الامازون و عنادها

[ولد دار زايد]

السلام عليكم

اخواني طبعا تعرفون الامازون الفرخ اللي خذيته كمل معاي للحين تقريبا أسبوعين ونص
الطير حمامة ولله الحمد مايعرف العض

وصار يأكل بروحة (خلطة فيرسل لاقا أضيف لها حبوب عباد الشمس الحجم الصغير لانه مايقدر يأكل الكبير بسهولة)لكن اغرة مرة او مرتين باليوم كمية قليلة عمرة أتوقع اربع شهور وبداء بالغمغمة

بس احس الطير يستغلني وهذا الموضوع ضايقني
يوم يريدني اغرةر سيريلاك اول مايشوفني يصارخ ويحاول يطلع من القفص ويطير لي علشان أسوي له سيريلاك وأعطيك

بس بعد ما يأخذ حاجته يطير لقفصة ويعقد فوقة ومايطيع احك له راسة ولا المس جسمة(ما يعض بس يبتعد مسافة صغيرة )

طبعا يركب على اليد عادي بس مشكلتي معاه المسح حاولت معاه اني أحصنة وأحك له رأسه يوافق بس بعد محاولات للهرب بس يعجز ويستسلم للأمر الواقع بس اول ما اشل يدي يحاول يصعد للي مكان عالي (ًاستمرت على هذي الحالة أسبوعين)
وأحسن يخاف يوم احك رأسه وأتكلم ويلعب صوت نفس الونه (أحسن يتمسكن):D:confused:
شو الحل معاه عنيد كثير

ارجو الإفادة اخواني

[monybat]

اخي الفاضل
اسبوعين ليس بالكافي

واعمل له ارتباط بين الغر وبين المسح عالجسم

يعني خليه دائما محتاجك اعطيه غر لكن لا تخليه يشبع للأخر وبالتالي راح يظله يلصق فيك الي ان يعتاد على ذلك
طبعا هذه الطريقة انا استخدمها على طيوري والطير اللي عندي الأن نفس الحاله اليف جدا لكن المسح عالراس والجسم يرفص استخدمت معاه طريقة التجويع وبالتالي اصبح يريد مني اخرجه من القفص
وابدأ بتأكيله وبالفعل الان اقولة راسك يتقرب وامسح عليه واعطيه الاكل

اهم شئ اخي الفاضل قرائة شخصية الطير والامازون سهل انك تسيطر علية لان نقطة ضعفة هي الاكل

لكن حذاري من عملية الاجبار كي تقدر تمسح علية راح يبدأ يكون افكار عنده سيئه تجاهك

بالتوفيق

[بوسلمان]

واصل معاه وباذن الله بتقبل الوضع ولا تياس

[عزوزالعبدالله]

الحل لما يطلع من القفص ابعد القفص عن المكان اللي انت فيه لا يشوفه
كذا م عنده مكان يستأمن فيه بدال القفص الا صاحبه وراح يجيك
ولا تعطيه اكل الا لما تمسح عليه يمكن يعند شوي بالبدايه لكن اذا شاف ان الحركه هذي بعدها بتعطيه اكل بيستسلم

بالتوفيق

[ولد دار زايد]

أشكركم كل الشكر اخواني

بس سوال ما امسح عليه غصب الطير عادي يجيبني وكل شي وما يعض ويأكل من عندي حتى نسبة الهروب بدت تقل او تختفي

بس مشكلته الوحيدة المسح يمكن بالغت في الوصف فوق هو ما يهرب يوم امسح له بس يحرك رأسه يمين يسار

[عزوزالعبدالله]

طبعي ما تعود
حاول تمسح عليه كثير ويتعود وتصير الحركه عاديه عنده

[kha6ab]

ياخوي مالك ومال حك راسه ! هههه
الطير لسه توهـ جديد مايعرفك اكيد راح يكون حذر وخواف

وترى غلط اللي تسويه يوم يهرب وتطاردهـ وتجبرهـ على الاستسلام
كذا شخصيته بتضعف وراح يكون جبان


افضل حل انك تصبر عليه لين يتعود عليك
ولا تقعد تطارده وتجبره على شي

خل الطير جنبك **ولا تمد يدك من فوق راسه ابد **
ولا تتحرك قدامه حركات مفاجئه وتخوفه سواء يدك ولا جسمك

خليه يعرف انك مو مصدر خطر له

اما وقت السيريلاك فك القفص وخله يطير لك ولاتعطيه على طول
ولا تتحرك كثير وتشيله وتحطه! ,,انت اشغل نفسك بأي شي خلك بالكمبيوتر ولا بالبلايستيشن
وبس اتركه جنبك عاد هو يصارخ ويتسلق عليك بكيفه

واذا جيت بتعطيه سيريلاك اعطيه شوي شوي لاتشبعه
خليه يقعد معاك اطول فترهـ ممكنه

لين يتعود عليك