تكفووووووووون الكاسكو حقي

[Sir Mohammed]

السلام عليكم ورحمة الله وبركاته

عندي كاسكو حالته غريبه !!!

شريته من محل مروض و مسحت عليه لين طفشت

بس يوم جبته للبيت فيه ولد اختي شقي شوي و يرمي عليه اشياء ( طبعا الطير بالقفص )
و صار ما يبغئ احد يلمسه و ينتف ريشه ولا يبغئ ياكل
و صارت نفسيته صعبه اي واحد يجيه يبغئ يهجم
الحين هو ما فيه كلمه الا وقالها يتكلم و الصبح اسمع انواااع الكلام :D

المهم كان عندنا شغاله تعانده ( حنا ما شفناها تسوي هالحركات بس انا قفطتها :mad::mad: )

المهم مره عاندته صار يصرررررخ و كلنا اجتمعنا صار ما يقدر يتحرك و عاض الحديدة القفص كانه
متمسك و بس يصرخ و جيت انا قلت هنا خلاص
و حطيته بمكان ما يشوف الا انا
حتئ ما اناظره ولا اعطي له بال عشان يرتاح نفسيا

جلس شهر الين طاب و رجع زي اول

( علئ فكره ما عندنا دكتور بيطري في مدينتنا متخصص للطيور و الكلاب و القطط )
انا ساكن في سكاكا الجوف ..


الحين صار في البيت اكثر من 6 شهور و يتكلم ولا ياكل كثير ولا يبغئ احد يلمسه اقرب له ما يقول شي

اروشه مره بالاسبوع
النضافه كل يومين انضف القفص
انا اخليه كل يوم جالس علئ الخشبه


ملاحظه ما عندي مانع اذا تحتاجون تشوفونه

[Sir Mohammed]

http://im60.gulfup.com/OqHZe5.jpg (http://www.gulfup.com/?kcKmH3)

http://im60.gulfup.com/TRDqPI.jpg (http://www.gulfup.com/?G5KSu8)

http://im60.gulfup.com/qBA8NY.jpg (http://www.gulfup.com/?AfFs9w)



اسف ، ارجو عرض الموضوع في المكان المناسب

[the_gostman]

لا حول ولا قوة الا بالله...الببغاء يمر بحاله نفسيه بسبب الخوف والأذى

حاول تكسب ثقة الببغاء من جديد..رح يحتاج وقت وجهد حتى يتعافى..واتفضل اقرأ هذا الموضوع

http://www.2zoo.com/vb/showthread.php?t=167151

بالتوفيق
اخوك رمزي

[Sir Mohammed]

^

طيب يا اخي الموضوع اللي فوق يتكلم عن ادويه ، انا نادر جدا جدا القئ دواء له

انا ضايق خلقي عليه ابي له حل

1- كيف ارجع له صحته ؟ و ريشه ؟

2- كيف اخليه ما ينقرني مع العلم انه ياكل من يدي و بعض المرات ياكل و يرمي

3- اي نصيحه تكفون

[the_gostman]

اهتم بالتغذيه من حبوب مشكله وفواكه وخضروات مسلوقه + ضعه على ستاند ووفر له ألعاب وحاول كسب ثقته من جديد..ولا احد يخوفه في البيت ..وحاول ترجع تطعمه من يدك حتى يرجع يحبكم مثل أول.


بالتوفيق
اخوك رمزي

[Sir Mohammed]

اهتم بالتغذيه من حبوب مشكله وفواكه وخضروات مسلوقه + ضعه على ستاند ووفر له ألعاب وحاول كسب ثقته من جديد..ولا احد يخوفه في البيت ..وحاول ترجع تطعمه من يدك حتى يرجع يحبكم مثل أول.


بالتوفيق
اخوك رمزي


هو ياكل من يدي اليوم بس اعطيه تفاح ولا حب
بس بعض المرات لما اعطيه حب ينقر يدي ! علئ حسب مزاجه


كيف اكسب ثقته وش تعني بهالنقطه ؟

و بالنسبه للترويش هل اروشه برا البيت او داخل البيت و هل فيه وقت محدد ؟ و كم مره بالاسبوع
مع العلم اني اروشه مره بالاسبوع بس داخل البيت عادي اروشه بالحوش مثلا ؟

[the_gostman]

اهم شي انك تطعميه من يدك..وكسب القه يأتي مع الوقت ويرجع يحبك مثل اول..اهم شي لا احد يخوفه..وحاول تحمل العضه ولا تبين له انك منزعج من العضه لانه رح يعرف نقظة ضعفك ويصير يعضك دائما.

حاول الاكثار من المسح عليه بشكل يومي حتى يرجع مثل اول.

الترويش حسب درجة حرارة الجو ممكن تروشه بره ما في مشاكل...اهم شي ما يكون في تيارات هوائيه..والترويش يكون باستعمال بخاخ على شكل رذاذ من مسافة سم من قفص الطائر..وبعدها يوضع الطائر في مكان دافي بعيداً عن التيارات الهوائيه او المراوح او المكيفات حتى يجف بنفسه.

بالتوفيق
اخوك رمزي

[Sir Mohammed]

اهم شي انك تطعميه من يدك..وكسب القه يأتي مع الوقت ويرجع يحبك مثل اول..اهم شي لا احد يخوفه..وحاول تحمل العضه ولا تبين له انك منزعج من العضه لانه رح يعرف نقظة ضعفك ويصير يعضك دائما.

حاول الاكثار من المسح عليه بشكل يومي حتى يرجع مثل اول.

الترويش حسب درجة حرارة الجو ممكن تروشه بره ما في مشاكل...اهم شي ما يكون في تيارات هوائيه..والترويش يكون باستعمال بخاخ على شكل رذاذ من مسافة سم من قفص الطائر..وبعدها يوضع الطائر في مكان دافي بعيداً عن التيارات الهوائيه او المراوح او المكيفات حتى يجف بنفسه.

بالتوفيق
اخوك رمزي



ابشرك اخوي اليوم اكلته حب دوار الشمس من يدي و صار يقرب لي عشان ااكله

و حطيت علئ يدي عسل و خليته يلحسه بس شكله ما عجبه

اول كان ينقر الحين و يدي فيها عسل لحسه كم مره بعدين صار يبعد

و اقرب اصبعي لمنقاره ولا يسوي شي

و لما البس قفاز مدري احسه يخاف من القفاز مع ان النقره و انا لابس القفاز ما توجع

و لما اقوله ( مرحبا ) يرتاح مدري ليش احسه يخاف لما اطعمه او المسه او اروشه بس اقوله مرحبا يرتاح

و بعد كل اللي صار اليوم + ( روشته من الصبار ) اشوفه كانه يرقص يسوي في راسه نفس الحركه

هاذي( 8 )بس علئ حنب هل يعني انه مبسوط ؟

[Sir Mohammed]

معقوله ١٤٢ مشاهده و اللي يرد واحد !!!!!

[jokr]

حبيبي الله يكون بعونك وبعون الببغاء الان عليك تبداء من جديد وعطه كل يوم صنف جديد من الفواكه وحاول انك تجذبه لك والأفضل يكون عندك استاند عشان يجلس عليه وخله بعيد عن ايدي الأطفال الطير مثل البزر الصغير اذا اهملته كرهك سهل جدا ترويضه علما انك تقول قبل هو مروض لا تبينم له انك خايف منه

[the_gostman]

شئ ممتاو أخي ما توصلت إليه..لكن الافضل عدم ارتداء القفاز لان الببغاء يخاف منه..

استمر بإطعامه من يدك وكسب ثقته أكثر فأكثر ورح تشوف التغير للأحسن ان أراد رب العباد.

استعمل مربى التوت على الاصبع وليس العسل.

بالتوفيق
أخوك رمزي

[اسد الحق]

حاول كسب تقته من جديد

[almqbil]

بالنسبه لنتف الريش انصحك بزيت الزيتون حطه بمنشفه ومسح به ع جسمه باذن الله ترجع نظارته ويكتمل ريشه محل النتف
اعانك الله

["بوقاسم"]

الله يعينك يالغالي والموضوع بإذن الله سهل وبسيط

معنى كسب الثقة هو تبادل الحب مع الطير سواء بالمعاملة أو بالكلام الحلو ونبرة الصوت الحلوة + تنويع الأكل والترويش والدلع الزايد :D

والله العظيم عندي كاسكو اني مرات أعصب عليه ومرات أحطه على ظهره وأثبت جناحينه برجولي ههههه بس والله العظيم أنه يجيني ويحبني وياكل من يدي وإذا زعلت يسكت وإذا انبسطت يصفر ويلعب وامسح على راسه وظهره وتحت جناحه بس هو عارف اني احبه ولا يمكن يخاف مني الحمد لله رب العالمين .. أدري طولت عليك بس الثقة يكتسبها الطائر عن طريق تبادل الحب سواء بالمعاملة أو الكلام ونبرة الصوت الحلوة

حاول تخصص للطير ساعة على الأقل في اليوم .. كثر له من الألعاب الخشبية وحاول تخلي هذي الساعة ممتعة أكثر من أوقاته داخل القفص بحيث إذا شافك ينبسط ويحن للخروج من القفص

والله أعلم واسمحلي على الإزعاج والإطالة