترضى :(
وقال بكرا اجيبها له بيركب عليها مغذي :(

[Memo 12]

قطوتييي رجعت الدوا كلله وش اسوي :(
ابوووي يقول مريضه حيل يبغاني ارميها في الشارع بس شسوي متعلقه فيها حيل
مو قادره اتركهاا يقول تمرضنا بعدين :(
وش الححل !! :(

[بسبس مياو]

حبيبتي قولي لابوك مافي ولا مرض ينتقل من القطط للانسان والعكس صحيح وهالشي اكيد 100%
اوعي تتخلي عنها
تقولين حرارتها 35 يعني منخفضة مش مرتفعة!!! انتي متأكدة من الرقم
اذا فعلا حرارتها كذا لازم حالا تدخليها غرفة دافية مرره وشغلي الدفاية جنبها ولفيها ببطانيةلازم حرارتها ترتفع ولا بتموت
جيبي مضاد حيوي ايموكس من الصيدلية البشرية وعطيها 2مل ضروري مره في اليوم
جيبي دواء موتيليوم للاطفال وعطيها 1 مل مرتين في اليوم قبل الاكل بساعة (هذا الدواء قبل المضاد)
وبعد ماتاكل عطيها المضاد
محلول الجفاف بيبي لايت عطيها منه اربع مرات باليوم (جيبي سرنجة عبي نصها المحلول ونصها مويه)
بعد الموتيليوم بساعه عطيها زبادي بالسرنجة
الله يخليكي لاتهمليها صدقيني هي اخذت برد من الترويش وطلعت الحوش لاترميها :(
انتي وين بالسعودية

[Memo 12]

ماتت القطوه :( :( :( والله احس اني ببكي مو عارفه شسوي :(

[Memo 12]

هذا اهيا قبل سبوع ماكان فيها شي ولعوبه جدا والله اذا زهقت ما اتسلى الا معاها
ماراح انساها ابدا T_T :( ~

[url=http://www.up-00.com/]http://store0.up-00.com/2013-12/138608956971.jpg[url/]

[فاتـــو]

ايي وديتها عند البيطري اليوم قال ان حرارتها مرتفعه 35
وعطاها ثلاث ابر
وكتب لها دوا kaptin لان قال معاها سهال
وكتب لها شي مثل الماء اسمه baby lyte
وقال لي اخليها في مكان دافي وانشالله تتشافى
والحين هي مثل الي بتموت ارفع راسها ماتسوي شي العاده تشمخني وماترضى :(
وقال بكرا اجيبها له بيركب عليها مغذي :(

لاحول ولا قوة الا بالله


هي ماتحملت كميه الابر اللي اعطاها اياها الدكتور

بس كيف حرارتها مرتفعه وهي 35

35 معناته حرارتها منخفضه 3 درجات ومحتاجة اللي يرفعها .!!

الله يعوضك عنها وانتي سويتي اللي عليك ..

[بسبس مياو]

الله يعينك..المهم انك ماتركتيها تموت وحيدة
35 درجة جدا منخفضة وهي سبب موتها اكيد...
رجاء لحد يروش قطاوته بالشتا ابدا
الله يعوضك :(

[Memo 12]

اوه اسفه كتبت مرتفعه م نتبهت اقصد منخفضه !

[فاتـــو]

الله يعوضك عنها خير

يغلق لانتهاءه ..