ترويض 300 ريال

[zfr]

يا شباب وشرايكم في الهنود في سوق الحمام
يروضون الطيور 300 ريال خلال 10 ايام .
عجزت الروضه بلوفنتد العمر7 شهور خايف بشكل جنوني
لدرجة احطله الكل والمويه يخبط فلقفص بجنون الين اروح .
اوديه للهندي او اخليه مع الوقت يركد.
الهندي شرط بعد 10 ايام مسكه حمامه

[tooz44]

لاتثق فيهم انا اعطيت لواحد في سوق الحمام خمسه درر مطوقه فروخ صغيره كان عمرهم اربعه شهور عشان يبعها ورجعتله بعد شهر قلي كلهم ماتو قلتله لوقلت واحد اصدق بس كلهم والله قهرني :64: ووكلت امري لله
اذا انت واثق منه وديه وتكون تعرفه

[عزوزالعبدالله]

انا من رائي خل الطير عندك واصبر عليه
وقلل من اكله لا تكثر له وعطه الاكل من يدك لين ما يستامن وبعدها ابدا انت بترويضه

كان عندي واحده نفس اللي عندك اول يوم اخذته دم اصابعي هههههههههه
وخلال اسبوع موب ١٠ ايام امسح على راسه
بس الشغله تبي صبر ومواضبه موب يوم تجلس معه ويوم لا

[zfr]

Tooz44 هذا المخوفني مشكور
عزوز شكلي ابعمل بنصيحتك واعطيه فرصه شهر مع التدريب مشكور.

[the_gostman]

الافضل انك تروض الطائر بنفسك..

فترة 10 أيام هي غير كافيه تماما لترويض طائر..وانا جربتها زمااااان مهع الهنود ولم تنجح..لان معظمهم للأسف يستعمل طريقة التجويع للطائر..

الافضل ان تصبر على طائرك وتكسب ثقته

بالتوفيق
أخوك رمزي

[zfr]

The gostman
هلا يقول واحد من الشباب الهنود يجوعونه 12 ساعه مصيبه
شكل الموضوع جد تجويع.
اصبر احسن مشكور.

[ال حسن]

في طرقيقة التجويع وفي بالضرب ولكن كلها غير صحيحة وتجعل الطائر خائف واذا تمكن منك عضك الافضل هي بناء صداقة معه وفي البدايه خليه يأمنك

[zfr]

بعد ضرب اعوذ بالله
1000 شكر اخوي الحسن

[hlg2020]

والله انا اول مره اربي ببغاء في حياتي واشتريت افريقي وحش لدرجة اني افتح الباب يجعر وحطيته في استناد واجوعه وما اكله الا بيدي وبعد اسبوعين بس صرت امسحله ويطلع ع يدي وعلمته كلمة كوكو ونسي شي اسمه جعير

[ولد دار زايد]

اخوي محد راح يخاف يهتم بطيرك مثلك انت

أساليب الترويض كثيرة وغالبا الي تنائجها سريعة تكون بالتجويع والضرب و إغراق راس الطائر في الماء

يرضى الطائر للأمر الواقع ويتألف يومين ويوم بشوفك هادي ماتضرة يرجع وحشي مرة ثانيه

[zfr]

hlg2020 كلام يشجع مشكور.
ولد دار زايد كلام مرعب ( إغراق راس) هذي جديده اعوذ بالله .
صح (محد راح يخاف يهتم بطيرك مثلك انت )مشكور.