ترويض الامازون ؟؟؟

[بوعلاوي9999]

السلام عليكم

كيفكم عساكم بالف خيررر

حاب استفسر منكم استفسار

معاي البلوفرنتد وعمره 7 شهور تقريبا

طبعا الطير ياكل من ايدي بس مايخليني اقرب منه او المسه

طبعا توني شاريه الجمعه


فسؤالي بالنسبة للترويض

هل تنفع الطريقة التاليه مع الامازون البلوفرنتد

http://www.2zoo.com/vb/showthread.php?t=100354

http://www.youtube.com/watch?v=vk7pdXP31HA

والله يرحم والدينكم :shy:

[BIN ABDUL AZIZ]

الله يبارك لك فيه و يحفظه و يهنيك فيه

طال عمرك بالنسبة لي شخصياً

ربيت كوكاتو غالا

و

يلوناب

و حالياً

دبل يلو هيد

ولا واحد فيهم استخدمت معه هذه الطريقة

امد لهم يدي بالاكل و اتكلم معاهم و امد يدي على راسهم و استحمل عضتين او ثلاث بعدها خلاص يعرفون ان عضاتهم مالها تأثير .

في الفترة الأولى خلك معاه و دلعه و تكلم معاه لفترات طويلة حتى لو ما راح تلمسه و طبعاً يكون خارج القفص و في الفترة الأولى لا تحط له اكل خله فقط يآكل من يدك ولا تسمع للي بيقولك البس قفاز او احمي يدك ، ولو شفته شرس زيادة خله يعض ظهر يدك او كف يدك ، انا الدبل يلو هد في اول يومين عطيته يدي و قلت له عضها و اردد عليه عيب و لا و اجيبه في حظني و ادلك راسه و اعطيه بطن كفي الثاني يعضه بكيفه

ما عندك مشكله لو حطيت في صبعك شوية مربى توت و عطيته عشان يعرف انك تحبه


الأمازون لازم يحبك و علشان كذا لا تغامر بحبسه في فوطه او تقييده ، خله يعرف انك أحن الناس عليه و ان عيلتك تحبه و تلعب معاه و حياته في البيت كلها مرح و كلام و ضحك

في محل الطيور شفت واحد جايب مكاو ويقول لصاحب المحل انه شرس و عنيد و ما يركب على يده ، قربت منه و انا عمري ما امتلكت مكاو بحياتي بس قلت خلني اجرب هالوحش ، تكلمت معاه و قمت اوريه كفي و اقربه له و مسحت على منقاره و انا اضحك معاه ، شوي و حطيت يدي صوب بطنه صار يتحسس يدي و يحط منقاره عليها و ركب على يدي بدون مشاكل


اللي ابغي اوصله لك ان هذا طيرك و اذا حاب يكون صديق لك و للعائلة فالتقرب ببطىء افضل بكثير من الحبس و التجويع و الاجبار على عمل الشيء

[أسيــــر]

وعليكم السلام ورحمة الله وبركاته
طالما الطير جديد عندك يحتاج شوية صبر معه الايام راح يظبط
ومثل موضح اخوي BIN ABDUL AZIZ
وهذا موضوع يشرح فيه طريقة ترويض الامزون
http://www.2zoo.com/vb/showthread.php?t=317285

[lord_oman]

اخي انا بعد معي بلوفرونتد عمره 8 اشهر مشترنه يوم الثلاثاء ..ما استعملت اي طرق ..اول شي كان يعض و جلست اعطيه عسل و الحين كل ما امد يدي له يجلس يلحس ايدي و نسى شي اسمه عض ..و قبل شوي خلاني اممسح ع راسه و سبب كل ما اعطيه يأكل من ايدي امد ايدي الثانيه فوق راسه و عرف اني ما اريد اضره ووثق فيني ..

[شرارة]

طريقة ابن عبدالعزيز اهي الطريق الصحيحه 100%

اذا انت تبي طير يتكلم ويحبك ويكون جربئ ومافيه كسره او خوف

اتبع طريقة المروض اللطيف الهادي كسب الثقه والامان هو مفتاح الانطلاق لاي طير

الطير المنطلق هو الطير الجرئي المرح اللي مافيه خوف والطير اللي فيه هل صفات 100% راح يتكلم

فبه مروضين يجبر الطير على الطاعة وعلى عدم العض بطريقة ترويض عنيفه متعبه جدا لطير
بعد كم يوم الطير يستسلم لانه تعب ويطيع الاوامر مثل الصعود ع اليد او المسح
ولاكن راح يبقا الطير ساكت وخايف فتره طويله جدا وهل طريقه في الترويض تسبب قفله لطير

الطيرالقافل هو الساكت لا تصفير لا تفاعل وانا اعتقد محد يبي طير خواف وساكت

عشان كذا الطريقه الهاديه اللطيفه افضل شي لاي مربي لانه يبي طير يحبه ويستمتع معاه


لا تستعجل الامزوني يبيله صبر وكسب ثقه



اتمنى لك التوفيق