فرخ الكروان يرفض الغر .. ارجو المساعدة

[ALaWi xX]

السلام عليكم

شريت فرخ كروان أمس غر وايت فيس ، صحة ونظافة ماشاء الله

بس المشكلة لحد الآن الفرخ خايف مني !
حتى اذا جيت باغره يخاف ما يجي !

والمشكلة انه توه بادي يتعلم طيران ، يعني ما اقدر اتركه برّا البيت وهو خايف ، يركب فوق مكان وما ينزل أبد

وش الحل معاه ؟

عادي أغره موز ؟

[Candy sweet]

موز ولله ما ادري

بس غلطت اخوي
كان المفروض تاخد فرخ متعود على الغر من البدايه
لانك راح تتعب معاه خصوصا مبتدأ انت

لا استطيع افادتك كثيرا لكن
جرب تبلل لب العيش الصامولي او تبلل الشابورة وتطعمه بيدك
او خليه في صحن صغير وشوف اذا كان ياكل

اتمنى ان يفيدوك اكتر

[The male nurse]

وعليكم السلام

طبيعي يرفض الغر لو كان مو متعود على الابرة

عموماً جرب اعطية حبوب الكروان المشكلة

لو كان يقدر ياكل منها فمعناتها ان الفرخ مفطوم و مايحتاج غر

لا انصح بالموز! الافضل هو السيريلاك المخصص لغر الفروخ ( يباع بمحلات مستلزمات الطيور)
---

موفق

[ALaWi xX]

أخواني و أخوتي

الفرخ كان متعود ع الغر بالإبرة مع صاحبه القديم

بس انا يخاف مني ، كلمت صاحبه يقول هذا شي طبيعي لأن بيئة جديدة عليه

لكن المشكلة انا لازم ابغاه ياكل عشان لا يضعف او يموت

المهم انا اليوم أكلته صمول مع حليب بالغصب

[Candy sweet]

اخي طبعا هدا بديهي ان كان متعود على الغر
اكيج لان للبيئه تغيرت عليه
...

انت تاكله بالابره او باليد؟
اخي ابتعد عن الحليب !
صامولي ومويه اوكي

وهل تقبل الاكل منك يعني شبع ؟
ولا تكلته غصبا عنه شويه بس. ؟

[ALaWi xX]

^
لا ما تقبله أبد

بالعكس طول ما انا اغره هو يبغى يفلت ويهرب !

الحين صار له يوم برا القفص قلت خله يكتشف المكان

وللأسف للحين خايف مني :(

[Candy sweet]

اجلس معه لفتره او حتى اليوم
مثلا تذاكر ذاكر جنبه

اخي اقرا القرآن عليه مثلا الفاتحه
وايات التالف موجوده بالنت ...
لها مفعول كبير كيف وهو كلام الله
طيوري لما كانت خايفه قرات عليها القران ونفخت على ظهرهم شويه او انفخ على يدي وامسح عليهم
اكيد بياخد مفعول كبير ان شاء الله ..


للاسف نحن سنجبر الفرخ على الاكل بالغصب حتى لا يموت
كويس خليته يكتشف المكان لكن انا افضل ان يبقى داخل القفض خاليا لانه صغير ..
واخاف يخاف زياده

خليه جوة القفص في نشاره خشب
وامسح عليه راح يتنجنبك لكن حاول
واكله ..

أخي هل كان الطائر ينغر بالابره عند مالكه ام باليد ؟

لو كان بالبيد خذ لب الصامولي وبلله بالماء ضعه على يدك امام كنقار الطائر لو هرب
امسك الطائر وضع الاكل في منقاره قليلا جدا
راح يحاول يفلت منك ويبعد الاكل
لكن مع الوقت راح يذوق ويعجبه

ان شاء الله

[ALaWi xX]

أختي الكريمة

صاحبه القديم كان يغرّه بالإبرة .
غريته الحين وكان جوعان والحمد لله أكل عدل وتقبّل مني هالمرة ( خلطة صامولي و كورن فلكس مع ماء ساخن )
صاحبه نصحني بإضافة كورن فلكس لوجود فيتامينات .

طبعاً غريته بالإبرة وأكل تمام أحسن من أمس

لكن لحد الآن هو خايف مني وما يرضى يركب بإيدي أو حتى أمسح عليه ...

إن شاء الله اقرا عليه قرآن زي ما قلتي .

ألف شكر لك أختي ، ياليت أي نصيحة ممكن تفيدني تطرحيها بالموضوع ، وياليت يومياً تجي تشيكي عليه لآخر المستجدات ، ممكن ؟ ( ولا يهون بقية الأعضاء ، أي احد يقدر يفيدني أكون ممنون له )

[يعسوبة]

اخوي اي فرخ اول ثلاث ايام اذا فصلته عن امه وابوه مايقبل الغر
ويكون عنيد جدا لدرجة تخاف انه يموت
بعدين بيدوشك عشان تغره بالصياح كل ماشافك
افتح فمه الصغير برفق وغره كم يوم لو بالاكراه
وبعد ثلاث ايام راح تلاحظ انه هو بيجيك طيران عشان تغره

[Candy sweet]

ماشاء الله بدايه موفقه لانه تقبل الغر منك قليلا
الايام القادمه ان شاء الله سيقبله منك
طبعا مازال خائفا منك لكن مع مرور الأيام
ستراه يتلهف لك !

بخصوص المسح عليه طبعا لانه خائف منك
برأي ﻻ تمسح عليه الان حتى لا يخاف منك اكثر !
فقط قرب يدك او أصبعك قريبا من راسه وجسده طبعا سيخاف وينحاش منها
لكن مع مرور الوقت يعتاد على اصبعك ويدك بجانبه
وعندما تراه ذهب الخوف عنه منك 70% واصبح ينغر بشكل جيد ولا يرفض ابدا بمسح راسه وملاطفته ومع مرور الوقت سيحب كتيرا ان تمسح عليه
بذات مكان الخدود والراس ..

كورن فليكس مفيد ايضا
يمكنك ان تفعل هده الخلطه ايضا ..

سيريلاك + شابورة مطحونه مع ماء ساخن

او

سيريلاك + كورن فيلكس مطحونه مع ماء ساخن ..

او

سيريلاك + بسكوت ماري او بسكوت بدون سكر او ملح مثل بسكوت شاي .. تطحنه ومع ماء ساخن

او ممكن تبدل مكان السيريلاك بصامولي مثلما فعلت انت ...
لكن لا تجعل الخليط حارا حتى ما تنحرق الحوصله ولا باردا
و سط وسط
وايضا اخي عندنا تقرا الاذكار على نفسك انفخ عليه او افخ بيدك وامسح عليه

حتى لا قدر الله ما يجيه عين اي احد لو عرضته بالمنتدى او وريته صحابك فالعين حق !

وايضا ايات التاليف فهي تالف القلوب ومجربه مني شخصيا

طبعا اخي الكريم ساظل اتابع الموضوع وان شاء الله يغدو طيرك تفضل الطيور ان شاء الله

[ALaWi xX]

ألف شكر لكم جميعاً

أختي آخر التطورات ان الطير صرت أغره وهو راكب في يدي ، مو زي أول

لكن حتى الان مازال فيه خوف

[Candy sweet]

ماشاء الله
ان شاء الله يصبح الأفضل

[ALaWi xX]

آخر التطورات :


الطير بدأ يجيني طيران ، خصوصاً اذا كان جوعان
بدأ يعتاد على وجوده في يدي ، مو مرة لكن فيه تحسن ملحوظ
مازال ما يرضى أمسح عليه

[Candy sweet]

ماشاء الله تبارك الرحمن إذا ابشر بالخير
غضون ايام او اسبوع راح يحب تمسح خدوده وراسه

الطير راح يبدا يجيك طيران بس عشان يأكل

بس لما خلاص يتعود عليك ويخليك تمسح عليه
وراح يجيك طيران عشان تحك له وراح يحبك مررررة


أهم شيء سمي الطير
انا مسميته سويتي ..

انت خله بعيد عنك .. ووريه الابره وناديه بسمه مثلا سويتي
هو راح يجيك طيراان وياكل

راح يتعود ان لما تناديه بسم سويتي يعني في اكل وفي دلع
فراح يجيك طيران

ملاحظه* لما تناديه ويجيك طيران قل له شاطر او good وعطيه الأكل

عشان يفهم ان كلمه شاطر يعني في اكل وبعدها تقدر تدربه على السلام واشياء تانيه

بما انه يطير برأي توقف الابره
وتحاول تعطيه بيدك عيش مبلول او بسكوت ماري مبلول وتاكله

لاني اخاف انه يطير لك بس إذا شاف الابره
بش لو غريته بيدك
حيجيك بدون ابره

اتمنى فهمتني لاني دوبي رجعت من المدرسه وماني عارفه اشرح كويس عععع

حظا موفقا

[ALaWi xX]

^^

فهمت عليك

لحد الآن الطير ما يجيني الا اذا بياكل ، ما يهاب مني بس ما يجي الا اذا كان جوعان

صورة للطير :




http://s23.postimg.org/gc310zz7r/img1393361135187.jpg (http://postimg.org/image/gc310zz7r/)

للتكبير اضفطي ع الصورة

[Candy sweet]

ماشاء الله طير جميل
مع الوقت سيعتاد عليك
حاول مسح راسه وخدوده حتى يحبك اكثر

[ALaWi xX]

طيب اختي من خلال الصورة كم تعطي عمره ؟

[The male nurse]

العمر شهرين الى ٣ اشهر تقريباً
--

بالتوفيق ان شاء الله

[ALaWi xX]

والله اني سأمت منه !

ما يجيني الا اذا جوعان ، واذا شاف عندي الإبرة بس !

واذا شبعان ما يجيني أبد رغم اني 24 ساعة معاه بنفس الغرفة و أنام معاه و أغره و أطلعه من القفص و أسبحه و اهتم بنظافته ونظافة القفص !

ما كأني موجود ، حاس نفسي مجرد آلة وخادم اعطيه وما يعطيني

والحل :(

[Candy sweet]

مممم لهادا انا افضل اغر باليد
لانه حيجيني إذا شاف يدي

حاول تحك له راسه او تداعبه
لو مرة ما يبي جرب معه انك تمسك بيدك ظهره وجناحه على الارض وامسح بخدوده وراسه
ماراح يقدر يتحرك
بس حيحرك رراسه بعدين حاول تمسح هو يحاول انه يهرب
لكن ان شاء الله يحب الحكه وراح ينسى انه مقيد وراح يحب الحكه ويتعود عليك هدي الطريقه جربتها

لكن لو استمر على العنف وانه ما يبى تحك له راسه ايدا
فلا تجبره يمكن يكرهك زياده!

للعلم ايضا لو ابدا لم يصبح طيرك اليف لربما هدا طبعه هو
يعني طبعه لا يحب ان احد يدلعه او ما يحب احد يلمسه لانه ما تعود من صغره على هدا
ل

لهدا لازمك صبرر معه كثيرا وتحاول وتحاول وابقى على منوالك انك تطعمه وكدا وتلاعبه

لو ما يحب يتروش لا تروشه غصبا
ممكن هو ما يحب يتروش وانت تغصبه لهادا ما يحبك

ان شاء الله يصبح طيرك افضل وافضل
الحين صار ياكل كويس منك اولا ما كان يفتح لك فمه
لذلك تفائل بالكثير وانه راح يتحسن لا تيأس اوكي كن رجلا صبورا
وان لم تنجح تنجح للمره الثانيه والثالثه وتصبح في الاخير محترفا

اتمنى لك التوفيق

[ابودانه99]

الافضل تعوده على كلمه وانت تاكله مثل تعال تعال وهو ياكل فقط تقولها له , مع الوقت تقوله تعال تعال يتوقع انه موعد الاكل ويجي ..مع الوقت يعتاد عليها ويجي كل ماتزهمه .

والله اعلم

[ALaWi xX]

يا شباب ياليت مساعدة :(

أمس قلت ببدأ أفطم الطير ، فحطيت حب شمسي و حب طيور البادجي في يدي وخليته ياكل منها

وكان مبسوووط بالحب الشمسي وأكل قدر معقول وزين وكل شي تمام

اليوم جلست وصاير الطير ما يبغى ياكل شي ابداً ، فقدان شهية تامة للأكل !
مع خمول بسيط

ما ألاحظ فيه أي علامات مرض أو يأس ( سهال أو تنتيف ريش مثلاً ) ، الطير مظهره طبيعي جدا بس ملاحظ فقدان شهية للأكل و خمول بسيط

انا مستغرب هل ممكن يكون من الحب ؟ :( .. بس سمعت ان الكروان ياكل حب شمسي عادي يعني

الحين مو راضي ياكل شي أبد ماله نفس

[ابودانه99]

ممكن لانه انفطم على طول المفروض تاكله حب شوي وغر او الشي الي كنت تقدمه له شوي الى ان يعتاد , وكمان لاتكثر حب شمسي اعطية مشكل لان الشمسي مليان دهون ويسبب التخمه .

والله اعلم