المساعد الشخصي الرقمي

مشاهدة النسخة كاملة : مشكلة كريات الشعر Hairball وعلاجها ... مجرب

CaTTy
28-07-2007, 04:43 PM
http://cattyq8.jeeran.com/epzs35.gif


السلام عليكم ورحمة الله وبركاته

بعد غياب طويل بالنسبة لمواضيعي بالقسم

رجعت ومعاي موضوع فررررش

وبصراحه محد فاضي يفرفر ب100 صفحه يدور المواضيع قبل لا يكتب شي عشان يتفادى التكرار

انا استخدمت خاصية البحث وحطيت جم كلمة تدل على الموضوع وما طلعلي أي موضوع عن كريات الشعر او الـ Hairball

واتمنى ما يكون مكرر بس لو طلع مكرر شنسوي بعد :)


المهم

الموضوع عبارة عن مشكلة تكتل الشعر بالنسبه للقطط لما تلعق نفسها وتبلع الشعر ويسبب تقيؤ وهذا خصوصا بعد الوجبات تتقيأ فهذي اعراض تكتل الشعر داخل المعدة لانه ماراح ينهضم ...
وممكن يسبب بعد امساك .. قلة نشاط القطة ..

وبعد اللي انا اكتشفته من استعمالي له انه ينفع لتكتل الشعر خارجيا يحمي القطه من هالشي
جربته على فطريه وعتريس لانه كان يتسفط شعورهم من كثر لحسهم لروحهم ... عتريس ما يحبه وما كنت اغصبه عليه .. فطريه تمووووت عليه يعجبها طعمه وكنت اعطيها ... النتيجه انه عتريس ظلت تطلع فيه التكتلات اما فطريه ولله الحمد صار شعرها حلوو ومافيه اي تكتلات



شكل المنتج



http://cattyq8.jeeran.com/31435503_lg.jpg


وهذا اللي انا سبق واستعملته ولازلت استعمله بعد

واهو بنكهة الـ malt واللي ماعرف شنو يعني بالعربي



http://cattyq8.jeeran.com/31435502_lg.jpg


هذا بنكهة السلمون بس ما شفته ولا جربته اعتقد بس الازرق اللي متوفر بالكويت


http://cattyq8.jeeran.com/th0fc3cdd6.gif



للمعلومية يستعمل للقطط الصغيره والبالغه


طريقة الاستعمال :


للقطط البالغة :

تعطى لعقه وحده منه لانه هو عصار او اذا القط رفض يتم وضع مقدار انش ( شويه يعني ) على يد القطو واهو راح يلعق ايده لان القطط ماتحب يكون على يادها شي دبق ... بين الوجبات للقطط اللي فيها هالحاله كل يوم مره وحده او مرتين الى ان تختفي الاعراض ...

وبعدين يتم اعطائها مرتين بالاسبوع او مره بس


للـ kittens ( القطط الصغيرة فوق الاربع اسابيع ) :

تعطى مقدار نص انش .. يعني نص الكميه اللي تعطونها للكبار

مره بالاسبوع او مرتين ..
!شاربه بيبسى ومدلعه نفسى!
28-07-2007, 04:48 PM
مشكوره على الموضوع الجميل
شحفان القطو
28-07-2007, 04:52 PM
شكرااااااااااااااااااااااااااااااااااااااا كثييييييييييييييييييييييييييييييييرا
Lonely Hunter
28-07-2007, 04:54 PM
انا كل اسمع عن الهير بول بس ولا مره شفت قطوتي اطلع وحده !!

مع انها عندي من 4 اشهر


و على فكره ...malt= شعيرو يعطيج العافيه على هالموضوع ^^
خيال القطط
28-07-2007, 04:57 PM
شكراً يا أختي على الموضوع الجميل والمفيد

صراحتاً ما كنت أعرف هذي المعلومه لولاكي

وأنا دايماً أشوف لولو ووسيم يلحسون جسمهم وبعض الأحيان يبلعون شوي من شعرهم

وهذا يبين سبب استفراغ وسيم ليلة الأمس

بس عندي سؤال هذا المنتج يمباع في السبرماركات

وشكراً

تقبلي مروري
رعوود
28-07-2007, 04:58 PM
الف شكر اختي كاتي عالموضوع المفيد للكل وخصوصا الي قططهم تعاني من تكتلات الشعر



بالنسب لي

لورد عنده هالمشكلة

لكن كويني الحمدلله مافيها شي



وعلى فكرة الي ما يحصل هالمنتج يقدر يعطيهم خضار


لانه الخضار يساعد على انه القط يخرج كريات الشعر
CaTTy
29-07-2007, 12:33 AM
الله يسلمكم ويخليكم يارب

<<< مشكور لونلي هانتر ع المعلومه كنت جاكه انه شعير بس خفت اقولها وتكون غلط


>>>> خيال القطط .. ايه متوفر .. انا اول مره شريته من صيديله بيطريه كنت ابي فيتامين لوحده من قطاوتي لانها ضعيفه وماتاكل عدل .. قال هذا يساعدها قلت اخاف ماتحبه ولا تاكل منه قال بالعكس طعمه حيل طيب وراح تحبه وشريته ... بعدين رحت ذاك اليوم بمركز سلطان ( سوبرماركت ) ولقيته بالصدفه وجذي كان ماكو شغل قريت اللي عليه من ورا وطلع بالاساس حق تكتل الشعر واكتشفت عاد من سالفة فطريه وعتريس معاه قبل شلون كانت النتايج


<<<< رعود .. تسلم على التعقيب وما قصرت بس الخضار مو كلها زينه للقطط وبعدين بعضهم ما يحبونها ومستحيل تقدر تغصبهم حتى لو حاولت تخلطها لهم مع اكلهم عنيدين
القطة المشمشية
29-07-2007, 01:10 AM
شكرا على المنتج
ممكن نلاقيه فى مصر......!؟
الساحر77
29-07-2007, 01:10 AM
يسلمو على الموضوع
CaTTy
29-07-2007, 01:46 AM
<<< القطه المشمشيه اتوقع موجود ... دامه متوفر بالصيدليات البيطريه وبالسوبرماركت ليش مايكون موجود بمصر


اخذي بس اسمه


ترى نفسه بالضبط الازرق ياللي استعمله انا


>>>> الساحر ... الله يسلمك
القطة المشمشية
29-07-2007, 02:17 AM
شكرا عشان أنا قريبا جدا هجيب قطة
و متوقعة من دلوقتى أن لها نفس هذه المشاكل
تبنى قطة .....مسؤلية كبيرة ......و هذا شىء رائع
cute cat
29-07-2007, 01:14 PM
موضوع حلو كاتي
ويعطيك الف عافيه يارب
CaTTy
29-07-2007, 04:07 PM
>>> القطه المشمشيه

تتربى بعزج ان شاء الله ... والله يوفقج ويعطيج من خيرها ويكفيج من شرها


<<< كيوت كات

العفوو اختي
miss rose
29-07-2007, 07:28 PM
موضوع مفييد والأحلى من انشائك ومدعم بالصور

ألف شكر خيتوو
dr_meddo
29-07-2007, 07:58 PM
موضوع جميل شكرا
نور الانوار
29-07-2007, 08:32 PM
أختي/ CaTTy

أشكرك على هذا الموضوع المفيد والرائع بأنتظار جديدك مع فائق إحترامي

http://www.s77.com/up/up9/4739dda661.gif (http://www.s77.com/up)
CaTTy
29-07-2007, 08:42 PM
العفووو ولوو اخواني

بتواجدكم يحلى الموضووغ

لا تحرموني تواصلكم الطيب
آنـــــو
29-07-2007, 11:27 PM
أنا شفت نوعيه ثانيه عند وحده خبره بالقطط وقالت لي أنه يفيدهم وينظف بطنهم من التكتلات

ودورته عندنا بالسعوديه والحمدلله حصلته

http://www.pusup.com/uploads/7195e041ae.jpg (http://www.pusup.com)

بصراحه قريت الكلام اللي عليه بس مافهمت:rolleyes: شكله مثل الكاكاو وقطاوتي مايحبونه

ولا أواضب عليه قليل أيعطيهم

وأنشاءالله ردي يكون في نطاق موضوعك كاتي وهذا اللي تقصدينه بس نوعيه ثانيه

على العموم مشكوره على هالموضوع الحلو ودائم متابعه لمواضيعك المميزه:)
مخاوية قطاو
30-07-2007, 12:26 AM
مشكوره كاتي على الموضوع.....وانا وجودي في حرب على هلمشكله....الله يعين...
قطوة كويتية :)
30-07-2007, 01:07 AM
اختي انا قطوتي تلحس نفسها هي واعيالها بس ما ادري اذا يبلعون او لا بس من الحين راح اركز عليهم وبكم هذا بالكويت ؟؟

انا عندي قطوة عمرها سنه او اقل ما ادري والله وعندي اعيالها عمرهم 4 شهووور

اتمنى تفيديني

ومشكورة على الموضوع
قطوة كويتية :)
30-07-2007, 01:08 AM
ونسيت لا اقولج مافهمت شلون يستعملونه..!
LazyCat
30-07-2007, 08:16 AM
مشكوووووووووووره كاتي على الموضوع

قطوتي بادي شعرها يتكتل واتوقع هالمنتج راح ينفعني

وكنت أشوفه بمركز سلطان بس مادري حق شنو :)

شكلي بروح اشتريه وأجربه

مشكوره مره ثانيه والله يعطيج العافيه
CaTTy
30-07-2007, 12:42 PM
أنا شفت نوعيه ثانيه عند وحده خبره بالقطط وقالت لي أنه يفيدهم وينظف بطنهم من التكتلات

ودورته عندنا بالسعوديه والحمدلله حصلته

http://www.pusup.com/uploads/7195e041ae.jpg (http://www.pusup.com)

بصراحه قريت الكلام اللي عليه بس مافهمت:rolleyes: شكله مثل الكاكاو وقطاوتي مايحبونه

ولا أواضب عليه قليل أيعطيهم

وأنشاءالله ردي يكون في نطاق موضوعك كاتي وهذا اللي تقصدينه بس نوعيه ثانيه

على العموم مشكوره على هالموضوع الحلو ودائم متابعه لمواضيعك المميزه:)

₪آنــــــوو ₪

اشكرلج مشاركتج الطيبه وتعقيبج ع الموضوع

وفيج الخير والله والبركه

وبالنسبه له اذا ما يحبونه حطي على ايدهم منه وشرط راح يلحسونه انا مجربه احط جبنه على ايد قطاوتي قبل ماتحبها

وغصبن عنها بتلحس ايدها :d

واذا ما تبين تقدرين تشترين اللي انا حاطته لانه اغلبهم يحبونه وبعد بقوووه يحبونه

على كلام البيطري والله صاج لما قال بتلحسه اكيد لانه طعمه طيب


واكيد كلامج في نطاق الموضوع وزياده بعد للي ما يحصل المنتج ممكن يشتري اللي انتي حاطته

دام النتيجه بتكون وحده باذن الله

وتسلمين قلبووو ويشرفني تكونين متابعه لمواضيعي
CaTTy
30-07-2007, 12:45 PM
مشكوره كاتي على الموضوع.....وانا وجودي في حرب على هلمشكله....الله يعين...

₪ مخاويــــــه ₪


العفووو قلبووو

وهالمشكله لكل القطاوه الشرازيه اللي شعرها وايد

يعني صج شكلهم حلو بس لهم عيوب بعد وهذا من عيوبهم

وان شاء الله يضبط معاج هالعلاج
CaTTy
30-07-2007, 12:51 PM
اختي انا قطوتي تلحس نفسها هي واعيالها بس ما ادري اذا يبلعون او لا بس من الحين راح اركز عليهم وبكم هذا بالكويت ؟؟

انا عندي قطوة عمرها سنه او اقل ما ادري والله وعندي اعيالها عمرهم 4 شهووور

اتمنى تفيديني

ومشكورة على الموضوع


ماراح يبين اذا يبعون او لا .. لانه الشعر راح يلصق بلسانهم وماراح تقدرين تشوفينه :)

وبالنسبه لهم تمام اعماراهم

قطوتج الكبيره عطيها لحسه وحده منه مرتين بالاسبوع

وعيالها عطيهم نص لحسه مره بالاسبوع افضل :)

وان شاء الله اكون افدتج وفهمتي علي

واي سؤال انا حاظره
CaTTy
30-07-2007, 12:57 PM
مشكوووووووووووره كاتي على الموضوع

قطوتي بادي شعرها يتكتل واتوقع هالمنتج راح ينفعني

وكنت أشوفه بمركز سلطان بس مادري حق شنو :)

شكلي بروح اشتريه وأجربه

مشكوره مره ثانيه والله يعطيج العافيه

العفووو ولووو غلاااي

وشاكرتلج مرورج العذب

وانا كنت نفسج بعد اشوف شغلات وايد واطنش لاني ماعرف حق شنو

بس ذاك اليوم انصدمت لما شفته وكان عندي نفسه

وكتبت النتايج اللي حصلت انا عليها من واقع تجربتي له على فطريه وعتريس

واحد منهم ياكل والثاني لا .. والنتيجه طلعت ايجابيه للي ياكل وعكسيه للي ما ياكل منه :)

<< متاثره بالمختبرات :d
CaTTy
30-07-2007, 12:58 PM
₪ قطوه كويتيه ₪

نسيت لا اقولج جم سعره

اهو بـ دينارين وتقريبا 800 ... يعني خلي معاج 3 دنانير :)

وانا كتبتلج شلون طريقة استعماله واذا حابه ادعمه لج بالصور ماكو مشكله :)
banooTa
01-08-2007, 04:01 AM
مشكوووووووووره اختي ..

وانا ما عندي قطاووو بس . رفيجتي مبلشتني


تقول شعر قطوها كل التفافات الحين اروح اقولها ..


مشكوووووووووره
tota556
01-08-2007, 08:38 AM
امممممممممممممممممم

ثانكس كاتي على الموضوع :)

انا عندي منه

بس قطووتي الحين حامل

تتوقعين ماله مضره على الحامل ؟؟
misty
02-08-2007, 02:10 PM
عزيزتى كاتى ..
أشكرك على الموضوع ، لأنى واااااايد أعانى من هالمشكلة لأن ُأم الدل والدلال " ميســـتى " وشعرها الطويل جدا جدا ، تعصّب إذا قرب المشط أو البروش على جسمها ، فنضطرب نحلق شعرها على الصفر تقريبا فى الصيف عند البيطرى ، وبالنسبة للمنتج دلّولتنا ما تاكل إلاّ التركى المدخن ، لا سمك ...لا لحم .. لا دجاج .
*(عذبيه)*
04-08-2007, 11:56 AM
مشكوووووووووووووووره

اختي بس مايصير لقطوتي لانها قطوت شارع
قطو_Q8te
04-08-2007, 12:46 PM
الف شكر ياكاتي
هذا موجود بمركز سلطان وصج مثل ماقلتي
ويطلع كلشي وصخ بالبطن من شعررررررررررررررررررر
تصدقين ماجربته لكن ويانا عضو اسمه ادكتد قالي عنه .. ويحطه على ايد قطوته وتلحسه صاير لونه مثل احمر على بنفسجي قااااااااااامج

يبيله انييب واحد دام اثنين طلعو امجربينه :)
بس انا مافهمت اهو همن شعر القطو الخارجي مايصير فيه تكتلات؟؟؟
love kitty
04-08-2007, 06:49 PM
مشكوووووووورة على الموضوع المفيد

دمتِ محبة و جزيتِ خيرا
CaTTy
05-08-2007, 12:23 AM
مشكوووووووووره اختي ..

وانا ما عندي قطاووو بس . رفيجتي مبلشتني


تقول شعر قطوها كل التفافات الحين اروح اقولها ..


مشكوووووووووره


₪ bnooTa ₪

العفوو قلبوو وان شاء الله تفيدين فيه رفيجتج وتنحل مشكلتها


عزيزتى كاتى ..
أشكرك على الموضوع ، لأنى واااااايد أعانى من هالمشكلة لأن ُأم الدل والدلال " ميســـتى " وشعرها الطويل جدا جدا ، تعصّب إذا قرب المشط أو البروش على جسمها ، فنضطرب نحلق شعرها على الصفر تقريبا فى الصيف عند البيطرى ، وبالنسبة للمنتج دلّولتنا ما تاكل إلاّ التركى المدخن ، لا سمك ...لا لحم .. لا دجاج .

₪ misty ₪

العفوو غلااي

بس على فكره هذا ما يلغي دور المشط غصبا عنها مشطيها لازم تعودينها

وهالمنتج جربيه لها انا الثاني ماجربته بس اعتقد دام حبو الاول بيحبون الثاني


امممممممممممممممممم

ثانكس كاتي على الموضوع :)

انا عندي منه

بس قطووتي الحين حامل

تتوقعين ماله مضره على الحامل ؟؟


₪ tota556 ₪

ولكم خيتووو

والله ماعندي فكره بس اظن مو زين للحامل لا تجازفين :)


مشكوووووووووووووووره

اختي بس مايصير لقطوتي لانها قطوت شارع



₪ عذبيه ₪

العفوو غلاي والله يخليلج قطوتج

الف شكر ياكاتي
هذا موجود بمركز سلطان وصج مثل ماقلتي
ويطلع كلشي وصخ بالبطن من شعررررررررررررررررررر
تصدقين ماجربته لكن ويانا عضو اسمه ادكتد قالي عنه .. ويحطه على ايد قطوته وتلحسه صاير لونه مثل احمر على بنفسجي قااااااااااامج

يبيله انييب واحد دام اثنين طلعو امجربينه :)
بس انا مافهمت اهو همن شعر القطو الخارجي مايصير فيه تكتلات؟؟؟



₪ قطو كويتي ₪

ايه عدل مثل ماقالك اخوي ادكتد << اعتقد نكه بالانجليزي :)

واهو خصيصا حق الشعر اللي تبلعه القطوه ويصير بمعدتها

بس من واقع تجربه شخصيه

اكتشفت انه بعد ينفع حق التكتلات الخارجيه

لانه مثل ما سبق وذكرت انا استخدمته لفطريه اما عتريس ماكنت اعطيه لانه ما يحبه وبصراحه ما جربت احط حتى على ايده منه :P

فطريه قبل كان يتسفط شعرها مرات وكنت اقصه لها بس من استعملته الحمدلله ماعاد يتسفط الحين ماشاء الله حوالي 6 شهور ولا مره لقيت فيه سفطات الله يتمم على هالحال

اما عتريس صار يتسفط شعره وكل شوي نقعد نقصهم


يعني واحد طلعت نتيجته ايجابيه والثاني سلبيه ههههه


وان شاء الله فهمت علي وهالشي ترى مو مكتوب بس انا اكتشفته لوووووووووول

لانه اكلهم واحد وكل شي واحد محد يفرق عن الثاني الا بهالمنتج



مشكوووووووورة على الموضوع المفيد

دمتِ محبة و جزيتِ خيرا


₪ love kitty ₪

تسلم اخوي على ردك العطر
fufo
19-11-2007, 09:49 PM
شكرآآآآآآآآآآآآآآآآآآآآآآآآ
dr_mido
20-11-2007, 06:52 PM
مرصي على الموضوع
LazyCat
27-11-2007, 03:44 PM
السلام عليكم

وينج كاتي ما اشوف مشاركاتج هالأيام بالمنتدى << عسى أن يكون المانع خيرا

بالنسبه للمنتج الله يعطيج العافيه انج قلتيلنا عنه ...

وانا رحت شريته على طول وجربته ولله الحمد من اول اسبوع بينت النتيجه وفله ماقام يتكتل شعرها نهائيا ...

شكرا جزيلا :)
kuwaitia
28-11-2007, 11:00 AM
مشكووره حبيبتي على الموضوع

انا شريته بس بيكي ما تحبه ولا تواطن ريحته ومن تشوفه بيدي تركض تنخش وجربت لها كلشي ماكو فايده لا بالاكل ولا على ايدها.. عاد مره وديتها الدهماء للفحص العادي وخذيته معاي عشان يعطونها اياه
بس مسكينه قامت ترجع وجذي ولا فكرت احطه لها مره ثانيه... بس شكلي بجرب لها مره ثانيه للوقايه