ببغائي اصبح لا يطاق !!

[dell]

السلام عليكم ورحمة الله
تحية طيبه وبعد
ببغائي ولله الحمد اكمل السنة الخامسة معي
شريته وعمره 8 شهور وكان مصيود ومتوحش وهو كاسكو افريقي من الكونغو
والحمدلله مع مرور الوقت اصبح "حمامة" معي

ما اطول عليكم

قبل سنه سافرت لمدة عام وتركت ببغائي عند شخص معه ببغاء مكاو
بعد مارجعت ورجعت ببغائي والحمدلله لازال يعرفني واليف معي
لكن المشكله انه رجع له ببغاء بمكينة ديك
صراخ وزعاق مثل المكاو بالضبط
المشكله ان بباله انه قاعد يغرد الحين
حاولت معه بكل الطرق انسيه بالترغيب والترهيب.
صرت اذا زاعق دخلته غرفه مظلمه نصف ساعه
لكن من اطلعه يبدا يزاعق من يشوفني "يعنني ترحيب"
الزبده طولت عليكم.
راسي انفجر منه وفكرت ابيعه بس قلبي موب مطاوعني ابد لاني احبه وبيننا عشره 5 سنوات موب بسيطه😔

اتمنى اجد حل يريحني من هالمشكله
واسف على الاطاله. واذا فيه اخطاء اعذرونا قاعد اكتب من الجوال

[robin hood]

بلغ على المكاو الي دشر طيرك :D
والله مدري شــ قولك يا خوي الصدق
لاكن الله يعينك عليه

[dell]

اميين
شكرا اخوي روبن هود

[أسيــــر]

وعليكم السلام ورحمة الله وبركاته
من الخطاء ان يجمع بين المكاو والافريقي او غيره في مكان واحد
وخصوص المكاو معروف بالازعاج
مشكله الطير اذا تعلم الزعيق والصفير وبالعمر هذا
لم يصرخ خليك جاد معه بصوة عالي (عيب ) وكل ماصرخ كررها له
جرب طلعه خارج القفص وقت كافي ورجعه واذا مفاد معه غط القفص بشرشف
ومعه التكرار ان شالله يهداء

[dell]

الله يجزاك خير اخوي اسير
ان شا الله باجرب الي قلته لي

[El merengue]

الحل تحفظه صوت جديد غريب يعلق عليه ويكون أهون

[شرارة]

الحل تحفظه صوت جديد غريب يعلق عليه ويكون أهون


كلام سليم 100%100

الحل تحطه عند احد عنده كاسكو متكلم

او تجيب له طير تخليه جنبه يكون طير هادي وتغريده حلو مافيه ازعاج

وحرام عليك تفكر تبيعه بعد عشرت العمر خمس سنوات


الحين المفروض تفكر تدور له بنت الحلال زوجه لان عمره في ريعان الشباب
وصدقني شعور واحساس رهيب جدا لما تشوف عياله وتربيهم متعه لا توصف
تمنى لك التوفيق

[سمو الاحساس]

فعلا كلام الشباب سليم

اعطيه جمله جديده وراح ينسى الصراخ
لن الصراخ الي عنده في نظر الطير انه كلام جديد

والافريقي مجرد مايكسب كلمه جديده يصير يرددها طول الوقت
وهذا هو الي حاصل معك .

تحياتي

[dell]

الميرينغي وشراره وسمو الاحساس

كلامكم شجعني واشكركم الله يجزاكم خير
باحاول احفظه كلمات اكثر

مع انه الان معي شهرين بعد مارجعته وحفظ كم كلمه. لكن لازال الصراخ معه

[تشآرلي]

وعليكم السلام ورحمة الله وبركاته

انا كان معاي كاسكو 6 اشهر كان تمام التمام

جبت للبيت بادجي وتعلم منه التصفير وبد شهرين استغنيت عن البادجي

ظل الكاسكو يقلد البادجي لفتره طويله

جبت له امزوني للبيت

تعلم منه تصفيره وبعض كلامه

ونسى تصفير البادجي بعد شهرين

....

اقترح لك تجيب له بادجي او كروان قريب منه

وراح يتعلم منه تصفيرات حلوه وراح ينسى زعيق المكاوو

والله أعلم

بالتوفيق

[رآبت]

حبه

استحمله

تكلم معه دايما

حسسه انك تحبه وكون معاه

راح يسكت ولا يصارخ

مسكين الحين يصارخ لانه روحه مافي حد وياه

كلمه كانك تكلم انسان ..

وان شاء الله صريخه بيخف

[مح ـمد]

علمه كلمات وجمل جديده

راح ينسى اللي قبله ان شاء الله

[muslim-s]

ياما حذرت من المكاو اللعين هذا

اخوي لازم تعزل طيرك اقل شي 6 شهور لين يعود الى رشده

لو بيدي راح اقتل اي مكاو اشوفه بطريقي

[anonymous81]

نصيحة لك أخي الكريم
أغلب مشاكل الصراخ مصدرها طفش الطير وعدم وجود وسيلة لانشغاله أو تسليته.
بعض الحلول الممكن تطبيقها:
- املأ القفص بألعاب متنوعة مثل الخشب القابل للكسر وبعض الألعاب المعلقة والتي تسمح للطير بالقفز والتأرجح
- بعض الألعاب يتم إخفاء الأكل فيها وذلك لتجبر الطير على البحث عن الأكل والعمل بجهد للحصول على الأكل.
- أهم نقطة هي إشغال الطير بالتدريب ، وبالتحديد التدريب على tricks أو بعض الحيل التي يقوم الطير بتنفيذها ومن ثم الحصول على رشوة ضغيرة treat كمكافأة على الطاعة

أخيراً ، من المهم جداً إجبار الطير على نظام يومي منتظم فيما يخص النوم ويحبذ تغطيته في الليل ووقت النوم حيث يساعدهم على النوم بهدوء.

حاول تجربة هذه النصائح وإن شاء الله تفيدك.

بالتوفيق

[ابوسهيل]

كلام سليم 100%100

الحل تحطه عند احد عنده كاسكو متكلم

او تجيب له طير تخليه جنبه يكون طير هادي وتغريده حلو مافيه ازعاج

وحرام عليك تفكر تبيعه بعد عشرت العمر خمس سنوات


الحين المفروض تفكر تدور له بنت الحلال زوجه لان عمره في ريعان الشباب
وصدقني شعور واحساس رهيب جدا لما تشوف عياله وتربيهم متعه لا توصف
تمنى لك التوفيق
فرضا حطه عند كاسكو اخر او زوجه ببنت الحلال وبدل مايهداء يصير الاخر مزعج ؟؟؟!!!! ضربتين بالراس توجع

[AVOCADO]

والله انا مثلك اعاني معاناه من الازعاج لدرجه فعلا فكرت ابيعهم
وجربت وشريت له انثى وصار يصارخ اكثر هو والانثى صارت مثله

والحين اذا جيت البيت وابي ارتاح من ازعاجهم اغطي الستاره واقفل الانوار عليهم ويهجدون

لاني حاطهم بغرفه لحالهم وبعيده شويه عن مكان جلستنا

واذكر واحد كان مثلي ويقول جرب طريقه وانفعت معه
الي هي : وقت نومهم يقرب لهم جهاز او مسجله فيها اصوات ببغاء تتكلم بدون صفير
يعني كلام بس
والببغاء طول الليل يسمع الاصوات
وبعدين صار بدل التصفير والازعاج صار يتكلم بس مع شوية صفير غير مزعج