فرخ دره

[3BOOD88]

السلام عليكم
شباب أنا حاب أشتري فرخ درة بس أحب أعرف وش الأشياء الي أحتاجها وبالنسبة للغر و قت الأكل كم مره أحتاج أكله في اليوم و أرجو الإفادة بسرعه

[Hmadaa900]

وعليكم السلام
تحتاج كرتون وتحط فيه نشارة خشب
وابرة للغر وسيريلاك خاص بالفروخ
واذا ماقدرت توفرها تقدر تسوي خلطات في البيت
يحتاج الفرخ ٣ الى ٤ وجبات في اليوم
طبعاا لازم توفر له مكان دافي ومافيه ازعاج
بالتوفيق يارب

[3BOOD88]

يعطيك ألف عافيه بس بالنسبة للأكل ممكن أعطيه وجبتين في اليوم فقط لأن بصراحه أنا دوامي من العصر لليل
يعني ممكن أعطيه وجبة الصباح و وجبة قبل العصر

[الغوينم]

الوجبات مره الصباح ومره الظهر ومره العصر او المغرب ومره قبل النوم

هذي الوجبات الاساسيه يعني 4 مـرات اذاكان فرخ صغير حيل تقدر تخليهم 5 وجبات

[Hmadaa900]

اذا كان صغير يحتاج غر ٤ مرات
لانه في هالمرحله تشوفة كل يوم ينمو
ويحتاج وجبات عشان النمو
تقدر تعطية الصبح و الظهر
وقبل ماتداوم تعطيه اذا شفت الحويصله فارغه
ولما ترجع تعطيه وجبه
الفروخ تحتاج عنايه كبيره لحد ماينفطم ويبدا ياكل من نفسه
بس الحلو فيهم النمو كل يوم تحس بفرق
بالتوفيق يااارب

[3BOOD88]

أمين يارب ودعواتكم لي لانها بصراحه أول تجربه لي و إن شاء الله راح أكون على تواصل في المنتدى بكل جديد يصير معاي وراح أنزل صور له لين يكبر عشان تكونو انتم معاي وتساعدوني في تربيته وشاكر لكم تعاونكم معي وعاد تحملوني الفتره الجايه:88::12:

[Hmadaa900]

اتمنى لك كل التوفيق من الله
انتبه للغر بشويش وتنظيفه بعد ماتخلص
والنظافه شي اساسي غير النشارة كل ٤ ايام
واذا شفت الكرتون فيه وساخه غيرة
وان شاء الله تكون تجربه مميزة لك

[monybat]

نتمنى لك كل التوفيق

تجربه جميلة ولذيذه وايضا راح تعطيك خبره كبيره في التعامل مع الفروخ

الغر بالفعل 3 إلي 4 مرات إذا كان صغير لكن داءما انصح لا تغر الطير لدرجة ان الحويصلة تمتلئ على أخرها

يعني اجعل فترات الغر أكثر والكميه أقل وذلك كي يستطيع هضم الأكل أول بأول .
بالتوفيق

[3BOOD88]

يعطيكم العافيه و ان شاء الله جاري البحث عن فرخ الدرة و الله يوفقنا و نحصل فرخ حليوه
بس وين أحصل الأكل الخاص بالفروخ و ين أحصل الابره حقت الغر
وكمان ممكن أستخدم السيرلاك العادي حق الاطفال و لا كيف

[محب الببغاوات 2014]

تفضل هذا الرابط

http://www.2zoo.com/vb/showthread.php?t=87105