الكاسكو اﻻفريقي او اﻻمازون؟

[بوعلاوي9999]

السﻻم عليكم


كيفكم اخواني عساكم بخير

يا اخواني ناوي لي على طير اليف وحلو

بس محتار بين الكاسكو واﻻمازون

الميزانية حدود 4000

ياريت تعطوني رأيكم

الله يحفظكم

[BIN ABDUL AZIZ]

نصيحتي لك ، اصبر و جمع مبلغ حلو و خذ امازون ( يلوناب أو دبل يلو هد)

[lord_oman]

اخي انا امس اشتريت امازوني بلوفرونتد بعمر 8 اشهر .. بقيمة 200 ريال عماني..

لانه الكاسكو مالي مات قبل يومين خبروني فيه فيروس لكاسكو ..

افضل الامازون لانه ذو مناعة قوويه اقوي من الكاسكو ...الكاسكو شوية مرض و اهمال من المربي راح يقضي عليه ..لكن ما يمنع من انك تاخذ كاسكو بس اهتم فيه جدددا اذا كان اقل من سنة لانه عرضه للامراض المميتة ..

..

[الكواسر ب]

توكل ع الله وخذ امازون بلوفرنتد

[شرارة]

شوف انت ايش حاب

اهم شي تاخذ طير انت حابه ومقتنع منه

البلوفرنتد ممتاز بس اهم شي يكون صغير ما يتجاوز 6 اشهر وحجل اصلي عليه تاريخ انتاج 2013 جاكو وحجم جامبو

ولو تبي نصيحتي انتظر دفعات 2014


السنه الجديدة


بتوفيق اخوي

[أسيــــر]

وعليكم السلام ورحمة الله وبركاته
كا طير شعبي وسعر مناسب ويعشقه الكثيرالكاسكو الافريقي بلا منازع
وحسب امكانياتك الماديه بأمكانك شراء محبوب الجماهير الامزون بلوفرنتد
بتوفيق ان شاء الله

[بوعلاوي9999]

الله يعطيكم الف عافية \\

والله محتار مررة ههههه


الله يكتب اللي فيه الخير ان شاء الله

[monybat]

اخي لا تحتار

توكل على الله اذا حاب انك تستمتع بهواية تربية الطيور الناطقة ادخل عالم الأمازونيات

اما اذا حاب تتعلم طريقة وتجارب علاج الطيور اشتر كاسكو لا مناعته ضعيفه

بالتوفيق

[لوسي.]

صحيح كلام الاخوان الكاسكو يبي له خبير عشأن يدقر عليه بعكس الامازونيات

[بوعلاوي9999]

الله يعطيكم الف عافية ويرحم والدينكم

يعني اتوكل على الله واخذ امازون بلوفرنتد


استفسار اخير ... سمعت انو الامازون مايقبل المسح على الراس مهما كان أليف
هل الكﻻم صحيح

مشكورين مرة اخرى

[Abu Bayan]

أخوي توكل على رب العالمين وخذ لك بلوفرنتد ...

مين قال ما يقبل المسح على الرأس ... انا كان عندي أمازون ما كان يرتاح لين ماتمسح على رأسه وتدلعه :88:

الله يبارك لك فيه إن شاء الله ...

[بوعلاوي9999]

ويبارك فيكم ان شاءالله

هذا انا جالس ادور الحين لي فرخ بلوفرنتد عمر 8 شهور كذا

وان شاءالله احصل واحد بسعر كويس واليف

اسعارهم ماتتعدى كم ؟

وياريت لو في احد حوله فرخ بلوفرنتد يخبرني
والله يرحم والدينكم ويعطيكم الف عافية