مشكله ارجو المساعده

[IAmazonI]

السلام عليكم

صار لي تقريبا يومين من اشتريت البلوفرونتد ولاكن ملاحظ انه الطير تعبان
يعني يغمض عينه ويفتحها لاكن لو كنت معاه مايغمض ويفتح بس لو تركته بروحه مادري هو تعبان من قلت النوم او فيه شيء ثاني
يمكن مو مرتاح للمكان او للقفص وماقدر ينام؟؟
علمآ اني اول ماشريته وديته لبيطري وقالي مافيه شيء

[يـوســـف 2020]

اخوي شوف عندك عدة نقاط لازم تشيك عليها

1- الطير نافش ريشه وخامل ولا لا ؟

2- الفضلات الله يكرمك فيها سهال ولا لا ؟

3- المكان الي حاطه فيه عليه تيارات هواء بارده من المكيف ولا لا ؟

4- الشمس تضرب عليه مباشره ولا لا ؟

[IAmazonI]

1- الطير نافش ريشه وخامل ولا لا ؟ لا

2- الفضلات الله يكرمك فيها سهال ولا لا ؟ ممكن صوره عشان اعرف اذا فيه سهال ولا لا او وصف

3- المكان الي حاطه فيه عليه تيارات هواء بارده من المكيف ولا لا ؟لا بس حاطه في المطبخ بس محد يطبخ في المطبخ بس فيه الثلاجه وما اتوقع تأثر عليه

4- الشمس تضرب عليه مباشره ولا لا ؟ لا

وملاحظ انه تعبان يتنفس واهو فاتح حلقه و يحرك السانه المطبخ احس انه شوي حار يمكن من حرارة المطبخ؟

[يـوســـف 2020]

اتوفع من الحرارة الاجواء هاليومين حارة جدا والثلاجة راح تزيد حرارة المطبخ

انصحك تغير مكانه بس ما يكون فمكان فيه تيارات هواء باردة او اشعة شمس مباشره

[IAmazonI]

اخوي في مروحه في المطبخ عادي اشغلها تبرد المكان شوي