للخبراء فقط (الباقي لاتدشون لوسمحتوا) :d

[تفاحه حمرا]

السلام عليكم .

اخواني انا ناوية اربي ثعابين بس ماعرف اي نووع الانسب؟؟؟

انا كانت عندي الاصله.. ووماتت ماطولت عندي .. لانها مارضت تاكل وللأسف انا اهملتها ومااجبرتها تاكل غصب:(لاني ماكنت اعرف انه فيه طرق ممكن اجربها...

والحين محتاره شو اخذ؟؟

وعندي سؤال الافعى يوم تكبر ماتكون خطره وممكن تلتف في اي جسم؟؟

لاني خايفه من هالنقطة ...

ابي نصايحكـم :) وانا عندي طيور .. وقطاو وكلاب .. هل بتكون خطره على باقي الحيوانات ولالا؟

[Ghoroub]

السلام عليكم

بما إنك ربيتي أصلة قبل كده وواجهتي مشاكل مع تغذيتها فأكيد اللي كانت عندك أصلة ملكية

الثعبان عموما لو عندك حيوانات صغيرة وممكن يتغذى عليها أكيد بيكون خطر على الحيوانات وممكن يكون خطر عليك إنت لو ما خليتي بالك وغسلتي يدك تمام قبل لا تمسكي الثعبان ممكن يعضك ويلتف عليكي خصوصا لو حجمه كبير (عموما لو بتقضي وقت طويل مع حيوانات يتغذى الثعبان عليها يفضل تغيرين ثيابك أو حتى تاخذي دوش عشان تتأكدي إن ما فيك ريحة أكله)

أفضل نوع عن نفسي كل الثعابين غير السامة حلوة وتستاهل التربية بس أهم شي توفرين البيئة المناسبة اللي تفضلها الفصيلة اللي بتاخذين منها (الموضوع ممكن يكون معقد في البداية لين توزنين الحرارة والرطوبة بس من يوم تضبط معاك بتريحين بالك من هذا للموضوع للأبد يعني حتى الأصلات الملكية أم دم ثقيل واللي ما ترضى تاكل أو دايما متخبية يوم تضبطبن الحوض والجو بتلقيها صارت حبوبة - لكل قاعدة شواذ لا تنسين - )

شوفي وش أكبر حجم تقدرين تتعاملين معاه لا تنسي الثعابين تعيش فترات طويلة 25 سنة كمتوسط يعني ممكن تاخذيه 15 سم بس لو هو من فصيلة حجمها ضخم بعد أربع سنين بتلاقيه وصل لحجم كبير جدا - طبعا لا تنسين الثعبان محتاج ترعيه وتمسكيه كل فترة عشان لا ينساك ويخاف منك طبعا وهو صغير الموضوع سهل بس لما يصير 4 أو 5 متر أظن الموضوع بيكون متعب - لا تنسين أكله يعني إذا تعود ياكل كل 5 أيام وجبة تناسب حجمه وبتبدئين بفار أبيض لو وصلت أربع أو خمس متر وش بتأكلينها وكم راح تصرفين عليها - مجرد نصيحة ابعدي عن الثعابين العملاقة لأنها متعبة وخطرة

حاولي تربين كنج سنيك أو ميلك سنيك أحجامهم معقولة وما تميل للعض أبدا (إلا لو ريحتك شي ياكلوه الله يعينك) في منهم ألوان كثير ونقشات أكثر

حاولي قبل لا تشترين تتأكدي إنك بتقدرين تهتمي فيه وتوفريله بيئته.

على قولهم welcome to the club

تحياتي

[LiMiTeD]

والله اخوي Ghoroub ما قصر وياج بالرد واي استفسار احنا حاضرين

[هاوي ثعابين]

اسهل شي ممكن تربيه هو ثعبان العشب البرمائي لا يتعدى طوله 1,4متر و مستحيل يعض مهما كانت ريحتك و يتغذى على الاسماك مثل اسماك الزينه و لو كبر ممكن ياكل ضفادع.

يعيش في بيئه مقاربه للسلاحف يعني ماء و حجر يصعد عليه و يحتاج رطوبه في الحوض(اضاءه

قويه راح تفي بالغرض) ما عليك الا تتركيله سمكه حيه في الماء و هو يصيدها.

و بس و بس

[BlAcK CoBrA]

السلام عليكم .
اسلم انواع الثعابين واكثر هدوءا هي البول بايثن
وبالنسبة للأصله اللي ماتاكل تكون أغلبيتها غير مربات بالاسر
اما بالنسبة للتغذية يفضل اعطائها الصغار الفئران او السحالي صغيرة الحجم .
تحياتي

[تفاحه حمرا]

السلام عليكم

بما إنك ربيتي أصلة قبل كده وواجهتي مشاكل مع تغذيتها فأكيد اللي كانت عندك أصلة ملكية

الثعبان عموما لو عندك حيوانات صغيرة وممكن يتغذى عليها أكيد بيكون خطر على الحيوانات وممكن يكون خطر عليك إنت لو ما خليتي بالك وغسلتي يدك تمام قبل لا تمسكي الثعبان ممكن يعضك ويلتف عليكي خصوصا لو حجمه كبير (عموما لو بتقضي وقت طويل مع حيوانات يتغذى الثعبان عليها يفضل تغيرين ثيابك أو حتى تاخذي دوش عشان تتأكدي إن ما فيك ريحة أكله)

أفضل نوع عن نفسي كل الثعابين غير السامة حلوة وتستاهل التربية بس أهم شي توفرين البيئة المناسبة اللي تفضلها الفصيلة اللي بتاخذين منها (الموضوع ممكن يكون معقد في البداية لين توزنين الحرارة والرطوبة بس من يوم تضبط معاك بتريحين بالك من هذا للموضوع للأبد يعني حتى الأصلات الملكية أم دم ثقيل واللي ما ترضى تاكل أو دايما متخبية يوم تضبطبن الحوض والجو بتلقيها صارت حبوبة - لكل قاعدة شواذ لا تنسين - )

شوفي وش أكبر حجم تقدرين تتعاملين معاه لا تنسي الثعابين تعيش فترات طويلة 25 سنة كمتوسط يعني ممكن تاخذيه 15 سم بس لو هو من فصيلة حجمها ضخم بعد أربع سنين بتلاقيه وصل لحجم كبير جدا - طبعا لا تنسين الثعبان محتاج ترعيه وتمسكيه كل فترة عشان لا ينساك ويخاف منك طبعا وهو صغير الموضوع سهل بس لما يصير 4 أو 5 متر أظن الموضوع بيكون متعب - لا تنسين أكله يعني إذا تعود ياكل كل 5 أيام وجبة تناسب حجمه وبتبدئين بفار أبيض لو وصلت أربع أو خمس متر وش بتأكلينها وكم راح تصرفين عليها - مجرد نصيحة ابعدي عن الثعابين العملاقة لأنها متعبة وخطرة

حاولي تربين كنج سنيك أو ميلك سنيك أحجامهم معقولة وما تميل للعض أبدا (إلا لو ريحتك شي ياكلوه الله يعينك) في منهم ألوان كثير ونقشات أكثر

حاولي قبل لا تشترين تتأكدي إنك بتقدرين تهتمي فيه وتوفريله بيئته.

على قولهم welcome to the club

تحياتي


والله اخوي ماقصرت بردك الشامل .. لكن صراحه حيرتني اكثر يعني حتى الاصله ممكن تعضني:eek:الله لايقولها .. ..امم انا ناويه طبعا اخذ وحده صغيره بالسن مابي وحدة كبيره لاني بخاف منها :(.. وبنسبة للمكان لاتحاتي ;) .. امممم الكنج سنيك ماتعجبني لانها صغيره وضعيفه :D ...وتسلملي ع المعلومات القيمة الي كتبتها فردك .. وان شاء الله بنستفيد منكم ;)welcome to me to club





limited

تسلم اخوي وكلكم ماتقصرووون ..^_^ وعلى فكرة حلو توقيعك



هاوي ثعابين

اخوي انا مابى اربي ثعبان برمائي :pلانه بظطر اعطيه ياكل السمك الي اربيه :eek: وصعب اني اهيئ له مكاان نص بر ونص بحر :pامي بتطردني من البيت



BlAcK CoBrA

هذا الي افكر فيه انا.. البايثن والاصله .. الاصله الي كانت عندي كانت تاكل فيران بيضى ..


وتسلمون جميعا ً على الردود .. الصراحه ماتوقعت حد بيرد علي :)
واذا عندكم اي اقتراحات واضافات لاتترددون ^_^

[الخيّال]

اختي تفاحة ممكن تربين الكنج سنيك وهو متوفر في الامارات وايضا اليف جدا مع الانسان ويعد في المراكز الاولى من بين الثعابين من نا حية الالفة مع الانسان و يكون طولة من 70 سم الى المتر يعتبر حجمة ممتاز .

او اصلة ملكية وممكن تشترطين على البائع انها تكون تاكل وهي في العادة اليفة جدا

[تفاحه حمرا]

والله ماادري..انا الكنج السنيك مو داخله مخي... بس راح اشوفها ان شاء الله..اخوي لوتعرف اماكن فدبي ولاابوظبي متخصصه لهالمور ياليت تخبرني وين

[بو عبد الملك]

مشكورين على الموضوع الحلو

[Ghoroub]

العفو أختي :)

بخصوص الكنج في أنواع توصل للمترين وبسماكة حوالي 2 إنش يعني حجم مناسب لا كبير ولا صغير

الكنج يتغذى على الثعابين الثانية حتى السامة منها مثل الراتل سنيك يعني ملك ملك مو أي كلام

تربيته سهلة ومناعته قوية للإلتهابات الرئوية اللي غالبا تموت الأصلات بسببها

ما يحتاج عناية خاصة

عن نفسي أفضل تبدئين بيه وبعد فترة إذا عجبك الموضوع خذيلك أصلة

تحياتي