محتار وارجو المساعده ضروري

[جناح الصقر1]

السلام عليكم ورحمة الله وبركاته ،انا محتار بين الكاسكو الرمادي والبلوفرنتد فيه ناي تمدح هذا وتذم هذا والعكس ، انا ميزانيتي 4500 ريال ... نصايحكم وشوركم

[the_gostman]

اخي الكريم..

أنصحك تأخذ فرخ بلوفرونتد امازون..ببغاء جميل جداً ولعوب ومرح ونشيط وخصوصاً ان مناعته تبقى أقوى من الكاسكو بكثيـــــر..

أتمنى لك التوفيق

[monybat]

السلام عليكم
لا يوجد مقارنه اخي الفاضل بين النوعين
لكن اذا تبي النصيحه خذ بلوفرونتد او اي نوع امازون
لان مشاكل الكاسكو كثيره جدا سوا نفسيه او عضويه

وايضا تجد اسعار الامازون مرتفعه اكثر من الكاسكو رغم ان النوعين يتم استيرادهم
لكن لو فكرنا منطقيا نجد ان ما هو غالي ذلك يكون اكيد لاسباب
ايضا من خلال قرأتي هناك مقولتان اتذكرهم للان
الاولى لو تعلم ان ما سوف تواجهه من مشاكل عند تربية الببغاء الافريقي لن تقدم خطوه على شرائه وان لا يوجد بائع راح يقول لك لا تشتري هذه النوعيه من الطيور رغم قدرتها الجباره على التقليد والكلام هذا من موقع اجنبي

اما الثانيه فهي لمربي شهير اجنبي قال من لم يمتلك ببغاء امازون بلوفرونتد فهو لم يمتلك ببغاء من الاساس

طبعا لا حب ان انقل لك افكاري فالقرار لك وحدك ومبرووك مقدما وكلنا هنا في مساعدتك باي شئ
بالتوفيق

[ولد دار زايد]

اخوي الاثنين متكلمين ممتازين
لكن لكل منهم عيوبه
البلوفرونتد مناعتة قوية بس عنيد ومزاجي
والكاسكو العكس

[جناح الصقر1]

بس انا ابغى ببغاء يتكلم التدريب صعب ومو فاضي له ولا اعرف له ممكن احد يدلني بالرياض لواحد معروف اشتري من عنده امازوني غير سوق الحمام واكون شاكر لكم

[محب الببغاوات 2014]

اذا تبغى متكلم افضلك بالكاسكو

اما اذا تبغى لعوب ومرح خدلك بلوفرنتد

[monybat]

افادة العضو عن طريق الخاص

[ضياء الجريح]

امازوني احلى

[عاشق الكلاب و القطط]

انصحك بالأمازوني

اذا كنت تبي المرح واللعب والكلام

[يعسوبة]

جربت الكاسكو بسرعه يمرض وغير كذا مناعته ضعيفه بسرعه يموت اذا مرض
شوري عليك مدام فلوسك ٤٥٠٠ تجيب لك بلوفرنتد متكلم ان شاءالله زيد عليها ٥٠٠
لان المتكلم يجي اغلى ويوصل ٥٠٠٠
شوف قسم البيع كثير اخوان يبيعونها اذا مالك حيل في تعليمه بداية الكلام
خذ واحد متكلم عشان يسهل عليك تلقينه بعد كذا لانه اصعب شيء بداية تعليمه الكلام
خذ متكلم واليف من احد الاعضاء اللي يبعون بقسم البيع الامازون افضل بكثير
واغلبنا هنا جربنا الاثنين وماقتنعنا الا بعد تجربة خذ النصيحه من مجرب
شوري عليك ابعد عن الكاسكو


تحية

[جناح الصقر1]

شكرا وماقصرتو ، وبكره ان شاء الله طالع لسوق الحمام بالرياض اشوف لي بلوفرنتد

[the_gostman]

بالتوفيق ان شاء الله.

اخوك رمزي