ساعدوني قطتي الصغيرة فيها شئ غريب

[lorelored]

السلام عليكم ورحمة الله وبركاته

أن قطتي بعد4 أيام تكمل شهرين إنشاء الله!
لكن لاحظت فيها شئ غريب كانت مافيها شئ وإلى الآن تلعب ماشاء الله لكن لاحظت شعر بطنها تأخر نموه بذات من أسفل البطن وفيها أماكن كان فيها شعر وإختفى مثل: من عند الأرجل الخلفيه ومن حوالين فتحة الشرج وغيره وكمان حسيتها ضعفت مهي زي أول كانت أصح من كذا لكن ذحين أحس فيها ترهل والجسم أنحف من أول مع إنها تاكل يعني فيها شهية ماشاء الله لكن برضو ضعيفه مع إنها مافيها إسهال ولله الحمد! ولاحظت كمان عيونها تدمع أنا خايفه عليها مرره!! فرجاء الرد بسرعه ولكم الدعاء من قلب:)

[شاهستا]

اهلا بيكى
ياريت صوره لكل المناطق الى قولتيها
عشأن نكون فاهمين اكتر

[lorelored]

وهذي الصور بس قبل بحطلك صورتها وهي بصحتها قبل ماتضعف وأبغى أعرف نوعها إذا ماعليك أمرلأن صاحب المحل قالي إنها شيرازي بيور بس بتأكد! وهذي صورتها وهي بصحتها:
http://im73.gulfup.com/gVfoy.jpg

http://im75.gulfup.com/f4mSs.jpg

http://im75.gulfup.com/Ejn7g.jpg

أماباقي الصور بعد تدهور صحتها و إختفاء الشعر من بعض المناطق:
http://im73.gulfup.com/5GFZl.jpg

http://im73.gulfup.com/7cgCU.jpg

http://im73.gulfup.com/Uj1yd.jpg

http://im73.gulfup.com/Rp0BO.jpg

http://im73.gulfup.com/6lyMO.jpg

http://im73.gulfup.com/k33J1.jpg

http://im73.gulfup.com/7mIjz.jpg

ومشكوره على المساعده ولك دعوه من قلبي إن شاء الله!

[الماسيــــــــــه]

يووووووووه. اختي
القطه باين عليها المرض
سارعي للبيطري!!

[شاهستا]

قطتك متبهدله ليه كده
انتتتى مش مهتمه بيها خالص
دلوقتى حميها بشأمبو نيزورال او فافو
ونشفيها كويس كدا جدا
وبعدين المناطق الى مفهاش شعر استخدمى البيتادين
السائل وامسحى على المناطق دى
بعدها بخمس دقايق امسحيها بمرهم بنزأنيل
او ديكتارين كريم
او لاميزيل
هتحطى البيتادين والمرهم مرتين ف اليوم
وعينيها نضفيها كويس بقطنه مبلوله مايه دافيه
كل عين بقطنهوبعدين نشفيها بقطنه تانيه
وحطيلها قطره بروزلين او لوكسترا
مرتين بردو ف اليوم
وياريت تقولى بتاكليها ايه ؟
وياريت تشيكى على الاذن فى حاجأت كتيره سوده جوأهأ ولا لت
قطتك مهمله بدرجه كبيرة
ومحتاجه اهتمام مكثف الايام دى

[بسبس مياو]

واضح من اماكن الفطريات في اقدامها واسفل البطن ان القطة تعرضت لرطوبة من فضلاتها ومن الرمل
ربما نتيجة نومها على الأوساخ ومشيها على فضلاتها
انتي حابستها في قفص ولا ايش!!!!!!!!
ضروري مع العلاج الخارجي تاخذ علاج داخلي...بس بصراحة انا مش واثقة انك ممكن تعطيها الجرعة صح
انتي مرره مهملتها ليش كذا؟ بالضبط منظرها كأنها في محل حيوانات مش في بيت :(
كم قطة عندك ؟
على فكرة نفسية القطة ممكن تأخر وتطول علاج الفطريات...القطط التعيسة المحبوسة لاتشفى سريعا
كمان لازم تاخذ جرعة الديدان علشان تعطيها مناعة وتعجل الشفاء...
اي شي صوف او قماش تنام عليه لازم يتغير يوميا لأنه من اسباب الفطريات

[Octopus]

نوعها فارسي دول فيس ولكن بعيدا عن نوعها لازم تبدا معها العلاج فورا

[lorelored]

غريبة يا جماعه إيش سويت فيها يعني؟ظلمتوني معاها! ما أهملتها ولا حاجه ولاحابستها في القفص أنا إشتريت قفص قلت لما يكبروا شويه أكيد حلاقي إزعاج في غرفتي مع النوم قلت يسير إذا كانوا أشقياء أحطهم في القفص وقت النوم وإذا كان عندي أحد في غرفتي بيخاف منهم ولا حاجه(ضيوف أو صديقات) يعني للطوارئ! وأصلاً أنا اللي عند قطتين ذكر وأنثى ولمايكبروا إن شاء الله أكيد حيتزاوجوا بعض ويجيبوا عيال كثير ويزعجوني في النوم وقت لعبهم يعني القفص موجود للحتياط!
لكن أنا جبت سريرهم فيه وتاركه القفص مفتوح وهيه اللي دخلت فيه عشان بتنام على السرير يعني بإرادتها!

ومن ناحية النظافه قلت هي صغيره ذحين عالحمام وبرد عليها وهي لسا ماكملت شهرين فخفت عليها منه لأنه قبل صابها إسهال من البرد ولكن عالجتها منه الحمدلله.
والغرفه أصلاً غرفتي أنا اللي هم فيها بنظفها دايم!

لكن تقدري تقولي إنه صابته الفطريات دي من شئ واحد اللي هوه:
هي عشانها صغيره تتدخل تحت الدولاب وتحت التسريحه مرات عشان تلعب وهذي الأماكن ماتقدر الممسحه توصلها من ضيق فتحتها لكن البسوس تقدر سبحان الله بذات إذا كانت صغيره وشكلو هذا هوه السبب في كذا عشانها أماكن ماتتمسح دايم!

وعينها أمسحها دايم لكن صورتها وهي كذا بدون ماأمسحهاعشان بوريكم الدموع اللي فيها اللي تنزل كذا لأني إذا مسحتها ماراح تبان إن عينها تدمع!

وأكلها دجاج مع المرقه حقته ودراي فود(رويال كانون) ومكرونه باللبن وسيريلاك وخضار مسلوقه وبسكويت خاص فيهم مغمس بالحليب!
البسه الثانيه قريب تكمل٣ شهور يعني بينهم شهر تقريباً لكن صحتها مرره تمام الحمدلله عكس اللي عمرها شهرين مع إن أكلهم واحد ومكانهم واحد. فشكلها مثل ماقلت عشانها تدخل تحت الدولاب.

المهم خلاصة الكلام وديتها للدكتور بيطري وأعطاني لها ست علاجات

علاج للفطريات (مطهر) وثاني للمسح بعده
وعطاها إبره للديدان قالي فيها ديدان والسبب تقدري المره هذي تقولي إني أنا السبب وهوه جلوس الأكل لفتره طويله عندها بدون وضعه في الثلاجه والسبب لأني قلت ماأدري متى تجوع فعملت هذا إحتياط لكن تبت عنه ولاراح أعمله بعد كذا إن شاء الله بعد كلام الدكتور لي
وفيتامين ومرهم للعين وغيره من الأدويه.

وبالعكس أنا أنفق والله على قططي أكثر مما أنفق على نفسي من شدة حبي لهم والله على ماأقول شهيد!

(وهذا دليل على عدم إهمالي لها والله أعلم!)

على العموم مشكورين عالرد ولكم دعوه من كل قلبي إن شاء الله.

[شاهستا]

حبيبتى احنا قولنالك كده ومنقصدش ابدا انك تزعلى

احنا بس خايفين على القطه لانها لو تعبت جدا انتى اول واحده هتزعلى عشانها

واهتمامك بيهم اكيد كل دى حسنات هتكون فى ميزانك

ويارب ان شاء الله قطتك تخف وتطمنى عليها

بس خلى بالك للقطه التانيه تتعدى

وياريت تطلعيهم فى الشمس كل يوم ولو 10 دقايق

[بسبس مياو]

الله يهديكي اي ابرة ديدان !!!!!
انتي عضوة قديمة والمفروض كمربية تكون مرت عليكي ان مافي شي اسمه ابرة ديدان والإبر اللي يستخدمها البياطرة محرمة عالميا عالقطط ...ليش سمحتيله يعطيها الابرة؟
كمان المدينة مافيها دكاترة بيطريين الا للمواشي وفي الصيدليات
انتي سألتينا وحنا عطيناكي العلاجات الصحيحة وانا شخصيا قلتلك استخدمي جرعة الديدان
لو مرت حكاية الابرة على خير تكون قطتك محظوظة
ومش فاهمة يعني ايش صغيرة عالحمام!!! اي حمام تقصدين؟ القطط حمامهم الرمل
والفطريات ماتجي من تحت الدولاب ...اللي في قطتك نوع يجي من تخمر الفضلات بول براز او حتى اي شي رطب
وعيونها كمان مع ان الصورة مش واضحة بس اتوقع وصلتها الفطريات لان الشعر حولها خفيف
شوفي حبيبتي القطط ماينفع تحطيها في قفص حتى وقت النوم لأن اكيد بتقضي حاجتها وماينفع اصلا تنام جنب صندوق الرمل.....على فكرة نومها جنب الرمل ممكن يكون سبب الفطريات ايضا
والفطريات ماتكون بالمساحة الكبيرة هذي الا بسبب التخمر والرطوبة
جلد القطط لايحتوي على مسامات يعني حتى الماء النظيف اذا مانشفتيه يتخمر ويسبب فطريات
لازم تعزلي الذكر عنها علشان العدوة
وياليت تعطينا اسماء الأدوية اللي كتبها الدكتور ضروري لأن في ادوية ماتصلح للقطط وياليت الجرعة لو اعطاك حبوب او شراب
بما انك وثقتي فينا اتمنى ماتخطي اي خطوة في العلاج قبل ماتقولي لنا ...علشان القطة المسكينة
سرير القطوة لازم يتعقم يوميا وتغيري المفرش ولا تخلي الذكر يقترب منها ولا يستعمل ادواتها
التزمي بالعلاج اللي قلنالك اياه والنظافة وراح تتخلص من الفطريات بأسرع وقت
وياليت توقفي اللبن والحليب لأنها تضر القطط وتسبب اسهال دائم...
تقولي انك تعطيها دراي فود..وتقولي كمان بسكوت خاص فيهم!!! ايش تقصدي بالبسكوت؟
اي اكل تعطيهم اياه لازم يخلط بالبروتين دجاج لحم ..ماينفع ياكلوا خضار لوحدها او مكرونه لوحدها
امعاءهم تتعب ومايستفيدوا من الأكل ....
لاتترددي تسألي عن اي شي كلنا هنا بنساعدك حتى لو قسينا شوي عليكي من خوفنا عالقطة بس :freind:

[lorelored]

لاعادي مازعلت الله يجزاكم خير وإن شاء الله حطبق كل الخطوات اللي قلتولي عليها إن شاء الله لكن فيه عندي كم سؤال:
1-البيتادين والبنزأنيل أوالدكتارين هذا من فين أشتريه؟ من البيطريه ولا البشريه؟
2- ينفع أدهن المناطق اللي فيها فطريات بخل؟ أنا دهنت قبل كذا لقطط قديمه كانت عندي وماشاء الله الخل مع تخفيفه بالماء مرره علاج سريع للفطريات جربته
كثير لكن في هذا العمر عشان البسه صغيره فخفت أعالجها بالخل وعشان كذا ماعالجتها لكن إذا ينفع عادي فماحفكر بعلاج غيره لأنه جربته بكم يوم إستعمال ومايجي إسبوعين إلا الشعر نابت من جديد ومافيه فطريات!لكن إذا ماينفع فالبيتادين وكل هذي العلاجات إذا كان في الصيدليه البشريه كان سهل لكن إذا في البيطريه فالله أعلم أنا حلقاه عندهم ولا لا لأنه مو كل الحاجات نلقاها عندهم.
3-لوبعزل الذكر عنها فمافيه غير القفص لأنه خارج الغرفه ماما ماترضالي أخرجهم وبالقوه رضيت لي إني أربي بسوس عشاني قلتلها أحطهم في غرفتي وماأخرجهم وأكبر دليل ليه إشتريت القفص؟ عشان خفت من الإزعاج لأنه قبل كانت عندي بسه جننتني من شقاوتها وبذات وأنا نايمه والمشكله ماأقدر يعني أخرجها من الغرفه عشان ماما فإضطريت إني أشتري القفص بسببها وإحتياط للإزعاج مره ثانيه فينفع ينعزل فيه مؤقت عشان مافيه حل ثاني للأسف.
4-إيش علاج الديدان اللي ممكن تاخذه بدل الإبره يعني إيش إسمه وهو من الصيدليه البيطريه ولا البشريه؟
وحابه أبين إني أقصد بالحمام يعني إستحمامها والبسكوت هذا صاحب المحل أعطاني إياه لمني إشتريتها وقالي هذا بسكوت (شبيه بالدراي فود)لها غمسيه بالحليب وإعطيه إياه. والله يجزاكم خير
(أدعيلكم بالظاهر في كل رد وبالباطن(بالقلب) ومشكورين!(في إنتظار الرد).

[شاهستا]

اهلا بيكى ياقمر
1. من الصيدليه البشريه

2. الافضل بلاش خل خليكى فى الادويه

3. اعزليها هى فى القفص

يعنى خرجيها شويه تتمشى بعدين اعزليها

4. بنداكس لاطفال 1.5 سم مره فى اليوم لمده 3 ايام

ان شاء الله تقوم بالسلامه
وياريت تشيكى على جسم الذكر عشان لو فيه اى حاجه نلحقها

[بسبس مياو]

كل الأدوية بشرية والبيتادين ممتاز جدا يجي في علبة لونها اخضر ومن جوا احمر
جيبي قطنه وامسحي الأماكن مرتين في اليوم وامسكيها شوي لحد ماينشف علشان ماتلحسه
وبلاش البسكوت اللي مع الحليب لأن الحليب يضرها
شوفي حبس القطة راح يبطئ شفاءها لأن الفطريات سبحان الله تعتمد على مناعة الجسم اذا قوية والحالة النفسية...
عارف ايش غلطك...انك جبتي قطتين واهلك مش راضين واضطريتي تحبسيهم في غرفتك والقطط ماتحب العزلة في غرفة مغلقة
انتي الان مش حاسة بالوضع لان القطط صغيرة وحجمها صغير ..لكن بكرة بس يكبروا راح تتعبي معاهم كثير
جسديا ونفسيا....لازم لما تحبي تربي قطط يكون البيت كله موافق ومافي مشاكل
انتي تقولي انك تفكري تزوجيهم اذا كبروا ويتكاثروا ويجيبوا عيال !!!!!!
تفكيرك غير صحيح ....كيف ممكن تربي مجموعة قطط في غرفة نومك!!!!!
نصيحة مني راح تتذكريها بعدين لأني مجربة هالوضع لاتغلطي غلطتي وتسمحيلهم يتكاثروا
حياتك راح تصير لاتطاق وضغوط نفسية من اهلك وزحمة في غرفتك والشعر في كل مكان بيسبب لك حساسيه وربو وريحة حمامهم وتكاليف الرمل والاكل راح تزيد وتصير غرفتك جحيم بالنسبة لك ولهم
والقطط ماراح تكتفي بالغرفة راح تحاول تطلع في اول فرصة لها واحتما كبير تهرب
فترة التزاوج متعبه وصعبه وانتي ظروفك غلط من الاساس
اتمنى تاخذي كلامي بجدية لأني والله عارفه ايش راح يصير لو تكاثروا
مافي احد يربي قطط ويحبسهم في غرفة نومه ....والقطط بس تكبر راح تمل وتكتئب من الحبسه وترجع تجيها الفطريات لأنها ماتطلع للشمس ولا الهوى ..يمكن انتي مش حاسة بهالشي لأن حجمهم لسه صغير
لو متعلقه فيهم ومستحيل تتخلي عنهم فكري في عملية تعقيمهم قبل لايبلغوا لأن لو بلغوا راح يكون صعب السيطرة عليهم ويبدأ الذكر برش البول في كل مكان حتى لو عنده انثى ..الذكر يمل من الانثى الواحدة ويرغب في الخروج للتزاوج...والانثى كل اسبوعين ثلاثة تطلب تزاوج وتصير حالتها لاتطاق ومش معقول طول السنة تتزاوج وتحمل اكثر من مره
عندك حل انك تعرضيهم للتبني لأنك حبيبتي ظروفك ابدا غير مناسبة لتربيتهم
او عالاقل تربي واحد منهم بس والثاني تعرضيه للتبني
والتعقيم امر ضروري صدقيني انتي مش بحاجة لأنهم يتكاثروا
حلي الموضع الحين قبل مايكبر ويصير مستحيل ويمكن تضطري تتخلي عنهم او ترميهم بالشارع
والقرار لك

[lorelored]

كل اللي قلتيه صحيح إنهم تعبوني وغيره وغيره لكن الشعر فيه مكنسه تعمل بالبطاريه متخصصه في كنس شعر الحيوانات والقطط إشتريتهامن موقع أمازون أكنس فيها دايماً الشعر والريحه فيه عندي شفاط روائح إشتريته من موقع أمريكي مختص في القطط.لكن هم عمرهم ذحين الذكر 3شهور والأنثى شهرين وإحنى كلها شويه وحننقل بيتنا الجديد (ملك)إن شاء الله عشان كذا صابره عليهم لأنه هالشئ مؤقت وكمان تزاوجهم حيكون بعد عمر سنه يعني حنكون ساكنين البيت الجديد إن شاء الله بعد مايكملوا سنه هناك أقدر أشمسهم في السطح وتتغير حياتهم كلهاإن شاء الله بس ذحين مضطره عشان لسا ماسكنا البيت الجديد إحنى ذحين في شقه إيجار على بال مايجهز البيت عشان كذا ماأقدر أشمسهم غير مع الشباك لكن في البيت الجديد حيكون السطوح هناك يتشمسوا فيه زي مايبغون إن شاء الله. عشان أول كنا في شقه ملحق مع سطوحه لكن ذحين بعد مانقلنا في هذي الشقه إستحملت شوي لأنه ماباقي إلا شوي ونسكن إن شاء الله
ومن ناحية التعقيم أنا قلت بس يتزاوجون مره وحده وبعدين أعقمهم! وأنا سمعت إنه فيه تعقيم بعد البلوغ وكثير من الأعضاء سألوا عن هذا الشئ مثال:(قطي وسخ المكان بالرش إيش أسويله؟ اللي يجاوبون:عقمه لاتخاف ترى إذا عقمته ماحيرغب بالتزاوج ولا حيعملها ثاني)يعني هذا دليل على إنه التعقيم ممكن بعد البلوغ!) فأنا قلت هذا اللي راح أسويه إن شاء الله! ومشكورين مقدماً. وخلاصة القصه(لوإيش مايعطوني ولا يقولولي ماأتخلى في حياتي عن شئ إسمه (قطه) إلا لأمر ضروري جداً وهو الزواج لو لاقدر الله زوجي أبداً ماكان راضي إني أجيبها عندنا هههههههههههههههههههه) حاولت فيا ماما قبلك وغيره وغيره ماحد نزلهم من راسي ماينزلهم (القطط) من راسي غير الله سبحانه وحده!.

[شاهستا]

الافضل أنك تخصيه وتعقمى القطه قبل سن البلوغ
ومش لا م تجوزيهم الافضل قبل مايتجوزو

[بسبس مياو]

التعقيم قبل البلوغ مختلف تماما عنه بعد البلوغ من ناحية صحة القطط والامراض واشياء كثير ماراح نتكلم عنها ،والمشكله مو مشكلة يتشمسون المشكلة انك حتى لو سكنتي في قصر برضو راح تحبسيهم في غرفتك والقطط تكبر وتحتاج مساحات تركض فيها وتلعب طول اليوم مش ساعة زمان في السطح، وكمان تفكري انهم يتكاثروا ولما تتزوجي ويرفض زوجك راح تتخلي عنهم يعني كذا او كذا راح يجي يوم وتضطري تتخلي عنهم طيب ليش تكثريهم!!!! عموما حنا سوينا اللي علينا وانتي براحتك هم في ذمتك الى يوم الحساب بعتيهم عرضتيهم رميتيهم انتي المسؤلة عنهم وين ماراحوا .بكرة تذكري كلامي،ما اقدر افيدك اكثر.