2zoo•• ورشة عمل لترويض الببغاوات ••2zoo

[monybat]

http://alfaris.net/up/89/alfaris_net_1388688621.gif (http://alfaris.net/up/89/alfaris_net_1388688621.gif)

السلام عليكم ورحمة الله وبركاته




نبدأ اليوم ورشة العمل الخاصة بترويض الببغاوات



وبإذن الله جميعا نخطو خطوات للأمام في كيفية وطرق الترويض



ونلفت انتباه الجميع الردفي الموضوع فقط للمشتركين في الورشه لتنسيق

وبامكانكم المشاركه من خلال الظغط على هذا الموضوع...



إعلان عن (( ورشة عمل لترويض الببغاوات )) (http://www.2zoo.com/vb/showthread.php?t=329577)



(http://www.2zoo.com/vb/showthread.php?t=329577)

كما نحيطكم علما بأن اي سؤال او استفسار خارج نطاق الورشة سوف يتم حذفه


كما سوف تغلق الورشة يوميا في تمام الساعه العاشرة مساءً










الخطوة الأولى





إخراج الببغاء من القفص وهي اهم خطوه



على الجميع ان يقوموا بإختيار المكان الهادي احضار الاستاند و وضعه في زاوية او يكون خلف الاستاند حائط كي تتمكن من السيطره على الطير



وايضا يجب الانتباه على انه لا يوجد زوايا او مخبأ اذا الطير حاول الهرب



مثل تحت الدولاب او السرير او ماشابه يمكن سدها كي لا يتعرض الطير للاذى



يجب تجهيز القفازات و ايضا الغطاء مثل( سجاده او شرشف سميك)



نخرج الطير من القفص وذلك عن طريق فتح الغطاء الأعلى للقفص وراح يخرج الطير وذلك بصعوده لأعلى او اذا امكنك ادخال يدك لاخراجه من القفص وهذا الامر يعتمدعليد في حال كنت خائف من عضة الطير او لا





في حال محاولة الطير الهرب القي عليه الغطاء ومن ثم قم بحملة و وضعه عالاستاند



يجب اخفاء القفص بشكل نهائي عن الطير ضع الطير على الاستاند واتركه كي يشعر بالامان كما ذكرنا الاستاند مزود بصحون لكن نشيل صحن الاكل في الوقت الحالي ونبقي صحن الماء



بعد ترك الطير لمده عشر دقايق او ربع ساعه طبعا خلال هذه الفتره نقوم بمراقبته عن بعد



اذا حاول النزول او الطيران من على الاستاند نأتي مره اخرى بالغطاء ونلقيه عليه ومن ثم نضع على الاستاند مره اخرى ، بعض الطيور لا تتقبل الاستاند في اول الفترات لذلك قلت لكم متابعة الطير الي ان يركز ويهدأ على الاستاند ويتقبل الوضع الجديد



بعد تقبل الوضع الجديد لا مانع من المرور او التجول في المكان الذي به الطير



طبعا الان شايلين الاكل من الطير يمكننا اخذ حبه او فول سوداني او عنبه وتعطيها للطير



هل سيتقبل ام لا ؟





في حالة تقبله فهذا انجاز جيد ام في حاله الرفض اتركه كما هو ولا تزعجه



بعد مرور الساعه قم بإعادة المحاولة كما ايضا ذكرت انك الان تتجول وتراقب الطير وذلك بالمرور حوله وكأنه غير موجود



مع مررو الوقت وهو على الاستاند حاول ان تتقرب من الطير سواء بالجلوس امام او انك محاولة اعطاءه الاكل او اقترب بجسدك منه قليلا المهم اننا ندخل الحيز المحاط به والذي عند اختراقه الطير يخاف او يجعر






نحاول معه مرات اخرى لاخذ الاكل من ايدينا الى ان يأخذها حتى اذا اخذها ورماها فهذا ايضا جيد فهو دليل على عدم رغبته وهذا التفسير معروف ولكن من نظرتك الان كمروض للطير أنه رضخ و أخذها من يدك وهذه النقطه مكسب لنا حيث انه اصبح يتقبل الامر لكن دون رغبه به ومع الوقت سوف تتعدل هذه النقطه بإذن الله





الخطوه الثانيه

بعد ان قمنا بإخراج الطير من القفص و وضعه على الاستاند ومحاولة التأكيل اليدوي ولله الحمد اغلبكم تقدم في الخطوه الاولى والبعض وجدت انه متعدي هذه المرحله وانحرت اغلب الاستفسارات حول كيفية المسح او طريقة الصعود عاليد
نأتي الان للخطوة الثانية من تدريب الطير والتي لا تقل اهميه عن الخطوه السابقه التي كانت من شأنها اعطاء فرصه للطير كي يثق بنفسه ويثق ايضا في المدرب فهي مفتاح التدريب .
الأن سوف نتحدث عن نقطتان في خطوه واحده وهما :

1) طريقة الاحتاكاك مع الطير (( المسح على الطير ))

2) طريقة الصعود عاليد



* طريقة المسح على الطير

أغلب اطيور وايضا الطيور المروضة لا تحب اللمس وهذا شئ طبيعي جدا حتى الطيور المدربه ايضا نجدها تحب لمس مربيها فقط وليس اي احد لذلك فان عند لمس الطير يجب مراعاة شئ مهم جدا وهو طريقتك في المسح عليه بعض الأشخاص يدخلون بيدهم عالطير بطريقة ترهبه حتى اذا كان اليف فنجد الطير ينتفض من مكانه وهذا خطأ كبير لابد من التعامل معه بكل هدوء الي ان يثق بك ويطمئن إليك قم بتصوير فيديو توضيحي لهذه العملية

1ipruXGW6Do

إذا لاحظتم المقطع جيدا تجدون اني عند مد يدي له بشكل مفاجئ او مد كف اليد يستغرب ويظهر عليه القلق لكن في اول المقطع عندما قمت بحك رأسه بإصبعي يتقبل الامر وبعد تقبله لذلك أبدأ بإستخدام باقي الاصابع وكف اليد عليه وبالتالي نكون من خلال هذا المقطع غطينا استفسارات لبعض الاعضاء .

* طريقة الصعود على اليد

مما لاشك فيه انا اغلبنا يريد ان تكون طيوره مطيعه له اعند اعطاءه الامر يجب ان ينفذه لكن كي ينفذه بطريقه صحيحه لابد من ادخال البرمجه للطير بالطريقة الصحيحه وهذا هو الهد الذي سوف نتحدث عنه
اقدم لكم ايضا فيديو يوضح البرمجه لدى الطير وهي تعتبر تمارين ايضا للطير كي يحفظ الحركه

crUlK2TSCzo

قبل التعليق على الفيديو هناك حلول كثير لصعود الطير عاليد واسهلها هي وضع الطير عالارض وقم بتقديم العصا له راح يصعد عليها او قم بمد يدك راح يصعد ايضا الطير عندما يكون في حالة قلق او توتر

عند مشاهدة المقطع نجد ان اربط كلمة تعال بمد اليد الي صدر الطير وبالتالي اصبح مبرج وايضا نلاحظ في اخر المقطع اني اقوم بتمرين الطير مع مد اليد واحده تلو الأخرى مع تكرار كلمة تعال طبعا كثر ما تقوم بهذا التمرين راح يحفظة

الخطوه الاخيره

بعد ما تعرفنا على الخطوة الاولى والتي تمثلت في طريقة اخراج الطير من القفص ووضعه عالاستاند


وايضا قمنا بالخطوة الثانية والتي جمعت بين نقطتان هامتان
وهما كيفية المسح على الطير
وطريقة الصعود عاليد


وقد لاحظت ان اغلبكم قد بدأ يشعر بالرضا من طيوره وهذا احساس جيد ومنكم من تمكن من الترويض التام


نأتي الأت الي الخطوة الاخيره قي الورشه

والتي تعتمد على التكرار ، نعم تكرار ماسبق وبنفس المهارة التي قمتم بها فأنتم الان المدربيين ونحن نتلقى منكم الاستفسارات الي أخر يوم تنتهي به الورشة



بالتوفيق

[أسيــــر]

اعزائي المشتركين
المطلوب منكم الان القيام بما تم توضيحه بالاعلى
والرد على نفس الموضع ويكون الرد كالتالي
عمر الطير :
توضيح عمر الببغاء
النوع :
نوعية الببغاء
اظافة صوره او مقطع:
نظيف صوره ويفضل مقطع فديو لتحليل شخصية الببغاء وتوجيهك كيف تتعامل معه
بعض المعلومات الاخرى
هل تم ضرب الطير او تخويفه من قبلك او من قبل اسرتك ؟
هل الطير من النوع الخواف ام جريئ ويمكنه المهاجمه و العض ؟
ملاحظه
كل منا له طريقته في الترويض وابداء رئيه سوائن تعليمات
سكر - monybat - أسير
انت اختار ماهو مناسب لك من تعليمات وتبع توجيهاتها من خلال ردنا على استفسارتكم
وبعدها توضح لنا ما قمت بفعلة وسوف نقوم بالرد على اي تساؤلات منكم بإذن الله ..
يتبع .....

[سكر]

السـעم عليگم ورحمة الله وبرگاتھ

احبتي احييكم في هذه الورشة المباركة التي جمعتنا بين اسوار منتدانا الغالي
وتحت رعاية مشرفينا المميزين محمد منير واسير

نحن معاً خطوة بخطوة وأتمنى للجميع اوقات مفيدة وتدريباً ممتعاً

اخوكم سكر

[SouD-kuvv-1998]

السلام عليكم ورحمة الله وبركات
مجهوود اكثر من رائع بالنسبه
العمر:10شهور
النوع:بلوفرنتد امازوون جاكو
الصوره ماتنزل لاكن طيري من نوع الي يعض ويهاجم
محد اذاه
بس الطير يصعد علا ايدي مرات ويخليني امسح علا راسه علا حسب مزاجه وياكل من ايدي دايم

[سوزان12]

السلام عليكم
كاسكو تسعة اشهر موجود عندي لمدة شهر
خواف واحيانا يعض مشكلة الجعير
هل اضع له الاكل الان او انتظر الى ان ابدا بعد ساعة تقريبا

[OmAhmad]

السلام عليكم

النوع: بلوفرونتد
العمر: بحدود ١١ شهر
ما يعض وأقدر أمسح على راسه وياكل من اليد
بس ما يطلع على اليد ولا أقدر أمسح على جسمه وعنده خوف من تجربة أشياء جديده
يعني اذا جبت له لعبه جديدة ممكن يحاول يطير من القفص
يكره ولدي الصغير ودائما يحاول يعضه ويعضنا اذا مر الولد وحنا نلعبه
يكرهه لأنه كان يلعب بالسيارة على القفص��


ينفع أحاول أخليه يطلع على عصا وأنقله للستاند ولا على طول أرمي عليه منشفه؟

[تاكو افريقي]

السلام عليكم
ماشاء الله عمل جبار وبإذن الله النتائج ستكون رائعه .. جزيتم خيرا

العمر : خمس سنوات
نوعه :كاسكو أفريقي
معلومات أخرى : الببغاء لم يضرب إلا من قبل فرد في العائله بسبب عضه له بشكل مؤلم
ببغائي عدواني وجريء لايقبل أن يدخل أحد يده في شبكه غيري ..يعاني من نتف الريش بشكل بسيط

[سوزان12]

وكمان بروض امزوني ريد لورد سنة اليف ويطلع عاليد والكتف بس مايرضى امسح عليه ابدا

[the_gostman]

عمل رائع وجهد واضح ماشالله عليكم..


كل الشكر على القائمين على هذه الورشه..


بارك الله فيكم.
أخوكم رمزي

[monybat]

ما شاء الله صبحكم الل بالخير
اغلبكم ما تاعون منه امور سهله جدا
وتم الرد داخل طلبكم وماشاء الله متعدين المراحل الاولى بكثير

الاخت سوزان الكاسكو هو ما يبدأ من الخطوة الاولى اللي نزلتها لكن ابدأ بتدريب الامازون كما رديت عليكي ويكون الامر سهل بالاول

[أسيــــر]

السلام عليكم ورحمة الله وبركات


مجهوود اكثر من رائع بالنسبه

العمر:10شهور
النوع:بلوفرنتد امازوون جاكو
الصوره ماتنزل لاكن طيري من نوع الي يعض ويهاجم
محد اذاه
بس الطير يصعد علا ايدي مرات ويخليني امسح علا راسه علا حسب مزاجه وياكل من ايدي دايم






وعليكم السلام ورحمة الله وبركاته

حسب وصفك لحالة الطير انهو مزاجي ويعتبر مروض
ويحتاج منك متابعة واخراجه بستمرار
ابتدي من النقاط الي ذكرناها في الاعلا حسب التوجيهات
ذوق الطير العسل او المربى بالتوة لمشكلة العض
والهجوم عادة يكون بسبب خوفك منه وعاده لدى الطير
وفي غرفة اظائتها خافته ضع الطير على ايدك ومسح عليه
واي ملاحظات اخرى لدى الاخوان راح يذكرونها لك
ننتظر التطورات منك





السلام عليكم




كاسكو تسعة اشهر موجود عندي لمدة شهر

خواف واحيانا يعض مشكلة الجعير
هل اضع له الاكل الان او انتظر الى ان ابدا بعد ساعة تقريبا






وعليكم السلام ورحمة الله وبركاته

في حالة عدم تعود الطير على البشر طول الفتره هذي
استمري بوضع الطير على الاستاند لمدة 2 الى 3 ايام وتركيه
معه الحركه من المتواجدين راح يخف الخوف منه وبعدها ابتدي بنقاط المذكورفي الاعلا




السلام عليكم





النوع: بلوفرونتد

العمر: بحدود ١١ شهر
ما يعض وأقدر أمسح على راسه وياكل من اليد
بس ما يطلع على اليد ولا أقدر أمسح على جسمه وعنده خوف من تجربة أشياء جديده
يعني اذا جبت له لعبه جديدة ممكن يحاول يطير من القفص
يكره ولدي الصغير ودائما يحاول يعضه ويعضنا اذا مر الولد وحنا نلعبه
يكرهه لأنه كان يلعب بالسيارة على القفص😓





ينفع أحاول أخليه يطلع على عصا وأنقله للستاند ولا على طول أرمي عليه منشفه؟





وعليكم السلام ورحمة الله وبركاته

الطير تعدى مرحلة الخوف
ابتدي بوضعه على الاستاند ومحاولة تدريبه الخروج على الايد بتغرب الايد بشكل الصحيح
الالعاب معه الوقت راح يتأقلم عليها
بنسبه انه يكره الولد يعتبر اخذ موقف منه ومعه الايام ان شالله تخف عدائيته
وبنسبه لنقله على عصا ممتاز انقليه ومن خلالها كرري له الخروج على العصا تمهيد الى خروجه على الايد
السلام عليكم





ماشاء الله عمل جبار وبإذن الله النتائج ستكون رائعه .. جزيتم خيرا


العمر : خمس سنوات
نوعه :كاسكو أفريقي
معلومات أخرى : الببغاء لم يضرب إلا من قبل فرد في العائله بسبب عضه له بشكل مؤلم
ببغائي عدواني وجريء لايقبل أن يدخل أحد يده في شبكه غيري ..يعاني من نتف الريش بشكل بسيط






وعليكم السلام ورحمة الله وبركاته

ابتدي بالخطوات الي ذكرناها في الاعلا
ويفضل انه لايرى الشخص الذي ضربه

بنسبه لمثل هذي الحالة يتم تدريبها من شخص متمكن لعدة اسباب
منها عمر الطير - مضروب سابقا

راح نتابع معه بعض واكيد الاستاذ سكر له ملاحظات راح يظيفها لك


وكمان بروض امزوني ريد لورد سنة اليف ويطلع عاليد والكتف بس مايرضى امسح عليه ابدا



حسب وصفك لحالة الطير انهو اليف
وتعانين فقط من المسح عليه
راح اذكر لك احدى الطرق وهي
محاولة المسح على الطير في اظائه خافته وهو على ايدك

[سوزان12]

الان بعد ساعتين ونص مع الكاسكو بونو وقف الجعير وصرت اقرب منو لدرجة كبيرة واعطيتو الاكل بيدي اخد مرتين بس رماها وبعدها ولا كانو شايفني معطيني طناش

[أسيــــر]

الان بعد ساعتين ونص مع الكاسكو بونو وقف الجعير وصرت اقرب منو لدرجة كبيرة واعطيتو الاكل بيدي اخد مرتين بس رماها وبعدها ولا كانو شايفني معطيني طناش

خطوه جيده
وحاولى ماتضغطي على الطيراتركيه يرتاح معه تقديم وجبه غذائيه له
الترويض يحتاج منك الصبر وتهئ نفسيا

[نايف البرقاوي]

السلام عليكم
موضوع جيد وموفق ان شاء الله ،

اخواني عندي كاسكو
العمر : سنه وعشرة اشهر الى سنتين << محظظ بالكبار ^_^
له شهرين تقريباً عندي .
المشكله : يجعر وينحاش مني خواف جداً ، جربت معاه انواع الطرق للترويض واعتمدت تغيريها كل يوم حتى يقبل مافيه فايده
العض مايعض ولله الحمد
اقدم له الاكل ياخذه ويرميه ، الا اذا استخدمت طرق اخرى فيبداء ياكل

اذا في حل للجعير لاتبخلوا علينا

[monybat]

في انتظار ما قمتم به كي نتواصل معكم بإذن الله

برجاء كتابة ما تقوموا به من خطوات وسوف نقوم بمساعدتكم بإذن الله تعالى

[سوزان12]

الاهم عندي الكاسكو اخد حبة قبل قليل وخرجت من الغرفة وسمعتو يقشرها واكلها ورجعت باعطيه تاني ما اخد

[monybat]

الاهم عندي الكاسكو اخد حبة قبل قليل وخرجت من الغرفة وسمعتو يقشرها واكلها ورجعت باعطيه تاني ما اخد

ممتاز جدا غيري النوع اعطيه سوداني مثلا ومنتظر ردك

[monybat]

السلام عليكم ورحمة الله وبركات
مجهوود اكثر من رائع بالنسبه
العمر:10شهور
النوع:بلوفرنتد امازوون جاكو
الصوره ماتنزل لاكن طيري من نوع الي يعض ويهاجم
محد اذاه
بس الطير يصعد علا ايدي مرات ويخليني امسح علا راسه علا حسب مزاجه وياكل من ايدي دايم



الرد طيرك يعتبر شبه اليف الي درجه كبيره لكن انت متعدي هذه المرحله وهي اخراجه من القفص
لذلك سوف اطلب منك استخدام طريقة المنشفه له وهي بالتالي اجبار له حتى يتعود على المسح في اي وقت

[monybat]

السلام عليكم

النوع: بلوفرونتد
العمر: بحدود ١١ شهر
ما يعض وأقدر أمسح على راسه وياكل من اليد
بس ما يطلع على اليد ولا أقدر أمسح على جسمه وعنده خوف من تجربة أشياء جديده
يعني اذا جبت له لعبه جديدة ممكن يحاول يطير من القفص
يكره ولدي الصغير ودائما يحاول يعضه ويعضنا اذا مر الولد وحنا نلعبه
يكرهه لأنه كان يلعب بالسيارة على القفص��


ينفع أحاول أخليه يطلع على عصا وأنقله للستاند ولا على طول أرمي عليه منشفه؟






الرد طالما تستطيع نقله وهو خارج القفص فهذا امر سهل لكن ابدأ بالمنشفه ايضا وظل امسح عليه
واعطينا خبر الامر سهل جدا وايضا الصعود عاليد سوف انزل فيديو خاص بهذا الامر

[monybat]

السلام عليكم
موضوع جيد وموفق ان شاء الله ،

اخواني عندي كاسكو
العمر : سنه وعشرة اشهر الى سنتين << محظظ بالكبار ^_^
له شهرين تقريباً عندي .
المشكله : يجعر وينحاش مني خواف جداً ، جربت معاه انواع الطرق للترويض واعتمدت تغيريها كل يوم حتى يقبل مافيه فايده
العض مايعض ولله الحمد
اقدم له الاكل ياخذه ويرميه ، الا اذا استخدمت طرق اخرى فيبداء ياكل

اذا في حل للجعير لاتبخلوا علينا




الرد اخي الفاضل

الجعير امر طبيعي لكن ما نقوم به هي الخطوات الاولى كي نتمكن من تعويد الطير علينا
وايضا نتمكن من التعامل معه انت بدأت مع طيرك في اكثر من طريقه كما ذكرت

المطلوب منك اتبع الخطوات بالاعلى وشيل منه الاكل في الوقت الراهن

بالتوفيق

[سوزان12]

الحمدلله اخد الحبة التانية اخيرا بالنسبة للفول السوداني اعتقد انو يخاف منها لانها بقشرتها فهل اقشرها والا استمر بتقديمها بالقشرة

[monybat]

السلام عليكم
ماشاء الله عمل جبار وبإذن الله النتائج ستكون رائعه .. جزيتم خيرا

العمر : خمس سنوات
نوعه :كاسكو أفريقي
معلومات أخرى : الببغاء لم يضرب إلا من قبل فرد في العائله بسبب عضه له بشكل مؤلم
ببغائي عدواني وجريء لايقبل أن يدخل أحد يده في شبكه غيري ..يعاني من نتف الريش بشكل بسيط





الرد اخي الفاضل طلبت من الجميع المشاركه لطيورهم بحيث اهم نقطه ان لا يكون يعاني من اي مرض عضوي او نفسي
ولذلك لا انصحك بالتدريب الا بعد المعالجه بالتوفيق

[monybat]

الحمدلله اخد الحبة التانية اخيرا بالنسبة للفول السوداني اعتقد انو يخاف منها لانها بقشرتها فهل اقشرها والا استمر بتقديمها بالقشرة


ممكن تقشريها وتقدميها له اجعلي الاكل من يدك قدر ما تستطيعين وحاولي تتكلمي معه اثناء تقديم الاكل

[سوزان12]

الان يغمض عيونو كانو يبغى ينام مدري اتركو يرتاح وارجعلو والا استمر اروح وارجع ليه

[سوزان12]

وفي ملاحظة نسيت اقولها هوا اساسا ماياكل الفول السوداني حتى لما يكون فالعلبة مرة مستغربة عليه

[A.Alansari]

عمر الطير : 10 شهور الى سنة

النوع : امازون بلوفرنتد

اظافة صوره او مقطع:

لايوجد لدي صورة في الوقت الحالي لاني في الدوام لكن حبيت اشارك بالموضوع

هل تم ضرب الطير او تخويفه من قبلك او من قبل اسرتك ؟

لا

هل الطير من النوع الخواف ام جريئ ويمكنه المهاجمه و العض ؟

الطير جريئ ويعض اي احد غيري ويعضني مرات لكن لما اقول له عيب يوقف

انا الحمدالله متعدي موضوع الستاند من فترة والطير شبه اليف لكن مزاجي وامسح على راسه عادي حتى وهو على يدي او بحضني

لكن مايركب على يدي الا بمزاجة وانا ما اغصبه لكن اذا مارضى مايركب اروح عنه ويطلع صوت كأنه ينادي ارجع له ومايرضى

واكرر هالعملية ثلاث او اربع مرات في غضون 5 دقايق ويقتنع ويركب على يدي لانه يدري لو ماركب بخليه بنفسه في الغرفه

[أسيــــر]

ريحي الطير اختي لاتظغطين عليه اكثر
وطبيعي انه لايتغبل الفول السوداني جديد عليه ممكن

[سكر]

عمر الطير : 10 شهور الى سنة

النوع : امازون بلوفرنتد

اظافة صوره او مقطع:

لايوجد لدي صورة في الوقت الحالي لاني في الدوام لكن حبيت اشارك بالموضوع

هل تم ضرب الطير او تخويفه من قبلك او من قبل اسرتك ؟

لا

هل الطير من النوع الخواف ام جريئ ويمكنه المهاجمه و العض ؟

الطير جريئ ويعض اي احد غيري ويعضني مرات لكن لما اقول له عيب يوقف

انا الحمدالله متعدي موضوع الستاند من فترة والطير شبه اليف لكن مزاجي وامسح على راسه عادي حتى وهو على يدي او بحضني

لكن مايركب على يدي الا بمزاجة وانا ما اغصبه لكن اذا مارضى مايركب اروح عنه ويطلع صوت كأنه ينادي ارجع له ومايرضى

واكرر هالعملية ثلاث او اربع مرات في غضون 5 دقايق ويقتنع ويركب على يدي لانه يدري لو ماركب بخليه بنفسه في الغرفه

ماشاء اللھ طيرك صاحب شخصية جيدة
ومازال صغير في العمر

مشكلة الطلوع على اليد يبغالها شوي تركيز منك
حطه بمكان املس مثلاً على الارض
وحاول تطلعه على يدك م؏ ذكر كلمة اطلع ، بيطلع بسهولة
اذا طلع لاتوديه للاستاند مباشرة
خذ لك لفة بالبيت وغني له وتكلم حتى يتفاعل وينبسط
كل خطوة ذكرتها مهمه ولها اسباب
مكان املس : مهم حتى يطلع بسهولة لانه مو مرتاح على البلاط وبيقبل يطلع على يدك
كلمة اطلع : مهمة حتى يتعلم الارتباط ويصير يطلع في اي مكان اخر غير الارض
تفاعلك معاه وغنائك : مهم حتى يتحمس للصعود على يدك طمعاً في اخذ جولة والاستمتاع بتفاعلك معاه
ربَّيےُ يوفقك

[سكر]

السلام عليكم ورحمة الله وبركات
مجهوود اكثر من رائع بالنسبه
العمر:10شهور
النوع:بلوفرنتد امازوون جاكو
الصوره ماتنزل لاكن طيري من نوع الي يعض ويهاجم
محد اذاه
بس الطير يصعد علا ايدي مرات ويخليني امسح علا راسه علا حسب مزاجه وياكل من ايدي دايم



استغل الوقت اللي يكون فيه مايل للكسل والنوم
تلاقيه نافش ريشه ومايل للاسترخاء
هذا وقت مناسب انك تحك ريشه بمقاومة اقل
لابد تكون بطيء في حركتك معاه وفي مشيك اليه حتى
بمجرد ماتلمس ريش رقبته بيتفاعل معاك وينفش ريشه اكثر وبيستمتع بالمساج
ومع التكرار بيصير مدمن على هذا الوضع
اللي يخرب عليك انك تختار اوقات لحك الريش تناسبك انت وما تناسب ببغائك
الفترة الجاية ابحث عن الوقت المناسب له وبعد مايتعود تقدر تحك ريشه اي وقت ان شاء اللھ
م؏ ربط عملية الحك بكلمة (راسك) مثلا او اي كلمة. لابد تربط الفعل بالأمر
واختر اضائه خافته قليلاً للبدء بالعملية حتى تقل المقاومة من الطير
وربي يوفقك

[monybat]

عمر الطير : 10 شهور الى سنة

النوع : امازون بلوفرنتد

اظافة صوره او مقطع:

لايوجد لدي صورة في الوقت الحالي لاني في الدوام لكن حبيت اشارك بالموضوع

هل تم ضرب الطير او تخويفه من قبلك او من قبل اسرتك ؟

لا

هل الطير من النوع الخواف ام جريئ ويمكنه المهاجمه و العض ؟

الطير جريئ ويعض اي احد غيري ويعضني مرات لكن لما اقول له عيب يوقف

انا الحمدالله متعدي موضوع الستاند من فترة والطير شبه اليف لكن مزاجي وامسح على راسه عادي حتى وهو على يدي او بحضني

لكن مايركب على يدي الا بمزاجة وانا ما اغصبه لكن اذا مارضى مايركب اروح عنه ويطلع صوت كأنه ينادي ارجع له ومايرضى

واكرر هالعملية ثلاث او اربع مرات في غضون 5 دقايق ويقتنع ويركب على يدي لانه يدري لو ماركب بخليه بنفسه في الغرفه


السلام عليكم اخي الفاضل انت طيرك يعتبر اليف لكن هي مسأله تعود على الصعود عاليد
وراح نتطرق لهذه النقطه عالقريب تابعنا وبإذن الله نحلها معا

[سكر]

السلام عليكم

النوع: بلوفرونتد
العمر: بحدود 11 شهر
ما يعض وأقدر أمسح على راسه وياكل من اليد
بس ما يطلع على اليد ولا أقدر أمسح على جسمه وعنده خوف من تجربة أشياء جديده
يعني اذا جبت له لعبه جديدة ممكن يحاول يطير من القفص
يكره ولدي الصغير ودائما يحاول يعضه ويعضنا اذا مر الولد وحنا نلعبه
يكرهه لأنه كان يلعب بالسيارة على القفص��


ينفع أحاول أخليه يطلع على عصا وأنقله للستاند ولا على طول أرمي عليه منشفه؟




ببغائك مميز لكن لابد مراعاة بعض الامور
اذا مر الولد وانتي تلعبي معاه احرصي انك ماترفعي يدك فوق مستوى راس الببغاء حتى يروح الولد
لان هذا نوع من التحدي عند الطيور ولابد يثبت وجوده وقوته بالعض
واذا قدرتي ترفعي مستوى الببغاء لأعلى (مثلاً توقفي ) يكون افضل

اللعبة الجديدة لابد ماتركبيها قدام الطير
حاولي تحطيها في الظلام ولما يطلع الصباح يشوفها قدامه
والاهم مايشوفها تتحرك بيدك لان هذا معناته عنده انها كائن اخر يحاول يهاجمه

الصعود على اليد بامكانك تستغلي خوفه من ولدك
خلي ولدك في طرف الصالة جهة الجدار ثابت
وحطي الطير في الارض بينك وبين ولدك
وابعدي القفص تماماً واي شي يطير اليه
وببساطة اجلسي و اعطيه يدك بتلاقيه يطلع بعد شوي بكل سهولة
المهم ولدك يبقى ثابت واذا تحرك يتحرك بهدوء وبدون اي فجائية م؏ ترك مسافة اطول بين الببغاء وبين ولدك

[سكر]

السلام عليكم
ماشاء الله عمل جبار وبإذن الله النتائج ستكون رائعه .. جزيتم خيرا

العمر : خمس سنوات
نوعه :كاسكو أفريقي
معلومات أخرى : الببغاء لم يضرب إلا من قبل فرد في العائله بسبب عضه له بشكل مؤلم
ببغائي عدواني وجريء لايقبل أن يدخل أحد يده في شبكه غيري ..يعاني من نتف الريش بشكل بسيط




ماشاء اللھ
ننتظر تطبيقك للتعليمات وافادتنا حتى نعلق على تجربتك
ضعه على الاستاند وقدم له فول سوداني وعلق على مايحدث

[سكر]

السلام عليكم
موضوع جيد وموفق ان شاء الله ،

اخواني عندي كاسكو
العمر : سنه وعشرة اشهر الى سنتين << محظظ بالكبار ^_^
له شهرين تقريباً عندي .
المشكله : يجعر وينحاش مني خواف جداً ، جربت معاه انواع الطرق للترويض واعتمدت تغيريها كل يوم حتى يقبل مافيه فايده
العض مايعض ولله الحمد
اقدم له الاكل ياخذه ويرميه ، الا اذا استخدمت طرق اخرى فيبداء ياكل

اذا في حل للجعير لاتبخلوا علينا



اتبع التعليمات في بداية الموضوع وان شاء اللھ تلاقي خير
وحالتك ممتازة ومناسبة للموضع
وبخصوص الأكل اذا اعطيته سارع بالخروج من عنده
لاتبقى عنده حتى مايعبر عن غضبه في الاكل
بمجرد يمسكها روح واذا رماها ارجع له بعد شوي واعطيه وروح وهكذا
وراح يف التجعير بشكل مبهر
المهم لاتتحمس وتلمسه ، اصبر شوي حتى نوصل للوقت المناسب

[سكر]

الان يغمض عيونو كانو يبغى ينام مدري اتركو يرتاح وارجعلو والا استمر اروح وارجع ليه

لاخلاص الحين خليه يرتاح شوي لكن حلو انه يشوفك قريبه منه ويبقى بنفس وضعه وحالته
اذا تغير وصار نشيط معناته انه خايف منك كثير
واذا بقي فهذا شي طيب

[m7md1]

السلام عليكم..
النوع : كاسكو أفريقي.
العمر : سنتين إلى ثلاث سنوات تقرببا.
حالة الطير : أليف و العض خفيف يطلع عاليد مزاجي ياكل الفول السوداني من يدي لكن الحب ياخذه و يرميه، اكثر شيئ يكرهه اني المس جسمه و عضني عضات اليمه و انا احاول المس مره من المرات يخاف من الاشياء الجديده مرررره لدرجة انه اذا حطيت اللعبه غي القفص و دخلت الطير بالقوه للقفص ارجع و القى نص اللعبه ماكول، مع العلم انه كان اليف و يخليني احك راسه بس ما المس ظهره، و اعتقد ان سبب تغيره اني كنت المس ظهره و احكه غصب عنه.
ما قد ضربه احد

[سوزان12]

ايش اعمل من الصباح للان ما اكل غير حبتين

[m7md1]

ملاحظة : الطير يطلع على اليد و كتفي و اتمشى في البيت وهو على كتفي و اطلعه من القفص لل الاستاند بكل سهولة

[أسيــــر]

السلام عليكم..
النوع : كاسكو أفريقي.
العمر : سنتين إلى ثلاث سنوات تقرببا.
حالة الطير : أليف و العض خفيف يطلع عاليد مزاجي ياكل الفول السوداني من يدي لكن الحب ياخذه و يرميه، اكثر شيئ يكرهه اني المس جسمه و عضني عضات اليمه و انا احاول المس مره من المرات يخاف من الاشياء الجديده مرررره لدرجة انه اذا حطيت اللعبه غي القفص و دخلت الطير بالقوه للقفص ارجع و القى نص اللعبه ماكول، مع العلم انه كان اليف و يخليني احك راسه بس ما المس ظهره، و اعتقد ان سبب تغيره اني كنت المس ظهره و احكه غصب عنه.
ما قد ضربه احد
ملاحظة : الطير يطلع على اليد و كتفي و اتمشى في البيت وهو على كتفي و اطلعه من القفص لل الاستاند بكل سهولة

اخي الفاضل
من وجهة نظري الشخصيه
طيرك صاحب شخصيه قويه ومزاجي
وهذا سلوك اعتاده عليه ولن يتغير بالاظافة الى عمر الطير


ايش اعمل من الصباح للان ما اكل غير حبتين

اختي مثل ماوضحة لك
اتركي الطير يرتاح ياكل براحته وياخذ له قسط من الراحه
وفي اوقات معينه تعتبر استرخاء لطيور هنا يجب ان لانشغلها

[monybat]

ايش اعمل من الصباح للان ما اكل غير حبتين

اختي قدمي الاكل للطير ولكن كميه قليله
ضعي له ما يفضله من الاكل وايضا ممكن خبز له في الصحن
ولكن الكمية قليله كما ذكرت

وراقبيه ايضا لاتغفل عينك عنه

هل عند التقرب من الطير يجعر للان ام ماذا منتظر ردك مع الشكر

[monybat]

ملاحظة : الطير يطلع على اليد و كتفي و اتمشى في البيت وهو على كتفي و اطلعه من القفص لل الاستاند بكل سهولة

حلك الوحيد هو انك اثناء ملاطفة اطير وهو على يدك تحاول تمسح عليه يعني هو يكون منشغل وهو على يدك وباليد الاخرى حاول المسح عالظهر كأنه امر طبيعي وانت قاعد تتمشى كده لاحظ ان العمر كبير والطير اعتاد على عدم لمس الجسم لكم مع هذه المحاولات وبعد فترة راح يتقبل اذا حاول الالتفات ليدك ليعضها او حاول يعض قم بهز يدك بطريقة خفيفة كي ينشغل في الوقف عاليد ويبتعد عن عضة ايدك

خبرنا ماذا يحدث معك

[سوزان12]

وقف الجعير الحمدلله

[monybat]

وقف الجعير الحمدلله

ممتاز ممتاز

اليك الاتي ما عليك الا تجعليه عالاستاند يرتاح فقط
وقدمي الاكل كما ذكرت بكمية قليله واتركيه يأكل ومن الممكن تظليل المكان قليلا كي ينام
الوضع طبيعي جدا جدا الان

وعند الدخول عليه ونضيئ النور عليه راح اعلمكم بخطوه جريئه شوي لكن اذا تمت راح تختصر علينا الطريق

بالتوفيق

[سوزان12]

الان قدمت الاكل بالعلبة بس بيدي اخد الحمدلله

[monybat]

الان قدمت الاكل بالعلبة بس بيدي اخد الحمدلله

تمام احطي له العلبه وبعد ما يأكل خليه يرتاح وراح نفيدكم بالجديد بإذن الله بعد ما ياكل ويرتاح
تابعينا بالجديد بالتوفيق

[سوزان12]

جزاكم الله خير رجعت اكلت من يدي واكل خلاص بسيبو يرتاح

[monybat]

جزاكم الله خير رجعت اكلت من يدي واكل خلاص بسيبو يرتاح

جزاكم الله خير ايضا لمتابعتكم وتوضيح الامر لنا طبعا اهم شي الغرفة يكون جوها معتدل وليس بارد

بالتوفيق

[SouD-kuvv-1998]

انا اعطيه اكل بمقدار خمس حبات بس اوخر عنه ينقز من الستاند هبوط حر ويجي عندي عشان اعطيه .جزاك الله خير اخوي سكر بعد الاكل صار يبي ينام فسكرت اليت وبديت امسح علئ راسه في البدايه ماتقبل ولكن بعدين ارتاح وخلاني علئ راحتي زين مانام

[سوزان12]

طيب ايش اعمل دحين ارجعلو والا اتركه كمان وقت زيادة

[monybat]

طيب ايش اعمل دحين ارجعلو والا اتركه كمان وقت زيادة

بامكانك الرجوع له الان وايضا حاول تاكليه من يدك واخبريني ايضا عن تصرفاته عند العوده اليه

[سوزان12]

رجعتلو جعر قليل بس شي خفيف واخد مني الحب

[mazensu]

السلام عليكم ورحمة الله وبركاته
عمر الطير سنه وشهرين او حولهما
نوع الطير افريقي كنجولي
هل تم ضرب الطير اعتقد نعم مرة عضني وسحبت يدي بقوه وهو متعلق فيها وطار ورجعت له وكنت ادق بيدي على منقاره والسبب في ذلك الاخر سكر هو يقول فرض السيطرة ولا يحس الببغاء انه منتصر عليك وشكلي زودتها كثير عليه الحين هو في مدخل البيت وانا اجلس نهاية الصالة احس ما شغلته الا مراقبتي لو اغير جلستي ينقز يتعلق في القفص ولو اجي جهة يتحول لوضعية الهجوم
افتح له باب القفص اسمع جعير يتعلق في القفص مجرد ما اروح عنه بس ولو ثواني على طول يطلع فوق الققص ويرفرف بجناحه اجيه احط اصباعي يطلع على طول وما يقول شي
الحمد لله تعدية مرحلة العض بالمربى ومرحلة الشيل وخاصه مرحلة الشيل والشكر موصول للاخ سكر حمزة الغامدي وطريقة البانيو هي الي خلت الخوف ينتزع مني واقد اشيله ولا افكر بالعض منه
الحين امسح على راسه مرات ساكت ومرات انواع الجعير بس صراخ ولا يفكر يعض
اشيله نفس الشي امسح عليه واحطه على صدري وانواع الصراخ كانه يقول ما بقى الا انت
بالنسبة للبيت عادي يمرون جنبه يتحركون عادي بس انا يشوف ابليس ولا يشوفني
بالنسبة للصور حاولت رفعها يقول حجمها كبير
دمتم بود
سبب التأخير في المشاركة مع العلم ان الرد كما هو مكتوب يتوقف من قبل القائمين على هذه الورشة الساعه العاشرة مساء
هو العمل يا دوب جيت وجلست انفذ خطوطه بخطوه ومستمر

[سوزان12]

الحمدلله اخد الفول كمان وحالو تمام

[A.Alansari]

ماشاء اللھ طيرك صاحب شخصية جيدة
ومازال صغير في العمر

مشكلة الطلوع على اليد يبغالها شوي تركيز منك
حطه بمكان املس مثلاً على الارض
وحاول تطلعه على يدك م؏ ذكر كلمة اطلع ، بيطلع بسهولة
اذا طلع لاتوديه للاستاند مباشرة
خذ لك لفة بالبيت وغني له وتكلم حتى يتفاعل وينبسط
كل خطوة ذكرتها مهمه ولها اسباب
مكان املس : مهم حتى يطلع بسهولة لانه مو مرتاح على البلاط وبيقبل يطلع على يدك
كلمة اطلع : مهمة حتى يتعلم الارتباط ويصير يطلع في اي مكان اخر غير الارض
تفاعلك معاه وغنائك : مهم حتى يتحمس للصعود على يدك طمعاً في اخذ جولة والاستمتاع بتفاعلك معاه
ربَّيےُ يوفقك

هز لما احطه بأي مكان غير ستانده يركب على يدي على طول ويعرف كلمه فوق يعني يركب

بس مزاجي لما يكون على الستاند

[سوزان12]

ماشاءالله بيصفر مع الببغاء التاني رغم انو كل واحد بجهة بعيد عن الاخر ومازال ياكل من يدي بدون انتظار طويل زي البداية هل اتركوا ينام على الاستاند وهل ينفع احد يدخل يعطيه الاكل غيري

[monybat]

ماشاءالله بيصفر مع الببغاء التاني رغم انو كل واحد بجهة بعيد عن الاخر ومازال ياكل من يدي بدون انتظار طويل زي البداية هل اتركوا ينام على الاستاند وهل ينفع احد يدخل يعطيه الاكل غيري


لا نتركه ينام عالاستاند وما حدث معكم فهو تقدم كبير
مطلوب الاتي وردي لي خبر قومي هل تخافين من العض
اذا لا تخافي حاولي تقريب اصبعك ولمس المنقار اذا قمتي وسمح باللمس بنفس ااصبعك حاولي حك اذنه وردي لي خبر

[monybat]

هز لما احطه بأي مكان غير ستانده يركب على يدي على طول ويعرف كلمه فوق يعني يركب

بس مزاجي لما يكون على الستاند

اخي الفاضل سوف نتطرق للصعود عاليد غدا بإذن الله وحل اشكالية الصعود بالمزاج لا تحاتي
كل البلوفروند نفس الحاله لاكن نفس الفكر نقوم اطلع يطلع انا اعودهم على تعال ويركب عالايد على طول
فقط تابعنا غدا بالتوفيق

[سوزان12]

الصراحة اخاف بس بجرب وان شاءالله تتسهل ههه

[OmAhmad]

حاولت أطلعه على العصا بس ما رضي وصار يبعد ويلف بالقفص

فجبت منشفه ولفيته وطلعته على الستاند
وخليته فتره وأعطيته فول سوداني بالبداية ما أخذه بعدين أكله وأكلته وهو على الستاند

بس ما خلاني أمسح على راسه كل ما أقرب منه يلعب بأصابعي وبس يعني ما عضني

ما حسيته خايف بس ما تأقلم بسرعه
والحمدالله أحسه تقبل الموضوع وأكلته اليوم من يدي أكثر من مرة
وحطيت الستاند بالصاله وكانو أولادي حوله والوضع طبيعي

[سوزان12]

معليش سؤال هل المسو بدون ما اقدم الحبة والا بعدها مافهمت متى اللحظة المطلوبة وهل الاضاءة خافتة والاعادية

[monybat]

معليش سؤال هل المسو بدون ما اقدم الحبة والا بعدها مافهمت متى اللحظة المطلوبة

المسيه بدون الحبه قدمي اصبعك السبابه اللي بعد الابهام بكل هدوؤ وشوفي الوضع واذا تقبل استمري معاه بس خبريني قبل اغلاق الورشه الساعه عشره الاضاءه عاديه

[monybat]

حاولت أطلعه على العصا بس ما رضي وصار يبعد ويلف بالقفص

فجبت منشفه ولفيته وطلعته على الستاند
وخليته فتره وأعطيته فول سوداني بالبداية ما أخذه بعدين أكله وأكلته وهو على الستاند

بس ما خلاني أمسح على راسه كل ما أقرب منه يلعب بأصابعي وبس يعني ما عضني

ما حسيته خايف بس ما تأقلم بسرعه
والحمدالله أحسه تقبل الموضوع وأكلته اليوم من يدي أكثر من مرة
وحطيت الستاند بالصاله وكانو أولادي حوله والوضع طبيعي

ممتاز جدا جدا طالما الوضع طبيعي بكره راح اوريكم الطلوع عاليد
بالتوفيق

[سوزان12]

للاسف فقط لمسات خفيفة لانو صار يجعر ويرفع رقبة ويرجع راسو على ورا هل احاول كمان او اتركه

[OmAhmad]

ببغائك مميز لكن لابد مراعاة بعض الامور
اذا مر الولد وانتي تلعبي معاه احرصي انك ماترفعي يدك فوق مستوى راس الببغاء حتى يروح الولد
لان هذا نوع من التحدي عند الطيور ولابد يثبت وجوده وقوته بالعض
واذا قدرتي ترفعي مستوى الببغاء لأعلى (مثلاً توقفي ) يكون افضل

اللعبة الجديدة لابد ماتركبيها قدام الطير
حاولي تحطيها في الظلام ولما يطلع الصباح يشوفها قدامه
والاهم مايشوفها تتحرك بيدك لان هذا معناته عنده انها كائن اخر يحاول يهاجمه

الصعود على اليد بامكانك تستغلي خوفه من ولدك
خلي ولدك في طرف الصالة جهة الجدار ثابت
وحطي الطير في الارض بينك وبين ولدك
وابعدي القفص تماماً واي شي يطير اليه
وببساطة اجلسي و اعطيه يدك بتلاقيه يطلع بعد شوي بكل سهولة
المهم ولدك يبقى ثابت واذا تحرك يتحرك بهدوء وبدون اي فجائية م؏ ترك مسافة اطول بين الببغاء وبين ولدك

ان شاء الله بسوي مثل ما قلت
وأنا حاطته بقفص مرتفع يعني لما ألعبه لازم أكون واقفه

ومن ناحية تعليمه الطلوع على اليد بمساعدة ولدي فهذا مستحيل
لأن ولدي صغير ومجرم وأول ما يشوفه يتمشى يروح يهجم عليه
بس بحاول أخلي أخوه يمسكه بالزاويه وأطبق الحركة


الله يعطيكم العافية على جهودكم 🌹🌹🌹🌹

[OmAhmad]

ممتاز جدا جدا طالما الوضع طبيعي بكره راح اوريكم الطلوع عاليد
بالتوفيق

أنا كنت متخوفه من لفه بالمنشفه كثير بس الحمد الله عدت على خير


جزاكم الله خير

وربي يوفقكم على الورشة الرائعه 🌹🌹🌹🌹

[SouD-kuvv-1998]

السلام عليكم
الطير الحين ماشاء الله شبه ربوه يخليني امسح علا راسه ويصعد علا ايدي بس اكثر من مره يصير زين واليوم الي بعده يرد للعض والخوف ولاكن خفيف شلون اذا ابيه يستمر ربوه

[monybat]

للاسف فقط لمسات خفيفة لانو صار يجعر ويرفع رقبة ويرجع راسو على ورا هل احاول كمان او اتركه

اكليه من يدك قليلا ومن ثم دخليه القفص كفايه عليه اليوم كده
بكره الصبح نفس التمرين بإذن الله وضعي له اكل في القفص عند اداخاله
بالتوفيق

[سوزان12]

اوك يعطيكم الف عافية

[سوزان12]

في ملاحظة كذا مرة اعطيه الحبة ويحطها في فمو ويقفلو ولما اقدملو غيرها يطلعها ياكلها هل يعني ذلك شي

[monybat]

في ملاحظة كذا مرة اعطيه الحبة ويحطها في فمو ويقفلو ولما اقدملو غيرها يطلعها ياكلها هل يعني ذلك شي

عادي كل الطيور بهذا الشكل تخزن الاكل بفمها ضعيه في القفص الان ومن الصبح ابئي تدريب على نفس النحو ولما نبتدي الورشة نتناقش بالتوفيق

[monybat]

السلام عليكم
الطير الحين ماشاء الله شبه ربوه يخليني امسح علا راسه ويصعد علا ايدي بس اكثر من مره يصير زين واليوم الي بعده يرد للعض والخوف ولاكن خفيف شلون اذا ابيه يستمر ربوه

اخي الفاضل اي طير تتركه بعد التمرين يرد مره اخرى كما كان لا بد من الاستمرار

[monybat]

أنا كنت متخوفه من لفه بالمنشفه كثير بس الحمد الله عدت على خير


جزاكم الله خير

وربي يوفقكم على الورشة الرائعه 🌹🌹🌹🌹

اهلا بكم وشرفتونا بتواجدكم

تابعونا غدا باذن الله

[monybat]

شكرا لكم ومشاركتكم الفعاله وغدا نفس الشئ بإذن الله واعذرونا لو قصرنا مع احد

بكره تابعوا الخطوه الثانية غدا وهي الصعود عاليد

والمشاركين الذين لم يتمكنوا للأن على المسح ولمس الطير ايضا متابعين معهم بإذن الله

راح ندعم الموضوع بفيديو لسهولة وصول المعلومه

بالتوفيق للجميع

اضغط هنا للاطلاع على الخطوات الجديده في الصفحه الاولى (http://www.2zoo.com/vb/showthread.php?t=329814)

[A.Alansari]

بخصوص موضوع الطلوع على اليد هل اذا الطير حاول ينزل راسه لما مايبي يركب احاول اجبره حتى لو بدأ يعض او اتركه

ومرات يحاول يهرب مني اذا مايبي يركب يروح يمين ويسار

فهل اجبره بعد او شلون الطريقة

لانه مثل ماقلت في ردي السابق انه مزاجي

مره يطلع على طول

ومره ينزل لي راسه يبيني احك راسه

ومرات يحاول يهرب عشان مايركب


بس لما اشيلة على يدي واول ماقول له فوق يطلع على يدي واذا كررت له العملية اكثر من خمس مرات متتالية يتنرفز الطير ويحاول يعض هههه

[SouD-kuvv-1998]

السلام عليكم وصبحكم الله بالخير
اخوي سويت الطريقتين طريقه الصعود عليد وطريقه المسح الحمدلله انجحت بس لما امسح علا اذنه يتثاوب وما يصعد علا ايدي من الاستاند الا اقصبه.

[سوزان12]

صباح الخير
طلع من القفص وحملتو عالاستناد بالقفاز بس مازال يجعر لما شيلته بس لما اقرب منه واعطيه اكل مايجعر فقط اخذ الحب ورماه

[m7md1]

السلام عليكم.. انا الطير من زماااان يطلع عاليد لكن ما يقرب من اصابعي ولا يطلع عليها زي اللي في المقطع ابدا اذا قربت اصابعي زي اللي في المقطع عشان يطلع يعضني، بس اذا مديت يدي بدون الكف يطلع على طول..
اتمنا وصلت الفكره لاني ما اعرف وش اسم النطقه اللي بين الكف و الكتف :-D

[SouD-kuvv-1998]

الحمدلله الطير صار يخليني امسح عليه من راسه لي ذيله

[monybat]

بخصوص موضوع الطلوع على اليد هل اذا الطير حاول ينزل راسه لما مايبي يركب احاول اجبره حتى لو بدأ يعض او اتركه

ومرات يحاول يهرب مني اذا مايبي يركب يروح يمين ويسار

فهل اجبره بعد او شلون الطريقة

لانه مثل ماقلت في ردي السابق انه مزاجي

مره يطلع على طول

ومره ينزل لي راسه يبيني احك راسه

ومرات يحاول يهرب عشان مايركب


بس لما اشيلة على يدي واول ماقول له فوق يطلع على يدي واذا كررت له العملية اكثر من خمس مرات متتالية يتنرفز الطير ويحاول يعض هههه


صباح الخير اخي الفاضل

الاجبار جزء لا يتجزأ من التدريب واذا خليت الطير على راحته راح ينقلب عليك وخصوصا الامازون اذا ما كنت حازم في تصرفك معه راح يدلع والامر اللي تعطيه له ما ينفذه فالاجبار مهم مع المكافأه مثل ما شفتني في الفيديو

رحت ضميته لي بعد ما طلع ذكرت لكم اننا نتعامل طبيعي مع طيرونا كأنه بشر بظيط وركز عالتمارين بأخر الفيديو مع تكرار كلمة تعال او فوق

بالتوفيق

[monybat]

الحمدلله الطير صار يخليني امسح عليه من راسه لي ذيله

الف مبروك اسمتر وطبيعي يتثاوب جدا دليل على الاسترخاء
كما فعلت في الفيديو اعمل واتبع التمارين
بالتوفيق وحذاري تعتد انه خلاص الطير الدرب للان عالاقل بما قمت به اسبوعين كي تؤكد المعلومه وتصرفاتك بحذر ايضا معه كل التوفيق لك

[monybat]

صباح الخير
طلع من القفص وحملتو عالاستناد بالقفاز بس مازال يجعر لما شيلته بس لما اقرب منه واعطيه اكل مايجعر فقط اخذ الحب ورماه

صباح الخير

الجعير سببه القفازات وهذا طبيعي جدا انت اليوم شغلك الشاغل هو تأكيل من اليد اوكي ومحاولة التقرب بأقصى ما يمكن من الطير
وراح نبدأ معاه طرق اخرى كرري ما قمتي به وايضا حاولي لمسه كما صورت في المقطع بالصفحه الاولى بهدوء وايضا تكوني نازعه القفازات من يدك اوكي

وتواصل معي بالاخبار

[monybat]

السلام عليكم.. انا الطير من زماااان يطلع عاليد لكن ما يقرب من اصابعي ولا يطلع عليها زي اللي في المقطع ابدا اذا قربت اصابعي زي اللي في المقطع عشان يطلع يعضني، بس اذا مديت يدي بدون الكف يطلع على طول..
اتمنا وصلت الفكره لاني ما اعرف وش اسم النطقه اللي بين الكف و الكتف :-D

هاها ها اسمها يا غالي الذراع الكتف ثم الذراع ومن ثم الكف

يا غالي الامر سهل جدا جدا فقط اجبره على الاصبع واذا رقض الحل موجود في المقطع وهو استخدم عصا بجانب الاصبع يطلع عالصا ثم تم الصبع بعدها مع تكرار كلمة تعال او فوق كي يتبرمج في حاله تنزلي رأسه للعض قم دفع اصبعك الي صدره طريقة خفيفة وبالتاأكيد راح يطلع راح تجدي اقوم بها في المقطع ايضا

حافظ عالتمارين في الاخر اليد تلو الأخرى بالتوفيق

[سوزان12]

ان شاءالله واسفة عالتاخير

[سكر]

* طريقة الصعود على اليد


مما لاشك فيه انا اغلبنا يريد ان تكون طيوره مطيعه له اعند اعطاءه الامر يجب ان ينفذه لكن كي ينفذه بطريقه صحيحه لابد من ادخال البرمجه للطير بالطريقة الصحيحه وهذا هو الهد الذي سوف نتحدث عنه
اقدم لكم ايضا فيديو يوضح البرمجه لدى الطير وهي تعتبر تمارين ايضا للطير كي يحفظ الحركه

crUlK2TSCzo

قبل التعليق على الفيديو هناك حلول كثير لصعود الطير عاليد واسهلها هي وضع الطير عالارض وقم بتقديم العصا له راح يصعد عليها او قم بمد يدك راح يصعد ايضا الطير عندما يكون في حالة قلق او توتر

عند مشاهدة المقطع نجد ان اربط كلمة تعال بمد اليد الي صدر الطير وبالتالي اصبح مبرج وايضا نلاحظ في اخر المقطع اني اقوم بتمرين الطير مع مد اليد واحده تلو الأخرى مع تكرار كلمة تعال طبعا كثر ما تقوم بهذا التمرين راح يحفظة

اتمنى منكم متابعة الخطوات وتنفيذها ومشاركتكم بالاستفسارات وسوف نفوم بالرد عليها بإذن الله
بالتوفيق











تعليق للمشاركين عن مقطع تمارين الصعود على اليد

ماقصر مشرفنا محمد منير على التدعيم بالفيديو والشرح وللمساعدة وضعت ملاحظتين

الملاحظة الاولى: هي حركة تبديل الاصابع على شكل سلم
مثل ماعمل مشرفنا القدير, بحركة خفيفة , حط يدك على صدره ونزل اليد الثانية
بمجرد ما تنزل اليد اللي تحمل الببغاء على طول يطلع الببغاء لليد الأخرى

الملاحظة الأهم: لو تلاحظ الببغاء في المقطع قبل الصعود, وبمجرد تبديل الاصابع لمس بمنقاره اصبع المشرف العزيز محمد منير وبعدها صعد على يده
وبعض الاحيان يمسك بمنقاره يد المدرب
هذي الحركة تخوف أغلب الأعضاء وتخليهم يصدرون ردة فعل فجائية تخرب التدريب كله ضناً منهم انه بيعضهم
اثبت ولاتخاف مابيعضك , هو فقط يمسكك بمنقاره علشان يصعد
لأن الببغاء لما يكون على عصا متحركة او على اليد, يصعب عليه يعضك, فتطمن

واذا صعب عليك تستخدم يدك مباشرة بامكانك في البداية استخدام عصاتين قصيرة وتبدل بينهم

مع التنبيه انك تحرص يكون وجه الببغاء جهة صدرك وقريب منه حتى مايطير بعيد او يعابط


وبالتوفيق للجميع

[تاكو افريقي]

السلام عليكم .. الحمدلله تاكو طلع على الإستاند مع شوية هيبه لأن الوضع جديد عليه .. أمس مارديت على الموضوع وراح أكتب الخطوات اللي سويته معاه ..
امسح على راسه وأحيان يعترض ويلف على يدي بهدف العض فأشيله بسرعه *هالنقطه من زمان أعاني منه
أعطيه أكل من يدي مافي أي مشكله
تاكو يسمح بلمس رأسه وأي حركه متجهه للجسم يكون عدائي ويهجم حتى لو انزل على الرقبه وأول الظهر يدور بيعض اليد .
اليوم كيف أتعامل معاه

[سوزان12]

للاسف مودو اليوم اعتقد مو تمام ياخد الاكل بصعوبة ولما غيرت ملابسي ورجعت بعد فترة اخد يجعر بشكل كبير وصرت اتكلم معاه بنفس الكلام الاول الين هدئ

[monybat]

السلام عليكم .. الحمدلله تاكو طلع على الإستاند مع شوية هيبه لأن الوضع جديد عليه .. أمس مارديت على الموضوع وراح أكتب الخطوات اللي سويته معاه ..
امسح على راسه وأحيان يعترض ويلف على يدي بهدف العض فأشيله بسرعه *هالنقطه من زمان أعاني منه
أعطيه أكل من يدي مافي أي مشكله
تاكو يسمح بلمس رأسه وأي حركه متجهه للجسم يكون عدائي ويهجم حتى لو انزل على الرقبه وأول الظهر يدور بيعض اليد .
اليوم كيف أتعامل معاه



طالما بدأت مع الطير مع انك تقول انه يعاني من نتف بسيط
انا خوفي الا يتقبل وبالتالي يزيد حالة النتف لديه ومن الممكن ان تتعدل حالته النفسية ايضا ويتوقف عن النتف فالاحتمالين موجودين الي ان يثبت العكس
لكن استمر طالما صعد عالاستاند هذا جيد واغلب الطيور تتهاب الاستاند كونه شعور جديد عليها لكن مع الوقت راح يتعود عليه لا تحاتي

مطلوب منك التقرب منه واطعامه باليد مع محاولة المسح عالراس فقط في الوقت الحالى لا تتسرع وتحملة على يدك وتحاول تمسح عليه
اعطيه ثقته بنفسه وردلي خبر

[monybat]

للاسف مودو اليوم اعتقد مو تمام ياخد الاكل بصعوبة ولما غيرت ملابسي ورجعت بعد فترة اخد يجعر بشكل كبير وصرت اتكلم معاه بنفس الكلام الاول الين هدئ

طيب ممتاز في حلين الان وهما

اما ان تستمري على هذا النحو الي ان تصلي به للهدوء الكامل مع العلم انه راح يأخذ وقت وجهد ايضا منك ومن الممكن ان لا تصلي لمستوى المسح على كل الجسم

او

الحل الاخر وهو استخدام طريقة المنشفة
4M4P3frnFwE

جربي الاول ان تقدمي اصبعك للمسح عليىه هل راح يتقبل ام لا

وبعدها جربي طريقة المنشفه علما بأنك اذا جربتها راح يجعر وممكن يعض لكن مع الوقت راح يركز ويهدأ طريقة حلوه ومجربه كما هي في المقطه وقد ابدع بها ايضا اخونا سكر


vk7pdXP31HA

الخيار لك الان فأنت صاحبة الموقف ولك نظره

[OmAhmad]

حاولت أمسك جسمه بهدوء بس على طول يلف راسه ويحاول يعضني بس بدون ما يوجع
حاولت أطلعه على يدي من الستاند فطلع أكثر من مرة بس ما يحب يطلع على الاصبع يحب يطلع على الذراع ولا يثبت على طول يطير ويرجع للستاند
وقبل شوي طار لغرفة ثانية الظاهر ان قصة جناحه مو كويسه��

[تاكو افريقي]

نص ساعه من المسح على الرأس بارتداء القفاز بدون أي إعتراض الا بالبداية

[monybat]

حاولت أمسك جسمه بهدوء بس على طول يلف راسه ويحاول يعضني بس بدون ما يوجع
حاولت أطلعه على يدي من الستاند فطلع أكثر من مرة بس ما يحب يطلع على الاصبع يحب يطلع على الذراع ولا يثبت على طول يطير ويرجع للستاند
وقبل شوي طار لغرفة ثانية الظاهر ان قصة جناحه مو كويسه��

ممتاز جدا جدا

استخدمي العصا عند صعوده على الذراع قومي باستخدام العصا من ثم الذراع بدل من الاصبع ي الوقت الراهن مع تكرار كلمة تعال كما في المقطع بالصفحه الاولى وبعد ما تحسي انه يقدم رجله بمجرد تقديم العصا او الذراع احطي اصبعك كذا خطوه خطوه وحاولي الابتعاد عن الاستاند عند صعوده عالذراع

ما اخبار المسح علاراس والجسم

[monybat]

نص ساعه من المسح على الرأس بارتداء القفاز بدون أي إعتراض الا بالبداية


ممتاز جدا جدا

المطلوب انك تستمر القفازات هي مثل فكرة المنشفه

استمر الان وبعد ذلك استخدم طريقة المنشفه لاننا نبيه يتعود عاليد وليس عالقفاز

وخبرنا شو راح يصير معك كل التوفيق والي الامام

[سوزان12]

بجرب الطريقة الاولى والله يعينني وان شاءالله يطور للافضل

[monybat]

بجرب الطريقة الاولى والله يعينني وان شاءالله يطور للافضل

اهم شئ عدم الخوف من العض ترى لا توجع ولا تؤلم والاخوان ما شاْ الله ابتدوا

[SouD-kuvv-1998]

الحمدلله جيت للطير بعد ساعه ونفس الحاله يصعد علا ايد ويخليني امسح علا جسمه كله بس ونا امسح يجعر جعر خفيف بس مايعض ولا يوخرني

[سوزان12]

لا ماعاد فيني خوف لانو الصباح كان يحاول يعض اصباعي لما اعطيه الحب وكنت اخليه بس اقوله عيب

[monybat]

الحمدلله جيت للطير بعد ساعه ونفس الحاله يصعد علا ايد ويخليني امسح علا جسمه كله بس ونا امسح يجعر جعر خفيف بس مايعض ولا يوخرني


كما قلت لك الف مبروك والجعر الخفيف اتوقع مع الاستمرار خلال اسبوع لاسوعين يختفي

استمر ولا تنشغل عنه عالاقل مره في الصباح ومره بالليل عامل الطير بلطف وهددوء قدم له المكافئة لا تتوقع الان ولا تفكر انك تعلمه حركات مثل الشقلبه او انه ينام على ظهره

كل التوفيق لك والورشه كما قلت لكم مفتوحه للرد على استفسارتكم الي يوم الخميس بإذن الله تعالي نستقبل بها استفساركم وننتظر منكم بأخر يوم رأيكم وما النتائج التي طلعت بها خلال هذه الورشة

[monybat]

لا ماعاد فيني خوف لانو الصباح كان يحاول يعض اصباعي لما اعطيه الحب وكنت اخليه بس اقوله عيب

ممتاز اختي الفاضله
ابدئي معه وبعد مضي ساعه من استخدام الطريقه
ابي منك جعله يرتاح عالاستاند وايضا قدمي له الاكل

وللعلم ترويضك للطير جيدا راح يسهل عليكي ترويض الامازوني ومنتظر ردكم شكرا

[سوزان12]

الحمدلله نص ساعة مسح عالراس والجسم بدون قفاز وعالاستاند بس لما المس جسمو يجعر خفيف بالنسبة لراسو بس اقولو راسك ينزلو واحيانا اذا وقفت يجعر دحين تركتو واعطيتو حبة قبل اخرج

[monybat]

الحمدلله نص ساعة مسح عالراس والجسم بدون قفاز وعالاستاند بس لما المس جسمو يجعر خفيف بالنسبة لراسو بس اقولو راسك ينزلو واحيانا اذا وقفت يجعر دحين تركتو واعطيتو حبة قبل اخرج

هاهااها هذا هو الكلام الف مبرووووووووووووك
استمري استمري استمري

اعطيه راحه الان وبعدها كرري حاول تستغني عن القفازات والتعويد بشكل كبير يكون عاليد

متابع معكم اخباركم الي ان نصل كلنا لمرحلة الثبات للطيور بارك الله فيكم اسعدتوني جميعا

[OmAhmad]

ممتاز جدا جدا

استخدمي العصا عند صعوده على الذراع قومي باستخدام العصا من ثم الذراع بدل من الاصبع ي الوقت الراهن مع تكرار كلمة تعال كما في المقطع بالصفحه الاولى وبعد ما تحسي انه يقدم رجله بمجرد تقديم العصا او الذراع احطي اصبعك كذا خطوه خطوه وحاولي الابتعاد عن الاستاند عند صعوده عالذراع

ما اخبار المسح علاراس والجسم

ما رضي يطلع على العصا نهائيا
ولما حاولت بيدي يطلع عليها بس يهجم على بلوزتي ويحاول يعضها بقوة
أو يطير أو يطلع لين يوصل لظهري واذا وقفته يطير😓

وبالنسبة للمسح على الجسم حاليا مب راضي نهائيا حتى ما سمح لي أمسح راسه

بخليه يرتاح شوي بعدين أجرب مرة ثانيه

[monybat]

ما رضي يطلع على العصا نهائيا
ولما حاولت بيدي يطلع عليها بس يهجم على بلوزتي ويحاول يعضها بقوة
أو يطير أو يطلع لين يوصل لظهري واذا وقفته يطير😓

وبالنسبة للمسح على الجسم حاليا مب راضي نهائيا حتى ما سمح لي أمسح راسه

بخليه يرتاح شوي بعدين أجرب مرة ثانيه

مممم
اوكي الطير باين عليه متوتر وقلق يستجيب لكن متردد في استجاباته

استخدمي طريقة المنشفه معه فراح تحل الاشكالية ويطمئن اكثر لكم وخبرينا ماذا حدث معكم

[سوزان12]

استمريت كمان نص ساعة وكان ممتاز مادري ايش اللي حصل مني خلاه ينقفز من الاستاند واخد يجعر بالارض وبعد محاولات شلتو بالعصايا وعلى طول نط عالاستاند ورجعت مسحت عليه شوية وحطيتلو اكل فعلبة الاستاند وتركتو يرتاح هل كدا تمام

[monybat]

استمريت كمان نص ساعة وكان ممتاز مادري ايش اللي حصل مني خلاه ينقفز من الاستاند واخد يجعر بالارض وبعد محاولات شلتو بالعصايا وعلى طول نط عالاستاند ورجعت مسحت عليه شوية وحطيتلو اكل فعلبة الاستاند وتركتو يرتاح هل كدا تمام

تمام تمام الطيور في هذه الفتره جيلها فزعه كأنه تستغرب ماذا يحدث عادي

بس اقولك شي خلي الاضاءه خافته قليلا واستمري معاه ومنتظر ردكم بعد ما تجربوا معاه بعد فتره الراحه :)

[SouD-kuvv-1998]

عندي كم سؤال بهل فتره عادي اسبحه ولا لا وكم مدة الترويض

[SouD-kuvv-1998]

اخاف اسبحه يرد يجعر ويعض

[monybat]

اخاف اسبحه يرد يجعر ويعض


لا لا لا تسبيح لا نهائي
اولا الجو برد
ثانيا راح يتغير عليك تمام راح يحس انك تضره بالبخاخ

ولا تقص اظافر ولا اي شي هذه الفتره فتره انسجام ما بينكم فقط ركز فيها كي لا يكرهك

[OmAhmad]

مممم
اوكي الطير باين عليه متوتر وقلق يستجيب لكن متردد في استجاباته

استخدمي طريقة المنشفه معه فراح تحل الاشكالية ويطمئن اكثر لكم وخبرينا ماذا حدث معكم


هو من بعد ما قصيت جناحه وأحسه متغير وهادي وما ياكل كثير
قصيته أمس الصباح قبل ما أبدا أدربه

فأخاف ألفه بمنشفه وأزيد خوفه وياخذ مني موقف وأخاف يعضني

[أسيــــر]

ما رضي يطلع على العصا نهائيا


ولما حاولت بيدي يطلع عليها بس يهجم على بلوزتي ويحاول يعضها بقوة
أو يطير أو يطلع لين يوصل لظهري واذا وقفته يطير😓

وبالنسبة للمسح على الجسم حاليا مب راضي نهائيا حتى ما سمح لي أمسح راسه

بخليه يرتاح شوي بعدين أجرب مرة ثانيه




وكمان بروض امزوني ريد لورد سنة اليف ويطلع عاليد والكتف بس مايرضى امسح عليه ابدا

وضحنا سابقا لكم بعض النقاط واليكم هذا التقرير حول
مزاجيه الطلوع على الايد والمسح
قمنا بهذا العمل لتوضح الصوره اكثر حول هذه الحاله لاني شايف تسائلات كثيره
في المقطع التالي التسجيل بنمط بطئ كي يسهل التركيز
اهم النقاط تاتي لطير بكل هدوء
وفي مكان ظيق مراح نحتاج الى اي شي مثل الاستاند او الغفاز فقط عصا
تطفئ الاظائه ويتم تشغيل اظائه خافته راح يهداء الطير اكثرويستجيب معك
بعد طلوع الطير على الايد يكون وجه الطير مقابل لكم ابداء بالمسح معه تقريب الطير الى البطن
عندما يعظك الطير حاول عدم الارتباك والانزعاج وجعل الامر طبيعي
اي استفسار او نقطه مفهمتوها راح نوضحها
اترككم معه المقطع ون شاء الله تستفيدو منو

efEEUpFOuOw

[سوزان12]

مو راضي ياخد مني حتى ما اكل من العلبة لما تركتو وعيونه دايما مركزة على باب الغرفة بعد دخولي هل اقفل الباب بعد الدخول والا كيف وهل ابدأ معاه الطلوع عالعصايا والا اخليها بكرة

[سكر]

وضحنا سابقا لكم بعض النقاط واليكم هذا التقرير حول

مزاجيه الطلوع على الايد والمسح
قمنا بهذا العمل لتوضح الصوره اكثر حول هذه الحاله لاني شايف تسائلات كثيره
في المقطع التالي التسجيل بنمط بطئ كي يسهل التركيز
اهم النقاط تاتي لطير بكل هدوء
وفي مكان ظيق مراح نحتاج الى اي شي مثل الاستاند او الغفاز فقط عصا
تطفئ الاظائه ويتم تشغيل اظائه خافته راح يهداء الطير اكثرويستجيب معك
بعد طلوع الطير على الايد يكون وجه الطير مقابل لكم ابداء بالمسح معه تقريب الطير الى البطن
عندما يعظك الطير حاول عدم الارتباك والانزعاج وجعل الامر طبيعي
اي استفسار او نقطه مفهمتوها راح نوضحها
اترككم معه المقطع ون شاء الله تستفيدو منو






efEEUpFOuOw






ماشاء اللھ المقطع ممتاز ويختصر الكثير

كما نلاحظ في المقطع الببغاء كان على الارض وقام مشرفنا أسير بمد ساعده له م؏ تشتيت انتباهه بيده الأخرى حتى يحثه على الصعود

ثم قام باستخدام عصا رفيعه ليلمسها الببغاء بمنقاره قبل صعوده على يده
وبمجرد صعوده استقام اخي اسير واقفاً حتى يخفف من توتر الببغاء وحاصره بين الجدار وبين صدره حتى يخفف من تشتيت الطائر وخوفه

بعد ذلك خفف الاضائة وقام بلمس الببغاء ومسح رأسه وتقبل ذلك الببغاء م؏ ثبات يده التي تحمله


كل ذلك حدث ببطئ وتأني وهنا يكمن مربط الفرس

كن هادئاً ولاتصدر تحركات سريعة

[سوزان12]

ان شاءالله اطبقها مع الامزوني بس يحتاج قص للجناح لانو يطير ماشاء الله يعطيك العافية

[سكر]

ان شاءالله اطبقها مع الامزوني بس يحتاج قص للجناح لانو يطير ماشاء الله يعطيك العافية

جربيها حتى قبل القص
استخدمي نفس استراتيجية مشرفنا اسير اللي في المقطع
خلي الطائر محكور بينك وبين الجدار
ولو اخترتي ركن يكون افضل مثل اللي في المقطع
وبتتفاجئي انه مابيطير بشرط تحرصي يكون وجهه مقابل لصدرك حتى لو يلمس فيك مو مشكلة
واستخدمي العصا يصعد عليها

[سوزان12]

طيب دحين الكاسكو طلع عالعصايا وصرت ارجعو عالاستاند وهكذا بس مابياكل والمسح كمان ممتاز وبدون قفاز اخاف انو دا كولو عشانو جيعان ولو اكل حيرجع لوعيو ويتمرد تاني��

[monybat]

طيب دحين الكاسكو طلع عالعصايا وصرت ارجعو عالاستاند وهكذا بس مابياكل والمسح كمان ممتاز وبدون قفاز اخاف انو دا كولو عشانو جيعان ولو اكل حيرجع لوعيو ويتمرد تاني��

لا تخافي راح يظبط مع الوقت التدريب ماله علاقه مع الاكل وبالتأكيد انه ما بياكل بس بيكفي عليه خليه يرتاح وياكل داخل القفص
بالتوفيق

[سوزان12]

طيب وكيف ارجعو القفص بنفس طريقة امس امسكو بالقفاز والا العصايا المشكلة انو مايرضى يدخل يمسك بالقفص من برا

[monybat]

طيب وكيف ارجعو القفص بنفس طريقة امس امسكو بالقفاز والا العصايا المشكلة انو مايرضى يدخل يمسك بالقفص من برا

اخذ على الطلعه :)

رجعيه عادي بالعصا افضل طبعا او اذا على يدك افضل وافضل او افتحي القفص من فوق ودخليه
هناك حلول كثيره

[سوزان12]

الحمدلله دخل القفص بهدوء بالعصايا من الباب على طول مد رقبتو ومسك عصا القفص منجد الف شكر لكم

[سوزان12]

ومن قبل الترويض كان يفتح القفص ويطلع عليه

[OmAhmad]

وقفت عن محاولة المسح على راسه من بعد المغرب بس صرت أكله وهو على الستاند لأن حاسته تعبان ويميل للنوم
ولما استفسرت عن الموضوع من الأخ حمزة قالي السبب برد المنقار مسبب له اجهاد وتعب وممكن يستمر يومين لأسبوع

فإن شاء الله بحاول بكرة مرة ثانية أمسح عليه وأطلعه على يدي

بالنسبة لترجيعه للقفص أنا أقرب القفص للستاند وأخليه يتسلق
هذي الطريقة غلط؟

[SouD-kuvv-1998]

اهلا مجددا انا بديت استخدم طريقه ثانيه مع الطرق الي قبل الطريقه اني اضع اصبعي علا منقاره واحك راسه وفي تجاوب يعني مرات يرضا ومرات يوخر منقاره هل استمر علا هذي الطريقه ولا اتركه

[monybat]

الحمدلله دخل القفص بهدوء بالعصايا من الباب على طول مد رقبتو ومسك عصا القفص منجد الف شكر لكم

ولا يهمك اختي كلنا في خدمتكم

[monybat]

وقفت عن محاولة المسح على راسه من بعد المغرب بس صرت أكله وهو على الستاند لأن حاسته تعبان ويميل للنوم
ولما استفسرت عن الموضوع من الأخ حمزة قالي السبب برد المنقار مسبب له اجهاد وتعب وممكن يستمر يومين لأسبوع

فإن شاء الله بحاول بكرة مرة ثانية أمسح عليه وأطلعه على يدي

بالنسبة لترجيعه للقفص أنا أقرب القفص للستاند وأخليه يتسلق
هذي الطريقة غلط؟

الطريقة طبعا غلط لكن تفي بالمطلوب في الوقت الراهن بالتوفيق

[سوزان12]

معليش كثرت عليكم بالاسئلة بكرة انتظر جوابكم ان شاءالله انا والله واعلم مزكمة الان هل اتعامل مع الطير والا اوقف اخاف ينعدي

[monybat]

اهلا مجددا انا بديت استخدم طريقه ثانيه مع الطرق الي قبل الطريقه اني اضع اصبعي علا منقاره واحك راسه وفي تجاوب يعني مرات يرضا ومرات يوخر منقاره هل استمر علا هذي الطريقه ولا اتركه

طالما في قبول فهذا شئ جيد
وكل طير يختار طيرقته في التعامل
بالتوفيق لك ويعد إذنك حاول المره الجاية تصغر شوي الخط :)

[monybat]

معليش كثرت عليكم بالاسئلة بكرة انتظر جوابكم ان شاءالله انا والله واعلم مزكمة الان هل اتعامل مع الطير والا اوقف اخاف ينعدي

استمري معه ما في مشاكل لكن بقدر الامكان ابعدي نفسك عنه

[monybat]

برجاء الرجوع الي الخطوة الأخيره
في الصفحه الأولى

ونرجوا منكم مشاركتنا بما يحدث معكم أول بأول

وان أمكن تزويدنا بمقاطع فيديوا لما تقموا به

وسوف نقوم بتغطية جميع تساؤلاتكم بإذن الله تعالى

بالتوفيق

[SouD-kuvv-1998]

السلام عليكم بالنسبه للجعير شبه مختفي ولاكن حاولت اصعده علا ايدي من داخل القفص قام يجعر ويعض شلون اذا بخليه اليف بالقفص ولاتزعل صغرت خطي:D

[monybat]

السلام عليكم بالنسبه للجعير شبه مختفي ولاكن حاولت اصعده علا ايدي من داخل القفص قام يجعر ويعض شلون اذا بخليه اليف بالقفص ولاتزعل صغرت خطي:D

حبيب والله كنت اخاف من الخط احس انه في مشكله هاهاهاها

شوف يا غالي هناك 3 انواع من الصعود عاليد هذا من تفسيري

يقولك يصعد عاليد من داخل القفص

يصعد عاليد وهو فوق القفص

ويصعد عاليد بره القفص وهو عالاستاند وعالارض

اللي انت وصلت له هو اخر واحد من داخل القفص وفوقه وهذا الكلام يأتي معك بعد تعلق الطير بك لما يكون داخل القفص وتعلق بك راح تلاحظ عليه انه يضع قدمه على اصبعك ومتردد هذه اللحظه تروح مركبه عالسريع وساحبه خارج القفص الامر سهل جدا جدا

بس الان خرجه بالطريقة العاديه افتح له الباب وراح يطلع او افتح له القفص من فوق
بالتوفيق

[سوزان12]

المسح تمام عالراس والجسم ويطلع على اليد بس بخطوات مرتبكة مو زي من العصا للعصا اما بالنسبة للاكل فقط ياخدو ويجمعو فمو وبعدين يرميه كمان لسا في نسبة جعير فالصباح اول ماقربت للقفص

[سوزان12]

قبل قليل نزل للارض ومارضي يطلع على يدي وصار يجعر بعدين شلتو بالعصا هل كدا افضل او اني اصر ان يطلع على يدي

[طاهر عبدالعال]

السلام عليكم ورحمة الله وبركاته أخوانى فى هذا المنتدى الرائع

فكرة رائعة من مشرفنا العزيز monybat والاخوان سكر وأسير بصراحة أبداع وطريقة مبتكرة ماشاء الله عليكم جزاكم الله خيرا

[سوزان12]

مدري ايش صابو صار يعض واخدت وحدة جامدة عالكف عشان يطلع على يدي احطلو اكل فالعلبة عشان ياكللانو مابياكل مني

[أسيــــر]

المسح تمام عالراس والجسم ويطلع على اليد بس بخطوات مرتبكة مو زي من العصا للعصا اما بالنسبة للاكل فقط ياخدو ويجمعو فمو وبعدين يرميه كمان لسا في نسبة جعير فالصباح اول ماقربت للقفص

قبل قليل نزل للارض ومارضي يطلع على يدي وصار يجعر بعدين شلتو بالعصا هل كدا افضل او اني اصر ان يطلع على يدي

مدري ايش صابو صار يعض واخدت وحدة جامدة عالكف عشان يطلع على يدي احطلو اكل فالعلبة عشان ياكللانو مابياكل مني

لاتستعجلي على الطير وكويس وصل المرحله هذي
لانه الترويض جديد عليك وما وصلتي له يعتبر ممتاز
وتدريجيا معه التكرار راح تزين اموره والجعير راح يخف معه الايام
وحاولى تلبسي بجامه كم طويل وجبره نفس منا مسوي
لتخفيف من حرارة محاولة العض عند تطبيقك الشرح للفديو المرفق
اذا انتي اخترتي طريقتي واصلي معها واذا طريقة مشرفنا محمد خليك معه خطواته
لكي لايتشتت الطير وتختلط الامور عليك

[monybat]

مدري ايش صابو صار يعض واخدت وحدة جامدة عالكف عشان يطلع على يدي احطلو اكل فالعلبة عشان ياكللانو مابياكل مني

طبيعي جدا جدا

هذا اول يوم يعتبر بعد المسح والصعود عاليد واكيد راح يبدأ يعترض شوي

لكن صممي على موقف حتى لو حاول العض امسي المنقار او هزي يدك

لكن لا توقفي ما بدأتي به واكثري من المسح عليه

[OmAhmad]

اليوم مسحت على جسمه وهو بالقفص وما كان يرضى بس استمريت وصرت أكافئة

بعدين طلعته على الستاند واستمريت بنفس الحركه أمسح عليه وأكافئة

ما يعضني لكن يلحق يدي ويطلع صوت

فصرت أحاول ألفت انتباهه برفع يدي الثانيه بهدوء وصار يلتفت لها

أستمر بالشكل هذا

ولا أبدأ الحين بتعليمه الطلوع على اليد؟

اليوم شفت فيديو الأخ أسير وبحاول أطبق طريقته ان شاء الله بس ما أدري متى أبدأ

[monybat]

اليوم مسحت على جسمه وهو بالقفص وما كان يرضى بس استمريت وصرت أكافئة

بعدين طلعته على الستاند واستمريت بنفس الحركه أمسح عليه وأكافئة

ما يعضني لكن يلحق يدي ويطلع صوت

فصرت أحاول ألفت انتباهه برفع يدي الثانيه بهدوء وصار يلتفت لها

أستمر بالشكل هذا

ولا أبدأ الحين بتعليمه الطلوع على اليد؟

اليوم شفت فيديو الأخ أسير وبحاول أطبق طريقته ان شاء الله بس ما أدري متى أبدأ


ممتاز جدا استمري وخبرينا اهم شي كسب ثقة الطير

[مربط الحيوانات]

الله يوفقكم

[OmAhmad]

ريحته شوي لأنه أخذ غفوة على الستاند ولما جيت أمسكه وألعبه منعني تماما والحين صار يعضني����

ما أدري ايش المفروض أسوي؟

الحين جالسه أكله حب شمسي لأني حارمته منه فأعطيه كمكافئة

ياكل من يدي بس ما يخليني ألمسه

[سوزان12]

والله بهدلني بالعض ودا انا لافة على ايدي الرباط الضاغط ولابسة كم طويل ايش اعمل مافي شي يخليه يبطلع عض انا حبكي منو هههه

[سوزان12]

هل ينفع الف اصباعي الابهام باللاصق الشفاف لانو صراحة مو زي الامزوني لما احطو على يدي يادوبك يحس الابهام ام الكاسكو من قلبو يعض

[monybat]

ريحته شوي لأنه أخذ غفوة على الستاند ولما جيت أمسكه وألعبه منعني تماما والحين صار يعضني����

ما أدري ايش المفروض أسوي؟

الحين جالسه أكله حب شمسي لأني حارمته منه فأعطيه كمكافئة

ياكل من يدي بس ما يخليني ألمسه

ممتاز استمروا اعطيه راحه واكملوا كده

[monybat]

هل ينفع الف اصباعي الابهام باللاصق الشفاف لانو صراحة مو زي الامزوني لما احطو على يدي يادوبك يحس الابهام ام الكاسكو من قلبو يعض

اختي لما يعض اصبعك امسكي المنقار تبعه
وايضا فكرت الصق حلوه ايضا

[OmAhmad]

قبل نص ساعة طار وأنا أحاول أمسح عليه
فحشرته بزاوية وسويت مثل الأخ أسير

ورحت بمكان اضاءته خافته
بس ما تمكنت مضبوط من شيله على أصابعي فخليته على الذراع فكان خايف ويخرمش يدي

استمريت امسح على جسمه وراسه بس كان يحاول يمنعني ويحاول يهرب مع اني بزاوية ومقربته من جسمي

أتوقع المشكله بحركة يدي��

[سكر]

قبل نص ساعة طار وأنا أحاول أمسح عليه
فحشرته بزاوية وسويت مثل الأخ أسير

ورحت بمكان اضاءته خافته
بس ما تمكنت مضبوط من شيله على أصابعي فخليته على الذراع فكان خايف ويخرمش يدي

استمريت امسح على جسمه وراسه بس كان يحاول يمنعني ويحاول يهرب مع اني بزاوية ومقربته من جسمي

أتوقع المشكله بحركة يدي��

لاكويس اللي سويته
المشكلة ان الحركة جديدة فقط
كرري نفس الوضع وخليك ابطأ في الحركة
حتى حركة مشيك وقومتك وكل شي خليه بطيء

والمكافئة استخدمي اكل لين يحبه لان منقاره حساس للاشياء القاسية بما انك توك بردتيه

[سكر]

السلام عليكم بالنسبه للجعير شبه مختفي ولاكن حاولت اصعده علا ايدي من داخل القفص قام يجعر ويعض شلون اذا بخليه اليف بالقفص ولاتزعل صغرت خطي:D

في داخل القفص استخدم يديك الثنتين لاخراجه مبدئياً
وبعد كم مرة بيصير يقبل يخرج على يد وحدة

هو للحين مو عارف ان دخول يدك للقفص معناتها اطلع بطلعك برى القفص
فلازم تشد حيلك وتطلعه كم مرة علشان يفهم المطلوب وبعدها يريحك ويطلع بسهولة

[SouD-kuvv-1998]

الحمدلله الطير في تطور مستمر حطيته علا قفصه وكنت بشيله بايدي ولا يعطيني رسه وحكيت راسه والوضع طبيعي جزاكم الله خير واشكركم علا التوضيح

[SouD-kuvv-1998]

طبعا قبل كان مستحيل يسوي هل خطوه

[سوزان12]

المسح عالراس والجسم والطلوع عالعصا والتبديل بين عصيتين تمام الا انو يطلع عاليد صراحة ماطاوعني حتى صرت انا اللي ارفع رجلو من على العصا.وبرضو مو راضي وبعدين مو عارفة كيف اكافئو وهو مابياكل من يدي مو زي اول يوم ويعطيكم الف عافية

[OmAhmad]

سويت الحركة مرة ثانيه ونفس الشي استمر يقاوم ويحاول يعض

بعد ما خليته فتره على يدي وهو يخمش
جيت برجعه للستاند وطار وأحسه خايف جدا لأنه يرجف ويتنفس بسرعه
رجعته للستاند وخليته فترة بعدين دخلته القفص

[أسيــــر]

الحمدلله الطير في تطور مستمر حطيته علا قفصه وكنت بشيله بايدي ولا يعطيني رسه وحكيت راسه والوضع طبيعي جزاكم الله خير واشكركم علا التوضيح



المسح عالراس والجسم والطلوع عالعصا والتبديل بين عصيتين تمام الا انو يطلع عاليد صراحة ماطاوعني حتى صرت انا اللي ارفع رجلو من على العصا.وبرضو مو راضي وبعدين مو عارفة كيف اكافئو وهو مابياكل من يدي مو زي اول يوم ويعطيكم الف عافية




سويت الحركة مرة ثانيه ونفس الشي استمر يقاوم ويحاول يعض



بعد ما خليته فتره على يدي وهو يخمش
جيت برجعه للستاند وطار وأحسه خايف جدا لأنه يرجف ويتنفس بسرعه
رجعته للستاند وخليته فترة بعدين دخلته القفص




محتاج منكم شوية صبر وكل يوم راح تتحسن طيوركم عن الي قبل
وكويس منكم الصراحا ماوصلتم له من ترويض وتهدئه
ننتظر غدا التطورات والاهم مثل ماوضحنا لكم عدم الظغط على الطير لكي لايمتنع عن الاكل

[monybat]

صباح الخير كل عام وانتم بخير مازلنا ننتظر منكم كل استفساراتكم حول عملة الترويض التي قمتم
بها واي مشكال تعترض عملية الترويض سوف نقوم بإذن الله بحلها لكم

[SouD-kuvv-1998]

السلام عليكم كل عام ونتوا بخير.قصبت الطير انا يصعد علا ايدي من داخل القفص نفس ماقال اخوي سكر هل ارد ادخله وطلعه قصب ولا اسويها باجر والطير اذا حطيته عل ارض وبلمسه مايرضا اما اذا علا ايدي او فوق الاستاند او بالقفص يرضا

[سكر]

السلام عليكم ورحمة الله وبركاته
ماشاء الله المشاركات ممتازة ومبشرة بالخير
والمشاركين أثبتوا احترافيتهم في الترويض
هذه الورشة حققت العديد من اهدفها بفضل الله ثم بفضل مثابرتكم واتباعكم للتعليمات

كل منكم يتعلق بإنجازه الذي حققه من خلال هذه الورشة وأين وصل
حتى نقيم الحالة ونقوم بتوجيه الملاحظات للعضو

لاتتردد بالمشاركة مهما كانت, فكل تعليق يسعدنا

تقبلوا تحياتي

[سكر]

السلام عليكم كل عام ونتوا بخير.قصبت الطير انا يصعد علا ايدي من داخل القفص نفس ماقال اخوي سكر هل ارد ادخله وطلعه قصب ولا اسويها باجر والطير اذا حطيته عل ارض وبلمسه مايرضا اما اذا علا ايدي او فوق الاستاند او بالقفص يرضا

أحسنت بارك الله فيك ,

كل ساعة او ساعتين اعد الكرَة
ومع التكرار ستلاحظ سهولة استجابته


لمسه على الارض غير مريح له, لأنه وقتها يفكر كيف يصعد لمكان أعلى مثل ماذكرت على الاستاند او القفص او ايدك

وبالتوفيق في تدريباتك

[سوزان12]

وانت بالف خير
انا فتحت القفص من ساعة ومو راضي يخرج بس يطالع لباب القفص مو عادتو دايما هوا اللي يفتح الباب ويخرج اذا ماكان موجه للجدار او اذا انا فتحتو يخرج عطول

[سوزان12]

و امس نزل عالارض تركته يدور ويفكر مالقا شي يطلع عليه ورغم كذا رفض يطلع عاليد لكن طلع عالعصا وانا خفت عليه الارض باردة

[monybat]

وانت بالف خير
انا فتحت القفص من ساعة ومو راضي يخرج بس يطالع لباب القفص مو عادتو دايما هوا اللي يفتح الباب ويخرج اذا ماكان موجه للجدار او اذا انا فتحتو يخرج عطول


اختي كلما تكثري من الاحتكاك مع الطير كل ما تأقلم
طبيعي ما يخرج لانه خايف بدأ يحس انك المسيطره عليه لا جعير ولا عض نافع معك
لذك استمري بكل هدوؤ معه كما كنت من قبل وايضا حاول تحطي علي اصبعك مربة توت او فيمتو
الطيور تعشق هذا المذاق فعندما يعض راح يحس بالطعم بإصبعك
الصعود عاليد وضحنا ان خشبتين صغار رتبدلي عليه كانه يطلع سلم مع تكرار كلمه فوق او تعال وجربي مره اصبعك كده

[سوزان12]

صار يطلع عالذراع ويحاول يصعد لعند الكتف لكن انا اعطه العصا يرجع يطلع عليها واعيد نفس الشي

[OmAhmad]

اليوم أحسه خايف أكثر من أمس
بالعادة ألعبه الصباح وأحك راسه وهو بالقفص بعدين أطلعه للستاند

اليوم سمح لي أحك راسه بعدين بدأ يعضني بقوة

لما حاولت أطلعه كالعاده اني أجذبه بالأكل عشان يطلع الستاند ما رضي بأي شكل

فسحبته بالمنشفه

خليته نص ساعه يرتاح

وقربت منه عشان أمسح راسه وعضني بقوة

[سوزان12]

طلع الحمدلله عالكف وجلس امسح عليه فترة ورجعتو عالاستاند ولما يحاول يعض امسك منقارو فعلا يوقف جزاكم الله خير طيب متى اقدر اخرجو من الغرفة واخليه معانا بالصالة زي قبل الترويض

[OmAhmad]

اليوم خليت زوجي يساعدني لأن الببغاء يحبه

طلع على يده وسوا مثل الأخ أسير
وخففت الاضاءة
والحمد الله تقبل الموضوع وسمح له يمسح راسه
واليوم كان ثابت على اليد أكثر من البارح

بعدين طلعته على يدي واستمريت أمسح على راسه

بس لاحظت انه يرفرف كثير معي

يمكن لأن يدي مب ثابته

[سكر]

اليوم خليت زوجي يساعدني لأن الببغاء يحبه

طلع على يده وسوا مثل الأخ أسير
وخففت الاضاءة
والحمد الله تقبل الموضوع وسمح له يمسح راسه
واليوم كان ثابت على اليد أكثر من البارح

بعدين طلعته على يدي واستمريت أمسح على راسه

بس لاحظت انه يرفرف كثير معي

يمكن لأن يدي مب ثابته

صحيح لان يدك مهي ثابته وحركتك ممكن تكون سريعه شوي

ضمي يدك لصدرك اكثر. لاتخليها ممدوة لقدام حتى ماتهتز

الببغاء يتطمن اكثر اذا كفك وساعدك قريب من جسمك

[SouD-kuvv-1998]

اخوي تو الطير سوا حركه غريبه خليته بالصاله ورحت قام يصارخ بصوت عالي ولما جيت عنده صعد علا ايدي

[SouD-kuvv-1998]

وبعدين خليته جان ينزل من الاستاند ودش علي الغرفه وقام يطلع نفس الصوت صراخ متقطع وحطيت ايدي صعد شنو معناته

[monybat]

طلع الحمدلله عالكف وجلس امسح عليه فترة ورجعتو عالاستاند ولما يحاول يعض امسك منقارو فعلا يوقف جزاكم الله خير طيب متى اقدر اخرجو من الغرفة واخليه معانا بالصالة زي قبل الترويض

الف مبروك يمكنك اخراجه يوم الجمعه بإذن الله هذا في حال انه فضل على نفس حالة اليوم

يعني تحسي انه اصبح مروض بنشبه 90%

[monybat]

وبعدين خليته جان ينزل من الاستاند ودش علي الغرفه وقام يطلع نفس الصوت صراخ متقطع وحطيت ايدي صعد شنو معناته

عادي اخي الفاضل ممكن بدأ يتعلق فيك لاني الاحظ انه تجاوب معك بسرع

[سوزان12]

طيب وعادي ممكن اي احد يمسح عليه والا كمان انتظر فترة

[monybat]

طيب وعادي ممكن اي احد يمسح عليه والا كمان انتظر فترة

لا طبعا ليس الان نهائي لما تحسي انه اعتاد عليكي تماما حتى لا ينقلب عالكل وعليكي ايضا

[monybat]

السلام عليكم ورحمة اله وبركاته

اخواني واخواتي

غدا بإذن الله اخر يوم في ورشة ترويض الببغاء

ولله الحمد قضينا معكم اوقات جميله والايام مرت بسرعه

وكل منكم ما شاء الله ابدع ودرب واجتهد وبالفعل اصبحتوا

مدربيين خلال ايام دربتوا طيوركم وروضتوهم

لذلك

نحن فخورين بكم بالنيابه عن اخواني

ســكـر & اســيـر

نشكركم لدعمكم ولاستمراركم معنا

ونرجو منكم غدا وبإذن الله كتابة ملاحظتكم عن الورشة
وأرائكم وانطباعكم فيها

وهذا خطوه هامه بالنسبة لنا كي نتمكن ان نستمر في انشاء ورش اخرى
قد تفيدك وتفيد غيرك من اخوانك بقسم هواة الببغاوات

أخوكم Mony bat

[SouD-kuvv-1998]

جزاك الله خير اخوي ماقصرتو باي شي ولولاكم كنت بايع الطير وابشرك الطير صار يصعد علا كتفي ويلعب اب شعري وملابسي ويعطيكم الف عافيه

[SouD-kuvv-1998]

وبصراحه لو بدور خطا ماراح القا جزاكم الله خير

[سعودي تايم]

جزاكم الله خير علي جهدكم المبذووووول وعطائكم
والشكر موصول. للغالين

أسير ، سكر ، monybat

يعطيكم الف عافيه ماقصرتو وان شاء الله نشوف ورش قادمه

[سوزان12]

اللسان يعجز عن شكركم و اكتفي بقول جزاكم الله الف خير فعلا ورشة رائعة وناجحة بفضل الله ثم بفضل توجيهاتكم جميعا حيث ااستفدت من كل كلمة او مقطع وضعتوه وخصوصا الذي يوضح طريقة اللمس لان الكثير منا يجهل الطريقة فجزاكم الله خير للمرة الثانية

[سكر]

جزاك الله خير اخوي ماقصرتو باي شي ولولاكم كنت بايع الطير وابشرك الطير صار يصعد علا كتفي ويلعب اب شعري وملابسي ويعطيكم الف عافيه


جزاكم الله خير علي جهدكم المبذووووول وعطائكم
والشكر موصول. للغالين

أسير ، سكر ، monybat

يعطيكم الف عافيه ماقصرتو وان شاء الله نشوف ورش قادمه

اللسان يعجز عن شكركم و اكتفي بقول جزاكم الله الف خير فعلا ورشة رائعة وناجحة بفضل الله ثم بفضل توجيهاتكم جميعا حيث ااستفدت من كل كلمة او مقطع وضعتوه وخصوصا الذي يوضح طريقة اللمس لان الكثير منا يجهل الطريقة فجزاكم الله خير للمرة الثانية

سعيد جداً بتعليقاتكم وهذه النتائج التي حققتموها بفضل الله ثم بفضل مثابرتكم واجتهادكم

ولما توصلتم اليه من نتائج انما يدل على ان لكل هدف عدة مفاتيح

وبإذن الله هذه التجربة ستتكرر, ونرحب بأي اقتراح او ملاحظة او طلب بخصوص هذه الورشة

أشكر أخي محمد منير وأخي أسير على المبادرة الطيبة والفريدة من نوعها, وهذا التميز الغير غريب على منتدانا

[أسيــــر]

الشكر لله سبحانه
ثم تعاونكم معنا واصراركم للبداء بهذه الخطوات
والحمد الله نحنو سعداء لنجاح ترويض طيوركم سوائن
المشتركين في الورشة اوالاعضاء التي لم تشارك وتتابع الخطوات بصمة والزوار
الفائدة عامه لجميع من كان يعاني او يدفع لترويض ببغائه واصبح لديه خبره متواضعه بتواصله معنا
لانمدح انفسنا لانكم انتم من شجعنا على هذا العمل بتواصلكم وثقتكم بنا
اسئل الله التوفيق لكم
كل الاحترام والتقدير

[سوزان12]

ممكن طلب انو الصفحة ماتتفعل عشان نرجعلها لو حدثت معنا اي مشاكل نستفيد من ردودكم

[OmAhmad]

ألف شكر والله يعطيكم العافيه🌹🌹🌹
كلكم ساعدتونا باقتراحاتكم وبالفديوهات اللي وضحتوا فيها طريقة المسح على الجسم وطريقة الطلوع على اليد

شفت من قبل فيديوهات وحاولت أطبق وبعض الأحيان تخوفت من تطبيق الفكرة

لكن لما اشتركت بالورشة تشجعت لأن من الجميل الشعور بوجود من يوجهني اذا عملت شي غلط وبنفس الوقت كنتم تشجعونا على انجازاتنا

واستفدت كثير من تجارب الأعضاء وتوجيهكم لهم
وما كنت أعرف أهمية الستاند بصراحة وانه بيكون عامل مساعد بتعليم الببغاء 😊

البارح كنت فرحانه جدا بتدريبي للببغاء لأن قدرت أرجعه لقفصه على يدي 😊👍👍


شكرا لكم وجزاكم الله خير على جهودكم الرائعة
وأتمنى لكم التوفيق
ونتمنى وجود ورشات مماثلة باستمرار وورشات تدريبيه أخرى 🌹🌹🌹

[monybat]

ممكن طلب انو الصفحة ماتتفعل عشان نرجعلها لو حدثت معنا اي مشاكل نستفيد من ردودكم


الشكر لكي اختي وسوف تثبت الورشة بقسم سؤال وجواب لتكون مرجع للكل بإذن الله


ألف شكر والله يعطيكم العافيه🌹🌹🌹
كلكم ساعدتونا باقتراحاتكم وبالفديوهات اللي وضحتوا فيها طريقة المسح على الجسم وطريقة الطلوع على اليد

شفت من قبل فيديوهات وحاولت أطبق وبعض الأحيان تخوفت من تطبيق الفكرة

لكن لما اشتركت بالورشة تشجعت لأن من الجميل الشعور بوجود من يوجهني اذا عملت شي غلط وبنفس الوقت كنتم تشجعونا على انجازاتنا

واستفدت كثير من تجارب الأعضاء وتوجيهكم لهم
وما كنت أعرف أهمية الستاند بصراحة وانه بيكون عامل مساعد بتعليم الببغاء 😊

البارح كنت فرحانه جدا بتدريبي للببغاء لأن قدرت أرجعه لقفصه على يدي 😊👍👍


شكرا لكم وجزاكم الله خير على جهودكم الرائعة
وأتمنى لكم التوفيق
ونتمنى وجود ورشات مماثلة باستمرار وورشات تدريبيه أخرى 🌹🌹🌹


شكرا لكي اختي ام احمد ومبروك لمعرفة ادخالك الطير القفص

وبإذن الله هناك ورشات اخرى مثل ورشة لتعليم الطيور الكلام و ورشة تدريب الطيور على بعض الحركات

شكرا لكي وبالتوفيق

[monybat]

وبصراحه لو بدور خطا ماراح القا جزاكم الله خير

جزاك الله الف خير يا غالي وبارك الله فيك

[OmAhmad]

بما ان الورشة باقي ما خلصت

حبيت أضيف ان اليوم وأنا أشيله على يدي كان ثابت أكثر
وما يرفرف مثل أول مرة
وصرت أقدر أنقله من يد ليد لما أردد عليه كلمة (up)

بس ما أقدر أقرب يدي كثير لصدري لأنه يتسلق على بلوزتي على طول��
الحمد الله أنا فرحانه جدا بهذا التقدم ����

[monybat]

بما ان الورشة باقي ما خلصت

حبيت أضيف ان اليوم وأنا أشيله على يدي كان ثابت أكثر
وما يرفرف مثل أول مرة
وصرت أقدر أنقله من يد ليد لما أردد عليه كلمة (up)

بس ما أقدر أقرب يدي كثير لصدري لأنه يتسلق على بلوزتي على طول��
الحمد الله أنا فرحانه جدا بهذا التقدم ����

طبيعي اي طير وهو عاليد عند تقريب اليد الي الصدر يبي يتسلق

ويقف عالكتف وراح تلاقيه بدأ يلعب في الاذن والشعر

[monybat]

السلام عليكم ورحمة الله وبركاته

تم الانتهاء من الورشه
والحمد لله على ما توصلتم به
من ترويض لطيوركم

والف مبروك لكل من شارك وتابعنا

واحب ان اتوجه بالشكر لكل من اخواني

سـكـر & أسـيـر

ولما بذلوه من جهد ومتابعات وما قدموه من نصايح
جعل الله ذلك في ميزان حسناتهم

كل الشكر لكم ولأعضاء قسم هواة الببغاوات
وسوف يتم تثبيت الورشة في قسم سؤال وجواب لتعم الفائده عالجميع

وإنتظرونا في ورش جديده

أخوكم Mony Bat