كيفية جعل الكاسكو يقلل من الصراخ

[deeefooo]

بسم الله الرحمن الرحيم

شريت كاسكو قبل تقريباً اسبوع لون عيونه ابيض والطير ماشاء الله نشيط وعنده كلمة او كلمتين واضحة والباقي غير مفهوم

اول يومين كان ساكت لكن الان مسبب ازعاج في البيت بسبب صراخه المستمر اللي اكثر من كلامه ومن تصفيره

هل فيه طريقة اقدر اخليه يترك الصراخ ويركز على الكلام . ؟؟

اتمنى المساعدة

[the_gostman]

اخي الكريم..

حاول توفر له العاب خشبيه واجراس في القفص عشان يقضي وقته في اللعب..

اذا لم يحدث اي تحسن..فأنصحك بتغطية القفص بشكل كامل بإستخدام منشفه كبيره عندما يصرخ كنوع من العقاب..ابقي القفص مغطى لمدة ربع ساعه.

وانشالله خلال كم يوم من هذا التدريب رح يتوقف عن الصراخ ورح يعرف ان الصراخ مصيره تغطية القفص.

بالتوفيق
اخوك رمزي

[محب الببغاوات 2014]

قم بترويضه حتى يصبح اليفا

[شرارة]

اذا صارخ وازعج غط القفص بقطعة قماش وقوله عيب عيب

وخله مغطاء ربع ساعة وشيله اذا رجع يصرخ نفس الشي غطه مع كلمة عيب

مع التكرار راح يفهم ان هل تصرف غلط وراح يسكت اذا صرخ مره ثانيه بمجرد سماع كلمة عيب

يبيله صبر شوي

واذا الطير غير الليف لازم تولفه او توديه احد يروضه لك اذا ماعندك خبره


اتمنالك التوفيق


تحياتي للجميع

.

[شرارة]

وانا انصحك انك تلقنه كلمات وجمل عشان يصير يتكلم بدل ما يصرخ

مادام الطير يتكلم كم كلمه معناته راح يتعلم كلمات جديده

جرب ردد عليه كلمه جديده لمدت ثلاث ايام كل يوم ثلاث مرات كل مره ربع ساعة

انا متاكد راح يقولها بعد ثلاث ايام انا شاءالله

لا تهمل التلقين لان الطير كبير شوي وواضح ان صاحبه الاول ماكان مهتم بتلقينه بشكب صحيح

اذا اهملته راح ينسا الكلام اللي يقوله وبيصير يصفر ويصارخ


بتوفيق