استفسار عن فروخ صيد كاسكو ارجو دخول الكل

[هنتر]

السلام عليكم ورحمة الله وبركاته



يا اخوان بخصوص فروخ كاسكو صيد الي من الغابات هل اذا والفتهم تروح الجعره عنهم للابد ؟

ولا هي فتره وترد لهم والخوف الي فيهم لاني حاب اخذ كميه تنصحوني ولا

للعلم خذت مزارع كل شي فيهم اوكي واليفات لاكن مات كمن طير هاذي حالة اغلب الشباب

ف الصيد مناعته اقوى لاكنه مو مرغوةب لسبب الجعير والخوف حبيت اخذ رايكم


لانه لو باخذ مزارع خساره كمن طير يموت من اقل شي ماينفع لتجاره

[the_gostman]

اهلا بك اخي الفاضل..

بالنسبه لببغاءات الصيد:- حاول ان تشتريها صغيره في العمر..عشان تقدر توالفها.

واذا قمت بترويضها بشكل جيد رح تروح الجعره للابد..لكنها بحاجه الى وقت وجهد وصبر..

وبالفعل الصيد مناعته أقوى من المزارع..لكنها تختلف من طائر لآخر..

على العموم ربي يوفقك بطيور ممتازه
اخوك رمزي

[لوسي.]

لدي طير وصلني بعد 10 ايام من صيده
الان يتكلم ( كوكو وكلام غير مفهوم )
الجعرة انمحت بشكل تأم . .
الان بـأدي اولف الطير

[Tirato09]

وعليكم السلام..

اخوي حاول انك تاخذة فرخ صغير في السن عشان تقدر تولفه بسهوله ويحبك ويتعلق فيك

وبخصوص الجعير اذا ولفته توليف بطرق الصحيحه راح يختفي ولن يرجع ابدا

تحياتي للجميع....

[عزوزالعبدالله]

الجعره فيهم كلهم اذا كان هايف وغير الليف

اما المناعة يا خوي اي طير يبغا اهتمام لا تقول صيد والا تفقيس. مزارع
اي يطير يهمل اكيد بيمرض حتى لو صيد

بالتوفيق

[هنتر]

مشكورين صراحه على الردود كلكم ماقصرتوا وباخذ بنصايحكم

[شرارة]

وعليكم السلام

الصيد افضل اذا كان فرخ اقل من السنه

من ناحية المناعة والسعر ارخص من الهولندي


مع ان الهولندي اسرع في التعود على صاحبة واسرع في تعلم الكلام

والمناعة هذا توفيق من الله والاهتمام ضروري وبشكل عام كل الفروخ مناعتها ضعيفه سوا صيد او هولندي

من ناحية الجعره تختفي اذا راح منه الخوف حتا الهولندي يجعر اذا حس بالخوف ولاكن جعرته تختلف عن الصيد

بتوفيق اخوي

.

[هنتر]

تسلم اخوي وصحيح كلامك

حاليا المزارع اسعارهم فوق وايد يستغلون التجار والصيد ماعليه طلب وايد لانه يباله اهتمام وتعب شوي

ف الواحد ايب مزارع ويبيعه للعلم انه ممنوع الاستيبراد من افريقيا فيدخلون الطيور بطريقه وتنباع باغلى واغلى