وفاه 4 ارانب بعمر 2ايام بسبب امهم التي ترفض اعطاءهم الحليب وباقي واحد حي . ماذا افعل

[abdulla1101]

اهلا ..

ابوي يربي ارانب في البيت

المهم ان الارنبه ولدت 5 ارانب و 4 منهم ماتوا لانها ترفض تعطيهم حليب واحنا اكتشفنا متأخرين ! .

لذلك الان باقي 1 حي وشكلة صغير وايد وامه الحقيرة ترفض تعطيه حليب حتى انها تضربه بقوة وكأنها تبي تقتله وترفض تعطيه حليب ..

لدرجة اننا نمسك الام ونخلي بطنها مقابل لـ السقف و نحط الرضيع فوقها يشرب وهي معصبه وتحاول تعضنا !

افكر اشتري للطفل حليب بقر خالي من اللاكتوز لانه حرام يموت بسبب امه الغبية ..

يمكن ابيع الام لانها تسبب مشاكل كثير . تأكل الاسلاك المهمه (مره قطعت كيبل الانترنت الموصل من تحت الارض الى البيت) وجلسنا في البيت 5ايام لحل مشكلة الكيبل مع مزود الخدمة ..
:mad:

ترفض القفص بشدة وتضرب كل الي معها اذا حطيناهافي القفص وماتاكل ولا تشرب الا اذا طلعت من القفص .

لذلك افكر ابيعها لانها عدائية كثييييييييير والاهم ان كل القطط في البيت يخافون منها لانها مره عضت قطي وصار له جرح في يده هههههه مع ان المفروض العكس .!

عموما اتمنى تساعدوني كيف اخلي الارنبه تعطي ولدها الحليب برضاها بدون اي مشاكل ..

اذا مافي امل قولوا لي ابيعها و احتفظ بالطفل لين مايكبر.


شكراً

[artos]

وعليكمم السلام

طببيعي ان الارنبه ازدادة عصبيه وعدوانيه بعد الولاده

اولن اخذ الصغير وحطه بعلبه فيه من شعر الام والقطن

حطه بجو معتدل اشتري لله حليب من الصيدليه خالي من اللكتوز

وحلمه من البيطري او قطت اطفال الي تسحب وتنقط فيها

رضعه كل ساعه ساعه ونص كل ماتشوفه يتحرك اذا لمسته معناته جوعان

رضعه امسح منطقة الاخراج بعد وقبل كل رضعه

هل بطنه لاصق في ضهره؟

امسك الام كل 4ساعات ولف قطميها ويديها بقماش او شال

واسدحها على جنبها وخل الصغير يرضع اذا شفته يرضع

خلها كل ساعه ونص لان حليب الام مافي له مثيل فوائده اكثر من الحليب العادي بعشر مرات

اذا شفت بطنه انتفخ ونام وترك الرضاعه معناته شبع

اذاتبي تنتج في المره القادمه اخذلك انثى ثانيه وهي خلها عندك ممكن تزين اطباعها اذا شافت احد من جنسها

كل الحيوانات تزداد شرسه بالمس اذا كان لها اطفال

بالتوفيق

[هشام92]

امسكها من اذنيها وقلبها على ظهرها والطفل الارنب خليه يشرب حليب حتى بطنه تملتى

[الماسيــــــــــه]

حمد لله افادوك اتبع كلامهم

[artos]

اخ هشام

غلط مع الاذان يسبب خلع

[abdulla1101]

للأسف اليوم لما كان الطفل مع امه في الكرتون ويشرب حليب . صارت الام عصبية ومجنونة وقتلت ولدها من خلال عضه بـ اسنانها ..

حاولت افكها عنه لكن كان خلاص دخلت اسنانها كلها فيه . وتركته جثة


راح ابيعها او اوديها البيطري اسوي لها تعقيم .


مشكورين ماقصرتوا