مساعدة في شراء هدية لشخص لا يعرف عن الهامستر إلا همتارو

[محمد الرياض]

السلام عليكم و رحمة الله و بركاته ..

أولاً كلمة "شخص" تطلق على الذكر و الأنثى فلا نستطيع أن نقول "شخصة" ..

ثانيًا ألاحظ على المنتدى حب البنوتات للهامستر ..

فقررت أن أشتريه هدية ..

المهدى إليه لا يعرف عن هذا الحيوان شيئًا ..

هل تربيته صعبة ؟

إذا قررتوا إني أشتري فمن يدلني على محل أو مربي ثقة و معروف << "الجواب على الخاص فقط"

و أي نوع ؟ سوري ولا روسي ؟

وش الأدوات اللي لازم أشتريها ؟

قريت إن عمره ما يتعدى الثلاث سنوات << مسوي خبير :D

يا إخوان إذا الفكرة غلط في غلط انصحونا و ترى محلات الألعاب أقرب لي من محلات الحيوانات ..

و أنا تراي صفر في معرفة هذا الحيوان ..

[محمد الرياض]

و لا رد ؟؟

يبدو إن الفكرة بايخة ..

أتمنى من المشرفين حذف الموضوع ..

[MR.coOol]

http://2askt11.france.net.in/all/index.php .

http://2askt11.france.net.in/all/index.php .

تربيته سهله جدا ..

بس لازم تحافظ على نظافة القفص وكل سبوع او ثلاثه ايام بدل نشاره الخشب ونظف القفص ..

ومتوسط عمره سنتين مايزيد ..

ولا تسبح هامستر بالماء لان بيموت وخطر عليه ..

ولازم يتوفر في القفص قطارة ماء وبيت وانابيب وعجله ونشاره خشب ضرووري ,,,,

واما عن انواع الهامستر روسي ولا سوري ثنيناتهم زينين جوف ذوقك انت واختار يعني في وايد ناس يحبون سوري وفي وايد ناس يحبون روسي ..

واما عن اكل هامستر ياكل خضروات مثل خس او الجزر او ملفوف .. الخ بس لا تكثر من خضروات يعني يوم وترك ..

وياكل الحبوب الخاص بالهامستر وطبعا ينباع وياكل حب الشمسي تبع الطيور لان غير مملحه لان ملح موبزين له ولا تعطي الهامستر حلويات او اشياء حامضه لان مضر له ..

وتحيااااااتي لك واي سؤال انا بالخدمه ..

[محمد الرياض]

يلوموني فيك يا ( MR.coOol ) ..

أنت الوحيد اللي عبرني و جزاك الله ألف خير ..

فيه سؤال بعد : اشتري زوج أو فرد واحد ؟ و ش الأفضل من ناحية المتعة؟

و ياليت من أهل الرياض يرسلون لي على الخاص و ين ألقى همسترات حلوة ..

تكفون يا شباب همتكم ، و احتسبوا الأجر ..

[رعوود]

اخوي محمد الرياض


الفكرة حلوه ولكن يفضل انك تقرا عنه انت شخصيا قبل شراءه


وتقدر تدور كتاب يتكلم عن الهامستر

او انك تطبع المواضيع المثبته عن الهامستر بالقسم


وتقدمها مع الهامستر الي راح تهديه عشان الي تقدم له الهديه يقرا الاوراق ويعرف الاشياء الاساسية بتربيته


وبالنسبه للمحل


لو تعطيني الايميل عالمسن وراح اوصفلك كم محل انا اتعاملمعاهم شخصيا وكلش عندهم تمام واسعار تعجبك

[محمد الرياض]

و الله فكرة طباعة المواضيع و إرسالها مع الهدية فكرة ممتازة ..

ما جت على بالي ..

الله يجزاك خير يا ( رعوود ) ..