طريقة تعليم الحمام للنزول

[blackattack]

السلام عليكم يا اخواني
انا جديد بالمنتدي الرائع هذا انا لست محترف تربية حمام بس علي ادي
انا بربي الحمام في البلكونة جوز فلاحي و 3 زغاليل فلاحي
الحصل معايا اني بطلع الزغاليل و دكر الفلاحي مع بعد الساعة 4 او 5 العصر
وكان بيرجعوا قبل الشمس تغرب
بس امبارح طيرتهم الساعة 5:30 العصر
بس مرجعوش عشان الدنيا ظلمت عليهم
المهم انا كنت عارف مكنهم و طلعتلهم و مسكتهم و رجعتهم العش تاني بس المره ديه كنت محظوظ عشان هما كانوا في بلكونة واحد اعرفوا في نفس العمارة بس الخوف ان الحركة ديه تحصل تاني
و يقفوا في مكان انا معرفش اجيبهم فا عايز اعرف اذاي اخلهم ينزلوا علي حركة معينة مني

و شكراً

[WORLD OF ANIMAL]

وعليكم السلام ورحمة الله وبركاته

سؤال هل الحمام يعرف طريقة ؟؟
يعنى هل طار من قبل ورجع مره اخرى لوحده بدون تدخلك ؟؟
هل هناك شئ يضايقة اثناء العوده ؟؟

كم المده اللى قضاها الحمام عندك من اول ما شريته ؟؟

جاوبنى على هذة الاسئلة عشان اقدر اساعدك

[سعودي تايم]

اخي لازم تاخذ عالاقل 3 شهور علشان تعرف طريقها

[blackattack]

وعليكم السلام ورحمة الله وبركاته

سؤال هل الحمام يعرف طريقة ؟؟
يعنى هل طار من قبل ورجع مره اخرى لوحده بدون تدخلك ؟؟
هل هناك شئ يضايقة اثناء العوده ؟؟

كم المده اللى قضاها الحمام عندك من اول ما شريته ؟؟

جاوبنى على هذة الاسئلة عشان اقدر اساعدك

اجابة اول سؤال : ايوا الزعاليل مش بترجع لوحدها بس لما اطلع الدكر (ابوهم) بيزوم شيوة بعد كده هما بينزلوا

اجابة ثاني سؤال: علي ما اظن انا عشان لما بيرجعوا ببقي عايز اقفل السلك عليهم بس سعات بيطيروا
الزوج فلاحي بقلها 4 شهور او اكثر و طلعوا عندي 2 جيلين بس في جيل مات و التاني معايا (الزغاليل)

بس كل مرة بيطيروا فيها بلاحظ انهم بيبعدوا اكتر و اكتر
وكمان انا كان عندي 3 اجواز فلاحي بس كلهم طاروا مرجعوش الا الجوز العندي

[blackattack]

اخي لازم تاخذ عالاقل 3 شهور علشان تعرف طريقها

لا يهم المده لكن كيف؟!

[blackattack]

مافيش رد؟؟

[WORLD OF ANIMAL]

طيب يا اخى بناء على اجوبتك

معناه انه الحمام طار من قبل ورجع العش مع الذكر يعنى هو عارف الطريق ومش هيضل طريقة

انت تعال فى يوم شيل الاكل من عندهم فى الليل مع الساعه 12 وتعال الساعه 7 الصبح او 8 افتح لهم العش والشباك عشان يطلعوا واتركهم نهائيا او راقبهم من بعيد

راح تجدهم يحومون فوق البيت فى قريب منه وكل شويه ينزلوا ينظروا الى العش وتعال مع الساعه 4 العصر ضع لهم الاكل ولما ينزلوا اغلق العشش عليهم واحبسهم وهكذا كل يوم لحين ما يعتادوا على الطريق ويعرفوا انه الاكل له ميعاد معين

كمان فى خطأ عندك انت تخليهم يطلعوا الساعه 3 وعاوزهم يرجعوا الساعه 5 طبعا مستحيل
لانهم محبوسين طول اليوم وعند الخروج لا يستمتعوا بالوقت وطبعا لن يرجعوا وسيقضون اليوم بالخارج اما اذا نفذت الكلام اللى فوق راح يرجعوا ويتعودوا على الخروج والدخول

طبعا اهم شئ ما تخوفهم ولا تقترب منهم ولا تحاول تمسكهم ابدا

تقبل مرورى

[blackattack]

شكرا لك

[رائد ملكاوي]

وانا اؤيد كلام الأخ وورلد اوف انيمال

كلامه سليم 100%

ما شاء الله عليه

[blackattack]

تمام شكرا ليك وحطبق الي قولت عليه

[رائد ملكاوي]

انسيت احكيلك انه الساعة 5:30 وقت متاخر

افتح عليهم بوقت بكير شوية يعني 4 مثلا او 4:30

[blackattack]

شكرا لك لكن خلاص الحمد الحمد لله انا بطلعهم الساعة 10 و ينزلوا الساعة 3

[رائد ملكاوي]

الحمد لله

ربي يوفقك يا غالي

[blackattack]

شكرا لك صحيح انا نسيت ازاي اعوده انه ينزل علي الصفارة و حركه معينه