ثعبان ف البيت...

[متااوي]

السلام عليكم ورحمة الله وبركاته

أتفاجأت اليوم ..شفت ثعبان ولادودة فالبيت ما أعرف ....واستغربت وااايد وخفت ع الأهل ...

كان ضعيف و لونه أسود وطوله تقريبا 15 سم وسريع يزحف بسرعه(زحفه مثل الثعبان ) وبعدين ذبحناه .....

ومرة الشغالة شافت نفسه بس أطول بشوي

مع العلم انه نحن عندنا زرع في البيت....

فطمنوني ...ما أعرف شو ها ...

واذا طلع مرة ثانيه ...كيف أقضي عليه .. أرش البيت...ولا شو ......؟؟؟؟؟؟؟

[كوبرا القصيم]

وعليكم السلام ورحمة الله وبركاته

الحمد لله على السلامة

أخوي لو فيه صوره للثعبان اللي تقول علشان الأخوان المتخصصين يساعدونك ويعلمونك نوعه وهل هو سام أو لا وان شاء ما هم مقصرين معك

[هاوي ثعابين]

اخوي حاول تعطينا صور علشان نقدر نفيدك لو كان فعلا ثعبان

[الهلال وو20ووبس]

انا اقول ثعبان بس لو تطينا الصور اقدر اقول سام ولا لا

[متااوي]

مشكورين اخواني على الردود
بس الثعبان ذبحته للاسف نسيت اصوره

[هاوي ثعابين]

لو شفت واحد ثاني صوره

[متااوي]

ان شاء الله بصوره اذا شفته
بس انا سمعت ان الثعابين السوده من اخطر الثعابين هل الكلام صح ولا

[LiMiTeD]

مو شرط اللون الاسود يعني سام

[hellboy]

ان كنت تقصد الصل الاسود فهو ســــــــــــام .. انتببببببببببببببه.

[متااوي]

تسلمون اخواني على مرورك وربي يعطيك الف عافيه
بس ممكن صورت صغار الصل الاسود لاني شاك انه هو

[hellboy]

هذا الصل الاسـود..زي كذا شكلة:

http://www.moq3.com/img/uploads/9L525160.jpg (http://www.moq3.com/img/)

[متااوي]

تسلم اخوي تعبتك معاي
نفسه تقريبا بس صغير
انا دورت في البيت بس ماحصلت شي
افكر اني ارش البيت بمبيد حشري من البلديه هل هذا كافي ان يقضي عليه
واذا في طريقه ثانيه ممكن تخبرني وكون شاكر لك

[hellboy]

متااوي حاول انك تسد الفتحات بالمعجون او الصمغ بعد رشها بالمبيدات القوية..
ترى الصل خطير وسمه من السموم الخطيرة التي ثوثر على الجهاز العصبي ويسبب شلل ووفاة والمشكلة انه يقضي معظم اوقاتة في الجحور ووهو من الافاعي التي تهاجم الانسان اذا احست بالخطـــــــــــــــــــــــر..

[متااوي]

تسلم اخوي واسف تعبتك معاي
ومشكور وماقصرت وان اشاء الله برش البيت وبسد كل الفتحات
وان شاء الله خير والظاهر ان الثعبان خطير
الله يستر
وتسلم يالغالي