طيري البلوفرونتد .. :( :( :(

[lord_oman]

:(

سلام عليكم و رحمة و بركاته .

مساء الخير اعضاء منتديات توزوو الكرام .

مشكلتي مع طيري البلوفرونتد الطير متكلم و نشيط لكن مشكلته الخوف مستحيل يقرب مني يخاف و اهو ما يعض و الحين صارله معي يمكن شهرين الحين عمره تقد تقول 10 اشهر او 11 ..ويتكلم لكن المشكله الخووف ..ياريت احد يفيدني لانه معي امل للحين يتعود علي و يتقرب مني .انتظظر الحلول منكمم ..


تحياتي

[عاشق فروخ الكاسكو]

اذا كان ياكل من يدك
ترى الاكل من اليد سبب لذهاب الخوف

[lord_oman]

يأكل من يدي عادي لكن مستحيل يخليني امسح ع جسمه او يتقرب مني ابدا ..

[شرارة]

لازم تكسر حاجز الخوف اولا وبعد كذا تتودد له بالاكل واللعب والملاطفه راح

بعد كذا يحبك ويثق فيك ويروح منه الخوف

لكسرالحاجز بينك وبينه يجب عليك حمل الطائر ووضعه في حضنك وانت جالس

وتقوم بمحاصرته ومسكه بطرية لا يتمكن من الهروب بعد كذا تستمر بالمسه والمسح عليه

تمسح على كامل جسمه بلطف وهدوء وتستمر وتحك راسه حتا يبدا بالاستمتاع والهدوء

تستمر لمدة ساعة على الاقل وبعد كذا تقوم بحمله وارجاعه في القفص او على الاستاند والافضل استاند
او تدع القفص مفتوح وتضعه فوق القفص لكي يحس بالامان والحريه

تكرر هاذا العمل يوميا ثلاث مرات متباعده

في البدايه راح يخاف بعد كم يوم راح يهدا ويقل الخوف

بعد فتره راح يعرف ان قربه منك مايشكل خطر وانك لم تأذيه وراح يستمتع بقربك
لانه يحب الملاطفه والمسح
فتره بسيطه وراح يولف ويروح منه الخوف

طبعا بعد ماتكرر التمرين لمدت اربع ايام ابدا باعطائه قليل من حرية التحرك وهو في حضنك
لحد ما يوصل مرحله تكون انت تاركه وهو جالس ومايبي يهرب

بعد مايتعود راح تلاحظ انه يقوم بترتيب ريشه وتصفيفه وهو في حضنك

وهذا دليل ارتياح

هذي طريقتي للقضاء على الخوف مع طيوري



اتمنى لك التوفيق



.

[lord_oman]

تسلم اخوووي تسلمم راح احاول معه و ان شاء الله تنجح الطريقة .

[mnoool]

انا صار لي سنه اعاني من نفس المشكله ،

عادي يجلس ع كتفي وااكله والعب معه اي شي بس مستحيل يخليني امسح ع جسمه او امسك ظهره مع اني ينزل راسه لي عشان احك راسه ويعطيني رجله اسويله مساج :) لكن ظهره علطول يهررب

[نهر الأمازون]

من ضمن العيوب المعروفة أو دعنا نقول الشائعة عند الأمازوني أن مزاجه نوعا ما متقلب, أعرف ذلك عن تجربة. الكاسكو سمح لي بمسح رأسه و جسمه من الشهر الثاني لوجوده في البيت, الأمازونيات عموما تأخذ وقت و لكن أرى أن طريقة أستاذنا شرارة جديرة بالتطبيق.
المهم أخي الكريم ان تنزع عنك حاجز الخوف, و استعد نفسيا لفرضية عضة أو عضتين, و لكن في النهاية بإذن الله يولف عليك

[lord_oman]

ياكثرر ما عضني لكن بصبرر لين يروح الخوف ..